Ke Aloha Aina, Volume III, Number 23, 5 June 1897 — Page 7

KE ALOHA AINA

POAONO, IUNE 5, 1897.

 

KA LA KALISIMAKA HANAU O KA HAKU.

(Hoomauia.)

            A e hoonee aku kakaou imua i kahi o ka piha ana, ma ka aoao 400 i olelo mua ia Buke a Nepa, ua hiki mai ka piha ana o na makahiki 600, a e hoomake ana na la mua o ka makahiki 601 oia hoi ka makahiki kanaiwakumamalua o ke au o na Lunakanawai.

            Aia no he hoopaapaa ikaika loa mawaena o ka poe hoomaloka a me ka haipule, no ke ko ole o na mea i wanana ia, oiai, aole no i hoike maopopo ia mai ka la o kona hiki ana mai, hala ae la ka la mua a me ka la elua a me ka la ekolu paha, ikaika loa iho la keia hoopaapaa ana, a ua koho lakou, i kekahi la kokoke loa, e luku ia ai ka poe manaoio, a o ka la a lakou i koho ai no ka luku ana, ua pololei pono ia i ka la o ka hanau ana, no ka mea, ua pili ka hanu o na haipule no keia la o ka luku.

            Ka Mokuna 1 o Nepai, aoao 400, Pauku 3.  Ano, eia kekahi; ua hookaawale ia ae la kekahi la e ka poe hoomaloka, i luku ia ai ka poe manaoio ke hiki ole mai ka hoailona i olelo ia mai ai e Samuela ke Kaula.

            Eia kekahi ia Nepai i ike ai i keia hewa o kona poe kanaka, ua kaumaha loa kona naau, a eia kekahi, hele aku la ia mawaho, a kulou iho la ilalo o ka lepo, a kahea ikaika aku la i kona Akua no kona poe kanaka, he oiaio, ua kokoke loa e luku ia ua poe la no ko lakou manaoio i na moolelo a ko lakou poe kupuna.

            A eia kekahi, he ikaika aku la ia i ka Haku a pau loa ae la ka la, aia hoi, ua pa-e mai la ka leo o ka Haku i ona la i ka i ana:  E hoikeike ae oe i kou poo, a e hoolana maikai i kou naau, no ka mea, ua kokoke mai ka manawa, a ma keia po, e haawi ia aku ka hoailona a ma ka ia apopo “e komo ana Owau iloko o ke ao nei,” e hooko aku no au i na mea a pau a u i kauoha aku ai, i olelo ia aku e na waha o ko’u poe kaula hemolele, aia hoi, ke hele mai nei au i ko’u poe poino, e hooko ina mea a pau a’u i hoike aku ai i na keiki a kanaka, mai ka hookumu ia ana mai o ke ao nei, ua kokoke mai ka manawa, a i keia po e haawi ia aku ka hoailona.

            Pauku 4.  A eia kekahi, ua ko iho la na olelo i hiki mai ai ia Nepai, me ia i olelo ia mai ai:  No ka mea, ma ka napoo ana o ka la, aole he poeleele, a hoomaka ae la na kanaka e pihoihoi nui loa, no ka mea, aole he poeleele i ka wa e hiki mai ai ka po, a he nui loa ka poe i manaoio ole ai mamua i na olelo a ke kaula, i hina i ka honua, me he mea la ua make, no ka mea, ua ike iho la lakou, ua hoolilo ia ka manao kuka o ka luku a lakou i hooholo ai mo ka poe i manaoio ma ka olelo a na kaula, i mea ole, no ka mea, ua hiki io mai no na oili i hai ia mai ai, a hoomaka lakou e hoomaopopo, e ike koke ia ke Keiki a ke Akua e pono ai.

            He oiaio, o ka poe kanaka a pau loa maluna o ka ili o ka aina a puni, mai ke komohana a i ka hikina, ma ka aina akau, a ma ka aina hema, no ka pihoihoi nui loa, hina iho la lakou i ka honua, no ka mea, ua ike lakou ua hoke mai ka poe kaula no ua mau mea nei, no na makahiki he nui wale, a ua hiki mai ano, na ouli i hai e ia mai ai mamua.

            Pauku 5.  A eia kekahi, aole he poeleele ma ia manawa o ka po a pau, aka, ua malamalama ia me he mea la, iwaenakonu o ka la, a eia kekahi, puka hou mai la ka la ia kakahiaka ae elike me kona ano pololei, a ike iho la lakou o ka la no ia o ka Haku e hanau ia ai, no na ouli i hai e ia mai ai, a ua hiki io mai la no ia, he oiaio na mea a pau, kela mea keia mea elike me na olelo a ka poe kaula, a eia kekahi, ike ia aku la kekahi Hoku hou nani loa ma ke aouli o ka lani e like me ka mea i olelo ia.

            Aole i pau.

 

KA HUA A KA LAPUWALE.

            Wahi a ke Kahunapule Mikanele poohina i aahu iaia iho me ka aahu hulu Hipa, a ma kona naau awahia o ka moonihoawa, i hoopuka ae ai imua o kekahi mau keonimana, i keia mau la iho nei, wahi ana:

            Mikanele:--Pau ka pohihihi ea?

            Keonimana:--Pohihi i ke aha?

            Mikanele:--I ka hana a ka Moiwahine ma Amerika.

            Keonimana:--Ae.

            Mikanele:--Heaha kana hana?

            Keonimana:--E hooikaika ana i Kona pono a me ka lahui.

            Mikanele:--He nui Kona lilo e noho mai la, nawai la Kana dala?

            Keonimana:--Nana no Kana dala.

            Mikanele:--Aole, ua maopopo loa ia’u mamua o Kona Kolo ana, ua hoahu mua ia ke dala e ka Hui Sugar trust, ua maopopo loa ia mea ia’u.

            Keonimana:--Pela paha, aole au i maopopo.

            Mikanele:--Ae, nui loa ka lilo.

            Ko makou manao iho; Kupaianaha ko Mikanele Bihopa helu ana i ka nui o ka lilo o ka Moiwahine, ka mea aohe ona wahi kani olaila, a o na hoonui lilo a ke Aupuni o ua o Bihopa waha lepo nei i na ‘lii, aohe helu ae, poho kuu mau wahi dala auhau e uku ia nei no na Komisina uhaai e hoouna ia nei i Amerika a me Iapana, e ke poohina, heaha kou kuleana o ka nana ana i ko ke Alii lilo, mamua ke o kou nana iho i na hana ponoi imua o kou alo a o ko Aupuni i pakaha ai me ka lima nui, oia nae paha, o na dala ponoi a ka lehulehu au e lu nei i ka makani, aole oe e helu iho ia mea, aia a no hai, alaila, pula ko maka, noke i ke @uai.

            Ua olelo hou ae ua Bihopa nei, na ka Hui Sugar trust ke dala a ka Moiwahine, ke aa nei makou ia Bihopa e ku ae i ke akea e hooiaio ai i ka olelo a kona waha, a makou e olelo nei, na ka waiwai a me ke kuonoono o ke Alii nuna i hoolako i Kona noho ana ma Amerika, me ka makaukau e mai loa aku i na hoino elele loa a Bihopa a me kona poai, i uhi iho ai maluna o ke Alu a me Kona lahui.

            Nolaila, i mea e pau ai kou pohihihi e Bihopa, kela Mikanele elemakuie poohina, ke hai aku nei Ke Aloha Aina ia oe.  O ka hana a ke Alii e noho mai la i Amerika, oia no Kona hoike ana i ka oiaio, he Alii naauao Oia a me Kona lahui, aole hoi e like me na olelo hoopunipuni i hapala ia aku ai i na poe o Amerika, he hupo a pela aku, a i keia wa, ua ike lea ia ka hoopunipuni eleele loa o na poe i @oino i ke Alii a me ka lahui, a Ke Aloha Aina e ike nei, ina a hiki aku ana o Bihopa in Amerika, aohe ona mau hoaloha, ua hana i ka hana ino.

            Nolaila, e mihi e ka elemakule, oiai ua kokoke mai ke Aupuni o ka Lani, oi hiki ole mai na la ino, au e olelo iho ai, aole o’u oluolu iki no keia mau mea.

 

NANI NA PAE PUU E AU NEI I

KE KAI, NANI HOI KOU

MAU PONO PILI PAA E

AU MAI LA I KA MOANA.

            Ke hii ia mai la Oia e na lima aloha o ke Akua mana, a ma Kona ala huli hoi i ka home, ke kilikilihune iho la na huna kai o ka Pakipika ma Kona mau papalina aloha, na ale kuaolola o ka moana he mau hoa hele ia no ka Lani, a na kualau o ka moana e kike olelo ala me ka Onohi a ka lahui, hauoli, olioli na makaainana o ke kai, a na ale kuakea o ka moana @ hosana Haleluia nei, ku ka punohu k@ onohi o na kai, ke anuenue e poaialua nei i ka Paialani.  He mau ukali, a he kahiko ia no ka Lani.

            Ke hoakaaka mai nei na Lani i ka nani o ke Akua, ke hoike mai nei ke aouli i ka hana io, ke hai mai hei kela la keia la i ka olelo, ke ao mai nei kela po i keia po i ka ike.  He oiaio, na ka la e hoike mai i ka olelo, a na ka po hoi e hoike mai ia oe i ka ike e ola ai oe.

            Ina aku a hoea mai he lawalu i-a nau e halale ai ke kai, a he umeke poi uooo nau e kokohi ai ka puu o ka poe i aloha io i ko lakou aina hanau he mau anana helu wale no koe, ma ka inoa wale iho no nae o Iesu Karisto ka Haku.  Amene.

            SAM’L K. KAMAKAIA.

- - - - -

            E holo mai ana ka mokukaua Amerika Concord no Honolulu nei.

            He mau heihei waapa kekahi e malamaia ana ma ka la iu@ile o ka Moiwahine Vitoria.

            Maluna o ka mokuahi Peru e ku mai ai i ka la 15 o keia mahina, e hoea mai ai ke Kuhina Buck i Honolulu nei.

            Ma ka po o ka la 12 o keia mahina e malamaia ana he ahamele ma ke kahua kula o na keikikane o Kamehameha.

            Ua hookohu ia o Mrs. E. A. Nawahi i Lunahooponopono Waiwai no kana kane i make, Mr. J. Nawahi, ma ka Poakahi nei.

            E holo aku ana ke Komisina Pelekane Hawes no kekahi mau apana o Maui me Hawaii, iloko ae nei o ka malama o Iulai.

            Ma ka mokuahi Mauna Loa mai nei, i loheia mai ai aia no ke punohu la ka uwahi o ke ahi a ka luahine Pele ma ka lua o Kilauea.

            Ua makemakeia na Luna Lawe Pepa o Ke Aloha Aina, he mau helu o ka mahina o Novemaba a me Dekemaba 1895 e paa ia nei e lakou e oluolu e hoihoi hou mai i ke Keena nei, no ka mea, ua nele ke Keena me ia mau helu.

            Ma ka huli hoi ana mai a ka huakai a ka Papa Ola mai Molokai mai, ua lawe pu ia mai he elua mau keiki bebe o elua makahiki, a he mau pilikana hoi no kekahi poe maanei, a ua ae ia aku e ka Papa Ola e lawe ka ohana na lakou e malama.

- - - - -

HE MOOLELO HOONANAEA.

--:NO:--

ALANADELA.

Ka Wahine Hoopahaohao

o ka Aahu Keokeo.

--A I OLE—

Ka Loea Hookani Hapa o ke Kuluaumoe.

            I ka lohe ana aku o na wahine i keia mau olelo uahoa a ke kapena, ua hooi ia ae la ko laua ehaeha, a hanini iho la ko laua mau waimaka me ka hoomanao ae no ko laua haku wahine i nalowale honua aku, a i hooi ia hoi, i ka ike ana iho e hele aku ana laua me ka maopopo ole o ko laua wahi e hoaumoe iho ai ia po.

            Nolaila, me na waimaka e kiheahea ana maluna o ko laua mau papalina lalau iho la laua i ko laua mau wahi opeope, a mahope o ko laua nana hope ana aku i ke kapena me ka haawi pu ana aku i ke aloha nona, ua haalele iho la laua i ke kapena puuwai uahoa, a kamoe aku la ka laua huakai no kahi i maopopo ole iuka o ka aina, iloko o na sekona pokole wale no, nalo aku la laua iloko o ka panopano eleele o ka pouli.

            I ka hala ana aku o na wahine, ua iho koke aku la oia no lalo o ka moku no kahi hoi a ka kaua Lusia e waiho ana iloko o ka ehaeha, i kona hiki ana aku ma kahi o ke keena, wehe aku la oia i ka puka a me kekahi ipukukui helepo e paa ana ma kona lima, hoomalamamalama aku la oia ia loko o ua keena la.

            Aole oia i hookaulau iho malaila, aka ua hele pololei aku la oia no kahi a ka holowaa e waiho ana, a oia no hoi kona wa i halawai mai ai ka lena ike a kona mau maka, me ka ui Lusia ka mea hoi nana i hoohehena iaia e waiho kahela ae ana imua ona.  Pii pa umi ae la ka li’a makemake iloko ona no ka wahine opio, hala ae la he mau minute o kona kilohi, ua loheia aku la kona puana ana ae i keia mua huaolelo penei:

            E ka ui o na ui, ua makaukau anei oe e pane mai i ka’u ninaninau?  ua ae anei oe e lilo i wahine na’u?  E ae mai ano, a e hooluolu ia no auanei nei puuwai i hookupouliia e ke aloha nou.

            Makili ae la na lihilihi maka o Lusia a nana ae la me na maka powehiwehi i ke kapena, a i kona ike ana ae o ke ka pena puuwai loko no no keia, upoi hou iho la kona mau maka, a liuliu iki lulilui ae la oia me he mea la, e hoike okoa, mai ana, aole o oe ko’u hoa e kohu ai.

            A ike hou ae la ke kapena moku i keia hoole hou ana mai o ka wahine opio iaia, pu ae la kona inaina nona a me na lima kakauha lalau aku ia eia ia Lusia, a huki ino ae ia iaia no waho o ka holowaa, aole no nae i na iho kona inaina, noiaila, ua kauaiako hele ae la oia iaia maloko o ke keena a hiki i ka wa hoi ana i ike iho ai ua nawaliwali ka wahine opio, akahi no a ano akakuu iki mai kona huhu.

            Hookuu iho la oia iaia, a oia no kona wa i ike aku ai e hilihili ana na kulu koko maluna o ka papahele mai na palapu i loaa aku ia Lusia, aka, ua lilo nae i@ i mea ole wale no i ke kanaka puuwai eleele.

            Puhi ae la oia i kana ulili kahea, ae holo aku la ke kani kapalili no kahi a ka malama moku e hooluana ana maluna o ka oneki, a ia wa me ka hakalia ole ku ae la oia a holo aku la no kahi a ka leo o ka ulili i kani kapalili mai ai.

            A he manawa ole, aia ole ke ku la imua o ke kapena me kona hanu i hele a nae iki, a me ka leo paupauaho, pane mai la oia penei:

            He manao anei ko ke kapena ia’u i puhi ae nei i kana ulili kahea?

            Ae, wahi a ke kapena, a pehea, ua pau aku nei anei na luina o ka moku i ka lele iuka o ka aina?

            Ae, ua pau loa aku lakou i ka lele iuka o ka aina, aole he wahi mea i koe iluna nei o ka moku, aka, o oe, owau a me ka ui e waiho mai la iluna o ka papahele wale no koe.

            Ua pono, wahi hou a ke kapena i pane mai ai, he hookahi wale no a’u mea i kahea aku nei, oia hoi keia, ua makemake ae e hookaawale mua ia keia wahine opio i keia po, mamua o ka weheia ana o ka puka ukana i ka la apopo.

            E huna anei kaua iaia maloko nei o ke kulanakauhale nei o Ladana, a i ole ma kekahi wahi okoa aku anei?

            Aole he nalowale ke huna ia iloko o ke kulanakauhale nei, a he hookahi wale no a’u wahi e manao nei e lawe aku oia na apana kuaaina ma ka akau aku o Ladana.

            Ua maikai, wahi a ka malama moku i hooho ae ai, a i keia wa koke no kaua e hana ai ia apana hana.

            Ia wa a laua e kamakamailio nei, ua kani mai la ka uwali o ke towera kiekie loa o Ladana, e hoike mai ana hoi, o ka hora 9 ia o ka po, a ia wa i kau oho koke mai ai ke kapena i ka malama moku no ke kii ana aku i kaa, a lawe mai hoi me ka hakalia ole no kai o’ka uwapo, i ka pau aha o ko laua kamailio ana, kunou haahaa mai la oia, a nalo aku la.

            I ka @alo ana aku o ka malama moku, huli hou ai la oia a nana aku la i ka wahine opio, a ia wa i komo mai ai na kuko lapuwale iloko o ke kapena, lele aku la ke kapena maluna o ka wahine opio a puili ae la me ka hoao ana aku e muki aku i ka ihu o Lusia, aka, aole nae i hoekoia kona makemake ma muli o ke Lusia huli ana iho o kona alo i lale.

            Na keia hoohoka hou ia ana o ke kapena i hooulu hou mai i ke inaina iloko ona, ku ae la oia iluna a hoopuka ae la hoi i na olelo hailiili no ka wahine opio, a i ka hope loa o kana kamailio ana, hapai hou ae la kona kapuai wawae me ka menemene ole, a haawi aku la i kekahi peku mahanahana ma kona iwi aoao.

            Ua noi aku ka Hope Makai Nui o Lahaina i ka Aha Kaapuni no ke oki ana aku i kana wahine ma@e.

- - - - -

OLELO HOOLAHA.

            E ike auanei na kanaka a pau ina keia, onau o ka @o@ n@a ka inoa malalo iho nei, mea @ o ko’u pua ana, malama ana, hoomaka ana a noho hiki ana @o’u no ko makahiki a oi@ @ i a @na @ ka Palapala Si@a Nui.  H@ R@ i keia ma ka @ o @ o waiho nei me Kalapana, Pa@ Hawaii, Ke Hawaii Pa@.

            Ke hoole loa aku nei ae i ke ke@ ole o kekahi mea a mau mea paha ma ia aina.  A ke papa a hoo@pe he aku nei au i na @ a pau, aole e h@ a hona wale ma ua aina ka wa hoi @ ole aku.

            O@ Oleleo Hooholo a ka Aha Kiekie @ @ @ @ ma ka a na ko’e kekoa p@.

            Ma’e no me ha oiaia.

            J. K. KAWAIWAI.