Ke Aloha Aina, Volume III, Number 23, 5 June 1897 — Page 6

KE ALOHA AINA, POAONO, JUNE 5, 189@.

 

(Hoomau ia mai ka aoao I mai)

--------------------------------------

            Kipa ma ka home hooluana a ka malihini, nana a makaikai aku la ia wahi he naai no.

            Haalele ia wahi no Beritania Holo he wahi hoohala manawa keia no na mai,e@@@ me ka Y. M. C. A. o Honolulu nei, he mau buke heluhelu, he wahi pahupahu, a pela aku, a he wahi no hoi kekahi i hookaawale ia no na wa aha mele a pela aku.

            A mamuli o na olelo a ka mea nana e malama la ua hale la, ua kono mai oia ia kakou a pau, i na he mau buke kaawale, a he mau nupepa paha, e hoouna aku no ka waihona heluhelu buke o ua home la, pela hoi me na nupepa kahiko.  Nolaila, e oluolu e na makamaka, e hoouna aku ilaila.

            Haalele ia wahi no kahi e lapaau ia ai na mai a Kauka Goto, he 2 hale keia, he okoa ka hale e baila ia ai o ka laau, a maloko o na paipu e lawe ia ai o ka wai laau i mo'a, a komo iloko o na tabu wai auau he 6 ka nui.

            Maloko o kekahi hale he 2 rumi, aia malaila kahi i ku ai o keia mau tabu 6, he 3 tabu o ka rumi hookahi, eia ma ka aoao ma Ewa nei kahi o kekahi mau tabu 3 i ku ai, o kahi ia e auau ai o ka poe ikaika loa o ka ma'i.

            Ua hana ia ka ikaika o ka wela o ka wai a hiki i ka 125 degere, he weia e pau holookoa ai ke kino i ka palahe, a o ke kumu wale no paha i pakele ai, mamua no ia o ka hoohuiia ana me ka wai laau.

            No ka poe ma'i loa keia mau tabu, a ua hoohuiia hoi ke kukaepele me ika wai laau maloko o kekahi tabu, a no ka poe mai ino loa ia, a i ko lakou wa e komo ai iloko, aohe o lakou ike ia mea he wela pela e hanaia ai, a hiki i ko lakou ike ana i ka wela, alaila, nee aku oia he tabu okoa, a pela e hana ai a hiki i ke tabu o na poe lahilahi loa o ka ma'i.  Ua hookaawale pu ia no hoi na la e auau ai o na kane, a pela me na wahine.

            O ka poe ma'i malani mai, ma kekahi rumi okoa lakou e auau ai, a pela no hoi ka poe uuku loa o ka ma'i, ua hana @@@ lakou wai laau a hiki i ke 75 degere ka haahaa loa.  He pomaikai nui keia i loaa i na ma'i ke malama pono i ke kino, a he poino no hoi ke malama ole.

            Hookahi no ano laau ma keia Panalaau o ka Ehaeha, aohe he mea mawaho ae o keia, e hiki ai hoi ke lapaau ia, nalaila, o ka hoonoho ia ana o kekahi Kauka ma ia wahi, me ka hana ole, he ai loaa ia na ke aupuni, i oi aku mamua o ka Peresidena o ka Repubalika Hawaii, ka mea hoi a'u e olelo nei, he hoopau dala o ke aupuni, a he hookamaha i ka lehulehu.

            Haalele ia wahi no ka Y. M. C. A.  he hale loihi keia, a he wahe hoonanea hoi no na poe ma'i e heluhelu buke ai.

            He ekolu ano hoomana ma keia  wahi, a he like no hoi ko lakou ikaika, oia hoi ke Katolika, ka M@@@@ na a me ke Ka@@ina.

            He pale hookolokolo na ma keia wahi, a ua kipa aku au a ike i ke ano o na hana malaila, ame ka hale paahao pu no hoi.

            O ka nui o na poe ma'i o ke kahua ma'i lepera he 1110, mawaho ae o lakou mawaena o 300 a me 400 poe kokua e noho ana malaila me ka lakou poe ma'i

            He maikai ka malama ana a ka Papa Ola ma na mea ai, ka aahu a pela aku, a o ka mea wale no i koe, oia na laau lapaau e ae, e hiki ai ke lapaau ia a ola loa.  He aina piha lealea, aka, ua lilo nae ia i mea ole i kekahi poe, oiai, lakou e hoomanao ana i na mea aloha a lakou i haalele iho ai mahope, a no ia kumu, ua lilo ka nihinihi o na pali kiekie i mea ole ia lakou, e mahuka ana no ke aloha i ka ohana.

            O kekahi hemahema nui o ka Papa Ola, oia ka onou wale ana aku no i na ma'o ma kahi kupono ole ia lakou ke aoho, oia hoi, ua noho huikau ke ano o ka noho ana, a ua ulu mai hoi he mau hana e hoohaunaele ai i ka noho maikai ana o kekahi poe.

            O ka poe no lakou no ko lakou mau hale ponoi, aohe o lakou pilikia, no ka mea, aole hiki i ka Papa Ola ke hookomo wale aku no i na ma'i ma ia mau wahi.  O ka pilikia nui keia o na ma i e hoouna ia nei i Molokai, a ua oi loa aku ka pono i ka Papa Ola e hoomahuahua hou aku mau hale hou, i ole ai e hoopilikia ia keia poe.

            Haalele i keia wahi mamuli o ke kono a John Unea no kona hale ponoi, kahi hoi a kou mea kakau i nuu iho ai i na koni kelakela a ka Puukolu, ua ai a lihaliha i na mea ai i hoomakaukau ia e ka lokomaikai oia keiki kupa o ka Ua Kanilehua, a nona hoi ko'u hoomaikai pelena ole.

            A malaila au i hoohala iho ai i ko'u mau minute hope loa e nana aku ana i na helehelna aloha o ko'u papa e kau ana mamua o'u a nalo aku me he akaku ia.  He mau minite ia o ka naluea a me ka ehaeha o ka manao, oiai, e panee mau ae ana na sekona o ka manawa imua no ke kali ana aku o ke kani mai o ke oeoe o ka Iwalani.

            Hora 4 ponoi kani ana ke oeoe mua, a oia no ka wa a naua i puili hope ae ai me na waimaka o ke aloha makua oiaio mai ko'u mau papalina aku ka mea hiki ole ia'u ke pale ae ia mea.

            Lulu lima hope ae la me ka ohana hookama o ka makua a me na makamaka o ka aina malihini, a kau mai la maluna o ka waapa no ka oneki o ka Iwalani, a ma ka hora 5:30 i haalele aku ai i ke awa o Kalaupapa no Honolulu nei, a ma ka hora 12 ponoi o k@po i pili mai ai i ka uwapo, a huli hoi aku la no ka home.

NA LIMAHANA KEOKEO.

-----------

            Ua nana iho makou maloko o na nupepa haole o keia keianakauhale, a o ka oi loa aku paha iwaena oia puulu oia no ka nupapa puka alaula ka Avalataisi, ma kekahi mau hoakaka manao ana ona mamua aku nei, ua lawe nui mai oia no na mea e  pili ana i ka oi loa aku o ka pono o kai ia ana o ha limahana keokeo mai Amerika Huipuia mai, a me na wahi e ae o Amerika Akau a me Amerika Hema.

            Ua hoike ae ua nupepa la ua loaa mai nei ia E. D. Tenney, kekahi hoa o ka Hui o Kakela Ma, he leta mai ia Komisina Fitzgerald mai, o hele la e hooikaika hoie i mau limahana no na mahiko o Hawaii, a ua olelo ae oia "ma na wahi a pau o Kaleponi, aia lakou ke huliama@i la ko lakou mau ino nao no ka holo mai i Hawaii nei."

            Ua hoike hou ae no hoi oia, aia he lehulehu wale o na leta i loaa mai iaia, e hoike mai ana i ko lakou makemake loa e holo mai a hookahua iho maluna o ka lepo o Hawaii, ka aina hoi nona ka momona i omo ia e na malihini mai na aina e mai, a ke pinai mau la ka na noi imua o kona alo, a maloko o kekahi mau leta o ua poe o lakou i no hana a lakou i lawelawe poinoi ai me ko lakou mau lima, oia hoi, (he kanu uala kahiki ka kekahi, he kanu maia ka kekahi,) he okioki wahie ka kekahi, he kanu laau, he lapaau, a pela aku.

            A ke pau pono mai keia mau limahana a ke Komisina Fitzgerald i ka hiki i Hawaii nei, aohe nao kula o Kanoinoi ia lakou nei, pau mai ka uka a ke kai i keia poe i ka hana ia he hana iho ka hana a na lahui Iapana a me ka Pake ia lakou nei.

            Mamuli o ko makou hakilo pono ana i ke kahua nui o keia kanaka malihini e lawelawe la mao, ua hiki no ke ike moakaka maoli ia aku kona mau helehelena maka, a me kana mau hana hoohoihoi makuahonowai, ma ke ano, he mea hoounauna ia o kekahi poe, i wahi e holo ai na hana hoohui aina me Amerika Huipuia ma keia mua aku.

            Oia hoi, o ke kii ia ana aku o na poe Amerika o Kaleponi ae nei, he poe lakou ua kokoke iki mai ia Hawaii nei, a he hui a launa pu ko laila poe me kakou, a ke mahuahua ko lakou heluna elike ka nui me na Iapana 2 me na Pake, alaila, o ka wa koke no ia o keia poe e onioni ai ko lakou mau aa, a hoomaka koke no e kukahalake, a o ka hope aku, oia no ka pulumi ia ana o ka poe e noho mana ana maluna o ke aupuni, a lilo i mea ole.

            E pane ia mai ana paha makou no ia mea, ae, ua hiki no ke pane mai, a o ke kahua mae o ka oiaio, aia no ia ma ko makou aoao kahi i ku mau ai i na wa a pau, a makou hoi e olelo nei, he hana hoopau koalaala wale no ia a kela Komisina e hana la mao, hookahi a ia la nana, o ko ia la uku, mai kahi aupuni Repubalika aku o Hawaii, helu no ka la, a oia no ka noho ana.

            O na poe limahana keokeo, aole lakou he poe like me ka Iapana a me ka Pake, ka lawe i na uku haahaa loa oia hoi, he $5.00 o ka mahina pu aku.  O ka haole, oia hoi na limahana keokea e olelo ia nei ma keia manao, he poe lakou aole e ae mai e hana ma ua mahiko o Hawaii no ka uku haahaa o $20 o ka mahina, a malalo iho, a ina e ae mai ana ia poe no ia ano uku haahaa, alaila, no ka pohai lakou o ka poe pakaha, powa, aihue a me na hana ino, a ke kamaaina, ono iho, hookahi no a lakou luahi nui, oia ko lakou mau haku hana.

            E ae au @anei na haku mahiko e kii i keia poe nui loa o ka uku, ka mea a o lakou i ako ole ai e lilo kekahi onohi daimana maaoko aku o ko lakou mau pakeke ponoi?  Aole loa o lakou makemake e ohi mai ia poe, naua e hooneoneo i ko lakou mala waina, no ka mea, he hana h@@@ ia, a he hoopilikia pu hoiki ke kulana holomua o ka lakou hana.

---------------------------------

KA NOII HOU ANA I KAHI O KE OLA.

----------

            Ua lilo i mea e hoopahaohao ia ai ka noonoo o na poe naanao o ka honua, ma o ka hihia pepehi kanaka la o Durrant, i kekahi wahine opio nona ka inoa o Blanche Lamont, ne Kapaiaki ko ae nei, a o ka piha ana hoi o na ma kahiki elua a oi o kona hookolokolo ia ana, a ke hele aku nei i ka ekolu.

            Ma na Aha a pau kahi ona i hookolokolo ia ai, ua hoopai wale ia no e li maluna o ka amana li kanaka, a ua hoike mau ia kona wa e li ia ai oia maluna o ka amana, a me kona hora e make ai, elike me ka olelo hooholo a na ahahookolokolo nana oia i ahewa no ka hana ana i ke karaima.

            Mamuli o ka manao aloha o ke Kia aina Budd o ka mokuaina o Kaleponi, ua lawe hou ae la oia i kona kuleana mana mai ka Ahahookolokolo ae, a ike aku la i na hana ku i ke aloha no ka imi ana e hoopakele i ke ola o keia kanaka opio e olelo mau ia nei, nana i pepehi keia wahine opio.

            Ua lawe ae la ke Kiaaina i na keehina a pau e maopopo ai, ua hana io ia keia karaima e Durrant, elike me na leo mele o ka ahewa e kani oeoe mau ana ma ke kania-i o ka mea i manaoia ua hana maoli oia i ka hewa pepehi kanaka ma na paia anoano a eehia o ka halepule o Emanuela, kahi hoi i lawe hou ia ae la e ka mana hana oia kanaka mana nui o ka aina, oia ke alanui hele e hiki ai ke hoolohe hou ia na hoohalahala a kona ohana a me na loio nana e ku pale mau nei keia hihia i na wa a pau.

            Aole keia he hana maa mau, ka huli hou ana e loaa na ike, i hoike ia imua o kekahi aha, no ka hele ana aku imua no ka hoao ana e hookolokolo hou ia keia pepehi kanaka, oiai ke ola o keia kanaka, aia iloko o kona poholima kahi i paa ia ai, aka, o na olelo hoohalahala a na loio o ka mea pale, ua pale ae ia i na mea maa nau ma ka mokuaina o Kaleponi, ma o ke Kiaaina kaahele maoli ana e huli ma na wahi a pau, e hiki ai ke hooiaio maoli iho, ua hana oia i ka hewa me ko kokua pu ia hoi ona, e ka poai o na makai kiu, na hoike a me loio o na aoao a elua.

            Ua hoomaka o Kisaina Budd e lawelawe i keia hana, mai ka wa i pahola mai ai ka ia maluna o ka aina a hiki i ke ahiahi ana, no ka imi hou ana i na kumu e hiki ai ke hookolokolo hou ia oia, a i oe, e hoole ia ai paha ke koi a na pilikoko a me na hoaloha a keia kahaka opio, ma o ko lakou mau loio ala.

            Ua nui na kanaka i ninaninau ia, ina paha he mau ike e ae kekahi mawaha o na ike i paa ma na moolelo o keia hihia, a ua lawe ae oia ia mau mea me ke akahele loa, ma ka imi pono ana i na mea a pau e pili ana no keia hihia me ka malama loa.

            He rala maa mau ina e lawelawe ia kekahi lala o ka mana hookolokolo o o ke aupuni imua o kekahi aha, i hookau e ia ka hoopai no ia hewa, elike me keia hihia, alaila, o ke alahele wale no e hiki ai ke nana hou ia, oia ka apono ana mai o kekahi lala o ka mana hookolokolo, me ka nana ole ia o ka olelo hooholo i kau e ia maluna o ka aka i hoopai ia, elike kue keia a ke Kiaaina Budd e hule mai la.

            I ke awakea onehinei, ua hele aku ke Kiaaina i ke City Hall, a malaila i hui pu aku ai me ka poo o ka Oihana Makai Kiu Li, a ua holo pu aku la laua maluna o ke kaa bege, no ka halepule o Emanuela, a mawaena o laua @ Loio Aupuni W. S. Bornes, Eugene Daupry ka loio o ka lawehala Theodore Durrant, Rev. J. George Gibson, ke kahunapule o Emanuela, a me Mr. Taber ke Kahu Waiwai o ka halepule oia ia wa i hiki aku ai o ke Kiaaina a me ka Luna Nui o na Makai Kiu.

            Ua hiki aku no ka loio o ka lawehala ma ia wahi, a mahope o na noii pono ia ana o na wahi a pau o ka pa o ka halepule, ua huli hoi aku la oa mea a pau, me ka manaolana ia, o ko ke Kiaaina ka leo mana i koe, alaila, hiki aku i ka pahu hope loa o ke ola ana o keia kanaka.

            No ka nui loa o ke aloha o ka makauhine o keia keiki, ua nonoi aku oia i ka oluolu o ke Kiaaina e hoopai ia oia ma ka hana a pau ke ola ma ka halepaahao, a i ole, ma kekahi ano e ae paha.

            O ka Poalima, la 11 o keia mahina, oia ka la i manao ia ai, e li ia ana oia maloko o na paia o ka halepaahao, kahi ona e kiai paa loa ia la me ka makaala loa.

-------------------------------------------

PAKELE KE OLA.

----------

            Ma ka auina la Poaono nei, oiai, ke Komisina Pelekane Hawes e holo ana maluna o kona kaa e bukiia ana e na lio palua, a i ka hiki ana ma ke kihi o na alanui Papu a me Hotele, ua holo mai la kekahi Iapana no kekahi aoao o ke alanui mamua pono o na lio e huki ana i ke kaa, aka, aole nae oia i puka aku ma kekahi aoao, ua hookui aku la oia i kekahi lio a hina iho la, a oia no ka wa i hehi ia iho oia e na kapuai o ka lio ma kona opu.

            Ua kaohi koke ia ka holo o ka lio, a ia wa i lele aku ai ke Komisina Pelekane a hapai ae ia iaia a hookau aku la iluna o kona kaa a lawe aku la @aia no kekahi hale kauka, a malaila i ike ia @ai aole i kukonukonu loa kona mau palap@.  Ua lapaau ia kona mau pala@@ a ke pii mau ae nei kona eluelu.

            Ua houli ia na ahewa ana maluna o ke Iapana, mamuli o kona nana pono ole i halawai oia me keia poino, no ka mea, e holo malie ana no ke kaa.

--------------------------------------------------------------------------------

HOOLAHA A KA LUNAHOOPONOPONO WAIWAI.

KE POIKELA AKU NEI KA LOHE UA hookohuia ka mea nona ka inoa malalo iho, i Lunahooponopono Waiwai no ka waiwai o Joseph Kahooluhi Nawahi i make, o Honolulu, Mokupuni o Oahu.  Ko Hawaii Paoaina, nolaila, ke haiia aku nei ka lohe i na poe a pau i a @ia o ka moa i make e waiho mai i ka lakou mau hoi i hoolalo pono ia ia, ma na palapala hooie kupono, ma he palapala kekahi, ina no i hoo@@@ ma ke ano  @@ahi a ano o ae paha, make K@@@ Loio o Ja@@@ Nawahi, ma ke kahi o na Alanui Nuuanu @ me @@@@@ a ma ko @ wahi noho no hoi kekahi iloko o na malama @@ @@ keia ia aku, a i ole pela e hoole mau loa ia aku no.  A o na p@@ @ @ pau i aie i ka mea i make e uku koke mai lakou ia o.

EMMA A NAWAHI, Lunahooponopono Waiwai J. K Nawahi @ make, Honolulu, June 1, 1897

--------------------------------------------------------------------------------------

OLELO HOOLAHA.

E IKE AUANEI NA KAHAKA A PA i keia, @@@ o L. V. A@@@ Pake e noho ana @a Makiahe Hana, ke papa aku mei au i ma @@ @@kani o keia a me keia @@ aole e @@ i ka o wahine  @@ia L. Wai@@ @a @@@@@@@@@@@, alaila, maluna ae e pakou ke pakou paha ai ka moa ma Keikei luna.   @@ mahina ia e @ @ e ko mau @@ @@@ @@ hoi aku oia i ka pahi o na makua, a ke noho mai no oia ma na Pa@ Noo@@ o Maui.    O@@@ ihe @@,  L. Y. AIONA.