Ke Aloha Aina, Volume III, Number 21, 22 Mei 1897 — KO MAKOU LA HANAU. [ARTICLE]

KO MAKOU LA HANAU.

O ka la i puka mai ai o kekahi kanaka a mau kanaka paha i keia ao malamalama, mailoko mai o ka puhaka o kona makuahine, he ia nui ia i kona mau makua, na ohana, na pihkana a me na hoaloha o ua mea la i mailani ia elike me ko ka honua nei holookoa malama ana I ka la 25 0 Dekemaba, ka la hanau o ko kakou Haku lesu Karisto, a me ka malama ana o

na aupuni nui oka honua,-i aa la hanau o ko lakou mau Alii Aimoku, pela hoi makou e hoomanao ae nei maloko o ks puuwai, o ka Poaha, Mei 20, 1897, (oia hoi ka la apopo) oia ka piha pono ana o namakahiki elua o ko makou kaahele ana ma na pupupu hale o ko makou mau hoa kanaka o ka oiwi hookahi, aole hoi ma kona aina hanau wale iho, pau kona hiilani ia, aka, ua haulani aku oia maluna 0 ka Moana Pakipika. me he Kaupu hehi ale ala no ia moana ua kau maluna o ke kaaahi, aia 1 ke alo o Kalani ina Wasinetona, a ke kikaha la maluna o na ale o ka Moana Ate!anika, no ke kulanakauhale nani o Parisa Nolaila, he milimili Ke Aloha Aina na ka lehulehu, a pela hoi makou e kahoahoa ae nei, e hoomau toa ta aku kona ola ana a kau i ka puaaneane.