Ke Aloha Aina, Volume III, Number 20, 15 Mei 1897 — Page 7

KE ALOHA AINA

 

POAONO, MEI 15, 1891

 

HOI HOU O LILIU I KE KALAUNA.

 

Leo:--Alanui Puuwai Lokahi

I.          Kaulana mai ne o Liliuokalani,

            Ke aloha lahui oi kelakela,

            Hopo ole i ka hana a ka enemi,

            I ka mea nui he aloha

            Nau i alo aku nei na kai,

            E imi pono Nou me Kou lahui,

            Hoi hou mai Oe me ka lanakila.

            Kau hou i ka hanohano

 

Hui:     Hoi hou o Liliu i ke Kalaunu,

            Hoi hou e ka Ea o ka aina,

            Hoi hou e ka pono o ka lahui,

            Welo mau e ka Hae Hawaii

 

2.         Pili paa ke aloha o ka lahui,

            Mamuli Ou e Liliuokalani,

            O Kamohailani o Hawali,

            Moi puuwai kila

            Mea ole na leo hoomalimali,

            Na olelo pelo a ka enemi,

            Hookahi mea nui a ka manao,

            Ke aloha i ka aina

 

3.         Hiki aku o Kalani B@seton@

            Malihini kaulana o Hawaii,

            Lokahi na puuwai a pau,

            O Liliuokalani ke Alii

            Ilaila ike ia mai ai Oe,

            He Alii Ihikapu hanohaweo,

            Noiau, Paa Rula no Hawaii,

            Hawaii no e ka oi

 

4.         E niniu ka huila i ke alahao,

            Ka pii’na ka iho’na a he ole ia,

            Aia ka ilina i Wasinetona,

            I ka malu Hale Keokeo

            Lilo a i mea ole na Rula paa,

            O ka noho hanohano Peresidena,

            I ka noiau nui Ou e Kalani,

            Pookela o Hawaii

 

5.         Kali aku makou me ke ahonui,

            Ka hopena lanakila o Hawaii,

            Hiki mai e ka lono hoohauoli,

            Ua ola hou o Hawaii

            Hoike ke Akua i kona mana,

            Kokua mamuli Ou e Liliu,

            Hookomo i ke aloha i ka puuwai,

            O Kou mau enemi

 

KA ELELE O KE ALOHA AINA

 

Eia au la ke hele nei,

E hana i ka hana a ka lahui,

Ke alo ae nei au i ke anu,

Kehau huihui o ka mauna,

A pulu i ka ua kilikilihune,

Ae nihi hele ae la i Puukoa,

Eia mai au la he Elele,

No ke aloha aina hanau,

A ike ia Malulani i ke kai,

I ke kai kauhaa a ka malihini,

Ke huli hoi ae la i Honuapo,

I ke kai leo hone o Kawelohea,

Ke hea mai nei la o Malulani,

Kahili kaulana o na ’lii,

Hora ehiku o ke kakahiaka,

Hao mai au a pahiihi,

Kumaka ka ike’na ia Malulari,

Maemae i ke k@i pua o ka hala

Ke alawa iho oe ma ka aoao,

Olali lua i ka ili o ke kai,

Kau nui aku nei kahi manao,

E ike i ke kai malino o Kona,

Ike kumaka i ka lai a Ehu,

I ke ahe Malanai ma ka moana,

Ilaila la i huipu aku ai,

Me na kini kupa oia lai,

He u-i ninau a heaha oe,

He elele no Ke Aloha Aina,

Mai ko’u aina hanau mai,

A o Puna-paia-aala-i ka Ha’a,

Kakou pu aku ana ilaila,

Ma ia hana nui a ka lehulehu,

Imua kakou a lanakila,

A welo hou o ka H@ Hawaii,

Haina ia mai ana ka poana,

Ka Elele o Ke Aloha Aina,

Ke huli hoi nei no o Malulani,

E ike i ka lai o ke kaona,

A ka hora eono kakahiaka,

Ike ia Puuolai mamua,

Hooiho ana moku o Molokini,

Hekau aku la i Maalaea,

A ike i ka malu ulu o Lele,

I ka ohu kahiko mai i Lihau,

Haulani e ka ihu o ka Malulani,

Na ale holuholu a o Pailolo,

Oni ana e Kalaeokalaau,

A he hoa hui no Daimana Hila,

Ka malino o ke kai o Malama,

Malama ia Ke Aloha Aina,

Ko’u kuleana nui i hiki ai,

I ka uluwehiwehi o ke kaona,

Hui me na kini o ka aina,

Lulu lima pu me ke aloha,

Ui aku ui mai ui na hoa,

Me ka pahaohao o ka manao,

Heaha keia hana nui au,

O ka hiki ana mai nei ia nei,

He elele no Ke Aloha Aina,

Koho Peresidena no ka lahui,

Makee i ka pono o Hawaii,

Aupuni mai na kupuna mai,

He aloha la ia o’u hoa lahui,

Me ka Nohoalii o Hawaii,

He aloha au la i kuu Moi,

Papahi kalauna o Hawaii,

E ola kuu Lani a mau loa,

A noho hui i ka Nohokalaunu,

Hoi hou e ka Ea o ka Aina,

Me ka pono pili paa o ka lahui,

Haina ia mai ana ka puana,

Ka Elelo o Ke Aloha Aina.

Hakuia e

HAILIALOHA

Kalapana, Puna, Hawaii, Mei 1, ’97.

 

KUU ALOHA, UA HALA.

 

E KUU ALOHA AINA, KA NUPEPA MA-LAMALAMA;

Aloha oe:

            Eia mai ka’u puolo he waimaka, a na ia e kaana pu aku me na kini ponoi mai ka ia puka a ka la kau.

            Ma ke kakahiaka Poalua, Aperila 27 1897, ua kii mai la ka Haku i Kana o ka uhane o Mrs. Kauhaihuli Kaui, ua haalele mai oia ia’u kona hoapili he kane, o na inea o keia ao, a me na keiki a maua, na makua me ka lehulehu a pua loa, ma Auwaiolimu, Honolulu, Oahu.

            A o ka’u ukana nui e u ai no kuu papale alii, ua puhia e ka makani nalowale loa, o ka’waimaka ia.

            Ua hanau ia o Mrs. Kauhaihuli Kaui ma Kalihi, Kona H., mokupuni o Hawaii, i ka makahiki 1851, a hiki iho la i ka wa i pau aikona hanu ana i na ea o keia ao luhi.

            Ua piha iaia na makahiki he 45 me na malama, ua hoohui ia oia ma ka bertia mare me Daniel Kaui ko’u kaikuaana, I ka A. D. 1866 ma Waiohinu, Kau, Hawaii, a ka A. D. 1879, make ia kane, ua loaa na laua he 5 mau keiki.

            Ua lilo mai la ia’u ka malama ana o ka wahine me na keiki, a ma ka la 11 o Aperila, 1881 ua hoohui ia maua ma ka mare ma ke kulanakauhale o Honolulu nei, ma ka luakini o Kawaiahao e Rev. H. H. Pareta.

            A na loaa ia maua 4 mau keiki, o ka nui o na makahiki o ko maua noho pu ana, a hala aku la i ke ala mau o ke kino, he 16 makahiki me 16 la, he 6 mau keiki a maua i hoonuu pu li i na lihai ha a ke aloha, a o ke koena 3 mau keiki i ike pu iho la a ka hanu hope loa o kuu mama “dear.” Ua nalo.

            O na makahiki i noho ia me ke kane mau a me a’u, he 28 9 malama a oi. Ua hiki ia’u ke olelo kaena ae, oia nei kekahi makuahine pauaho ole i ka malama i na keiki, ka home, a me na mea a pau.

            He haipule oiaio aia, a he makia kana mau hana maikai i kuu puuwai no na kau a hooilo o ko’u ola ana.

            Me na keiki o ka papapai ko’u aloha

Aloha oukou.

D. S. Kaui.

Auwaiolimu, Honolulu, April 29, ‘97

 

E HOLO AKU ANA NO MOLOKAI.

            Ua manao na hoa o ka Papa Ola, o ka la 21, o ka la 28 paha o keia mahina, oia ka la e holo aku ai lakou no ke Panalaau o ka Ehaeha, no ka nana a hakilo ana i ke kulana ola o na mai ma ia mau wahi, elike me ka ano mau o ka lakou hana. Malia paha o ike lakou he poe no kekahi i kupono ke hookuu ia, ai ole hoihoi ia mai paha i Kalihi ae nei e lapaau ia ai, a hiki i ka wa e hookuu loa ia ai.

            Ke manaolana nei makou, o ka hana pono wale no i na lala o ka Papa Ola, oia no ko lakou hooi aku i na hana e pono ai kela poe e noho mai la iloko o ka ehaeha, ma ka haawi ana i na laau lapaau kupono no ka poe nawaliwali oia ano poe.

 

EIA KE HANA HOU NEI.

            Mahope o ka hoomaha ana iho nei o ke kao eli awa no eono pule, eia kona mau huila ke nome hala ole mai nei, a ke ei hou nei hoi ma kahi e kokoke ana i ka uwape Pakipika.

            He 32 kapua ka hohonu ana e eli i hiki ai hoi i na moku nu@ui loa e pili ana malaila ke hoopoino ole ia.

            Ke hoomalamalama ia nei oia e ka uwila, a he ku maoli no hoi i ka nani ma ka ike aku a ka maka i ka owaka mai a na kukui uwila.

 

KA HUI HOOKUONOONO O KAMOILIILI

            Ma ka Poalua nei, ua malama ae ka Hui Hookuonoono o Kamoiliili, he hoike hapaha, no na mea e pili ana i ka lakou hana, a i hiki hoi ke hoomaopopo ia aku, pehea la ke kulana nee mua o keia poe hoomakauhi na hunahuna liilii no ka hoala ana i kekahi hana e pono ai na poe ma ia wahi.

            Ma ka hoike a ka Puuku a me ke Kakauolelo, eia ke paa ia nei iloko o ka lima o ka Puuku wahine he $180.00, i lulu ia hoi e na lala he 41 wale no, a he dala maopopo hoi iloko o ka poholima o na Luna Nui o ka Hui.

            He paina ka i malama ia mahope iho o ka pau ana o na hana halawai, he hoike no ko lakou makee e kukulu ia ka hana iloko o ke ano kanaka makua, aole hoi iloko o na hana kamau, a oia paha ka kahiko i olelo ai, ke moe ka ihu o ka puaa, manalo na hana hoopuukahua, na hana hoomokuahana, a pela aku. E hoomau loa aku i na hana maikai, ka makou mau leo kalokalo

 

            Ma ke ahiahi o ka Poakolu nei i hoea mai ai i keia ao, he elua mau malihini mahoe mai ka puhaka mai o ka wahine a James Cetawell, pela no lono i laweia mai i o makou nei.

 

HE MOOLELO HOONANEA.

NO

ALANADELA.

Ka Wahine Hoopaaohao o ka Aahu Keokeo.

A I OLE

Ka Loea Hookani Hapa o ke Kuluaumoe.

            Ia wa, loli ano e ae la na helehelena o ke kapena i keia mau leo hooho a kona mau luina a noonoo koke iho ia hoi i kana mea e hana ai i nalo kela mau hana puuwai lokoino maluna o ka kaua Lusia. Nolaila, me ka maalea nui, pane aku la oia penei:

            E kuu mau luina maikai, ke ae aku nei au i ko oukou manao, aka, aole nae au e hookuu aku ana ia oukou pau loa, oiai ka moku e hookokoke aku nei i ka aina, e noho kekahi hapa o oukou me a’u, a o kekahi hapa hoi e hele pu aku e huli me ka malama moku, a i loaa aku auanei ia oukou, o ko kakou hauoli like ana no ka hoi ia.

            Ua pono, ua pono, i hooho hou mai ai lakou.

            Ia wa, mahele koke ia ae la na luna, a hele aku ia hoi he hapa no ka huli ana, a o kekahi hapa hoi, huli ae la lakou a hoomau aku ia i ka hana ana i ka lakou mau apana hana i kauoha ia ai e hana.

            Kaulana pono mai la na maka o ka malama moku maluua o ke kapena, a aole hoi i liuliu keia nana ana, aia noi, ike mai la oia i na helehelena pihoihoi maluna ona, a holoholo hele ae ia imua a ihope o ka moku.

            Heaha keia mau hiohiona kaumaha o kou mau helehelena a’u e ike nei? wahi a ka malama moku.

            Aole he mau mea e ae nana i hoopihoihoi mai ia’u, aka, he hookahi wale no, a oia no hoi na mea e pili ana i keia wahine opio a kaua i hana ino aku nei, ke hali’alia maopopo loa mai nei i keia wa, he poino nui ke halawai mai ana me kaua, ina oia a loaa ana, nolaila, o ka’u wale no i manao ai, oia hoi kou iho ana aku ilalo a lawe hou aku e huna iaia no kahi ona e nalo ai mai ka maka aku o ka lehulehu e huli nei iaia.

            Ae, he mea oiaio kena au e kamailio mai nei, aka, e hoomanao nae oe, oiai, owau kekahi i komo iloko o keia mau hana awahue, o ka lokoino no kou pono,  hoio no au e hoopakele ia kaua mai keia poino ae. Nolaila, e hookuu koke mai ia’u ano, nu ka lawe hou ana aku no iaia kahi okoa.

            I ka houki ana ae o keia mau kukai olelo ana mawaena o ke kapena a me ka malama moku, me na kapuai mama haalele koke iho la oia i ke kapena, a holo aku ia no kahi o kana apana hana e hooko aku ai.

            Noonoo ae ia oia i kana mea e hana ai, i nalo ai na poino e haakekohi iho la maluna ona a i ka hala ana ae he mau sekona o kona noho himau ana, aia hoi, ike ia aku la na helehelena minoaka e hekau ana maluna o kona mau papalina, a puana pu ae ia hoi i keia mau huaolelo uahoa.

            E huli wale no lakou, aole e loaa, no ka mea, aole ka’u he huna ana na ke kamalii aka, na ke kanaka makua no ia.

            Iloko o keia manawa iaiau koke iho ia kona lima akau i kekahi huihui ki, a huki koke ae ia iwaho, me ka hoomau hoi i kona hele ana imua me ka puahi nui, hoea aku ia oia ma ka lua ukana, halawai hou mai la kona mau maka me ka wahine opio e waiho ana iloko o ka ehaeha, aka, aole no nae ia he mea ano nui i kona manao.

            Hoomau aku ia no oia i ka nee ana imua, a i kona hiki ana me ke keena e waihoia ai o na lako ka mana o ka moku kukini ae la oia i kekahi kukui helepo e waiho ana malaila, me kekahi ki o loke o kana huihui ki, wehe ae ia oia i ka puka a hoomalamalama aku ia ia loko.

            Ua hoahuwaleia ae la o koko o ua keena nei, a halawai mai la kona mau onohi maka me na lako kamana e waho mokaki ana, a maloko loa aku o ke kuono e waiho ana kekahi holowaa loihi.

            A o oe ko’u kumu i hiki mai nei wahi a ka malama moku i hoohu ae ai maloko e kou kino e huna aku ai au ka’u puolo makamae.

            Iloko o keia manawa komo aku ia oia iloko o ua keena la, a ma ka aoao o ka holowaa kukuli iho ia oia, me ka wehe ana ae i ke po’i o ka holowaa me kekahi ki keleawe o loko o ka huihuiki ana e paa ana.

            Wehe ae ia oia i na ukana o loko o ka holowaa, e like me ka hikiwawe i loaa i kona mau lima ke hoohana, a he manawa pokole wale no. ua pau loa ae ia na ukana o koko i ka waiho iwaho.

            I ka pau ana o ka ukuma i ka hueia iwaho, oia koke no kona wa i loha aku i ka leo hamumu o na poe e huli ana i ka wahine opio, e hookokoke, mai ana no kahi a ka wahine opio e moe ana, i keia ike ana o ka malama moku eia na poe huli ke hele pololei ae nei ilaila, nolaila, e like me ka mama i loaa i kona mau wawae, hemo aku la oia mailoko aku o ke keena, a holo pololei aku la no kahi a ka wahine e moe lohi ana, hopu iho ia oia me ka hooponopono ole i na kaulahao i hopaaia ai a wehewehe ae la, a i ka hemo ana ae, hapai ae ia oia iaia a lawe aku ia iaia no kahi o ke keena kamana.

            Maloko o laila hookuu iho ia i i ke kama’lii, ki ae la oia i ka puka a hoolohe aku ia hoi i ka hauwawa mai o na leo he lehulehu wale e imi hala ole ana ma o a maanei, ua hele hoi a nae iki kona hanu.

            Hoopio iho la oia i ka ipukukui helepo i kona hoomaopopo ana ae, ua kokoke loa na kanaka mawaho, hoopili aku ia hoi i kona pepeiao i ka puka ki, me ke ike ana hoi e lohe i na olelo e kamailio ia ana e lakou.

 

PANE I KA HOOLAHA A PULI

            Owau, o Mrs. Lauki, ka wahine mare a Pali @n olaha no punipuni ae ua ana ae kolam@ o ka Nupepa KE ALOHA AINA, e olelo ana: O wai kai na lele iaia a ua hele ana aa i Honohelu nei me kuu kane mamuahi. Aole pela ka o oia, o La’u La hoke pu@ a oiaio maoli e pane aku nei ma ke a loea. O Pub. kou lawe @ kai haaieie ia u a ma ko ma a ua he mau a me na keiki hana a ma a a me ko @ wahi pono a pau, a hele ai u keia a noho mai @ kaawale. Eia na wau u@ Kalihi, Kona Hona Hawaii, lohe o ma@ i mare ia ai e Rev. Papula, i ka I@ o Aug, @ @89. A na paha ia m@ na @ ma ka @ me ai ia @ . Ua @ ae malama i ka ma@ o keia @ haalele ai, @ pua, i mea  @ na e @ ia’u @ e ae wahi ia’u e ai ma luna imua, aole pele ia’u @.

MRS PULI

mei 13, 1897