Ke Aloha Aina, Volume III, Number 18, 1 May 1897 — KAIEHU KA MOKU PAPAPA KA AINA. [ARTICLE]

KAIEHU KA MOKU PAPAPA KA AINA.

I papapa ka aina i ka uhi ia e na wai, pii mai la na ale o ka moana, a lilo ae la i kai hoee, a pulumi hou aku la i na mea maluna o ka aina, a oia ka wa i holo iho ai ka pule a kahiko; "Kaiehu ka Moku, Papapa ka aina." A oiai, ka moana me kona opu nui ana ole, e hoonuu ana me ka inaina nul, ua holo iho la ia lakou ka pule a kahiko: "Ha ka moana, Popoi Kilauea. Huhu mai ka moana a puoho mai la ke ahi o Kilauea, pii ae la ka wela o kona mau kukuna e hali ana i na kulu hou koo u o ka honua i ka lewa a na ke kaumaha o na aouli i hooko o ae i na omaka wai o Kulanikakoi, a haule mai la na kuaua, pii ae na wal o ka honua, a uhipu i ka ili honua, a kapaia iho la e ke kuokoa ma kekahi manao alakai o ua makamaka hoohuiaina he "kai-hoee o Iapana no Hawaii." Ae, pela io ana paha, aka, e kali maile aku no kakou, eia iho a hoea mai ua kai-hoee la, a ua makamaka i ao mai ai, a nowai la ia kai-hoee, o ko wai mau opeope la ka ua kai-hoee la e hapuku aku ai? Malia paha o ka poe kue kuikahi no me lapana, ina pela ke pule nei makou, e hoopakele ae i ko makou mau hoakanaka hoohuiaina, mai na palāpu ae o ka lua a lakou i eli ai me ke kuhihewa. A no ka mea, ua loaa ma na lono ma ka Australia o ka Poalua nei, eia iho, eia aku a hoea mai. ka "Naniwa" me kekahi eleele komisina mai ke aupuni mai o lapana» no Honolulu nei, a mai pioo ke oili mai oia i ka la apopo, a ia la iho a hoea wale io mai no. "Ua wela ka malama, Kaelo ia Kaulua Kaiehu ka Moku, Papapa ka aina. He ka moana Popoi Kilauea Haki kili ka ua mai ka lani E hoopkalele ae ia lakou mai ka inu ai