Ke Aloha Aina, Volume III, Number 16, 17 April 1897 — Page 1
| This text was transcribed by: | Katy Darlington |
| This work is dedicated to: | Awaiaulu |
KE ALOHA AINA
HILO BAY, HAWAII
UA MAU KE EA O KA AINA I KA PONO
HOOKUMUIA I MEI 20, 1895
------------
BUKE 111 HONOLULU POAONO, APERILA 17, 1897. HELU 16
------------
KE ALOHA AINA
E hooopuka mau ia aku ana mai ka Poakahi a ka Poalima o na pule a pau o kela me keia mahina.
Ka Uku Pepa, he 20 keneta o ka pule. No ke kope hookahi, he 5 keneta.
E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.
E Pai ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakai e hoounaia ke ole e hookaa mua ia ka uku pepa.
E hoouna pololei mai i na Nuhou na Kumumanao, @a Olelo Hoolaha, na Kanikau a me na Mele Inoa i ka Lunahooponopono o keia Pepa.
Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puka Pule
E – ALOHA – AINA
Hookahi Makahiki................................$2.00
Eono Mahina......................................... 1.00
Ekolu Mahina........................................ .50
Hookahi Mahina................................... .20
EMMA A. NAWAHI
Puuku o
KE ALOHA – AINA
EDWARD L. LIKE
Lunahooponopono a P@p@ P@uku
S. P. KANOA.
Hope Lunahooponopono
O na kauoha Nupepa me na hookaa Dala, e hoouna pololei mai i ka Puuku ma Honolulu.
---
KA NANA IA ANA O NA IAPANA
---
Ma ka nana a wae pono ia ana o na limahana Iapana a ka mokuahi Kinai Maru i lawe mai nei no ka hookuu ana e lele mai iuka nei o ka aina, ua ike ia iho la he 22 i loaa na palapala ae mailoko mai o kela huma Iapana he 682 Iapana. A mailoko ae o ke koena iho i koe he 120 i ae ia e hookuu mai iuka nei o ka aina.
Ua hanaia na palapala kepa me na Hui Limahana Kobe a me Hiroshima.
He 60 poe i loaa na palapala no ka holo ma ka mahiko o Kalaupapa, Molokai, e hanai, a he haneri ho@ i loa na palapala no Kailua, Kona. No@ na hana epaia o na Iapana, me ka ike iho no o na Hui Hoopae limahana, aohe mahiko o Kalaupapa hoounana mai nei nae lakou no laila.
Ke loheia mai nei a pau hou aku ana lakou i ka hoihoiia ma ke Kinai Maru no Iapana.
------------
NA KEPANI MA HAWAII.
---
Ke Kulana Hooweliweli e like me ia i ikeia e Kuhina Kakina i pau.
---
Ua hoike ae inehinei o L. A. Kakina, he Kuhina pau o Hawaii ianei, a he Peresidena hoi i keia manawa no ka Ahahui Hoohui Aina o Honolulu, a e noho nei hoi ianei nei no ka pono o ua ahahui la, i kekahi halawai kamailio ana no ka pono o ua ahahui la, i kekahi halawai kaimailio ana no ka mea e pili ana i na nu hou mai Kapalakiko mai. Ma ko ke aupuni Hawaii hoole ana i ka ae ana aku e pae mai na Kepani limahana, he 537 ma Honolulu, ua manaoio ia ua huai ae ia i kekahi mau hoolaha ana e hookomo mai i na Kepani iloko o Hawaii ma ke ano kue i na kanawai hoopae limahana. Ua olelo ae oia he kumuhana koikoi loa ia e ku aku nei imua o ke alo o ke Aupuni Hawaii i keia wa.
Ua kukuluia he eha a i ole he elima paha hui hoopae limahana Iapana, e noho poo ia ana e na luna alakai me ke komo pu ana aku o ke Kuhina Iapana i keia wa ma Wasinetona nei, a ua hookomo mai hoi la kou i ka makahiki i hala, he heluna nui o na limahana Kepana kepa ole ma Hawaii. He elima hoi mau laina mokuahi e holo ana mawaena o Honolulu me Iapana i kela a me keia malama, a e lawe mai ana kela a me keia mokuahi mai e 250 a hiki i ke 750 Iapana, a hookouia aku la iwaena o ka lehulehu me ka ike ole a keakea ole aku hoi o ke aupuni. He ninau ano koikoi keia, ina paha o keia komo nui ana o na kanaka i ukali pu nui ole ia mai e na wahine, he mea anei ia e kukulu koke ole ia ae ai kekahi heluna nui o na kanaka hana ole a wahi loaa ole hoi. Ua hooholo ke aupuni Hawaii i kekahi mau keehina hana lehulehu e halawai ai me keia pilikia, aka, ua nana ole ia aku nae ia mau mea.
Anoa mai nei ua lawelaweia na hana ili i ka Palapala Kuu Kino i ka wa i hoole ia ai ka pae ana mai o kekahi poe; aka no ka nele i na hooiaio ana o ke dala e paa ia ana e iakou, aole ia mau dala na lakou, nolaila, ua ae ia no lakou e pae mai. O ke dala i hoikeia mai e na limahana, ua haawi ia aku ia e kekahi mea okoa, oia nae ka mea a na hui hoopae limahana i hooihi aku ai maluna o na poe hoa paoniohi o lakou, aka, ua hoole nae i ko lakou hana ponoi iho.
Aole au i ike ua noonoo ke Aupuni o Iapana e hana kue a hana aku me ka ikaika i ke Aupuni Hawaii, aka, ina aole i hanaia kekahi hana e kaohi ai i ke komo ana o na Iapana i Hawaii, e oi loa aku ana ka mea e hanaia ana ma ke komo malie ana o lakou mamua o ka mea a lakou i manaolana ai e hana ma ka ikaika. O ka heluna nui o na Kepani ma Hawaii i keia manawa he 24,000 ia 33,000 Hawaii maoli, a ma ia kulana iho la, iloko o elima makahiki mai keia wa aku, e lilo ana ka hapanui ia lakou a puni ka aina. Nolaila, e loaa ana ia Iapana a me na Kepani na ano kulana noho pono e like me ko na haole o Aferika e koi nei ma Aferika Hema.
O ka manaoio maoli ma Hawaii a puni, o keia kulana nee ano e ana o na Kepani mai Iapana a i Hawaii, he keehina ia i hoonohonoho pono ia e loaa ai ka noho hoomalu ia ana o Hawaii, a i apano piha ia no e ke aupuni o Iapana. he mea kanalua ele, ke kali nei ke aupuni Hawaii e ike aku heaha la ka Amerika H@puia hana e lawelawe ai no ka ninau hoohui aina. I na aole e hana koke ia kela ninau, alaila, e hoea mai ana he ninau koikoi mawaena o Hawaii me Iapana, a o ka hopena oia, aohe mea hiki ke @@ ae e hoike mua.—Nupepa Pe@ o Wasinetona Maraki 20, 1897
---
He elua mokukaua Amerika i keia manawa maloko nei o kea ana a eia hou aku no a @oea mai.
------------
KA NINAU O CUBA
---
Ma ka la 31 aku nei o ka mahina o Maraki, i noho ai ka Aha Senate e noonoo no ka olelo hooholo bila kanawai a Senate Mills o Tekasa, no ka lawe ana mai i ka hoike a ke Komite o na Aina E, no na mea e pili ana i ko Amerika Huipuia, komo ana aku e ike ia Cuba ma ke ano i Aupuni kuokoa, a aole hoi e hoohui ia me kekahi mana aupuni o Europa, e like me keia wa e noho nei malalo o Sepania.
Ua kue mai o Hale i keia olelo hooholo, ma ke ano, ua lele oi aku ka mana mawaho o na palena kupono i hoakakaia malaio o ke kanawai.
Ua waiho mai no hoi o Mokana, he olelo hooholo no, e pili ana no keia mea hookahi no, a ua kipa aku oia e ike i ka Peresidana, mamuli o kekahi leta i loaa mai mai a Kenerala Gomez mai o koa kipi o Cuba, a mahope o na kamailio ana a na hoa o ka Aha Senate no keia kumuhana, ua hoopaneeia a no kahi wa hou aku a ke Komite o na Aina E, e hapai hou mai ai iloko o ka hale.
Eia keia ninau kulana pili aupuni imua o ke alo o ka Peresidena kahi i kua ai, a ke hoe mai ka manawa e hooko io ia ai keia ninau, a ke apono ka Peresidena i keia makemake o kona mau hale Ahaolelo elua, a ike aka iaia, (Cuba) ma ke ano he aupuni kuokoa nona iho, alaila, e pau auanei ka noho hoaloha ana o Sepania me Amerika, alaila, ma keia mua aku, he mau enemi like laua a i@l a maluna o ke ka hua kaua, no ka omau ana i ke oia o ko laua mau kanaka ponoi no ka inoa maikai o ko laua mau aupuni pakahi.
Aka, aia no nae he mau manao kanalua ia, e pili ana no ko Peresidena Makinele ae ana ako i ko Cuba kuokoa, oiai kona mua i pau e hoole ana ia mau manao kuee pili aupuni a pela no paha hoi auanei oia nei ma ia a@ hele hookahi.
------------
HE LEI LEHUA NO LILIU LANI.
---
Hookahi mea hou ua ike ia,
Aia o Liliu i Wakinekona,
Na ka ihu o ka Iwa hii aku nei,
A loaa ka iini aka lahui,
Ua hui lokahi na puuwai,
Kupaa mahope ou e Kalani,
Ike ana i ka nani ao Kaleponi.
Me ka wai hu'i konikoni i ka ill,
Ilihia i ka leo Ou e Kalani,
I ka pane ana mai me ka nahenahe
E noho oukou me ka maluhia,
A hoi mai Au me ka lanakila,
Hoola'i i ka olu ao Kaleponi,
Me ka wai hiilani i ka puuwai,
I ka home kakela o uwe hone.
Hoi iho ka manaolana malie,
Ku-i aku e ka lono puni ke iaona,
Ei ae ke kuini a o Hawaii,
Ke au mai nei i ke kai loa,
Na ale nupanupa a o ka moana,
Hui aku hui mai hui o Maleka
Ninau ke ala e hiki mai ai,
Mahea mai nei oe e ka Lani,
A i au mai ai nei kai loa,
Ma ke anuenue pipio iluna,
Kou alahele ia e ka malihini,
Ke lawe ia ala oe e ka Lani,
A e na eheu manu o ka lewa
Eo ka wahine nona ka lei,
O Liliu-o-Lolokulani i ke kapu,
Hea aku au o mai oe,
Ua ko ka iini a ka lahui,
Haina ia mai ana ka puana,
E ola o Liliu a mau loa.
Hakuia e,
MOSES KAIA.
------------
KA NEE ANA O NA MOKUKAUA AMERIKA
---
San Diego, Cal., Aperila 2. Ua loaa mai he kauoha i ka mokukaua holomama Corwin, no ka holo ana e kiai i na kai o Alaska, a e haalele iho ana oia i keia mau ia koke iho no.
O ka mokukaua Adamu, e haalele iho ana oia ia anei i keia auina la no ke kaikuono o Magdalena ma na kapakai o Mekiko, a malaila oia e holo loa aku ai no Honolulu. A ua manao kona mau ahimoku e hiki ana oia i Kapaiakiko ma ka ia 15 o luiai.
Eia ke hooula nei ka mokukaua Piledelepia he 1,@00 iona nanahu me na laku ai e hiki ai ko hoolawa ia ka moku no hookahi makahiki, mamua o kona haalele ana iho no Honolulu.
O na lono hope loa, e hoike ana ia e kali ana na mokukaua Amerika Mon@dock a me Monterey ma San Diego i ke kauoha no ka laua wahi e holo aku ai. A ua manao na ahimoku e hoouna ia aku ana laua no Honolulu.