Ke Aloha Aina, Volume III, Number 14, 3 ʻApelila 1897 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20, 1895

BUKE III       HONOLOLU POAONO, APERILA 3, 1897.         HELU 14

 

KE ALOHA AINA

            E hooopuka mau ia aku ana mai ka Poakahi a ka Poalima o na pule a pau o kela me keia mahina.

            Ka Uku Pepa, he ao keneta o ka pule. No ke kope hookahi, he 5 keneta.

            E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

            E pai ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakahi e hoounaia ke ole e hookaa mua ia ka uku pepa.

            E hoouna pololei mai i na Nuhou na Kumumanao, na Olelo Hoolaha, na Kanikau a me  na Mele Inoa i ka Lunahooponopono o keia Pepa.

            Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona innoa ponoi.

            Ka Nupepa Puka Pule

E ALOHA AINA

Hookahi Makahiki............................................................................$2.00

Eono Mahina..................................................................................... 1.00

Ekolu mahina....................................................................................   .50

Hookahi Mahina...............................................................................    .20

EMMA A. NAWAHI

Puuku O

KE ALOHA AINA

EDWARD L. LIKE

Lunahooponopono a Hope Puuku

 

S. P. KANOA.

Hope Lunahooponopono

            O na kauoha Nupepa ma na hoeka Dala, e hoouna pololei mai i ka Puuku ma Honolulu.

NUHOU KUWAHO

            Ma ke ku ana mai o ka mokuahi Australia i keia kakahiaka Poalua i loaa mai ai ia makou na mea hou o na aina e, e hoohiwahiwa ana hoi ina kolamu o KE ALOHA AINA o keila la, e like no kona ano mau ka mumuia mau ia e na wehi like ole o ka waihona noonoo e haupa iho ai, a lawa ka makemake, a oia iho keia malalo nei.

MOKUAHI ILI

            Ladana, March 8.-O ka mokuahi Syracuse, na ili a nahaha ma na kapa kahakau o Cornwall. O na mea a pau maluna e keia eneki, ua pau i ka pulumi ia aku o na ale huhu o ka moana, a ua pi holo he 40 mau ola makamae iloko o ka hohonu o ka moana, a o ka waapa hoopakele ola hoi, ua nui na hooikaika ana e pale aku i ka ikaika o na nalu e aleale mai ana mamua o ko lakou mau maka mamua o ka pae ana aku i ka aina.

            O ke Syracuse, ua kapili ia oia hee mokuahi kila o 1.918 tona, a i kapili ia hoi i ka 1884, a i noho ona ia e ka Hui Hoopukapuka o ke Komohana, o Bufalo, Nu Ioka. O kona loa, he 267 kapuai, o ka laula he 58 kapuai, 5 iniha, a o ka nohono 15 kapuai, me 8 iniha.

RUSIA ME SEREVIA.

            Ladana, March 11.-Ua kauoha aku nei o Rusia ia Serevia, e hana ia 120,000 pu raifela no ka hoolawa aua i na pualikoa me keia ano pu hou.

            Ua hoike ae ke aupuni o Serevia, o keia hana, aole ia he mea e komo pu aku ai laua no ka lawelawe ana ma na mea pili i ka oihana kaua, oiai, e e hana ia ana ia mau mea ma kona hale hana, elike me ka Rusia i makemake ai e hana ia.

E HELE AKU ANA E IKE I NA AINA PANIOLO.

            Ladana, Mar. 10. Ua haa lele iho ka Moiwahine Victoria i ke Kakele Windsor, i keia la no Cimiez, kokoke i Nice, kahi ana e noho ai a hiki i ka pule ekolu o Aperila.

            I ka hiki ana o na Kaaahi ma Nalsy-le-Sec, kokoke i Parisa, ua ku iho la ke Kaaahi no ka heluhelu ia ana mai o ka palapala a ka Peresidena Faure o ka Repubalika o Farani, no ka haawi ana aku i ka Moiwahihne i na hookipa hanohano ana i ku i kona kulana.

NA PUKUNIAHI ALAPINE MA KE KI ANA.

            Ladana, Mar. 10. Ua hoi ke ae o Adimarala Bernard, ko Farani Kuhina Moana, e hoike ana, ua loaa mamuli o kana kauoha he mau pu ano hou e hoopokole ai no ka oiha na kaua moana, no na pukuniahi nunui, e kaapuni ana hoi no eha manawa iloko o ka imo ana o ka maka. He pu ano hou keia, a o na aumoku kaua Farani no ka mea mua nana e hoohana aku ana.

NA PALENA AINA O KA NINAU O ALASKAN.

            Ladana, Mar. 15. Ua waiho ae ke Komite o na Aina E o ka Ahaolelo Senate, o Amerika Huipuia, e hoike aku, o ke kuikahi mawaena o Beritania Nui a me Amerika, no na palena aina o Alaskan, e hooko ana o Amerika Huipuia ia mau kuhikuhi o ke kuikahi, me ka hooponopono oluolu ana.

ENELANI ME ABISINIA.

            Ladana, Mar. 10. O na hana a ke Komisina i Abisinia, a i noho poo ia hoi e James Rennell Rodd, C. M. G. kekahi o na Kakauolelo a Haku Cromer, ko Beritania Kuhina noho ma Cairo, ua lawe ae oia i ke kulana oiaio, a hoikeike aku la imua o ka Moi puni kaua.

KO PHILIPPINE HAUNAELE.

            Ladana, Mar. 9. Ua halawai ae na pualikoa Sepania me na poino nui ma Salitran, ma na mokupuni Phillipine, i hoouka ia e ka poe kipi. Ua make ma keia hooili ana o Kenerala Zabalia a me 27 mau koa.

KUPAA O FARANI MALUNA O KE KAHUA KU KAAWALE.

            Ladana, Mar. 8. Ua hoike ae o Mr. Meline, ke Kuhina Nui o Farani, e komo pu aku iloko o na hana e kaohi ai i ke keakea ana aku ia Helene, a hiki ka wa e noonoo ia ai e kekahi Aha Uwao.

KA WI MA INIA.

            Ladana, Mar. 11. O ka Hui Hoahu Mansion, i hoahu ia no ka poe pilikia a ka nele i ka ai o na poe pololi o Inia, ua hiki aku ka huina i £111000. Ua haawi aku ka Moiwahine no keia hana kokua i kona Aupuni Panalaau he £500.

PAU I KE AHI, HE MALA HUITA.

            Ladana, Mar 7. Ua hamu ae ke ahi, ma kekahi mala mea kanu, iloko o Ilinoi, Amerika Huipuia, a o ke poho i koho ia ke komo pu me na hale hana he 900,000 busela huita.

KA HAKAKA KUIKUI PUUPUU NO KA INOA MOHO.

            Carson, Nev. March 17. He mau minute helu wale no mahope iho o ka hora 1 o ka auina la, aia hoi, ua hoopihaia ae ke kahua hakaka o keia mau kanaka elua, e aumeume ana no ka inoa moho o ke ao, oia hoi o Robert Fitzmons a me James J. Corbett, ua hoopihaia na noho i hoomakaukau ia no ka poe kulana kiekie a hanohano, a aia hoi ka lehulehu mahope mai o na noho i hookaawale ia, a me ka rina hoi.

            Mahope iho o kio Fitzmons komo ana i kona paa Iole no ke kulana hakaka a pela aku, ua puka mai la oia mai ia wahi mai, e ukali ia ana e Martin, me Julian, me ka paa pu ana he mau peahi me na tawele.

            A ma keia huakai hele hoi a ko lakou hoaloha, o Roeber, Hickey, a me Steinzner, me ko lakou mau lima i piha ina omole, na limu, ka bakeke wai a me kekahi mau mea e ae i kupono no ka haawi koke ana aku i na kokua.

            Ua puia mai la na leo o na makaikai ma kela a me keia aoao, a oiai hoi lakou e kaale ae ana ma na aoao, a pau o na wahi i lihi kokoke aku i ka rina hakaka.

            Mamua o ke ku pono ana iho o na k puai wawae o ka moho Australia, ma ke kihi o ka aoao komohana o ke kaula, oia ka wa i lohe ia aku ai ka leo o ka wahine a ua keiki wikani la o na Panalaau o ka Hema, a oiai hoi oia ma ka aoao kue i iku aui ae, a pane ae la me keia mau olelo kali@hoa o ka mea i piha kona umauma i ke aloha no kana pane.

            “Eia wau maanei, e kuu aloha.” A hoohulihuli ae la oia i kekahi hae hokum me na ka hakahana iloko o kona mau lima, a e hoala ana hoi i na olelo hoohoihoi no kana kane i kona wa i noho iho ai maluna o kona noho.

            He 14 a laua puni i hakaka ai, a ua hiki ole ia Corbett ke ku hou aku e hoonahoa imua o kona hoa paio, oiai ka nawaliwali e hekau ana maluna e kona kino, a ua pau hoi ke aho i ka ulupa mau ia e kona hoa paio.

 

POHOLO KA MOKUAHI SUNOL.

            O ka mokuahi holoholo muliwai, nona ka inoa o Sunol, ua heloaia a ili ma ke Kaikuono i keia auina la, hora 4, ma o ka moku kalepa eha kia mai, nona ka inoa Olympic, e hookomo mai ana iloko mai ke awa mai o Piladelapia.

            Ua haalele iho ke Sunol i ka uapo o ke Alanui Wasinetona no Vallejo, ma ka hora 3:45, a oiai oia ma kona alahele e hoopiipii aku ana, oia hoi ka wa ana i halawai aku ai me ka pillikia, aole i mamao loa mai, mai ka hoe hoopaa mai ma na ahua aa o Blossom.

            I ka wa o keia mau moku elua e hookokoke aku nei kekahi me kekahi, aia na ohua a pau iloko o ke kulana kupilikii loa, a aolee no hoi i hala ae he mau minute, oia no ka wa o ka moku kalepa Olympic i hooko’i mai ai i ka mokuahi Sunol, a oiai hoi ka makani e pa ana mamua o kona alahele iloko o ka hiehie nui.

            Ua loaa koke ka poino i keia wahi mokuahi, a ua iho aku la oia i ka opu o ka hohono me ka hoopakele ole ia o kekahi ukana, aka, ona ola nae he 45 maluna o kona oneki, ua pa’i wale no i ka pakele, hookahi wale no sela i  poino oia o Jack.

KE PAU MAI NEI I KA HOPUIA

            Eia o Makai Kiu Enoka a me Huihui ke noke mai nei i ka hopuhopu ina poe che-fa, pepa pili waiwai, hana hia, a pela aku, ka kani o na kanaka Hawaii, na Pake, Iapana, a pela hoi me na Pukiki, a koe aku ia na hale pu waiwai o ka poe alanui, e like me kekahi mau hele pahupahu o ke Kauoa nei a me loko o na hotele o ka poe kuonoona.

            No ka mea, aia iloko e ia mau wehi na dala nanui a kekahi poe i pili ai e o ka hana kupono wale ia lakou, oia ka hopu like ana i na mea a pau, mai ka poe waiwai e hiki ku aku i ka poe elihune i kaulike o na lawelawe kanawai ana iloko o ka lakou lima, a o ko makou wa ia e haawi aku ai i ka mahalo ma kauwa a ke aupuni, i manao ole i ke ano o ke lulena o ia kanaka.

            Ua lilo ie no na hana e lawelawe ia mai nei i mea haihai ina kanawai o ka @, a me kupono ke hoopau @ iloko o ka manawa pokole.