Ke Aloha Aina, Volume III, Number 13, 27 Malaki 1897 — Page 1

KE ALOHA AINA

 

BUKE III                   HONOLULU POAONO,  MARAKI 27, 1897.                  HELU 13

_____________________________________

KE ALHOA AINA

 

E hooopuka mau ia aku ana mai ka Poakahi a ka Poalima o na pule a pau o kela me keia mahine.

Ka Uka Pepa, he ao keneta o ka pule. No ke kope hookahi, he 5 keneta.

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

E pai ia ao na Olelo Hoolaha, na Kanikau me na Mele Inoa me ke Dala kuike. Aole nupepa me ka ewili pakahi e hoounaia ke ole e hookaa mua ia ka uku pepa.

E hoouma pololei mai i na Nuhou na Kumumanao, na Olelo Hoola la ha, na Kanikau a me na Mele Inoa i ka Lunahooponopono e keia Pepa.

Aole loa e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kome inoa penoi.

            Ka Nupepa Puka Pule

I  ALOHA  AINA

Hookahi Makahiki . . . $2.00

Eono Mahina   …          1.00

Ekola mahina  …           .50

Hookahi Mahina . . .     .20

            EMMA A NAWAHI

                        Puuku o

KE  -  ALOHA  -  AINA

            EDWARD L. LUKE

Lunahooponopono a Hopa Puuku

 

            S.P. KANOA,

  Hope Lunahooponopono

 

O na kauoha Nupepa me na hookaa Dala, e hoouna poielei @ i ka Puuku @ Honolulu.

_____________

 

NUHOU KUWAHO

___________________

 

  Ma ke ku ana mai o ka mokuahi Miowera i ka hapa o ka hora 8 o ka po Poaha nei, mai Victoria a me Vanekoua mai, ua loaa mai ia makou na mea hou like ole, o na Aina Hikina no ka pono o ko makou mau makamaka heluhelu, a oia iho keia malalo.

WILD SWAN NO HONOLULU NEI

  Victoria, B. C. March 9 O na moku, no ka oihana kaua moana o Beretania, i makaukau no ka nee ana, mahope iho o na hooluana ana i ke Kau Hooilo ma ke awa o F squimalt. O Nene Ahiu, ia nei no ma mua, e haalele ana oia i keia awa no Honolulu i ka Poaono ae nei no ka lawe ana ae i ke kulana hoolulu o ka mokukaua Icarus, i halo aku no na kapakai o Amerika Hema, a ke laulaha nei na lono, e haalele iho ana he mokukaua lawe hae i keia pole ae no ka Hema, a o Comos hoi, e kau aka ana oia iluna o ke alahuki moku, i i ka la 1 o Aperila ae nei.

 

KA LUNAKANAWAI KIEKIE HOU O

               SAMOA.

 

  Wasinetona, Mar. 5, O W. L. Chambers o Alabama, ke Komisina Aina mua o Samoa, ua kuikahi na aupuni o Beretania Nui, Geremania a me Amerika Huipuia, e kohoia oia i Lunakanawai Kiekie Ide, oiai no hoi he Amerika no oia. O ka moi o Samoa, ua hana oia i keia hookohu, me ke kanalua ole o kona apono ia.

 

KA HALE WILIKO POOKELA O KE

              AO NEI

 

  Salina, Cal. Mar. C.  Ua hoike ia ae i keia la, no na mea e pili ana i ke ko uala, e hana ia mai nei ma Salina, Kaleponi ae nei.

  Ua hoike ia ae no hoi, aole oia wale ka hale wiliko nui loa ma ke ao holookoa no a puni, oia hoi, ke uhi nei kona mau hale ukana, na hale mikini, a pele aku, i ka huina ili aina, o 523 eka.

  O ka hale hana nui loa i kukulu ia, oia hoi he 589 kapuai ka loa, 106 kapuai ka laula a he 6 hale ke kiekie, a o keia hoi ka lua ole a puni ke ao holookoa.

  Ke wili nei oia i kela a me keia la he 3000 tona, a ua hiki no ke hoomahuahua hou ia ae i 450 tona, oia hoi o 3450 tona o ka la. Pu-a ka uahi no ka hoi i keia hale wiliko.

 

KIA HOU NO IA KAUA O SEPANIA.

 

  Atenai, Mar. 19.  Ua laulaha ae kekahi lono maauei, ua ninau aku ia ka ke Kuhina Noho o Tureke i kona aupuni no kona kahea ia mai e hoi aku, oia hoi, ua maka’u i weliweli oia no kona ola.

  Ua hoomau ia ae no hoi na lono, e hookamaemae ana i ka ooloku kaua i loaa ae, mai na apana mai mawaho aku o ke kulanakauhale.  Ua hoike pu ae no hoi ke aupuni i kona kue no na hana e pono ai, ma o ka loaa ana, i ke Kanikela Helene he kuleana e noho ai ma Kerete, mai ke kipaku ia ana aku mai ia wahi aku.

 

            HAKAKA MA KERETE,

 

  Canea, Mar. 9.  O ka hakaka i malama ia mawaena o ka poe kipi o Kerete, a me no pualikoa Tureke, e hoopuni ana ia Akratiri, ua hoopauia ia ma ka nee ana kau o ke kahua hoomoana o na kipi, mamuli o ke kipoka pahu a na aumoku kaua makai mai o ka moana.

  Ua hoomaopopoia keia, ma o na Kanikela la o na aupuni e, e noho ana ma Candia, a ua loaa ae no hoi he lono, e hoike ana, o ka nui o na poe i luku wale ia, me ka hoomainoino pu ia, oe 400 ko lakou heluna, ma kahi kauhale o ka apana o Sitia, a e hooia ana hoi i ka pololei o kela huina i hoike ia ae.

  O ka Hope Kanikela Helene, kona mau ukali, a me ka poe kakau nupepa a pau o Helene, na hoolohe koke aku lakou i na olelo a Adimarala Canevaro, no ke ee ana aku maluna o kona mokukaua no ka hoihoi ana aku ia lakou no Helene i keia auina la.

________________

 

HE MEA ONO NA OLELO OLU-

 OLU, HE ONO I KA UHANE

            A HE OLA I IWI.

___________

 

  He mea oiaio, ma kau hana ana ia mea, e hoola no oe i ka naau i hoopepeia.

  A oiai hoi na huaolelo maikai e puapua aku ana noai kou waha aku imua e kou nau hoaloha, ua like no ia me kou haawi ana ku i kau wahi kulu iki o ka meli, mai kou waihona meli aku, a e ono auanei i ka puu o ka poe e hoolohe mai ana i kau mau olelo ao a pau e hoopuka aku ai, a he popo laau ao hoi ia e hoola aku ai i ka mea i loohia i ka nawaliwali    Pehea no hoi i ulu mai ai la’u na hoomanao ana i na olelo walohia o ko kakou Lahi Molwahine e noho mai la Helo o ka aluka o ko na aina e, i ka i ana mai penei “E hoi oukou a e malama i ka maluhia.”

  He oiaio, oia leo aloha i pa-e ma i la oia ka puoawai huihui mama i hoomalu iho i ka wela hahaua ikiiki e houaku ana iloko e ka puuwai e ka lahui iloko oia mau la a malalo no ola mopona leo oluolu i apo aku ai ka lahui a kuiee mai la iloko o ka papa hoomanao o ko lakou mau puuwai, a he ai ono hoi na ka uhane, a he hoola hoi i ka iwi o ka lahui oiwi mai Hawaii a Kauai, a malalo oia ai ono ka lahui e kali hoomanawanui nei o ka hiki mai o ke kua-ua mua, me ke kua-ua hope, no ka hooma’u aua iho i na mahakea o ka aina i hoopanoa ia e na manao o ka poe i anai mai, a i haowale aku hoi i kou mau pno pili paa mai ke Akua mai, a eia nae ka ke kaula Isia i olelo mai ai penei:

  “Auwe oe ka mea anai aku, aole hoi oe i anai ia mai; ka mea haowale aku, aole nae lakou i hao mai ia oe! A pau hoi kau anai ana aku, alaila, e anai ia mai oe; a pau hoi kau hao ana aku, alaila, lakou e hao mai ai ia oe.”

  He oiaio, eia oe o ka iwi o kuu iwi, ka io o kuu io ke kali nei me ka mamao lana nauoli no ka hopena o kela huaolelo a ko kakou Moiwahine i aloha nuita. A ke kikeke mai nei kela leo aloha i ko’u puuwai, e i mai ana:

  “E a’u mau keiki aloha, i hookahi ke oukou manao ko kekah, me ko kekahi, e noho me ka haahaa a me ke ahonui, a na ka Haku no e hookiekie ae ia ou kou i ka wa pono. A oiai au ke imi, a ke kikeke ae nei i na ipuka o ka lanakila no ko’u mau pono pili paa i pakaha waleia, e hoomanawanui wahine ana hoi i na kuipehi a ke aou e houhou nei i ka ili a ileko hoi o ka ulwaoa, ke alo hookahi ae nei i na inea o nei aina malihini makamaka ole, a hookahi ao makamaka o ke aloha o ke Akua. Nolaila, e a’u mau keiki e noho me ka hoomanawanui me ka malama ana i ka maluhia o na kanqwai o ka aina, me ka hoomau ana ka pule no ko’u mau pono pilipaa i pakahaia.  A na ka haku no o haawi mai i na ha@na o ka pomaikai maluna iho ou e kuu lahui @ poni aloha ia, a maluna hoi e kau mau mamo mai ke ao komu ole, a i ke ao pau ole. Amene.”

  Ea i Nani, a maemae ia leo waiohia a mu-a ia iho i ke puuwai ou e kuu oiwi aloha, a ua piha a moana ka lahui a oiai hoi, ua mau, huaolelo oluoia la, he ono i ka uhane a he oia i ka iwi.

  He ono i ka uhane, a he oia i ka iwi, oia oe e Hawaii nui e Keawe, iaookela oe e Maui o Kame, kau ae i ka honohoweo e Molokai oui a Hina, aia oe i ka pane poo o ka hanohano e Kauai o Manokalanipo, a la oe hoi e Oahu e Kakuihewa, e oe ka pahu hope o ka manaolana hauoli, e heiaua oe ana me na @uall anela o ka Lani me ka hooho olioli ana i nei mau hopuaa olelo:

  ‘E hoomaikai ia ke Akua ma na Lani Kiekie Loa, he malu ma ka honua he aloha no i ka lahui Hawaii,” ua ola o Hawaii, ua aui ae na eheu o ka po, a na olino mai ka lanakila o ke ola ma na kaiaulu aloha o Hawaii nei.

  A no ka mea, e na huaolelo oluolu i ouka mai, mai ko kakou Moiwahine mai, he ola ia no ka aina, ola ka lahui, ola na mea ulu o ka honua, ola na manu o ka lewa a me na i’a o ke kai, i ke oia nui mai ka nohoalii mai o ke Keiki Hipa ki-na ole, ko kakou puuhonua e maha ai, mai na manao pakaha a pau i hao wale aku i ko kakou mau pono pili paa, a ko ke Akua lokomaikai i haawi mai ai, ina aku a hoea iho iloko o ka imo ana a ka maka, nou ia, a no kau mau mano, mai ke ao kumu ole a i ke ao pau ole. –Amene.

            SAMUELA K. KAMAKAIA.

_______________

 

KA HAKAKA MA NA MOKUPUNI

           PHILIPPINE.

______________

 

  Aia no na mokupuni Philippine, ke noke la no i ka hakaka me na koa Sepania, a ua hoike ia ae i ka nupepa Ahailono o Nu Ioka. Ua hoike ia ae he mau mahele koa nui o na kipi, kai hoopuni ae i na apana o Sana Mateo a rae Mar@quina, a paniku ana ia Manila

  Ua alualu ia aku @akou @@ataneia Konela Jiminez a ua pau i ka make he aeo o ko lakou huina.  Ua hono no akou e komo Hoke o ka apana o Neuva, Eoja, aka, ua hookuono hope ia lakou, a hoi hope aku ia no na puu.

________

  HOPU IA NO KA AIHUK

_______________

 

  Mailoko mai o ka malama o Ianuari, ka nalowale ana o ke kuka a me ka paa kamaa o ke keiki a J. L. Kaulukou a ua haawi ia hoi ka hana iloko o ka ima o ka Makai Kiu Kaapi, iki, aole nae he wahi moali e hiki ai ke hopu ia ka mea nana i aihue keia mau mea.

  Ma ka la Sabati aku nei ua ike ia aku ia kekahi mea e kemo ina i ua kuka nei a ua hoke ia e hop@ a paa aku, ua mahuka iho ia ua wahi kolohe nei, iloko o ka elu maia, ake, o@hope iho nae, ua paa i ka @ ia, a aia i ka Halewai kahi i paa ai, @ona ka @ o Charles Kahalehili. Menemene ole no hoi ka lima e ka kelehe.

  Ua honou mai he opuu makamee mailoko mai e Mrs @ Helena a me David Helena Jr., he keikikane. Ma ka Poaha aku ae Maraki 18, a he Nuola maikai ke ola e ke kamaili hea.