Ke Aloha Aina, Volume III, Number 9, 27 Pepeluali 1897 — Page 8

KE ALOHA AINA

 

 

HE MOOLELO HOONANEA

NO KE

Keikialii Alabati.

Ke Kaeaea o Pelekane.

A ME

Ka Ui Madelina.

Ke Kukui Uwila o Ainapo.

Hoohenoia no KE ALOHA AINA

            I ka wa i pa pono mai ai ke ala huihui o na pua ma kona mau onohi maka mai kela malapua nani mai e waiho kahela mai ana imua o kona alo, he mea e kona hauoli, a me na leo pule oia i kahoahoa ae ai i ka lokomaikai o ka Mea Mana Loa, i Kona kokua ana mai iaia ma ka hoopae maalahi ana mai maluna o keia wahi mokupuni o Ke Ao Keokeo, a i noho hoomalu ia hoi e ka Nalo Eleele, ka moi nona ka mana maluna o na holoholona hihiu o luna o keia wahi mokupuni hoopahaohao o ke kai.

            I ka wa i pau ai ka hoonuu ana a kona mau onohi maka i ke ala waianuhea o na pua, e kaomi ia mai ana e ke aheahe kehau o ke kakahiaka, oia kona wa i kiei aku ai mawaho o kona pukaaniani, aia hoi, ua hoala ia mai na manao ano e iloko o kona umauma, mamuli o kona ike ana aku i na holoholona nunui e momoe ana.

            A o ko lakou mau niho a me na maiuu, oia ka lakou mau lako kaua punahele loa e malama ana i ko lakou wa e ku kiai ai, ma ka hoopuni ana i ka halealii o ko lakou haku.

            Ua hoohalike ia no hoi ke ano o ka lakou ku kiai ana me na koa e malama ana i ke ola o ka moi, ka ohana a me ka maluhia pu o ka halealii,

            I ka pau ana o ka ke Keikialii nana ana i keia mau mea, kii aku la oia i kona mau wahi aahu ana i kau aku ai ma ka paia o ka hale, me kona manao, aia a pau kona komo lole ana, alaila, kahea aku oia i kona hoahele.

            I ka wa nae ana i kii aku ai, aole na pono kahiko ana i hele ai ai, he mau mea hou wale no ke kau ana ma ia mau wahi.

            Ua lilo keia i mea e hoano e ai i ka manao o ke Keikialii, a no ka hiki ole iaia ke uumi iho i na manao e hakukoi la iloko ona, ua pane wale ae la no oia penei:

            Ano e no ka hoi, i ko maua hiki malihini ana mai maloko o keia hale, ua wehe ae au i ko'u mau aahu a kau aku ma kahi i hookaawale ia no ia mea, me ka manao aohe kupue nana e lawe aku ana ia mea mai a'u aku.

            Aka, i keia wa, ke ike nei au, he mea okoa ma ia wahi, i kupono ole i ko'u mau lima ke lalau aku a hookohukohu iho no'u ponoi.

            I keia wa a ke Keikialii e kaukau la i kela mau huaolelo, oia ka wa ana i lohe aku ai i ka pa-e ana mai o kekahi leo me ka maopopo loa ma kekahi aoao mai o ka hale, me ka i ana mai:

            E ke Keikialii, e lawe ae i na mea a pau maloko o kou rumi, a e aahu iho nou ponoi.

            No ka mea, ua haawi ia ke kuleana a pau ma ia wahi nou e ke alii, a mai hopohopo hoi, me ka manao iho, he mau hoopilikia keia ia oe.

            Ua hoopuiwa ia ko ke Keikialii manao mamuli o kona lohe pono ana aku i keia mau olelo.

            Aka, aole nae oia i awiwi koke aku i ke kii ana e komo i kela mau aahu a hiki i ka wa i hemo mai ai o ka puka i ke kamaaina o ka hale, oia hoi kahi keiki kilokilo.

            Ua pane hou mai la oia i ke Keikialii no ka lua o ka manawa, me na olelo i hoopiha ia i ka oluolu a me ka waipahe:

            E ke Keikialii opio, o na mea a pau maloko o keia rumi, ua noa ia ia oe, aole he mea nana e hoopilikia ia oe, no ka mea, ua hookaawale ia keia mau mea a pau no kou pono e ke alii, e like me ka nui o ko'u hilinai maluna ou.

            Huli ae la oia a puka aku la iwaho mailoko aku o ka rumi o ke Keikialii e noho nei, a iloko o ka wa pokole loa, ua nalo aku la oia mai na maka aku o ke Keikialii.

            E like me ke kauoha a ka mea nona ka hale, e komo oia i na lole a pau e kau ana maloko oia rumi, oia kana i lalau aku ai i na aahu e kau ana ma kahi o kona mau lole i kau ai.

            I koha hookuku ana iho, me he mea la ua ana mua ia no na paa lole a pau e kau ana ma ka paia o kona rumi, a oia kana i namunamu iho ai iloko ona, he keu hoi ha ke kupanaha o keia mea he keiki e ae no paha kahi o keia wahi, i kupono ai keia mau paa lole ia'u.

            I ka paa ana o kona aahu, ua hoea hou mai la ua wahi keiki nei no ka lua o ka manawa, a pane mai la:

            E ka Haku o na Haku, a me ke Alii o na Alii, ua makaukau na mea a pau no ko kaua paina kakahiaka, a i hakalia wale no ia oe, ina ia he mea i kupono i kou manao e ke Alii.

            Ua ku io ae la ke Keikialii iluna, a kaukolo aku la mahope o kona kamaaina, i piha i ka oluolu a me ka waipahe, a aia hoi iloko o kona houpo kahi i kapalili ai o na manao hauoli, no ka loaa ana iaia he kamaaina oluolu a puuwai heahea.

            Aia ke ala waianuhea o na mea ai ke moani aala mai la kona mau ea oluolu iloko o kona mau pukaihu, a na ia mea i hoopu paumi ae i na degere o ka puu moni ai ma ke ana kiekie o ka mau-u.

            Ua lawe like ae la laua i ko laua mau noho, a hoomaka iho la laua e ai i ko laua aina kakahiaka, e like me ke ano mau o na paina i malamaia.

            I waena o ka laua paina ana, ua kamailio aku la ua wahi keiki hookalakupua nei imua o ke Keikialii me keia mau olelo:

            E hoolohe mai e ke Alii, mai keia la aku, e lilo ai oe i Haku, a i Alii maluna o keia aina, o na kauwa malalo o ko'u mana, ke haawi a hoolilo loa aku nei au nou ia mau mea a pau, a o kou leo auanei ka mea mana maluna o na mea a pau maluna o keia wahi aina, a o ka mea e hoao ana e kue mai i kou mana ma na ano a pau, e like me ka mana a me ke kuleana i loaa ia'u, pela au e hooili nei maluna ou, me ka hilinai ana, aia iloko o kou opu alii he naau ahonui me ke aloha.

            E hoomanao iho oe, he aina keia ua piha me na kino eepaa i kulike ole me kekahi mau aina okoa aku, aka, o keia hookahi wale no a me ka aina pouli o Ainapo, ka aina hoi i hoopulapula ia e kekahi kaikamahine i like kona mau helehelena me ka ula wena o ka la i ka aluna ahiahi.

            Owau kou kokua ma na wahi a pau au e hele ai, a ke halawai oe me kekahi pilikia kuhohonu, e kahea koke ae i ko'u inoa, a e hoea koke mai no au iloko o ka imo ana a ka maka, me ka palanehe nui i oi aku mamua o kekahi mea kino kanaka, a makani paha.

            I ka pau ana o ka laua mau hookaao olelo ana, ua lawe hoomakaikai ia aku la oia ma na wahi a pau o loko o ka halealii, he ku i ka nani na mea a pau, i oi aku mamua o ka halealii ponoi o kona mau makua.

            A ua lilo hoi ia i mea e hooi loa ia aku ai kona hoohihi no keia wahi home mokupuni ona.

            Ua lawe hele aku la ua wahi keiki nei i lilo i opiooio ma ka nana aku, aka he elemakule haalele loa nae ma ke kulana, ma na wahi a pau o luna o kahi mokupuni.

            E hoikeike ana i na mea nani a pau o luna o ua wahi ailana paa nei i ke ehu o ke kai, a he mea e kona hauoli nui i ka lilo ana o keia mau mea a pau nona.

            I ka pau ana o ka laua nana ana i na mea nani o Piiholo, ua ike pu aku la hoi oia i ka laka o na holoholona hihiu e momoe mai ana mamua o ko laua alo a he mea kupanaha no hoi ia i kana ike aku, oiai, aole hookahi mea o lakou i kue mai i ko laua wa e maalo ae ana mamua o lakou.

            Na keia mea i hoopihoihoi mai ka manao o ke Keikialii, a me ka hookaulua ole iho, ua pane aku la oia i kahi opio hookalakupua e alakai nei iaia mamua:

            Mai ko'u hanau ana a hiki i keia la, a oiai hoi au ma kou aina hanau, ua ike no au, a ua kamaaina hoi ma ka hele pu ana me ko'u makuakane, he hihiu na holoholona e like me keia ano aole hoi he laka, aka, ke ike nei au he laka no ka hoi.

 

ILI KA MOKUPEA LEAHI.

            Ma ke ku ana mai o ke Kinau ma ke kakahiaka o ka Poaono nei, ua lawe mai la oia i ka lono e pili ana no ka ili ana o ka mokupea Leahi ma Kahului, ma ka Poakolu o kela pule aku nei.

            Ma ka la 4 o keia mahina i ku mai ai oia mawaho o ke awa o Kahului, he 72 la holo mai Nu Kakela mai, a kali iho la mawaho mamuli o ka piha o ke awa i na moku, me ke kalewa ana. Ma ka Poalua, ua loaa iho la oia i ka pohu a huki ia aku la e ke au iuka o ka aina, a paa iho la mawaho mai o Spreckelsville.

            Ua kauoha ia aku ke pailata iuka o ka aina a hoea koke mai la no hoi oia no ka hoopakele ana i ka moku, mahope o kana mau hoao ana, ua hemo mai la oia, me ka haki ana o kona hoe, iloko o keia poino i kuu iho ai o kona heleuma mawaho o Kahului.

            Ma ke kakahiaka Poakolu ae, ua hoae ae la ke pailata e hookomo iaia iloko o ke awa o Kahului iloko o ka pohu lai malie o ka moana, aka, i ka wa nae a ka moku e hookokoke aku ana i ke awa, ua pa mai la kekahi kikiao makani, a laweia aku la oia no luna o kuau. Ua hookui aku la oia i k@ a puka ae la kona aoao me ke komo nui ana mai o ke kai, aohe manaolana i koe no kona palekana.

 

HE MAU WAIWAI HOU UA HIKI MAI !!

AIA MA KAHI O

L. B. KERR.

E Kuai Hoopauia aku ana a hiki i ka wa e hoike houia aku ai

Na Lole Kalakoa he 30 i-a i ke $1.00

Na Lole Hauliuli he 20 i-a i ke $1.00,

Na Lole Keokeo he 15 i-a no ke $1.00,

Na Kinamu he 16 i-a i ke $1.00,

Na Haliimoe 90 iniha laula he 18 keneta o kai-a,

Na Uhimoe he $1.00 a me $1.25 pakahi,

Na Lole Falanela he 12 i-a i ke dala.

            Ma hoopoina i ke kipa mau mai i kela Halekuai i keia wa ka Halekuai emi hookahi wale no.

            L. B. KERR.

HONOLULU ALANUI MOIWAHINE.

 

UA HOEA MAI O PAT CULLEN I KE KULANAKAUHALE NEI.

            Ma ke ku ana mai a ka Malulani i ke kakahiaka o ka la Sabati nei, i hoea mai ai ka Hope Makai Nui Coney me Pat Cullen kana paahao me na lima i kupeeia i ka hao. Ua lawe koke ia mai oia no ka Halewai no ka hoopaa ana.

            Ma ka po o ka la 15 nei i paa ai oia i ka hopuia ma kekahi awaawa o Kalalau, maloko o ka hale o ka hoahanau o kana wahine, oiai, oia e nanea ana me kekahi poe e ae, e nana ana hoi i ka hula ana a kekahi poe wahine, ua hoopuiwa ia ae la oia a me ko ka hale a pau i ka hooho ia ana mai he makai, ia wa ua holo koke aku la oia e kii i kana pu raifela, aka, mamua nae o ka hooko ia ana o kona makemake, ua wawahi kokeia mai la ka puka a ku ana o Coney imua ona me ka pu panapana e kau pono aku ana i kona lae, ua haawipio koke aku la oia iaia iloko o ka lima o ka Hope Makai Nui Coney.

 

UA HOOHUIIA MA KA MARE

            Ma ka po Poaha nei, Feb. 18, ma ka home o Mrs. Ipuhao Kalua, ma ke Alanui Nuuanu i hoohuiia ae ai o Samuela K. K@kai@ me Mrs. Ipuhao Kalua, e ke kahunapule o na La Hope, o ka aoao Moremona i hoomaemae hou ia.

            He palanehe keia wahi mare, a he mimo hoi kona kiina e ako i ka pua o luna o ke kihapai, o luna o ke kihapai oiai, aole i maopopo i ka lehulehu o na makamaka a me na hoaloha keia wahi mare, a i ikeia i ko laua noho ana kane a wahine ana.

            Nani ka holo mama ana o na kaa kaua o ka mare iloko o ke apo o ka noho ana ohana, a ke hauoli nei ko makou puuwai, i ka ike hou ana aku i ko makou hoaloha e ku kapena hou ana no kekahi moku okoa aku.

            E oluolu hoi e na mea i polena ia, e lawe aku i ko KE ALOHA AINA hoomaikai, a ke haawi pu aku nei hoi i na kalokalo ana i na Mana Lani e haawi mai i na hoopomaikai ana iho maluna o olua. A na ke aloha o ke Akua e papahi iho i na haawina pomaikai maluna iho o ko olua @o@u@.

 

KA HUI HAWAII

            HAWAII QUINTETTE

            He Hui Himeni @ papa Ekahi @ a pela aku.

            E @

            E @ na kauoha @ "Ka Hale Oiwi." W. W. D@, a i ole, ia C@ ma Alanui @ Helu @

            Feb. @ 18@

 

KA LAAU HOOLA

            A KAMALENA.

HE LETA MAI KE KAKAUOLELO MAI O KA AHA KAAPUNI.

            Fe@andina, Fla., Feb. 28, 1896.

Mr. J. George Subrer, Druggist, City.

            E oluolu oe e hoouna mai i omole o ka Laau Kunu Hoola a Kamalena. Aole au e oluolu ina au e maopopo ana, aole e loaa ana ia'u kekahi o ia laau makamae maloko o ka Hale. Ua hoao au ia laau a ua ike hoi au o kekahi ia o na laau maikai loa no ka puu eha i loaa ia'u. Hookahi inu ana ua lawaia, aka, ua hoomau no nae au i ka inu ana. Ua hiki ia'u ke hooia ae, he helu ekahi ma ka hoola ana i ka puu eha a me ke kunu o na keiki liilii.

            Owau no me ka haahaa,

            G@o. G. WOLFF.

            Kuaiia e na poe hana laau a me ka poe kuai aku.

            Benson Smith & Co.

            Agena Nui. Honolulu, H I

 

            O Mr. Ward L. Smith o Frederickstown, Mo., ua hoopilikia mau ia oia me kekahi ma'i hi no 30 makahiki a oi. Ua hoao na kauka akamai o Amerika a me Europa, aka, aole nae he loaa iki o ka oluolu mai ia lakou mai. I kekahi la @ loaa iho la iaia he nupepa, a maloko o laila i ike iho oia i kekahi hoolaha no ka Laau Hoola Kunu, Kolera a me ka Hi, a Kamalena. Ua kuai aku oia he omole, a ma kona hoao mua ana ua loaa koke no iaia ka maha, nolaila, ua hoomau aku oia i ka inu ana a hiki i kona palekana loa ana.

            Kuaiia e ka poe kauka a me ka poe pa'ipa' laau.

            Benson Smith & Co.,

            Agena Nui. Honolulu, H.I

 

            He mau mahina i hala ae nei o Mr. Bryon Every o Woodstock, Mich., ua loohia iho la oia me kekahi rumatika ikaika. Ua pehu @ kona wawae me ka eha nui. Ua ao ia aku oia e hoao i ka Laau H@mo a Kamalena. Ua ho@ oia i ka omole mua a @ loaa iaia ka maha, a i ka inu o ka omole ua loa iaia ka oluolu.

            Benson Smith & Co.,

            Agena Nui, Honolulu H. I

 

            Mai na wahi a pau ua hoea mai na leo mahalo no ka Laau Kunu a Kamalena. "E oluolu mai ia'u e haawi aku i na mahalo keikie no kau Luna. Ua hoola mai kau laau ia'u mahope o ka hiki ole ana i na kauka ke hoola i ko'u ma'i."—CHAS. F. H@EL, TOLEDO, O.

            Ke kuai ia nei lakou maloko o na hale kauka a me na wahi haawi laau.

            Benson Smith & Co.,

            Agena Nui, ma Honolulu H. I

 

MAU AINA KUAI!!

AIA ma ke alanui e pii la mauka o Kalihi mahope aku o ka Halekula o Kamehameha koke i ke Alanui Moi, he

40 Apana Aina

50x100 i makaukau no ke kuai aku i mau Pahale noho no ka poe e makemake ana. Aia pu no hoi malaila @ POHAKU KUAI. He hookahi hapakolu e hookaa mua ia, a o ke koena loko o 3 makahiki e hookaa ai. No ka poe ake ana e ike i ke kii o ka aina e ninau @ ia N. Fernandez @ nana e @ ko J. O. C@ (K@ Ka@k@) Alanui Kalepa, a i ole ia

            ABERAMANA FERNANDE@

            Telepona @

            Kalihi, Jan. 18, 1896.

@

 

HE WAAPA KUAI.

            @ i Waapa Hoe@ i K@, i Pea, na L@, i Hoe, i, K@, i P@, i Hoe L@, i Pahu Wai @, a  Hoe Hawaii, a me kekahi mau pono e ae no ke kumukuai $250 a me ka pena hou ana. E ninau ia

            J. M. MAK@KA

            Ma ka Uapo P@ Waapa