Ke Aloha Aina, Volume III, Number 9, 27 Pepeluali 1897 — Page 2

KE ALOHA AINA, POAONO, Feberuari 27, 1897.

 

Hoopukaia no ka

 

Ponaikai oka Lehulehu, a ho Nu pepa no ka Lahui Hawaii.

 

Edward L. Like,

Lunahooponopono.

 

E.A. NAWAHI,

Puuku. KE ALOHA AINA.

 

Honolulu, Feb 27, 1897.

 

KE ANAINA IKE A KA POE KIEKIE.

Kue loa la ja Hoohui Aina.

Mamuli o na olelo ano nui o ka Manawa, i halihali ia mai hoi maloko o ka uwea olelo, a l lawe maoli ia mai hoi maloko o na nupepa a me ka ma kou maul eta ponoi, ua hooikaika nui makou e hoolawa mau aku i ko makou mau makamaka heluhelu, me na mea hou like ole, i loaa ole i kekahi mau nepepa e ae o keia kulanakauhale a i ike iho ai hoi kalehulehu, eia makou ke hooko nei i ka makemake o ka lahui, me ka hunahuna ole iho, i kekahi mea i hana ia e kp kakou Moiwahine, ma na anaina ike i haawi ia no na makamaka i kipa aku ma Kona hotele i noho ai, ma Shoreham, a ma na wahi e ae paha iloko o ke kulanakauhale o Wasinetona, aole hoi ma kea no kamalii, elike me ka hailiili a ko ma kou mau hoaloha o ka makapeni, ala, iloko o ke aheahe malie o na manao maikai no ke aloha i ke Alii a me ka aina hanau, a pela mau makou e hilinai aku nei maluna o ka lahui oiwi, aia iloko o lakou ko makou ikaika, aole ma kekahi ano e ae, e hoohaahaa ai i ka inoa makamae o ka milimili a ka lahui, a pela makou e panai aku nei i keia mau hoike malalo iho:

Nu loka, Feb. 5. Mai ka mea kakau mai o ka nupepa “La Wasinetona”, ma ke telegarapa, I loaa mai ai keia mau mamalaolelo, ma ke anaina ike a ka Moiwahine i malamaia ma ka Hotele Shoreham, kahi hoi a ke Alii e noho nei, i malama ia I keia auina la.

O Liliuokalani, na malama io ne Oia he anaina ike no kekahi poai i kipa aku o ike Iaia oia hoi o Lunamakaainana Hilborn, kana wahine a me ke kaikamahine, Mrs. Morgan a me ke kaikamahine, a me Mrs. Chadwick.

O lakou nei wale no na hikimua o ka poe l kono ia i hoea ne malaila, mawaho o Senate Perkins a me Lunamakaninana Kem, i kali ia no ko laua hoea mai.

Ua hoea io ae no laua i ke ehiahi ana iho, a ua huipu lakou me ka Moiwahine me ka piha i ka hauoli.

“O Senate Perkins, he mea kue loa oia i ka Hoohio Aina me Hawaii nei, a ua ike mua no hoi oia ia Liliuokalani, he mau manawa lehulehu mamua o kona lilo ana i mea kue ma keia kumuhana pili aupuni, i kona wa i kipa aku ai e ike hou Iaia ma keia anaina.

Ua hioke ae oia ma kea no malu i kona kue loa i keia aupuni Hawaii e ku nei i keia la, a ke manaoio nei oia, he hana hewa loa kela i hookau ia aku maluna o ka Moiwahine; ma ke kaili ana i ka nohoalii mai Iaia mai, a o keia hewa i hana ia ai, e hooponopono ia aku ana ia, no ka wa pokole wale no."

"O Lunamakaainana Hilborn, he kakoo ikaika loa oia no ka Hoohui Aina i kekahi manawa i hale ae nei, i keia la, he mea kue loa oia i ka Hoohui Aina. He lehulehu wale: o na poe i hele aku me ka manao e ike i ke Alii, aka, hookah a elua wale no mea i loaa aku ke apono ia no ko lakou ike ana i ke Alii.

O Kakauolelo Palmer mea kuleana i ka hookipa ana aku in a makamaka i ake e hui pu me ke Alii, ua hoike ae oia, he mea paakiki ka loaa ana aku o ke apono ana aku e ike i ka Moiwahine, mawaho aku a na poe i ae ia.

A oia hoi kana i hoike ae ai a wahi ana: "O na hoa o ka Ahaolelo Lahui, a i ole, o kekahi poe e lawelawe ana in a hana pili aupuni, ua loaa mai ko lakou apono ia no ka ike ana aku i ka Moiwahine.

Ua loaa pu no hoi ia kuleana i ka poe a ka Moiwahine i ike ai, a i ole, i Kona kaikunane paha i make, ka Moi Kalakaua a i ole o ka poe paha i kipa aku i Ona la ma Honolulu, mamua o kona nohaoalii ana, a i ole mahope iho paha o Kona hookahuli ia ana, ua ae ia aku lakou e hele mai e ike laia. A pela no hoi na hoa o ka Hui Malu a Kana kane i komo ai a mawaho ae o keia poe, he mea paakiki lo aka hiki kelauna po me ia.

A iloko o na hoolauna ana o ka poe kipa aku e ike i ka Moiwahine, ua ninau ia aku o Kakauolelo Palmer me keia mau olelo:

"I ke wa he aka Moiwahine e kipa hou aku ai ma ka Hale Keokeo?"

"Ano, e kala mai oe ia'u ma keia mea, wahiana. Ua ike no oe, he malu lo aka lakou mau mea i hoolala ai maluna o ka lakou kumuhana i hana ai, a oa hiki ole ia'u ke hoike aku i ko'u manao no ia mea.

Aole au i ike, e hele hou ana paha Oia no ka Hale Keokeo.

A aole no hoi e hiki ia'u ke olelo aku, penei a penei ae Oia e hana ai,

"Eia a nei ka moiwahine ke hooikaika nei e loaa na kokua ia mai, mai ka Aha Kuhina mai, no ka hohoi hou ana Iaia maluua o ka nohaolii i hoohakahaka ia i keia la?"

Eia hou no o eke hoohuahualau mai nei ia'u i ka mea hiki ole ia'u ke hoike aku ia oe. Ua makemake au e hoike aku ia oe, he kakaik'ahi lo aka poe i loaa ia kuleana, a o ka Moiwahine hookah wale no 'noi ka mea i ike ia mea."

"He manaolana no anei ko ka Moiwahine e hoihoi hou ia ana Oia maluna o ka nohoalii o ke Aupuni Hawaii."

Ma na mea a pai, ua hiki ia'i ke hai aku ia oe, ina ma kea no he ahane kanaka, iloko o ka Moiwahine, he manaoio ko'u me ke kanalua ole, aia ka manaolana o kea no kanaka no Kona hoihoi hou ia. O Kona Kulana Alii, aole he me mawaho ae Ona i pupono je nojo hoolmalu malina o ka lahaikanaka. Pololei keia mau olelo, a he oiaio hoi!

 

E HOOMAU I KA HAUOLI

O keia no ka makou e pahola mai nei imua o na makamaka heluhelu, e hoike ana hoi in a mea oiaio a pau i loaa ma ka makou hoikaika ana no ka pono a ka lehulehu o na kanaka pon@i o ka aina, no na hana a ko kakou Moiwahine e kiai paa la i ka maka-ha o ka pomaikai kahi hoi a kakou a pau i ikemaka iho ai maloko o na leta a me na lono telegarapa i hoouna awiwi ia mai, i wahi e hoopau ia ae ai na manao kaniuhu iloko o kp ka lahui noho hamau ana. Ua ike no hoi kakou, ua lehulehu ka poe nana i hookui aku i ko ke Alii manao a peia pu no hoi me Kona Kakauolelo Pilikino, a ua loaa mai no na haina pokole me ka io a kuonoono o na olelo, a lakou hoi a pau e haawi la in a mahalo a nui no ke Alii me ka manao apono lokahi, no ka hoihoi hou i ka Moiwahine maluna o Kona Nohoalii , a e nana aku no kakou i ka hopena e hoea malana.

 

MAKE IA KAMAAINA KAHIKO

Ma ka po Poakahi nei, ma ke Alanui Nuuanu, ua haule a make loa iho ia o Warren Goodale, he kamaaina kahiko i nojo ma Hawaii nei, ma ka 1847, a ia holo hoi no Amerika no kekahi Manawa no ka ike ana i kona one hanau.

Ma ka Poaono iho nei no kona hoer ana ma i Honolulu nei, malina mai o ke Kinau me ke hino ola maikai, a i ka po Poakahi nei ua hoi aku la ka uhane me ka mea nana oia i hana.

I holo mai nei oia no ke komo pu i ka halawai o ka Ahahui o na Keiki o ka Hookahuli Aupuni o Amerika, i malama ia ma ke Alanui Kuakini, ma ka home noho o P.C. Jones.

I ka wa i pau ai ka halawai, ua hoi mai la oia no ke kali ana i ke kaa hapaumi ma ke Alanui Nuuanu, a oiai ke kaa e iho mai ana mai Waipiula mai, ua ike mai la o Olaf Sorenson, olai oia e kaalo ae ana mamua o kahi ana e ku ana, ma ke kihi o na Alanui Kuakini a me Nuuanu.

He Manawa pokole wale no nae aia hoi, ua ike mai la oia i kona hina ana ilalo, a ola kana i kaohi iho ai i ka holo o ke kaa a hele aku la e nana pono aia hoi ua make loa oia, ua hele aku la o Sorensen e hoike ia P.C. Jones, no ka hoike ana aku i keia lona iaia, a ua hele io la mai la e nana, ala hoi ua make a ua nalo ka hanu mai iaia aku.

O Papaikou, Hilo, kona home mokupuni, a ma ke Kinau o ka Poalua oia e hoi aku aia ka make e nae. He Ilamaku oia no ke aupuni, i ka wa a ka Moi Kamehameha III, a no kona holo ana i Kaleponi a hiki loa i kona home makuahine, ua pani la e Theo. Metcalf, no ka wa pokole wale no, a hookohu ia o W.C. Parke, la mea i noho loiji no 30 makahiki.

He Kapena koa oia no kekahi pualikoa o kona aina ponoi, ma ke kaua hulimahi o Amerika Huipuia i ka 1861-65 a ua loaa iaia na hoohiwahiwa kiekie mai kona aupuni mai.

 

LA HOOKAHAKAHAH KAA HEHI WAWAE

Ua hooko ia ia ae no ka hookahhaha o na kaa hehi wawae ma ka po Poakolu nei, mawaho iho o ka Pa Alii, a ua piha paha ke 50 o na poe i komo ae maloko o keia hookahahah ana o Geo. Angus a me li. G. Morse na alakai nana e hooponopono ana i ka huakai hookahakaha ma ke Alanui.

Ua noomaka ke kai ana o ka huakai mai ke Alanui Moi a hiki i ke Alanui Papu, pii malaika a hiki i ke Alanui Hoiele, iho malaila a hiki i kahi kau lei, pii ma ke Alanui Nuuanu a hiki i ke Alanui Bere@ania, hele ma ke Alanui Papu a hiki i ka Alanui Hotele, pii malaila a hiki ke Alanui Rikeka, iho malaila a hiki i ke Kuea o ka Paalii.

Mai kela wahi aku, i hoo maka hou ai ka lakou huakai no waho o ha pa kaua pua o ke Aupuni ma Pawaa, ma ka palua o ka laina a me keia wahi, ua hele kela a me keia elike me ka hiki iaia. Ua maikai ua mea a pa ii h@@@ia ma keia po.

 

O KE OLA IA A KE AKUA

O ka make ana mai nei no ia o kekahi wahine haike ma Irelani, a nona hoi ka inoa o Mrs. Hobbs, nona na makahiki he 103, a ia piha hoi ke Keneturia a oi o na makahiki o ke ola ana.

He hoaloha oia a me kana kane no ke Duke Mua o Welinetona, ka mea nana i hopu pio ka Emepera Napliona o Farani, ma ke kahua kaua o Watalu, oiai na la welawela o ke kaua hahana mawaena o Farani a me Enelani. O kana kane, ua loaa in a palapu o ke kahua kaua ma Quatre Bras.

He elima o kana mau keiki he 14 a me 6 o kana mau moopuna he 44, eia iloko o na pualikoa o Beritani, e lawe ana i ka hana a ko lakou makuakane a kupunakane hoi i lawelawe ai no ka, inoa makemae o ko lakou aina hanau a mawaho ae hoi o keia, he 32 moopuna, ua pau wale no i ke nui, i ike aku in a minute hope loa o ko lakou kupuna-wahine.

Ma ka piha ana o ka 100 o pa la hanau o ua wahine la, ua komo pu aku ke Duke o Cambridge e hauoli pu me ka mea non aka la hanau, ma ka aoao o na pualikoa Beriania, me na hoohiwahiwa makamae he nui, o ke ola ia a ke Akua o ka makana ana iaia, a hiki i kona mau hora hope.

 

KAU I KULA

He 20 minute i hala ae o ka hora 12 o ke awakea Poakolu nei, oia hoi ka wa a ka moku kalepa J.C. Glade, i haalele iho ai ka uapo a Waila Ma, no ke Awa o Kahului, Maui, no ka hoopiha ana i ke kopaa no Nu loka.

Aia maluna o kona oneki he 16,263 eke kopaa, no ka Hui o W.G. Irwin Ma, i ka American Sugar Refining Company, nona hoi ka waiwai io o $60884.

Oiai oia e hoopuka ana no waho o ke awa, ua kau aku la oia iluna o ke ahua, ma ka aoao ma Waikiki o ke awa, e kokoke ana i ka palekai pohaku ma ka aoao Waikiki.

Hoko o ka Manawa pokole, ua hemo mai la oia mai kop@ paa ana, a hoihoi ia mai la no ke awa nei no ka hana hou ana i kekahi laau o kona mau i a i hoki, a ke pau keia mau hemahema i ka nana ia, e holo hou aku ana ola no Kahului a malaila aku no Nu Ioka.

O @@ @@@@@@@@ i @@@@@ @ @@ @@ @@ @@@@@@ ana i @@ @@@@ @@@@@@ @@@ @ @@@@ @@@ @@@@@ @ @@@@@@ @@ @@ @@@@@ @@@@, @@@@@ @ @@ @@@@@@ @@@ @ @@ @@@ @@ @@ @@ @@@@ @@@@ @ @@ @@@@ @ Fred H@@@@@@@ @@@@ @@ @@@@ @@@@ @@@@ @ @@ @@@ @@@ @@@ @@ @ @@@@@ @@@@ @@@@@ @@@@@