Ke Aloha Aina, Volume III, Number 7, 13 Pepeluali 1897 — Page 7

KE ALOHA AINA

KE ALOHA AINA, POAONO, FEBERUARI 13, 1897.

HE MOOLELO HOONI PUUWAI.

NO KA

Makaikiu Ronada.

Ke Kaeaea Huli Meheu o

ke Alahele Pohihihi.

A I OLE NO

MAMUDELA.

Ke Kanaka Opio Kamana.

MOKUNA VII.

 

UA HOOPUIWAIA.

   He kamana anei kau hana ike?  wahi a ke kapena i ninau aku ai ia Mamudela.

   Ae, o ka'u hana ikeia.

   Nolaila, ua pono ae la, e lawe aku e Laionela a kuhikuhi aku iaia i na mea e pili ana i ka moku.  Aka, mamua o kou hele ana aku, ua makemake au e hooponopono i kou uku, e ae anei oe elilo i kamana no luna nei o ka moku no ka uku hana o $25 o ka mahina.

   Aohe a'u mea e kue aku ai o ka mea au i hooholo ai, ua holo aku la ia.

   He mau aahu no anei kou?

   Aole.

   Ua lawa au me na aahu no maua, a o kau wale no e haawi mai ai i wahi nona e moe ai, wahi a Laionela.

   Alakaiia aku la oia no lalo o ka moku me ke kuhikuhi aku hoi o Laionela i kona punee, a me kona huluhulu e moe ai.

   I ka pau ana o kona hooponopono ana i kona wahi e moe ai, ua kani mai la ka bele aina, a oia no hoi ko laua wa i uaue aku no ka hoopiha ana i ka lua o ka inaina.

   A i ka pau ana o ka lakou paina, ua hele holoholo ae la ua Mamudela nei maluna o ka oneki o ka moku e kilohi ana i na hu@a kai e kopipi ana i na aoao o ka moku, a iaia no e walea ana i ka nana ana i @ hunakai, aia hoi, ua hoopuiwaia ae la oia i ke kahea ana mai a ke kapena.

   E Mamudela, he hana ka'u i makemake ai nau e hana, a oia hoi keia, ua makemake au e hana mai oe i holowaa no kekahi mau lako paahana o ka moku e waiho ai.

   Ae, ae, a aia mahea la kahi i waihoia ai o na lako kamana?

   E Heneri, wahi a ke kapena i kahea aku ai i kekahi sela, e lawe aku i keia kanaka opio no ka rumi kamana o ka moku, a kuhikuhi aku i na mea a pau, e noho aku malaila, a e hoolohe hoi i kana mau mea e kauoha ai ia oe e hana.

   Ae, ae, wahi a Heneri.

   Alakai aku la oia ia Mamudela no ka rumi kamana me ke kuhikuhi ana aku hoi i na lako kamana a pau.

   I keia wa a Heneri e kuhikuhi nei i @a lako kamana o ka moku, aia ke haka pono la ko Mamudela mau maka maluna o kona hoa me ka nalu ana p@ ana iho, o na helehelena o kela kanaka ua like loa me kona hoahanau mahoe, a he hookahi wale no mea nana i hooano e oia no na umiumi loloa e kuuwelu ana ma kona auwae.

   Heaha kou manao e kaulono poao @ kou mau maka maluna o'u?

   E hai aku la oe me ka oiaio, o kou mau helehelena, ke koike mai nei ia he mau hiohiona @ i kamaaina mamua.

 

HE MOOLELO HOONI PUUWAI

NO KE

KEIKIALII GASIA.

A ME KA

UI JENITA.

   Ua lawa ko kaua papa leo ana maanei wahi a ke kanaka kahuhipa.

   Me na lima palanehe hopu iho la oia i ka wahine opio a hapai ae la hoi iaia me ka malie.

   Ku ae la oia me ka hoomanawanui a me na lima palupalu hopu ae la oia i ka a-i o kona hoopakele me ka pane ana iho:

   E kuu hoola e lawe ae i kuu ola maloko nei o keia lua, no ka mea, ua lawa ko'u hoomanawanni ana i na haawina ehaeha a'u hoi i auamo hookahi ai, me ka manaolana ana e halawai aku ana la hoi me na pomaikai, aka, ua hala aku la nae he mau la o ko'u alo ana i na inea a ke aloha e hooluhi nei i kuu kino me ka loaa ole o na hooluolu ia ana mai o ko'u uhane.

   E ka wahine opio ui, aole au e ae aku ana i kau noi, e hoolana i kou manao, a na'u no auanei e malamaia oe a hiki i ka loaa ana o kau kane.

   Na keia mau olelo a ke kanaka kahuhipa i hooikaika hou mai i kona noonoo.

   Nakii ae la ke kanaka kahuhipa i ke kaula ma ka opu o ka wahine opio, a i ka paa ana, ua hea aku la oia ia Gasia e huki aku i ke kaula.

   Huki aku la o Gasia i ke kaula a ma ke kokua pu ana aku hoi a ke kanaka kahuhipa, ua pii malie aku la ka wahine opio.

   A i ke kau ana o ka ui Jenita iluna o waha o ka lua, ua pii aku la oia no luna me ka nalu ana iho hoi, pehea la kona haku opio ke ike lihi mai i ka ui ana i ke mua ole ai.

   Wehe la oia i ke kaula i hikii ia ai ma ka opu o Jenita me ka hoala pu ana mai hei iaia.  A oia no ka wa i hoolei pau mai ai o kahi mahina palaweka i kona malamalama a hoahuwale ae la i ka oiwi nani o Jenita e haka pono aku ana hoi maluna o Gasia.

   A pela no hoi o Gasia ke haka pono la oia maluna o Jenita, a i kona ike ana o Jenita no keia ka mea a kona uhane a me kona kino e huli pa@aho oie nei, oia no kona wa i lele aku ai a puili aku la i ka a-i o kana mea e huli nei me ka haawi ana iho i na muki hala ola ana i na papalina o Jenita a hiolo mai la kona waimaka me ka ehaeha.

   Naka haalulu ae la o Jenita i kona wa i puili ia mai ai e Gasia, a me na kulu waimaka o ka ehaeha apo ae la ia i ka a-i o kana ipo a pane ae la.

   E kuu aloha, kuu ipo hoi i hoomanawanui i ka imi ana mai nei mahope o'u, aohe a'u mea e panai aku ai no kou luni, aka, he hookahi wale no o kuu kino.

   I ka hooki ana ae o Jenita i keia kamailio ana, muki hou ae la oia i na Gasia, a ia wa koke no hoi i heehee iho ai o Jenita, a waiho aku la iluna o ka lepo, ua lele ka hanu, a ua pio hoi ka ke kukui malamalama o kona ki@.

   Eia makou ke oili aku nei me na nu hou ma@ ho@ @ ko kakou i ani Alii e'noho mai @ ma Wa@ona.

 

HOOKUMUIA ANA O HAWAII

I kakauia a hooponoponoia e Rev. J. F. Pokuea, mamuli o ka Moolelo Hawaii i paiia ma Lahainaluna i ka M. H. 1838, a ua paiia a hoo honopono ia ma ka      Halepai Pala pala Aupuni ma Honolulu 1858.

   Ma kekahi la malie maikai, iho aku la o Umi i kai o Laupahoehoe i ke kaha nalu, oiai, o kana hana ike ia, a o Paie hoi ko laila keiki laeoo i ke kaha nalu.

   Noloila, i ko laua heihei ana me Umi ua haalele ia aku la oia i muliwaa, a kau ana i kapua, he auwaa panana kona hoa olelo.

   Hilahila iho la o Paiea no kona eo ana ia Umi, nolaila, hoolale hou aku la oia ia Umi e heihei no ka lua o ka manawa, ae aku o Umi, a heihei hou iho la laua.

   Ia laua i hoomaka aku ai e au, oia ka wa i hele mai ai o uka a paa pono i na kanaka, ua hele wale a le-i o Kohala, aia i ka onuku na kanaka kahi i haualaoa ai.

   Haalele kakou ia lakou nei o uka e okukuu ana @uka o Maikii, alaila, huli aku na maka nana ia kai.

   Lele mua iho la o Paiea ma ke alo o ko laua nalu a kaha iho la no ka ahai ana mai o ka pupuhi, a huli ae la kona alo iluna, a pane ae la me keia mau huaolelo:

   "Imi ia mai ke akamai i nui, a e kui ka mama i loaa o Kaohele."

   Aka, aole i lilo ka Paiea mau huaolelo kaena i mea no Umi e kuemi hope mai ai, a e kuihe ai hoi o kona manao, no ia mau olelo a kona hoa lealea maluna o ke kahua a laua e kakele nei.

   A oia hoi ka ko uka poe e akenui la e ike, i ka mea o laua e ahai ana i ka lanakila oia la nui kaulana, a owai la o laua ke hehi mua ana na kapuai wawae i ka honua.

   Ia Paiea nae e holo ala me ka manao nana ke eo na ke kamaaina, aka, ua luu mai la o Umi ma ke kua mai o ka nalu a Paiea e kaha ala, me ko Paiea ike ola ia Umi, a i alawa iho kona hana, eia o Umi ke kaha like nei me ia ma kahi hookahi.

   Ike ae la o Paiea, eia kona hoa heihei ua kokoke loa ma kona aoao, hooke aku la oia ia Umi a loaa aku la o Umi i ka eha, no ko Paiea hooke ana.

   No keia nana a Paiea ia Umi, ua komo iho la ka inaina wela iloko o ko Umi waihona noonoo, no ka la e hiki mai ana.

   A i ka hiki ana mai o ka la i make ai o Hakau ia Umi, m@uli o ke kokua ana a na elemakule, a Nuu laua me Kakohe, a noho ae la o Umi ma ka noho alii aimoku ana no Hawaii, alaila, kii aku la o Umi ia Paiea, a pepehi ia iho la oia a make loa, no kona hewa, oia kona hooke ana ia Umi maleko o ke kai, ia laua e kaka ana i ka nalu.

   I ko Umi wa nae e noho ana ne kana mau wahine ma Waipunalei, ua holo aku oia he kaohi no luna o kekahi malau Aku, a ua kapa ia ka inoa @ ko Laupanoenoe poe lawale, o P@iakalawaia.

   Ke noho nei no @.  U@ e kona malama i @ona alua ia Ka@, ua waiho oku @ @ Kaili makai o @okuli.

   E hoopuka aku ana makou i na @ hou o ka Monowai ma ka pepa @ keia pule aku.

 

KA PAUAHI O KA WANAAO LA

SABATI NEI.

   Ma ka hora 1:45 o ka wanaao la Sabati nei, aia hoi, ua hoopuiwaia ae la ke kulanakauhale nei, mamuli o ke kani ana mai o ke oeoe hoailona pauahi, e hoike ana, aia he hale e holapuia ana e na alelo ana ole o ke ahi, aole i oio iho ke kani ana o ke oeoe, ua ikeia aku la ka ula wena o ke ahi e hoomalamalama i na ao kalelewa o ka lani.

   O George Contumanos ka mea nona keia hale i pauahi iho la i ke ahi.  Ma ke ahiahi o ka Poaono, ua hoi koke-aku la oia e hiamoe mamuli o kona loohia ana me kekahi onawaliwali i ukali pu ia e ka wahine a me ka laua keiki, a ia lakou e nanea ana i ka hiamoe, aia hoi, ua hoopuiwa ia ka wahine i kekahi mea papaaina, i kona puoho loa ana ae, ua ike aku ike aku la oia i na lalapa ahi e komo mai ana iloko o ka rumi moe ma ka puka mahope mai.

   Hoala koke aku la oia i kana kane i keia wa o na @ ai i ko lakou poino a me ka hoohakalia ole iho hemo koke aku la lakou iwaho me ka hiki ole ke hoopakele aku i kekahi o ko lakou mau pono kino.

   Ua pau loa ka hale mamua o ka hoea ana aku o na kaawai no ka hoopakele ana.

 

UA LAWE AE I KONA OLA.

   Ma ka hora 6 o ke ahiahi Poakolu nei, ua loaa mai la kekahi lono i ka Halewai mai Niolo@a mai e hoike mai ana no ke kaawe ana o kekahi wahine Pake iaia iho a make loa.

   Ua hoouna ia aku o Kapena Makai Hookano no ka huli pono ana, a ua ikeia he oiaio ia mau lono, a pe@ei hoi ka moolelo i loaa mai kana kane mai nona ka inoa o Ah Fook:

   Ma ke kakahiaka o ua la ala, ua iho mai la oia i ke kulanakauhale nei me kana mau i-e i piha i ka ohelo no ke kuai ana, me ka haalele ana aku i kana wahine ma @ko laua wahi pupupu hale.  A ma ka hora 3 o ka auina la i hoi aku ai oia, a i kona komo ana aku iloko o ka hale, ua halawai mai la oia me ke kino o kana wahine e lewalewa mai ana ma ka puka o ko laua rumi moe me kekahi lole i hilo kaula ia, ua puanuanu hoi kona kino.

   Ua hookuu iho oia i ke kino kupapau o kana wahine me ka hele pu ana aku e hoike i na makamaka e pili koke mai ana.  Ma ka hoike a Ah Fook a me kekahi poe e @e, he opulepule oia, a me he mea la ma ia kumu oia i lawe ai i kona ola me ka hopohopo oie.

 

NA MEA HOU O KE KAHUA

MAI LEPERA.

   E ka Nupepa KE ALOHA AINA ka maka hoi o ka lahui mai Hawaii a hiki loa aku i ka mole o Lehua @ oia iho hoi keia malalo iho nei:

   M@ k@ l@ @ o Ianuari aku nei, ea hooala mai la na keiki o ka moana i ko lakou kulana ulumahiehie, a i ka @ ana iho @ hoo@ loa ia @ la ka ikaika o @a ole @ o k@ @ i ka pai ana i @ @ liilii a pae ana i kai I@pii, a ma ia wahi no i loaa aku ai i kekahi @ kekahi i'a nui i lawe ia mai @  @ @ kai a waiho ana i k@la.

   I ka Poah@, @ @ hou ia ae la @ @ o k@ ino o ka m@, a e ka Mokolu @ o ka holo @ @ L@e huli hou aku la no me kana ma@ @kana no ke @ mai @ @ a he nui na mea i hoe, ino @ @ @

   Ua holo aku kekahi kanaka no uka o Waikolu i ka Poalima me ka manao e nana i na he malie, alaila, e kii ua ma-i i ka ai iloko o Waikolu, a i kona kokoke ma ke alanui o wa pali la, ia manawa koke no ua halawai mai la oia me ka poino ano ka nui no hoi o kona eleu a me kona mama ua pakele mai la oia mailoko mai o na ale ahiu o ka moana e paio ana me kona ikaika i na mea e loaa aku ana ma kona alahele.

            Owau iho no me ka haahaa,

                        J. H. KAMILANILA.

     Papaloa, Molokai Feb. 5, 1897.

 

UA HOOHAUOLIIA IA KANAKA

MAHIAI.

   Ma ka Nupepa Hilo Tribune o kela mahina aku nei i hala, ua ike iho la makou i ka hoike a ia nupepa o ka aina Ua Lulehua o Hilo, i ka holopono a me ka ulu maikai o na mea kanu a ka poe mahi kope a Oiaa penei:  Ua leweia i kai o Hilo kekahi hua Kukane nui (Citron), nona ke kaumaha i kaupaona ia he 1 1/4 paona, mai waena mai o ko Mr. William Nailima aina kan@ kope ma Olaa ma ka mile 15 1/4 ma ke Alanui Kaluaopele.  Ma keia Kinau hoi i loaa mai ai ia makou kekahi ona hua apala Kaleponi i kanu ia a ulu a hua maila ma ia wahi hookahi no, i ko makou hoao ana iho a kaupaona ae la i ka ono me ko na apala Kaleponi mai na aina e mai, e kuai ia mai nei ma na Makeke kuai hua ai ae nei o kakou.   Ua like loa no a like me ko Kauakanilehua.  He hoike ana mai keia i ka holopono a me ka waiwai o kela ama o Olaa, no ke kanu ana i na hua ai like ole o na ano a pau.  Holomua mau no o Hilo.

 

KE KAUOHA IA AKU NEI.

   Mamuli o ko makou nele i ka helu mua o ka kakou milimili i keia makahiki, mamuli o ka lehulehu o na kauoha nupepa mai kela a me keia wahi mai o na mokupuni, ua hiki ole ia makou ke hoolawa aku i ko lakou makemake, mamuli o ko lakou ulolohi i ke kauona ana mai i ka pepa i ke Keena nei.

   A oiai hoi, ua nele loa makou i ka Helu I, nolaila, ke kauoha ia aku nei na Luna Nupepa a pau e paa ana i keia Helu i hoike ia aku la, e hoihoi koke mai i keia Keena me ka hookaulua ole a o na Luna e paa ana ia Helu i lilo ole, a i hoihoi ole ia mai mahope aku o keia la, e manaoia no, ua lilo ia Helu, a e helu no makou ia pepa me he mea la ua lilo i ka poe lawe.  E hoolohe i keia.

                        MA KE KAUOHA.

   Honolulu, Feb. 11, 1897.

 

David M. Kupihea

   KO'U MOTO:  "O ka lokahi oia ke alahele o ka lanakila mau a me ka pomaikai."  E @ @ a me na hoaloha oiaio o Hawaii nei.  E oluolu mai, ina o keia @ e  kau kehakeha @e la maluna ka Sila Oiaio o @ nei i @ p@awai i na ma@ a pau @ kou noho @ oluolu ana aiaila , ke h@nawa @ mai nei kou alakai kiekie @ ia oe.  "Oia, oia, ke alahele o ka pono a me ka pololei."  Nolaila, e ike, e hoomaopopo, a e hana aku oe i ka hana e hauoli ai ke kanaka Hawaii; a e @ ai hoi o Hawaii nei i na kao a p@, @ ka mea, @ wale no kou makuakane a me ko makuahine oiaio, kou hoaloha oiaio loa a @ ke ao nei.  Nolaila, e na @aloha oiaio @ Hawaii nei, o ka opio nona ka @ e k@ ae ia maluna, @ makaukau oia e @, a e waele aka i ke alahele o kou makemake ina wa a p@, oia hoi, ua makaukau e hana i na Palapala Pili Kanawai a pau, na @ @ Dala @ @ @