Ke Aloha Aina, Volume III, Number 7, 13 Pepeluali 1897 — Page 1

KE ALOHA AINA

 

E hoopuka mau ia aku @@@ mai ka Poakahi a ka Poalima o na pule a pau o kela me keia mahina.

Ka Uka Pepa, he 20 keneta o ka pule.  No ke kope hookahi, he 5 keneta.

E loaa no ka pepa mai ke Kenena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku @@oa.

E hoouna pololei mai i na Nuhou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopukaia @ hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

 

 

Ka Nupepa Puka Pule

E ALOHA AINA

 

Hookahi Makahiki      $2.00

Eono Mahina   1.00

Ekolu mahina  .50

Hookahi Mahina         .20

 

EMMA A. NAWAHI

 

Puuku o

 

KE – ALOHA – AINA

 

EDWARD L. LIKE

 

Lunahooponopono a Hope Puuku

 

S. P. KANOA.

Hope Lunahooponopono

O na kauoha Nupepa me na hookaa Dala, e hoouna po@olei mai i ka Puuku ma Honolulu.

 

HE PAHAOHAO

 

            Ma ka noho ana o ka hihia aihue wati o Lualualei i kela pule aku nei, ua haawi na Kiure he 9 ko lakou nui, i ka lakou olelo hooholo e hookuu ana i ka mea i hoopii ia, malalo o ka olelo ike a na hoike, a me ke kanawai o ka aina, ko lakou kuleaua i wae @@ mai ai @ hana no ka pono o ka lehulehu, a mamuli oia hana ana, ua kulike ole ia me ka manao o ke Kahu o ka Aha e noho ana ma ia hihia.

            Nolaila, ua hoopuka mai @@ oia i kana olelo hoolo e hoopau ana i ke kuleana noho lunaka wai ana oia poe no keia Kau, aole lakou e hele hou aku, no ka mea, ua hookuu lakou i ka hihia a ke aupuni i nana hemahema ai, nowai ka hewa, i haawi ai na Kiure i ka lakou olelo hooholo, e hookuu ana i ka mea i hoopii ia?  Aole anei no ka hemahema o ke aupuni, ma o kona mau lima hooko kanawai la?  Manaoio makou pela no.

            He pahaohao no hoi ko makou, o ke komo pu ana aku nei o na Poo o ka Oihana Makai, e ninaninau i na hoike a me na lawehala imua o ke Kiure, he mea i ike mua ole ia i ke au o ke Aupuni Alii, o ko ka Loio Kuhina wahi ia a ine hona Hope, a i ole ia, o kekahi loio paha a ke aupuni i hoolimalima ai, i mea nana e ku pale ma ko ke aupuni aoao.

            Oia ka makou e olelo nei, he mau hana pahaohao keia, aole i ike ia mai kinohi mai, i keia au wale no, a i na he rula hou ko ka Aha no ka apono ana aku i keia poe e komo huikau aku e lawelawe pu i na hana a ia mau mea, alaila, e kala mai ia ma kou no ia mea.

            Aka, ina aole, alaila, ua oi loa aku ka pono, e malama lakou i ka lakou hana ma ka Halewai, mam@a o ko lakou hoolilo ana ia lakou i poe loio ninaninau ma ke Kiure, ma na hihia a ka Loio Kuhina a me kona Hope e hana ai, a oia ka makou i olelo ae nei, he mea hoopahaohao keia i ko makou manao, a me ko ka lahui pu kekahi.

 

AIHUE IA HE $20

 

            Iloko o ka malama o Okatoba o ka makahiki i hala, aia kekahi Kepani ma ka inoa o Ushida, i kaawale aku mai ke kulanakauhale nei aku, no ia manawa loihi, o ekolu mahina a oi, a ma ka Poaono aku nei i hoea mai ai i Honolulu nei.

            I ka wa a Ushida e noho hana ana malalo o John Edwards, ma Niolopa, ma ke awawa o Nuuanu.  I ka wa o Edwards a me kana wahine i hele aku ai ma kahi okoa, no kekahi manawa pokole wale no a i ko laua hoi ana mai, aia hoi ua aihue ia mai ko laua wahi aku he $20 ma ke gula, ua mahuka ke Kepani, a ua haawi ia aku ka hana iloko o ka lima o ka oihana makai, no ka imi ana i keia mea aihue.

            Ma ka Poaono iho nei, ua hoea ae kekahi wahine Kepani, a hoike imua o ka Oihana Makai, ua huli hoi mai o Ushida mai Heeia mai, a ua makemake loa oia e hopu ia kela Kepani no ka aihue i kana dala, oiai oia e hana ana ma kahi o Edwards, a lawe pu aku la me kana mau wahi kenikeni a ahai aku la ka pupuhi noho i Heeia.

            Ua hopu io ia o Ushida, a eia oia ma ka halewai e paa mai nei e kali ana no ka hope na o kana hana.

 

HOPU IA NO KA HOOMAINOINO I KA IOLE.

 

            Ma ka auina la Sabati nei oiai o Lutanela Kekai a me Makai Kiu Cordes, e pii ana ma ke Alanui Nuuanu, ua lohe aku la laua i kekahi leo akaaka o kekahi mau Pake, ma kekahi wahi alanui ololi i kupono i ka laua wahi e hele nei, ua hoeueu koke ia ae la ko iaua mau houpo, e ikemaka i keia mau leo o na Pake mahope aku o keia wahi alanui ololi, ke kumu hoi i hoea mai ai o keia mau leo akaaka, a laua i koho ai aia no he hana kekahi e lawelawe ia ana.

            Ua loaa io aku la no ia laua he elua mau pake, a mamua o ko laua alo he hale iole, a me elua mau wahi iole iloko, no laua hoi na waihooluu he keokeo a me ke eleele.

            Ua akaka koke iho la i ka manao o na kanaka o ke aupuni, aia io no he hana e lawelawe ia ana e laua, ua hookokoke loa aku na kanaka o ke aupuni, ua ike aku la laua i kekahi pake me kekahi apana uwea kuumaha i hoopaa ia mawaena, e pa – hu aku ana me ka ikaika ma ke alo ona waw@e liilii o kekahi iole, a pela no hoi kekahi, a me ia mea i hiki ole ai i keia mau ole ke puka iwah@ oiai laua e holoke ana io a ia nei me ka ehaeha, a e alala ana hoi ko laua mau leo me he puaa la e uwe ana me ka walania, ke kumu hoi o k@ laua akaaka ana.

            I mea e hoomau ole ia aku ai na hana hoehaeha maluna o keia mau wahi iole, ua lawe ia aku la na kahu nana keia mau holoholona, i mea e ike ai Iaua a me ka lehulehu a pau e hoao ana e hoehaeha i na holoholona liilii, a e hoopau loa ia ai hoi ka lawelawe ia ana oia mau hana ma keia hope aku o ke kanawai ka mea nana e ao aku ia lakou.  A i keia la iho la i hanaia ai imua o ka Aha Apana.

 

KA MOKU HOOKALAKUPUA.

 

            Ua lilo i mea hoopahaohao ka hana a kekahi moku nui, i manaoia he moku kalepa e hookokoke ana ma na kapakai mawaena o Kealia a me Anahola, no 12 hora ka manawa.  I ka hoomaopopo ana a ka poe i ike, he moku nui oia, a me na pea i hele a paihiihi i ka makani.  A ua ike hou ia aku mawaho pono aku Anahola, i ke kakahiaka Poalima nei, e hoomamao ana mai ka aina aku, a i kekahi wa e hele mai ana a ike loa ia aku na kanaka maluna o ka oneki o ka moku.

            Ua hiki ke ike moakaka ia aku kona kukui i ka po ana iho mai ka aina haahaa aku o Kapaa, mai ka 3 a 4 paha mile mai ka aina aku.  Ua koho ia me @e mea la, o ka moku paha keia nana i hoomahuka mai nei kela pepehikanaka o Australia, nona ka ino o Swanoilda, a aia hoi maluna o kona oneki o Butler, a me he mea la, oia paha keia e kapapa hele mai la ma na kapakai e Kauai, me ka manao e hoopae malu ae i ke pio haihai kanawai.

 

ELUA HIHIA I HOPUIA AI.

 

            Ua hopu ia ae ma ka po Poaono mei o J. @udgen, no ka @ewa @oeha @@ J. Kennedy, he mea i kamaaina uia ka hana kapili moku no keia kulana kauhale, a i manao ole ae eia kon@ ola ke hoohalua ia nei e kekahi en@@ ana i manao mua ole ai eia ola @e hoohalua ia nei.

            O ka moa i hopu@a iho le e ku ana mawaho o kekahi ha@@ @@ @ama a e hoomakaki@ ana o ko Kennedy maalo ne ma ia wahi a oia kona wa e uhau akuj ai me kekahi mea e @haeha ai oia @a@a, a he olalo, pela no oia i hana @@ @ k@@a wa i hooko ai i kona mau ma@@@ @@@.

            Mahope iho o kona hopuia ana ua loaa aku la he pahi maloko o kona poli, a no ia kumu, ua loaa hou iho la he kumu hoopii nona, oia hoi kona malama ana i na mea make iloko o kona poli, a pela iho la i hooi hou ia aku ai ke koikoi o ko ke aupuni kulana hana maluna ona.

 

NUHOU KUWAHO.

 

            Ma ke ku ana mai a ka mokuahi Gaelic i keia kakahiaka Poalua, i loaa mai ai na mea hou like ole o na aina e, a no ka pomaikai o ko makou poe heluhelu ke panee awiwi aku nei makou.

 

KE KAUA MA KA MOANA.

PIHOLO ME MOKUKAUA SEPANIA.

 

            Nu Ioka, Jan. 20.  Ua pahola ae la he lono e hoohauoli ana i na poe Cuba o keia wahi, oia hoi ka piholo ana o kekahi mokukaua lawe pu o na Sepania Relemapago, ma ka muliwai Cauto.

            Oiai, ua mokukaua la e kuupau ana i kona mama holo no ka haawi ana i na kokua i ka Papu Guanamo, ua hookuu koke mai la na enemi i kekahi topido, a i ka wa i hookui ae ai o ua topido la me ka mokukaua, ua pahu ae la oia, a iho aku la ka mokukaua no lalo o ka papaku o ka muliwai.

 

HAULI ILOKO O KA HOHONU O KA MOANA.

 

            Key West. Fla., Jan 25.  Ma ka auina la o ka ia Sabati nei, ua haule aku la o Perez a me kona baluna iloko o ke kai, he opio Cuba oia, a he lele baluna ka hana ike.

            I kona hiki ana me kona balujna ma kahi o 1000 kapuai kiekie mai ka honua ae, ua hihia ae ia ke kaula o ka haluna, a laweia aku la no waho o ka moana, he mile a oi ka mamao mai ka @@@a aku.

            Ua hoounaia aku he waapa no ka hoopakele ana iaia aka ua nalowe aku oia iloko o ka opu o ka moana mamua o ka hiki ana aku o na kokua a o ka haluna oia kai loaa aku e lana hele ana iluna o ka @@ kai.