Ke Aloha Aina, Volume III, Number 6, 6 Pepeluali 1897 — Page 1

KE ALOHA AINA

BUKE III     HONOLULU POAONO, FEBERUARI 6, 1897.    HELU 6

 

KE ALOHA AINA

E hoopuka mau ia aku ana mai ka Poakahi a ka Poalima o na pule a pau o kela me keia mahina.

Ka Uku Pepa, he 20 keneta o ka pule.  No ke kope hookahi, he 5 keneta.

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

E pai ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

E hoouna pololei mai i na Nuhou aa Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.

Aole loa e hoopukaia a hoolahaia kekahi manao ma na kolamu o keia Pepa, malalo o kekahi ino kapakapa ke ole e hoike mai ka Lunahooponopono i kona inoa ponoi.  

Ka Nupepa Puka Pule

E ALOHA AINA

Hookahi Makahiki............................. .$2.00

Eono Mahina   .......................................1.00 

Ekolu mahina.......................................... .50

Hookahi Mahina..................................... .20

EMMA A NAWAHI

Puuku o

KE ALOHA AINA

EDWARD L. LIKE

Lunahooponopono a Hope Puuku

S. P. KANOA

Hope Lunahooponopono

O na kauoha Nupepa me na hookaa Dala, e hoouna pololei mai i ka Puuku ma Honolulu.

 

NA ITAMU HOONANEA.

            Ua hooloihi hou ia aku na mile alahao e moe nei maluna o ka aina o Siberia, mai Cluliabinsk a hiki i Wladivestock, ma ke Kai Iapana, oia hoi he 4,548 oia hoi, ua oi aku ia ma mua o ka hapakolu o na wahi pau i ka hana ia, a e holo la hoi na Kaaahi.

            O ka nui o na koa i pau i ka make o na pualikea Farani, e noho nei maluna o ka lepo o ka mokupuna o Madegaseka, he 7,498 ka nui, na kokoke loa ia i ka akahi hapakolu o na koa e noho nei maluna oia mokupuni, mamua o ke kaua panepane mau ana *  na wa a p*, no ke ake e loaa ia lakou ke kuokoa mai kelakee noho hoomalu ana malalo o ke Farani mana Eu*eu no ka hoi ka puapua o kela poe keiki e na mokup*            

            Ma Havaerhill, Masakuseta, ua hoouna ia aku ma na wahi like ole, mai ia apana aina aku, he 367,000 ka nui o na pahu kamaa i ka makahiki 1896, he heluna kiekie loa i ike ole ia ma na wahi e ae o ke ao nei.  Nolaila, o ka aina kela e kupono ke kaena ma ia ano hana.

           

            O Holani hookahi wale no ke aupuni iloko o ko Europa mau mahele aina, i hookomo aku iloko o kona mau Hale Dute, me ka ohi ole, i hookahi keneta auhau dute, no na kope a pau i komo aku ilaila, mai na wahi like ole mai oka honua.  Okipau no ka hoi kela wahi aupuni kikowaena o Europa, he hoonaahaa ana mai ia i kekahi mau aupuni e ae iloko o Europa.

 

            Eia he 52 wahi hoopaa, a he 17,000 a oi aku mau halepaahao iloko o na Mokuaina o Amerika Huipuia, no lakou na lilo o ke kukulu ana i keia mau hale i ka $500,000,000.  Ua oi aku hoi mamua o ka 900,000 poe i hookomo ia iloko o keia mau wahi i hoakaawale ia no ka poe haihai kanawai i ka makahiki 1892.  O na lilo no na hihia karaima, aole ia i emi iho malalo o ka $1000,000,000 i ka makahiki.  Aole no ka i kanamai ua mea he nui o ka lilo, e like nohoi paha me ka nui o ke dala, a pela no ka nui o na lilo.

 

            Iloko o 10 makahiki i hala ae nei, oia hoi, mai ka 1895 a hiki i ka 1885, aia maluna o ka lepo o ka Emapaea o Geremania, na mile alahao i hoomahuahua ia ae, mai ke 86,538 kilometa (oia hoi, he 22,704 mile,) a hiki i ke 44,167 kilometa, (oia hoi, 27,445 mile,) e hoomahuahua ana ia 7,629 kilometa, ua like ia me 4,741 mile, ka panee hou ae mai ko kela mau makahiki mua aku.  He hoike ana mai o keia aupuni keikikane iloko o Europa, i kona akenui, e hoopuni ia kona mau lihi aina a pau me na alahao.

 

KO ENELANI PA KAPILI MOKU KAUA.

            Ma ka nana, a hakilo ana a na Kilo Aupuni noeau o ka honua, ua hoopohihihi ia ko lakou noonoo, ma ka imi akahele ana i na mea e pili ana i eia hana nui hookelakela nana i hapai ae ia Enelani, a lilo i mea mana maluna o na wai akea o na moana ni o ka honua, e komo ana ma na kaikuono, na makalae, na lokowai, na muliwai, a pela aku.

            A o kona inoa, ua like ia me ke Akua e hoomana ia ana e na kanaka holo moana a pau, i komo ikoko o ka oihana kaua.

            E hoikeike ana kekahi mau kuhikuhi, e pili ana no kana mau hoolala ana ma na mea pili i ke ano o ke kapili ia ana o kona mau moku, ka nui o na tona, ka ikaika mahu o kona mau enegini mahu, a me ka waiwai io i kapili ia ai oia mau moku kaua,

            I ka makahiki i hala aku la ua kapili ia ma ka pa kapili moku no na aumoku kaua moana, no na kapakai mawaho aku o ko Enelani mau kapakai ponoi, he 59 moku, i hoaahu ia me ke kila manoanoa, e hiki ole ai i ka poka pa-hu a ka enemi, a i ole ia o ke topido luu paha ke komo aku mawaena a wawahi i ka paa i hana ia, no lakou na tona i hiki aku i ka 155, 849, a o ka ikaika mahu hoi, he 377, 980 he, a ua oi aku hoi mamua o $53,000,000 ka waiwai io i hanaia ai.

            Ua hana ia ma ka pa kapili moku kaua o Potamuta, i kela mahina aku nei, mai ke kakahiaka Poakahi a hiki i ke awakea Poaono, ua paa he 31 moku, i uhi ia me ke kila a me ka hao pu, no lakou na averi ga o 15 tona pakahi, ua hookomoia ma kahi o ke ka ele o ka mokukaua pilikua, nona ka inoa o Caesar.

            Oiai ka ikaika mahu e hoao ia ana o ka Powerful, ua hiki ke ike ia ke kulana ana mahu mai ke 75 a hiki i ke 90 degere.  Na kekahi mau moku okoa aku, i hana i a ma ko Sekotia ano, ma ka lawelawe ana i na ipuhao, a me na mea e ae, aole e emi iho malalo  o 90 degere, a ua hiki hoi ke hoolawa ia kona ikaika mahu a hiki i ka 140 degere.

            O ka turbiana, he waapa topido, i kapili ia ma Wallsend on Tyne, ua hoao ia mai nei ma ka la 18 o Dekemaba, a ua hoike ia ae kona manawa holo o 29.6 mile i ka hora.

            O keia waapa he 100 kapuai ka loa,  9 kapuai ka hohonu a he 42 tona kona nui.

            O ko ka Entre Rio hoi, he waapa topido wawahi moku, ua kapili ia ma Enelani no ke aupuni o Argentine, ma Amerika Hema, ua hoea ae ma Buenos Ayers, a ua hoao ia mai nei kona iholo mai St. Vincent, he loa o 3,700 mile ma ke kipa ole ma kekahi awa, no ka hoopiha ana i ka nanahu.  O keia ke alahele loihi loa, i holo ia e kekahi waapa topido.

            E hoike ana kekahi mau ulia pakalaki ma ko Farani mau aumoku kaua i kapili a hooholo ia ma na wai o ka moana.  O ka mokukaua Carnot, ua kokoke loa oia e holoaia i ka hohonu o ka moana, o kona mau ipuhao mahu, ua inoino a kupono ole ia no ka hoohana ana, a ua kolo ia mai oia no ke awa kumoku o Toulon, no ka hana hou ana.

            A ua kokohe loa no ia manawa hookahi, ke Charles Masteal, he mokukaua no oia ano hookahi, a oiai oia ma ke ala moana no ka hoao ana i kona mau mea hana, ua owa pu ae la kekahi o kona mau mea paahana, a o kekahi o na epaepa o kona huila, ua hapakue iho la ia, a hiki ole laia ke holo, a ua kolo hou ia aku oia iloko o ke awa ana i hoopuka mai ai.

            Ma ka oihana kaua moana, aole e hiki ke hoololiia kona makaukau kaua moana, a ua hiki ole ho* i kekahi mana aupuni *ko* ae ke aa aku e hookuku pu me ia ma ano a pau.

 

KE ALOHA MUA.

Nani wale ka ua i Manoa,

A he hoapili m au oe no'u,

Kuu aloha mai uwe oe,

Ke hele nei au i ko'u laki,

Kaena ku iho ke ala,

Aole au e loaa i ka la o Ewa,

Ewa ikika manao o loko,

Ewa iki ka manao o loko,

I ka nani pau ole oia pua,

Manao aku wau i makua oe o'u,

Pela ka oe hana mai ai,

Ke kuhihewa nei ko'u manao,

Hookahi a'u pua e aloha nei,

Manao paha oe i ko keha ana,

A hahai aku au  mahope au,

Hele ia i ka la o ka lealea,

Mai hoouluhua hou mai oe,

E hoomanawanui ae no wau,

* mau la o ka inea,

Hiki mai i ka la o ka hauoli,

Hoi iho ka manao lana malie,

            Haina ia mai ana ka puana,

            Ua ola no wau me ka lanakila,

                        Ehu Kai o Kahala.

 

UA HALA O J. A. KAUKAU.

            Ma ka hora 9 o ke ahiahi o ka la 15 o Iahuali, ua kii mai la na lima aloha o ka Mea Mana Loa, a lawe aku la i ka hanu o J. A. Kaukau ma kona home, ma Honokawai, Kaanapali, Maui.

            Ua hanauia mai oia mai ka puhaka mai o Hoopuloa (w) a me Kaukau (k), ma ka M. H. 1836, nolaila, ua piha aia na makahiki he 60 *ue na la keu.

            Ua kaulana oia iloko o ka aina ma e kona lilo ana he hoa no ka Ahaolelo Kau Kanawai o ke kakou Aupuni nei, i ka wa o na Lani Alii i hala aku, a ua noho hoi oia ma kekahi mau oihana o ke Aupuni ma ka mokupuna o Maui nei.  He aloha aina oiaio oia, a hiamoe aku la me ia lei manai ana i hilipoi ai.

            O kana hana hope loa ia pili i ka noho lahui, oia no kona kokeia ana he elele kono Peresidena no ka Hui Aloha Aina o ko Hawaii Paeaina mai ka Hui Aloha Aina aku o Kaanapali nei.

            Ma ia hele ana, ua hoopoma* ia kona mau maka ma o kona ike ana i ka lani Alii a ka Lahui no kona manawa hope loa.  Ua hookohuia mai oia he luna no ka Nupepa KE ALOHA AINA.  Ua lawelawe iho nei oia *hana, aka, ua hala e aku ia.

            He haahanau oia no ka ekalesia K* a K* nei. Me ka hana o ka manao, aole ia e nele i kona uku ia mai.  Ke kanikau nei makou me la ohana nona, e a hoo*  aku ike Akua.  No ka mea, Nan no i * mai a nana no i lawe *[phrase]

                                                J. H. Kauilani.

            [Ke koma pu aku nei makou me ia *[phrase] o ka me i hala aku, ma ke kun* pa aea, me ke * pa ae i na Mana Lani e hooma* ma i ke kakoua *[phrase] kaumaha.               L.H.