Ke Aloha Aina, Volume III, Number 4, 23 January 1897 — Page 3

KE ALOHA AINA

 

POAONO, IANUARI 23, 1897.

 

AOHE WAIWAI MA IA HANA

            Ua lawe mai makou i kekahi wahi moolelo hoomanea a kekahi wahi ohua eo noku maluna o k a mokuahi Australia mai Kapalakiko m@ no Honolulu nei mahope iho o ka hala ana o hookahi la mai ka aina mai, aia he puulu o ka poe pepa piliwaiwai ke hooluana ana iloko o ka rumi puhi baka.

            A elike no hoi me ke ano hana mau aia poe, he mea nui na lealea piliwaiwai o na ano a pau ia lakou, a pela no hoi keia.

            Aia iloko o keia rumi puhi baka ma kekahi kihi, he pakaukau, aia ma ia wahi e hoopuni ia ana ka poe pepa, ma ka inoa he boka, e kulolou ana na poo ilalo, a e ake ana o ka mahuahua mau aku o na mea i loaa ia lakou, a o ka mea wale no nana e hookowa ae i ko lakou manawa paani, oia ka wa e paina, ai, a pela e loaa ai he manawa hoomaha no lakou.

            Aka, o ka mea nae i loaa na hoopomaikai ia, a mo ka poe i puehu, aia na manao kuaki iloko kahi i hoomakua ai, ke pau no ka paina ana, a o ka hoomaka koke iho la no ia e like me ka mau, a ua lehulehu loa ae na hoa i komo hou ae e paani. A o keia wa hoi a lakou e paani nei, eia ia i ka wa puka aumoe o ka mahina, a ke pa aheahe nei hoi ka makani ma ka aoao o ka Auseteralia, me ka palanehe launa ole, a ke pii ae la hoi na kukuna malamalama o ka mahina me he mea la, e imo kapakahi mai ana i na poe o loko o kahi rumi e malama ia ana ka ha, na piliwaiwai, puhee aku la na mea a pau iwaho e nana ai, me ka mahalo ana i ka nani o ka mahina, oia ka wa i hoo puka ae ai o kekahi o na poe pili: “ Aohe o kakou dala iloko oia mea, ” aohe pomaikai o ka nana i ke mahina mamua o ka pepa piliwaiwai. Hooheno no ka hoi ka olelo a keia wahi ohua.

 

EIA O JAMES KEAU I HONOLULU NEI

            He mea hauoli no ko makou manao, ka lohe ana eia o James Keau i Honolulu nei, mai kona kaawale loihi ana aku no na makahiki he 9 a oi mai kona aina hanau aku.

            He kaikoeke oia no George L. Desha, (Kinikake) e noho nei i ka Hale Leta, a ua hookamaaina aku nei hoi ma Tonga kekahi o na mokupuni ma ka hema aku nei o kakou.

            O Mr. James Keau, he hoa oia no ka Ahaolelo Kau Kanawai o ko Hawaii Paeaina, no elima Kau, i ka wa e noho ana ke anoano kapu alii maluna o ka aina, mamua o kona holo ana i na Paemoku o ka Hema

            I ka makahiki 1887, i ka wa o ka hookahuli Kumukanawai, i hanaia ma Honolulu nei, aia hoi o Keau, he hoa oia no ka Poai o ka poe Pili Alii, a he kakoo ikaika hoi iloko o ka Hale Ahaolelo, ma ka aoao k@okoa, he hoaloha oia no ka Moi i make, ua komo oia iloko o ka poai kue i na hana pakaha a ka poe hookahuli Kumukanawai, aka, aole nae ka Moi Kalakaua i maliu mai mahope o ka lakou mau uwalo ana.

            No ia kumu, ua ulu mai ka manao iloko ona, e haalele i ka aina hanau, a e hoololi hoi i kona manao kalai aupuni, ma ka haalele maoli ana iho ia Hawaii, a kau na maka i ka aina e, oia hoi na Paemoku o Samoa, a oia hoi ka wa e noho Kuhina Noho Hawaii ana o J. E. Buki no laila.

            Ua noho oia ma Apia, he wa pokole wale no nae, a nee hou oia he wahi okoa, me ka imi ana i wahi kupono no kona ola e noho ai ia aina malihini, a ua holo aku oia no Tonga, he aina i mamao aku mai Samoa aku, a nona ka huina nui o na kanaka i ka 20,000, a ma ia wahi oia i hookuonoono iho ai, ma ka loaa ana he aina mahi, a kanu i na kumu niu o 400 a oi, a ke ulu maikai la ia me ka haawi mai i ka pomaikai i ka mea hana.

            No keia mau makahiki ana i noho ai, ua hoopakalaki ia oia ma o ka inoino o kona luna hoohana, a pela oia i haalele ai i kona aina kanu niu, a hoi mai la no Hawaii nei.

            Aole e ae ia e kuai ka aina i kahi mea okoa, ina makemake i ka aina, kii i ke aupuni, a ma ka auhau makahiki wale no oe e hookaa ai, pau no kou makemake, hoi hou no ka aina i ke aupuni.

            Ua hoike ae no hoi oia, he ekolu wale no Hawaii e noho la ma Tonga, o kana a kekahi, he pena hale, a ua haalele ia Hawaii i kona wa kamalii, aohe manao nui kona ma ia wahi, a o kekahi mau mea iho, oia o Kahalalili a me Charles, i hele i Samoa maluna o Kaimiloa a mahuka a noho ma Tonga. He mai ai loa ko lakou noho ana malila.

            He aupuni Alii o Tonga, malalo o ko lakou Moi mai k@ po mai. Ua hoao no oia e holo Lunamakaainana no laila, aka, ua nele oia ia ka ohana ole a me ka makaukau piha ma ka olelo oia aina, a me kona makaukau hana palapala, a na ia mea i hoohaule iaia.

            He 100 poe ili keokeo malaila, a o Tona Tapu ke kulana kauhale alii elike me Honolulu nei.

            Ua halawai oia me Hiram Kaumualii, ma Makafeli, he kauhale kokoke i Apia, Samoa Aohe manao e hoi mai i Hawaii.

            O ke 54 keia o kona mau makahiki, a ua oo no hoi, a eia me kona kaikuahine ia e noho nei.

 

Nuhou Hope Loa.

KA HUAKAI A SENATE MONEY I CUBA.

            Tampa, Fla., Jan. 7. O Senatoa Money i kohoia ai no Misisipi, ua hoea mai oia mai Havana mai, maluna mai o ka mokuahi Olivetts i keia ahiahi.

            O ka hana a ke Senatoo i hoouna ia ai, oia no ka huli ana i ke kumu o ke kipi a me ka haunaele o ka poe o Cuba, i loaa ai hoi ke alahele pokole e hoopuni ana i keia ninau, a me ka ninaninau a hoohuahualau ana i ke kulana oioio o ke ku ana oia mau mokupuni.

            Ua hahai ia kana huakai e na pomaikai he nui, i hoike ike ole ia ae i ke akea, no ke kulana oiaio ma kela Aina. Ua haalele iho oia ia anei no Wasinetona, no ka waiho ana aku i kana hoike imua o kona mau haku, maluna o ke kaaahi o keia ahiahi.

 

UA HOOLOLI HOU O WEYLER I KONA KAHUA HANA.

            Maderida, Jan. 7. He lono kai loaa mai, mai Havana ae, e hoike ana aia o Kenerala Weyler, ke manao la, e waiho aku me kona hilinai piha i kona pualikoa no ka hana ana iloko o ka apana aina o Pinar del Rio, malalo o kekahi kona mau Aliikoa, oiai oia e hele ana no ke kue ana aku i na kipi o Havana a me Matanzas.

            Ua hoike ae no hoi kekahi lono, ua haawi aku i na palapala ae, no na poe wiliko, e hoomau aku no lakou i ka hana maluna o ka lakou mau aina ponoi, elike me ka mea maa mau, me he mea la aoha kaua iloko a o ka aina.

 

UA HOOKOLOKOLOIA MAI NEI.

            Havana, Jan. 7. Ua hookolokoloia mai nei o Kauka Battancourb, he kamaaina no keia kulanakauhale, a he Amerika hoi ma ka hanau ana, i hopu ia a hoopaa ia i kela mahina aku nei, no na mea pili kalaiaina, imua o ka Ahahookolokolo kanawai maoli, aole hoi iloko o ka Ahahookolokolo koa.

 

HOOLE O CANOVAS.

            Madrid, Jan. 7. Ua hoole ae nei ke Kuhina Nui o Sepania, oia hoi o Canovas del Castillo, i ka oiaio ole o na lono e pili ana i ka hoololiloli Aha Kuhina o Sepania.

 

PAU NA KOA SEPANIA 1 KE KIPOKA IA.

            Atlanta, Jan. 7. Ua loaa ae he lono mai Ka Komohana ae i ka nupepa “ Constitution ” a wahi ana: Aia o Kenerala Gomez, ke hoomaka hou la i kana hana no ka haawi ana aku i ka hoopai panai e kue ana i ka ka poe Sepania mau hana

            Me ka hookaulua ole iho ua lele aku la oia maluna o kekahi mahele waeoa o na koa Sepania kokoke ma Meron, e kiai ana hoi i ka papu o Ingoville, no lakou ka huina nui o 114, ua pau lakou i ke kipoka.

            Ua hoike ia aku keia mea hou mamuli o ke kuhikuhi ana a ko lakou aupuni ponoi. a mamuli o keia, ua haawi io ae la lakou i ka lakou mau hooko io ana, elike me na olelo i kakau ia e ko lakou mau hoaloha ma Sepania, no ke kipoka ia ana o ko lakou mau hoa kanak no ka make mainooino.

            Ua hoike ae o Weyloa, o na kanaka kamaaina e noho ana ma Pinar del Rio, aole hiki ke kupaa.

            Ua lawe pu oia me na koa mai ka pualikoa mai, me na pio no Havana, aole loa i hana ino ia na poe pio pela, oiai lakou malaila, mamua o ko lakou nee ana aku imua o ke Kenerala Cuba Raoul.

            O Argo a me Caitillo, ua kai aku lakou iloko o ka apana aina o Pinar del Rio mai Havana mai, me 3,000 kanaka hou a me 3,000 poe e ae e ku makaukau ana ma ia wahi no na wa i makemake ia ai no ka hooko ana i na kauoha no kekahi hoouka kaua i ike ole ia.

 

HE HOOMAIKAI AKU.

            Ma ka la 18 o Dekemaba, ua hoi aku la au no loko o ka Halemai Moiwahine, a ua maiamaia e na lima lawelawe oia wahi me ka maikai, i oi aku mamua o kou wahi ponoi me ka ohana.

            O ke kumu nui nana i kono mai ia ’ u e hoe ilaila, oia ka eha o kuu lima akua, a o ka ’ u hana pono wale no, oia ka hoi ana ilaila. Ua lapaau ia au me ka maikai, a no ewalu wale no la, ua loaa hou ka ikaika oia lima e hana ai, nolaila, ua hookuu ia mai ia au ma ka la 25 o Dekemaba.

            He home maikai keia no na kanaka Hawaii e hoi ai a lapaau ia ma ke ano naauao, a he nui hoi ka ai e lawa ai no ka noho ana malaila, a no ia kumu, ke kono aku nei au i ka poe i loohia i na paiapu e hoi ae malaila i loaa ai ke ola.

            Owau iho no me ka haahaa.

J. W. KAPOLOLU

Halemai Moiwahine, Dekemaba 26, 1896.

 

KA HAUNAELE MA PAAUHAU.

            Ma ke ku ana mai o ka mokuahi Kinau, i loaa mai ai ia makou na lono e pili ana i ka haunaele i hana ia ma ka Mahiko o Paauhau, mawaeo@ o oi limahana Pake.

            Ua uiu ae keia wahi hauuaele mawaena o lakou Pake iho @ oe lakou ka kuina o 11, 4 ua hoala ae hoi lakou i kakahi hana hou e kue ai i ka makemake o na haku hana, a nolaila ua hoo poha ia kekahi palapala hopu ae lakou, no ke kue i ka makemake o na hako hana.

            O keia ka wa i ala mai ai o na manao uluaoa, a pau i ka hopu ia a hoopaa ia iloko o ka halepaahao he 25, me ka hahai mai no o ka hapanui o na Pake mahope o ko lakou mau hoa.

            Ua hoohana ia no laau hewa, a ua ki ia na pupanapana, i wahi e hoomaalili ia ai keia uiuaoa, a o kahi laki wale no, oia ka poino ole o kekahi oia kino ma keia haunaele.

 

UA HALA IA OPIO HAWAII.

            Ua halawai mai makou me kekahi lono kaumaha, ma ke ku ana mai o ke Kinau i ke ahiahi Poalua nei e hoike mai aoa, ua hala, ua nalo, a ua pauaho mai la o James H. Bolster, kekahi o na opio kakau, nupepa o keia kulanakauhale, oia hoi ka Bulletin, Advertiser a me ke Star.

            Ua hoonaauao ia oia ma ke Kula o Kahehuna, a mai laila mai no oia i komo ai iloko o ka poai o ka poe kakau nupepa, me ka hilinai piha ia e kona mau baku, a no ka nawaliwali o kona ola kino, ua haalele iho oia i ke kulanakauhale nei, a holo aku la no Kohala me ka manao, e loaa ana ka maha iaia malaila.

            He 26 ka nui o kona mau makahiki i kona wa i make ai, a ke noho nei kona ohana me ka a me ka minamina nona, ma ka Poaha aku nei kopa make ana, a ua nalo aku ia ma ke aian malihini. Waihe no iwi o kamahele i Kaeo. Aloha no.

 

HE PAINA LUAU NUI.

            Ma ka po o ka Poaono nei, ua haawi ae la o Mr. R. W. Wilikoki, he paina luau nui malalo o Moanalua no ka hoomanao ana i ka piha ana o 4 makahiki o kana keikikane Roberto Keona Wilikoki, he mau haneri ka nui o na poe i konoia i hiki ae malaila, a o kekahi poe hoi he lehulehu waie he uhai hana maoli ko lakou kumu i hiki ae ai ilaila.

            Maiaio o laila ka Bana Lahui kahi i hoolealea ai i ka mea nona ka ia, ua hoi na mea a pau me ka mahalo i ka papaaina nui hewahewa o na mea ai pahola ia mai imua o lakou. A o ka makou e nonoi ae nei i ua Lani e hooloihi ia na la o ke kama ma keia ola ana.

 

            U@ hala aku ia o Rev. Waiamau no Kona me ka uka@ e kana wahine, no ka hoolana mai.

            O na haumana kahiko o Sana Lui o hoala ae nei lakou he hui kinipopo u a ka inoa Sana Lui, no ka hoae ana e kaili ae i ka inoa moho o keia kau kinipopo ae.

            Ua hoike ae ka o Kaulukou o ka hana pono wale no ia na kanaka Hawaii, o ka Hoohui Aina. O kona manao no ia aohe ae o ka lahui Hawaii ia waonu ekaeka elike no me ko lakou kupaa mai kinohi mai pela no a mau aku.

            I na hora a pua o keia la e hoea mai ai ka mokuahi Cop@ mai Kapalakiko mai aole no e nele ka loaa hou mai o kekahi lono e pili ana ia Kalani e alo hoomanawanei mai la i ka au o R@. O ka makou e upu ae nei e kahaiia o Kalani e na pomaikai.