Ke Aloha Aina, Volume II, Number 50, 12 December 1896 — Page 1

KE ALOHA AINA

 

            @ @ puka mau ia aku @ a

Poakahi a ka Poalima o na pula a pau o kela ma keia mahina.

Ka U@@ Pepa, he 20 kenela o ka pule.  No ke hope hookahi he 5 keneta.

@ loaa no ka pepa mai k@ Keen aku o KE ALOHA AINA, o na ka lima aku o na Luna La@@ Pepa.

 

@ pai @a no no Olelo Hoolaha o Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke E e hookaa mua ia ka uku pepa.

 

I hoouna pololei mai i na Nupepa @ Kumumanao, na Olelo Hoolaha na Kanikau a me an Mele Inoa i ka Lunahooponopono o keia Pepa.

 

Aole loa e hoo@ @ hoolahaia kekahi manao ma na kolamu o keia Pepa, malalo o kekahi mea kapakapa ke ole e hoike mai i ka Lunahooponopono i kona inoa @.

 

Ka Mupepa Puka P@

 

KE ALOHA AINA

Hookahi Makahiki ...................$2.00

@ Mahina .................................1.00

@ mahina.....................................0.50

@kahi Mahina..............................  .25

EMMA A. NAWAHI

Puuku o

KE ALOHA AINA

EDWARD L. LIKE

Luna hooponopono a Hope P@@ka

S.P. KANOA

Hope Lunahooponopono

O na kauoha Nupepa me na hookaa Dala, e hoouna pololei mai i ka Puuku ma Honolulu.

 

@UHOU KUWAHO.

 

KALIVALANA ME CARLISLE

Wahington D.C. Novemapa 13.  Eia o Kalivaiana me Carlisle, ke hoohui nei ia laua o malalo o ka inoa Hui Kalivana a me Carlisle, ma ka oi@a loio, a e lawelawe ana la@ i ka hana ma ke kulanakauhale nui o Nu Ioka.  Mahope @ o ka pau ana o ko laua ku@ Luna Aupuni, I ka la Eha Maraki ae nei, o ka 1897. 

 

@ A NAHAHA HE MOKUAHI HOLO KAIKUONO.

San Diego, Cal. Nov. 14. O ka nuhou i loaa mai i keia la, @ no ka ili a nahaha ana o ka mokuahi Mazatlan.  O ka Mazatlan, he mokuahi holoholo kaikuono e holo ana mawaena o Mazatlan, Guayamas a me La Paz, a me kekahi mau awa e ae he mokuahi nani loa oia, noma hoi ka waiwai io o $150,000.

            Ma ke ahiahi o ka la 6 o Nov., ua haalele aku oia i ke awa o La Paz, me ka piha i ka ukana a me 80 oh@@ maluna o kona oneki, a e holo ana no Mazatlan, a me ka makaukau pu hoi e holo no Guaymas.

            He malino ke kai, aka, ua uhipaa ia nae kona alahele e ka noe a me ka ohu halii paa, me ka hiki ole ke ike ai aku kona alahele mamua a ma ia kumu oia i ili ai a nahaha, a o ka mea laki wale no, aohe ola i poino.

 

KA NINAU O VENEZUELA

Washington D.C. Nov. 14

            O Senor Andrade, ke Kuhina i hoouna ia mai, mai Venezuela mai o i huli hoi aku oia no kona home me ke hauoli.

            Ua lawe pu aku oia mamuli i ka kope o ke kuikahi i hanala mawaena o Venezuela a me Beritania Nui, no na palena hoi o laua i noke iho nei i ka hoopaapaa, a he kope hoi kekahi i hoohui ia ai ko kaua aelike ana, i kakauinoa ia o Kuhina Nui Olney o Amerika Huipuia, a me Sir Julian Pauncelote, no ka hana ana i kuikahi e noho like ai na aupuni kuee elua, me ka loaa like ia laua na pomaikai maloko o keia kuikahi.

            E paa ana oia he leta mai a Olney mai, ko Amerika Kuhina Nui, e hoike ana i ke kuleana o keia aupuni maka hooponopono ana no keia ninau i ulu ae ai ka mokuahana mawaena o na aupuni makamaka elua.

            O Senor Andrade, ua haalele iho oia ia Wasinetona nei, no ka lawe ana aku no ko ka Peresidena Crespo apono mai, aole hoi oia wale, aka, me ka Ahaolelo pu no kekahi o na Makaainana.

 

            Ua hoaoia ae ka halekuai o Kerr a me ke keena hana o Alani Ma e komo aihue ma kela mau po aku nei.

 

             Ma ke po Poaono nei, i malamaia ai ka uniki hulahula Europa i noho kumu ia e Wm. Malina, ma uka o Kapalama ua nui no ka poe i hiki ae malaila.

NANI KA NAAUAO O BIPIKANE

 

Kakau ia no “KE ALOHA AINA”

 

            Mai ka la mai a ke Kakauolelo Nui o ka Hui Aloha Aina o ka Paeaina i kukala ai, a hiki i ke koho pono ia ana o ke kanaka a ka lajui i wae ai ma kona mau Elele la, a hiki i keia la, ua hookahaha nui ia ko’u noonoo, mamuli o ko’u ike ana i ko Bipikane naauao kupanaha, imua o kona kokoolua i haule, mai ka holo moho Peresidena ana, e hooke ana i kona ano Keonomana oiaio, elike me ka hana a na kanaka naauao a koikoi o na aina e, e nana ole ana i kona kulana holo moho no ia kulana.

            E hoomaopopoia, o Bipikane, i kahi kula apana wale no oia kahi i ae ia ai, aole iloko o ka uluwehi o na buke hoonaauao, @ka, ua loaa n@ @ kela kulana maemae e hiki ole ai ke hoohewahewa ia, he Aloha Aina, a he kue i ka hoomokuahana, elike me ka Wilikoiki e hana nei i keia mau la.

            O Wilikoki, he kanaka oia, ua hoonaauao ia, mailoko aku o na dala a ka lehulehu i waiho aku ai ma ka lima o na Luna Aupuni, a hoouna ia aku la oia i na aina e, a na ka hookahuli Kumukanawai a Kakina ma i hana ai i ka 1887, i kauoha aku iaia ma Turina, Italia, e hoi mai, “poho ke dala a ke aupuni, wahi a ia poe.”

            Ua hoi mai oia me na manao wela o ka inaina, me ka hookauhua ana o kela manaopaa iloko ona, e anai ia Kakina ma a pilipu i ka paia.

            Ua hana ia ua kuko la, mahope o kona auwana ana i Kapalakiko a hoi mai, he hookahi makahiki ke kowa mawaena, lawe i na hoolala ana no ka pono o ka aina, a lilo ka mana o ka hoomalu ana i ke Paalii malalo o kona malu no hookahi la.

            Kukulu hoomaauea oia i na pukuiahi, me he mea paani la ka hana iluna o ke kahua kaua no ka make a me ke ola, ma mua iho o ke alo o Iolani Hale, me kona mau aoao a pau.

            A heaha ka ka lahui i ike ai, ua ku i ka pu a make loa o Pono, o Loika a me kekahi poe e ae, mamuli o kona hawawa a me ka ike ole, a pakele mahunehune mai O Kamai ma, Palau ma, Keono Hapa ma, a he lehulehu wale aku.

            Iloko o na hakoko ana ia mau la, ua lilo oia i mea nui, i mea na ka lahui e hoomanao mau ai nona, hoala hou mai no mahope, a pakele no ma ka apua, hoala hou no, a oia keia a kakou i ike ai, ua make hou no ka lahui he elua kanaka hou, oia o Moehau a me Pukila.

            No ke aha mai keia make ana o kela mau kanaka elua, aole anei no ka hemahema a lawa ole o Wilikoki ma ke kulana Alakai, oiai, o Bipikane a me kekahi poe e koi ana ia Wilikoki e hele imua eni, no ka lawe pio ana o ke kulanakauhale nei.

            Ua makee iho la ua Wilikoki nei, me ka olelo ana, aia a loaa mai na pane mai a Sam Nolena mai, oiai, ua kani aku ia ka pu o ke kukala kau, ma ka aoao o ke aupuni, heaha hoi ke mea i hoonee ole ia ai no ka hele imua, elike me na alihikaua a pookela o ka ike.

            I na paha i hookohu ia a Bipikane i Alihikaua, ina ua hana ka hana e ke poe Aloha Aina me ka maalahi, a me ka holomua, malalo o ke kanaka i hooun ole ia i ke kula koa o Italia.

            No’u iho, ke haawi nei au i ko’u mahalo a nui no Bipikane, i kona malama i kona kulana aloha aina, a ano kekeua ole a hookeekee hoi, elike me ka Wilikoki e hana nei i keia la.

 

Koa Aloha Aina

Honolulu, Dec. 2, 1896

 

            Ma ka Poaona nei i hoea mai ai ka mokupea Ardgowan, he 72 la holo mai Nu Kakela mai.  Ua hapa kona hae i kona hookomo ana mai no ka hoomanao ana i ka make ana o kona malama moku.  Oiai, oia he hookahi la ke haawale mai ka aina mai, ua halawai iho la oia me kekahi ino, a ma ia ino i lilo aku ai ke ola o kona malama moku, ma o ka lilo ana i ke kai.

KUAHAUA AKEA

 

            Mamuli o ka hilinai o ka lahui ma o na Elele la, iloko o ka Ahaolelo Nui o na Elele o na Ahahui Aloha Aina o Ko Hawaii Paeaina, i noho i Nov. 28 1896, ua koho ponoia au me ka manao lokahi i Peresidena Nui, a he alakai hoi no ka lahui aloha aina, nolaila, ke kukala aku nei au ma ke akea, o ko’u makia (moto) o ka lawe ana i ke kulana alakai no ka lahui aloha aina.  “E pelu iho na kuli o na haipule ilalo, a e kaulona aku na maka, ka uhane a me ka ikaika o ka manao io hana, imua o ke alo o Iehova o na kaua, no ka nonoi ana aku i na kokua ana mai i ka lahui aloha aina, a e hokaawale kela ohana keia ohana, kela aloha aina, keia aloha aina a me na Ahahui Aloha Aina a puni ka Paeaina i manawa maikai, no ka nonoi ana ik ke Akua me ka poina ole.  E hookaawale i na Poaha a pau o kela a me keia pule, i manawa hana like ma ke hookeai ana me ka malama ana i manawa haipule like mai o a o, o ke Paeaina holookoa o Hawaii.  E pule hooki ole, a e malama i ka manawa he mau la ino keia.

 Jas. Keauiluna Kaulia,

Peresidena Nui o na Ahahui

Aloha Aina o Ko Hawaii Paeaina

Honolulu, Dec. 1, 1896

 

            Ua kaawe ae kekahi Pake nona ka inoa o Chang Kai ma Maui Hikina.

 

            O Kepookele Apau oia kekahi wahine kahiko i hiki aku na makahiki o kena ola ana i ka 124.

 

            Ua hopuia o D. Kanoho no ka hoeha ia W.M. Peter he makai, ma ka po Poaono nei.

 

            Ua holo aku ka Malulani no Kauai ma na awa o ka Mikahala, I ka auinala Poalua, no keia kalepa wale ao, a i kona me e hoi mai ai e hookau ia aku ai oia iluna o ke alahuka moku.

 

            I ka hora 7 o ke ahiahi Poaono e hiki mai ana, e malama ia ana he wiki hulahula Europa mauka o Kapalama ma kahi o John Gilman, he pa hulahula i noho kumuia hoi e John Gilman, a ua ae ia na poe a pau i makemake e ike i ke uniki e naue malaila i ka manawa i hoikeia ae la.