Ke Aloha Aina, Volume II, Number 49, 5 December 1896 — KA HUI KALAIAINA. [ARTICLE]

KA HUI KALAIAINA.

O ka Poaha aku nei, Novemaba 26, oia ka la a ka Ahahui Kalaiaina i hookaawale ai i la koho no ko lakou mau Luna Nui, elike me ka lakou kuahaua akea, i ka wa e hoea mai ai ko lakou mau Elele mai na Mokupuni mai, a i keia wa, ua akaka ae nei ko lakou mau Luna Nui, a ua maha hoi ko makou manao, mamuli o ka ike ana aku, ua lawelaweia ka lakou mau hana me ka malie a hiki i ka pau ana, a nolaila, ua hauoli loa makou i ko lakou pae lanakila ana ma kela aoao o na kuee a me na mokuahana, a ua oluolu hoi ka manao, mamuli o kela makia paa naue ole, o ka lokahi ka ikaika, a pela io i ko ai ka la'kou hana. Eia iho ko lakou mau Luna Nui i koho ia ma ua la ala: D. Kalauokalani, Peresidena J. Keau, Hope Peresidena J. Poe Kuoha Kakauolelo Manuhii Puuku Ke haawi aku nei makou i na kahoahoa ana i na Luna Nui i koho ia iho la, e hooholomua aku i ka oukou mau hana no ka pono o ko kakou aina ha-

nau, e huki like kakoui na mea e pono ai, a e kupaa mau ai, no ka naa ana i ko kakou mau pono i kaili ia.