Ke Aloha Aina, Volume II, Number 48, 28 November 1896 — UA PAA MALALO O KE PANIHAKAHAKA [ARTICLE]

UA PAA MALALO O KE PANIHAKAHAKA

Eia i Honoiulu nei o Kapeno Mctcaife, o Kapalakiko, a i kamaaina hoi ia kakou, ma o kona hiki kino ana mai e hoolana i ka moku iii Miowcra, i ili ai iwaho ae nei o Puuiki, i ka nuku o Mamala i ka makahiki aku nei i hala. I holo .mai nej oia ma ke ano he Agena no ka Hui Panihak»haka Lioyds, ma na kapakahakai o ka Pakipika, no ka ninaninau ana no na mea e pili ana i kela moku kalepa hao i ili ai iwaho o Kaalawai, nona hoi ka inoa o Grainborough, a i kapaia hoi i keia wa, malalo o kona Ona hou Daimana Hila. Ua hoike ae oia, o kela moku hao i ili ai, a me kona mau ukana i lawe mai ai, ua paa ia malalo o ka Hui Panihakahaka ana e noho Agena nei, a no ia

kumu koha hoea ana mai la e ninaninau pono i na mea e pili ana i ka pono o kona Hui e noho mana nei. O kekahi paha hoi, mamuli no ia o ko ke Kapena McPherson hoole ana, aole i hoopaa ia ka moku a me kona ukana, malalo o kekahi Hai panihakahaka. E loaa mai ana no paha na mea oiaio e pili ana no kana huakai hele.