Ke Aloha Aina, Volume II, Number 48, 28 November 1896 — Page 6
| This text was transcribed by: | Uilani Paalua Campana |
| This work is dedicated to: | William H. and Ruth L. Paalua |
KE ALOHA AINA
NA PALAPALA
Aole e ili maluna o makou ke koikoi o ma ahewa ana ao keia mau manao i hoopakaia mahalo o keia poo, aka e ili no ia makou o na poe na lakou i kakou mai.
NA ELELE KOHO PERESIDENA KA HUI ALOHA AINA NO KONA OAHU NEI.
Mr. Lunahooponopono, Aloha oe
Iloko o keia mau la, ua hoohuona ka lehulehu a me ka mea kakau i kekahi poe e hele nei malalo e ka inoa “Elele Kohe Peresidea” o ka Hui Aloha Aina no na Apana Koho o Kona Oahu nei i ka ninau ana ia aku o kahi o keia mau “Elele” ne la, ua pane mai kahi, ea hookohu ia aku oia e ke Kakauolelo Nui. a o kahi hoi, ua hai mai na kahi halawai i malama ia ma ke Keena o ke Kakauolelo Nui, he ekolu kauna ko lakou nui, i kela mau pule aku nei, na lakou i koho iaia.
Mamuli o keia ne maluna a me kekahi mau hana ano moonihoawa a kahi o keia pae “Lele” i koho ole ia e kalahui oiwi a i koho ia hoi e lakou iho no, a me kekahi mau hana ano hoohewale, i kualehelehe ia e kekahi mau iaia oia poe Elele, ua noi ia mai au e hoolaha aku i ka manao maoli o ka poe aloha nina o na Apana Koho o Kona, Oahu nei, me ka ninau pu aku.
Ua lawa anei kela halawai o ekolu kauna no ke koho ana i mau Elele e hui aku ai me na Elele i koho maoli ia e ka lehulehu, no ke Koho ana i Peresidena a i alakai no ka lahui oiwi? Heaha no kunou nui o keia po@ ana i ko ka lehulehu kuleana, a na kahi halawai o ekolu kauna e hooholo? No ke aha i waiho ole ia ai na na Apana iloko o k kela me keia Apana Koho Balota o Kona, Oahu nei e koho no ko lakou mau Elele? A na ka Hope Peresidena hea i hana keia kapulu nui a ano @ maoli i ko ka lehulehu mau kuleana? Ma ka aoonoo maikai ana, he hana pono anei keia a kaulike? Ke pe@ nei kakou ia Amerika Huipuia i ka hoopono ole a i ke kaulike ole – a pehea keia?
Aka hoi, ina kela he hui “aloha aina” no keia mau kauna “lunaolelo” no, a aele o ka Hui Aloha Aina a ka lehulehu i noho Peresidena ia e ka Mea Hanohano Joseph Nawahi i make, alaila, aohe olelo ana a na oiwe aloha aina, aka, e hookaawale loa mai ia lakou mai na iliohae mai. Aka hoi, ina no o ka Hui aloha Aina mua no, alaila, e hoole loa aku ana na aloha aina o Kona nei i keia poe “Elele Kauna” a e koho kaokoa aku ana i poe elele no lakou e hele aku e hui me na Elele o na Apana e ae o na mokupuni a puni ka Paeaina e hoea mai ana ma Honolulu nei mamua iki iho o ka la 28 o Novemaba nei no ke koho ana i Peresidena a i alakai no ka lahui oiwi.
He mea oi aku no o ka pono, e ike ia ka poe aloha aina io e ku kaawale ana mai ka poe “hina elele” mai.
Ma ka hua o ka laau e ike ia ai he laau maikai; pela no ke kanaka, ma kana mau hana oia e ike ia ai, aole @ a kona kualehelehe ana, pela no hoi me na Hui, aole ma ke kapa ana ia o “Iesu Karisto” ka mea e manao ia ai he poe Karistiano no alakai me na lala, aka, ma ke ano o na @ pela no hoi me ka @ Aloha @ ma ka hope a na alakai a me na luna nui.
Ina ua hoaola ko ka lehulehu mau kuleana e apaka a e @ e na luna nui, a e kekahi paha o lakou he poe apuka a he “kipa eleele” na puana pono ana, a e akahele loa kakou ia poe.
O ka’u wale no i ka poe no lakou ka kuleana, oia ka lehulehu oiwi, e hookeawale loa aku oukou mai na “Iuda” aku, a e kapaa loa i na olelo awa a hupo a kekahi o na “Eleele Kauna” palaualelo a ohana keiki a ka poe hipa-eleele.
Eia na Hope Peresidena o ka Hui Aloha Aina mua; J. K. Kaumanaao, J. W. Bipokana, J. K. Bu@ me J. L. Kaulukou. Aia maluna o keia poe ke koikoi o keia kapulu ana, ma nae ua hana io. Nawai la i koho keia poe “Elele Kauna.”
E onipaa ke aloha o ka lahui i ka aina. Owau no, R. W. Wilcox. Honolulu, Nov. 23, 1896.
(Ua kahea ia he halawai ma ka hoelaha ia ana ma ko makou pepa Puka La a me Puka Pule, ma ka Pule mua o Novemaba, e ike ia no ia kahea ana a ke Kakauolelo Nui, ma ko makou pepa Puka Pulo o ka la 7 o Nov. Helu 45, L. H.)
OIA ANO O KA HOOHUOI.
Mr. Lunahooponopono,
Aloha oe:
Ma ke aloha aina puka la o ka la 24 a me 25 o Novemaba nei, i ike iho ai au ina manao kuhalahala kohu ole o Mr. Wilikoki, e hoopuka ana me na olelo o ke kulana keonimana haahaa loa, me ka ike ole i kana mea e olelo nei, aole au i manao e pane ia oe, aka, no ko helu ina i na inoa o na Hope Peresidena o ke Aloha aina a me kou kapa ana aia kou ano ku ole i ke keionimana, ia poe he moonihoawa, a he Hipa Eleele.
No kou ike ole oe i olelo ai, a ke ao aku nei au ia oe, mamua o kou hookomo ana i kou @ iloko o ka pakekewai, e hou mua kou mau lima iloko o ka wai, i ike mua oe ioa he wai wela a wai huihui paha ia, aole o ka hookomo puahulu i kou poo, a na ka iika o ka wai wela i ka maka e hoike mai i ka palahe e ike ai oe he wai wela ia; pela no kau hoolaha kuhalahala maoli o ke kohu ole, e nana aku oe i Ke Aloha Aina puka la mai Nov. 2 a hiki i Nov. 6 a me puka pule o Nov. 7 1896, e loaa ana ia oe ka hoolaha akea a ke Kakauolelo Nui o ka Ahahui Aloha Aina Kuwaena o Honolulu nei, e kahea ana i na lala a pau e hiki ae ma ke Keena Loio o Jas. K. Kaulia ma ka Poaono, Nov. 7, hora 1:30, no ke koho ana i na Elele e hele ai imua o ka Aha Elele Koho Peresidena i Nov. 28, 1896.
Ua hooko ia ua kahea la ma ka akoakoa ana ae o ka poe makaala a hiki ke hana, aole i kali ia no ke ola mai o na palaualele mai ka uluna mai, a ua hoohee ia na hena ku i ka naahao, aole hoi e like me kau e hoopunipuni a waha wai nei i ka lahui. A ke hoike mai nei kou lawe ole i ka Nupepa Ke Aloha Aina i ke ano @mahema o@ hooponopono ina i ke kakou a kou k@ ana.
I na loa aku hoi, ke ano lohe ole o kau wahi ohumu ana a ma kou poni ohumu; no ka mea, aole oe i ike ia he iaia no ka Ahahui Aloha Aina, @ oe i kakau inoa i ke kumaka@ @ e nae ia oe ke kaanini kehalahala kohu kawalii iluna ke alo, a waiho malie na ka poe i kuleana ia Ahahui e kehalahala, alaila, kohu.
I hoike no ka nui o kou lakou, oia no kou komo ana ma na apana me kekahi poe e paipai halawai hookaunaele ai i ka Ahahui Aloha Aina makou ike no aohe ou wahi kuleana iloko oia Ahahui, ua helu pu ia oe me ka poai o ka Hui Hae Eleele, oia he kue loa oe i na alakai ana a J. Nawahi, i ke kahua o keia Ahahui.
A e alakai aku ae ia oe, mai ke kukulu ia ana o ka Ahahui Aloha Aina a hiki i keia la, aole he mau Ahahui lala oia ano i kukulu ia ma na Apana o Honolulu nei; ua hoohui ia na Apana a pau Elima o Honolulu nei malalo o ko makou kumukanawai, a kapa ia he Ahahui Kuwaena (Central Body) e nana ma ka Pauku 3 o ke Kumukanawai o ka Ahahui Aloha Aina. A mamuli o na olelo oia Pauku, ke ku nei ka Ahahui na ia kahua. A o kou komo ana iloko o na Apana e paipai a ao, a alakai hewa ai i ka lahui, he hoike ia no ka inoino o kou noonoo i ke kaa ae i kahi keiki ke Alakai i ka lahui, e waiho oe ia ano manao haakei, na ka hana e hapai i ke kanaka, aole na ka palaualelo e hapai i ke kanaka.
Ina he mau hoohalahala na na lala ponoi o ka Ahahui no ke ano i koho ia iho nei na Elele o Honolulu nei, he hoohalahala palaualelo ia, nawai i kauoha ia lala e hele ole ae ma ke Koepa Loio a Hana hoi o James K. Kaulia i ka manawa i hoolaha ia ai? aole e ili ke koikoi o na hana a na lala hoopalaleha maluna o na lala makaala hana, na hookeekee ana a ia poe, he hookeekee kohu ole ia, a he mea keia e ao aku ana i na lala hookeekee o ka Ahahui e haalele i ka palaualelo, a e makaala i ka wa e kahaea ia ai o ka mea mikiala ma ka hana, oia ka mea ai i ka ai. Nolaila, e ka hoaloha Mr. Wilikoki ua lalau ka hoohuoi ana. Jas. K. Kaulia. Kakauolelo Nui o ka Ahahui Aloha. Aina Hawaii. Honolulu, Nov. 26, 1896.
HOALOHALOHA A KA AHAHUI
ALOHA AINA A NA WAHINE
O KA AINA MAUNA O
WAIMEA, S. KOHALA,
HAWAII
Ia Mrs. Emma Aima Nawahiokalaniopuu, na keiki makua ole a me ka ohana;
Paumaele pu kakou i ke aloha:
Kilakila, kelakela, haaheo ke ike aku, Na pae puu o Kaala, e hoohihi ai ka manao, Na Waipahihi i hoolipo ia e ka palai noho i ka waokele.
A oiai hoi, ua naha ka hale ke kanaka, ka hale hoi a ke aloha. Ka makamaka a ka noe e kipa mai oi. Ua ikeia. No ka mea, aole o kakou kulanakauhale e mau ana maanei, aka, ke iini nei kakou ia mea ma ia hope aku. He mea minamina ia imua o Iehova, ia make ana o Kona poe haipule.
@@@@@@@@@@
a me Kapalakiko, he aina malihini, me ka la 14 o Sept. 1896. Ua oluolu i ke Le o na Li a ma ka Haku o na Haku koho i Kona Mana kupaianaha, ua lawe pala@ ina aku i ka honu maka@ o kaa kane aloha, a hoohoo @ la i ka pili aloha ana ma@ ou a me na la aloha a olua, a o kana mua hana maka no ka pono o ka Lahui Hawaii a kakou i aloha nui ai, he mea ia e hiki ole ai ia mokou ke hoo@, nolaila, ua hoohelo makou:
- 1. Ke hui nei makou me oe e awaiaulu pu ia kakou iho no na ehaeha i ili iho ma kou poohiwi palupalu.
- 2. Ke kalokalo ae na makou i na Mana Lani e hoonanea mai i kou mau luuluu a me ka ohana pu.
- 3. Ke o walo haahaa aku nei makou maloko o na paepae kope o ka Noholii nani o ke Akua ola mau, e hooloihi mai i kou mau la ma ka honua, me ka hahai mau ia e na pono a me na pomaikai.
- 4. Na ke Akua Mana Loa e kokua mai ia oe a ia kakou a pau, me ka manaoiana mau no kaua mau makana hiwahiwa pookela loa, no keia ola honua ana.
O makou iho no me ka haahaa,
Komite: Mrs. Hanai Parker, Mrs. Pauoli Lanakila, Mrs. Lioe Kaanaana, Mrs. Hana Kalino, Mrs. Rachel Duncan, Mrs. Theres D. Koki.
Waimea, Hawaii, Nov. 24, 1896.
HE HOALOHALOHA NA KA HUI
ALOHA AINA O NA KANE O
KA APANA O HUELO.
Ia Mrs. Emma Aima a me na keiki makua ole:
Luuluu wale:-
Mamuli o ka holo puni ana o ka lono kaumaha mai Hawaii a Niihau, no ka hale ana aku o kau kane i aloha nui ia ma keia aoao o ka muliwai eleele o ka make, oia hoi o Joseph Kahooluhi Nawahiokalaniopuu ma ka aina malihini ma Kapalakiko i ka la 14 o Sept.
Nolaila, o makou o ka Hui Aloha Aina o na kane o ka Apana o Huelo, ma o ko makou mau Komite ala, ke pahola aku nei i ko makou tumakena me ka walohia nui ia oe e ka wahine kane make a me na keiki i hooneleia i ka makua ole a me ka ohana a pau. Oiai, ua oluolu i ke Akua Mana Loa, ku lawe ana aku i kau kane i aloha nui ia, a Peresidena Nui o ka Hui Aloha Aina o ko Hawaii Paeaina, a nolaila;
Hooholoia:- Ke home pu aku nei makou me oe i hoowale la i ke kane ole, a me na keiki i hoowale ia i ka makua ole, iloko o ka paumako nui i ili iho maluna ou a me makou pa hoi, ma o ka make ana o kou kane, ke kanaka aloha aina o@ makou i @ nui loa ai, nolaila:
Hooholoia: Ke noi @ Akua Mana Loa, e hoo@ kou mau luuluu a me na la ina makou pu hoi.
O makou ae ka wa@
Komite: J. M. Hono…
Jack Hono…
Kaaikaula,…
Ind. Luaehu…
Moses Papa…
Pauahi,…
He Kanikau No Jo@ Nawahiokalanio..
Kanikau aloha nuu e Nawa…
Ke poo alakai o ka lahui…
Ka pua oi kelake i o ka na…
Ka Pouhana kupaa i ke alo…
Ka pua aala i ka houpo o …
Ka milimili aloha pau ole a…
Ua hale aku oe i ke aia ho…
Ua kuu ka luhi n@ keia no…
Ua haalele iho oe i kou no…
Me kau mau keiki aloha nu…
Me ka ohana a pa…
Me makou ka lahui aloha ia…
Ke noho ia nei makou i ke …
Aloha ko aina hanau,
O Puna paia ala i ka Hala,
Aloha ka Nalu ha@
E paapaaina ana i ka lau o…
Ninui poahi ke aloha nou…
Aloha ka Lae o Kumukahi…
Okaikai mai nei ke aloha …
Aloha na wawau o Hiiaka
Hopoe,
Ke alahele mau ou me kau…
A me na keiki a olua no H…
Aloha ka lai o Keaau i ka …
Me na Lehua aala o Panae…
Aloha o Ohele i Waiakea…
Hele oe akea ka noho aloha…
Ua loaa ia makou ka luuluu
Aloha nui oe e kuu hoapili…
O ka ua Lokuloku i Hanaka..
Akahi au a ike, i ka mea n…
I ka ukana luuluu a ka mau…
Aloha o Halekainehe i ka…
E pili pu ala me Mokuoia,
Oia no ko Mama Aima,
A me na keiki makuakane..
I kaua pono nui i hooikaika..
Aloha ke kai o Keahua,
Ke kai a kaua i huki ai i ka…
Aloha no ke kai i Kamahol…
Ke kai a kaua i huli ai i ale…
A pakele kaua i ka la waha..
I ka lokomaikai o ke Akua..
Aloha no ka home nani o…
Hilo,
ke kau mai i ke ahua o H…
Lani kiekie ke aloha o ke A…
Iloko o na hoaloha o Hilo…
A waiho ke kino wailua i a…
Nou no e Nawahiokalaniopio..
Kuu ka luhi ma keia ao ma…
A hele aku la i ke ala hoi o…
Me ke aloha, J. S….
O ka Mikahala, aole o ..
kai hole aku la ma ko …
mau awa.
Laukanaka ke kuianake…
na Elele o na wahi like…
na i holo mai nei no ke …dena.
E paa ana na Keena Oi…
i keia Poaono, no ka hoo..
ka la i kiokoa ai, na moku..
Hawaii, mai na maiuu mai o…
ka piha ana hoi o na mea…
ko kakou noho kuokoa ana