Ke Aloha Aina, Volume II, Number 47, 21 Nowemapa 1896 — UA HUI AKU MAKOU. [ARTICLE]

Kōkua No ke kikokikona ma kēia Kolamu

UA HUI AKU MAKOU.

Ua hui pu makou me Aberahama Fernandes, a ua hoike mai oia i kona manao, no na ninau i u-i ia aku iaia, ina paha oia kekahi moho e holo Peresidena ana no ka Hui Aloha Aina Kuwaena o ko Hawaii Paeaina, a eia kana i pane mai ai: "Ina ua loaa ole kekahi kanaka kupono e ae, alaila, ua ae oia o kona inoa kekahi e hookomo pu ia." O keia kana i kauoha mai ai ia makou e hoolaha aku, a na ka lahui e kaana no lakou iho.

I keia Poaono e malama hou ia ai ka hookuku paku kinipopo mawaho o Makiki.

Ua lehau na uwapo kumoku i na poe makaikai i ka heihei au, ma ka auina la o ka Poakahi nei.