Ke Aloha Aina, Volume II, Number 47, 21 Nowemapa 1896 — Page 3
| This text was transcribed by: | D Hable |
| This work is dedicated to: | Awaiaulu |
KE ALOHA AINA
KE ALOHA AINA, POAONO, NOVEMABA 21, 1896.
O MAKOU KANUA E KU NEI.
Ua ninau pinepine ia mai ma@a, e ko makou mau hoaloha @i Haweii a Kauai, no ko ma @ manao, no ka Peresidena @pono ma kahi o Joseph Na@hi i make, no ka Hui Aloha @na o ko Hawaii Paeaina, ma @ makou ano he wahaolelo no @ lehulehu, ke hoike aku nei @kou i ko makou manao ku@oa, aohe o makou kulena e @mo aku ai e lawe ae i ko ka @ui kuihana, oiai, he mana pi @na ia i haawi ia maluna o ka @ui holookoa.
No makou iho, ua oi aku ko @akou pono e ku kaokoa ae @i na inoa mai a ko makou @u hoaloha i wae ai a mai na @no pilikino ia mai hoi, i mea hoomokahana ia ai ko kakou hoomaikai ana, a malalo oia @mu, ua hooholo makou, o ka ea a ka hapanui o ka Aha Elei koho ai, i pani no ia maka@, oia ka makou e haawi aku @ina kakoo ana i ku i ka po@ a me ka holomuk o ka lahui. Aka hoi, ina he kanaka hema @ma loa ia, a kupono ole ke @kai ma na haua e pono ai ka @ui o ko makou wa ia e ko @akou mau manao.
OKAI UA LAWAIA MAKAPAA.
PAPAI KA IA E HOI AI.
Ma ke ku ana mai o ka mo@ahi Auseteralia, ma ke kaka@aka Poalua nei, i hoi mai nei @ P. C. Keoni, ka lawaia maka@ a ka Repubalika Hawaii, @ ike ia aku ua lawala ala e ku ai ana iluna o ka moku me ekahi kii Papai i hana ia i ka @ana keleawe, a e kau ana ma @ aoao hema o kona kuka, e @ike mai ana, he huhui o na @i papai make kana puolo e @ ana ma ka lima, e kala no hoopuukahua ia ai ka hopena kana huakai imi dala, he neo a mea e loaa ana, ua hooko @ ia mai ia mau kilo anakk ma@uli o kona hoi ana mai me @ nele, a he kii Papai i omau @ ma ke kuka kana waiwai o @ hoihoi ana mai imua o ke @o o kona mau hoa.
Kupanaha keia lawaia, hala @e no na olelo hookaau a ka Hawaii. "He maunu ekaeka, Papai ka ia e hoi ai."
UA HIPUU IA AE.
Ma ka auina la Poakolu nei, a hiipuu ia ae la iloko o ka @ateremonio paa loa o ka mare @ William Lanz, me Miss Gertrude Wilimana, kekahi hoi @ na hiialo makamae a ka ha@uea H. A. Wilimana o keia @ulanakauhale, e ka Rt. Rev. Father Leonoro o ka Hooma@ Katolika, ma ka home noho @ na makua ma Alanui Puna@ou, Pawaa.
Ua hoohiwahiwa ia ka rumi @ahi i mare ia ai o na paa mare, @e na lau niu a me na pua wai anuhea, e hookupaoa ana i ke ala lipolipo iloko o ka hanu o na makaikai i kipa aku e ike i ko laua hoohui ia ana iloko o ke kaula gula o ke aloha, ka mea i ka Palapala Hemolelei hoi o e mai ai, "o ka mea a ke Akua i hoopaa ai, aole e hiki i ke kanaka ke wehewehe."
Mahope iho o na hana eehia o ka mare, ua huli hoi aku na paa mare no ke ehukai o Waikiki, kahi hoi a ka Moiwahine Liliuokalani i kipa mai ai, e haawi mai i na pulama o ka noho aloha ana, ma ke ano he malihini kiekie na na paa mare e hoomanao ai i na la mua o ko laua hoau ana ae ma ke kahua mua loa o ka noho ana kane a wahine.
Ua hoolakoia papaama nui i hoolawaia no ka lehulehu i kipa aku malaila, a iwaena o na hoaai o ka ahaaina mare, ka Peresidena o ka Repubalika me kana wahine, Komisina Hawes o Pelekane, Vizzavona, Kanikela Farani, a me kekahi poe kiekie a kuonoono o ka aina. E hahai ia ke alahele o na opio e na pomaikai he nui, oia ka KE ALOHA AINA mau leo kalokalo.
MAKE I KA MAI PUUWAI.
Ma ka po Poakahi a ao ae Poalua, ua loaa aku ke kino make o Daniela Awaawa, ma kahi kokoke i ka home noho o kona makuakane ma kela huli o Puoina, a malalo hoi o ke kumu kiawe, kahi a kana ohua wahine haole e lapuu ana i ke anu o na kehau iniki ili o ua po la a ka make i kipa mai ai i kekahi o laua.
He nui no hoi na lono e ae e pili ana no kona make ana, aka o ka mea pololei, mamuli o ka olelo hooholo a na Kiure Koronero, ua make oia no ka mai puuwai, a i make koke hoi ma ka inu ana i ka rama a ona, i hiki ole i na mea paahaua o kona kino ke moni i ka awaawa oia mea.
KA LA HOALOHALOHA I KE AKUA.
O ka Poaha ae nei, ka la 26 o keia mahina oia ka la hoalohaloa o na makaainana a pau o Amerika, e noho ana iloko ponoi iho o ka aina, a kaa aku mawaho o kona mau palena, noho ia hoi e na kanaka Amerika a puni ke ao holookoa.
Ua kuahaua mai nei o Peresidena Grover Kalivalana, e hoike aua e mala malamaia ia la, iloko ona hana hoaloha loha aku i ke akua no kona kiai ahonui ana mai i kona mau makaainana ponoi. E lilo ana keia he la nui i ko Honolulu nei poe keiki Amerika a e hookahakaha ne ana lakou ma na Alanui, elike me ka maa mau i na makahiki i hala.
Ma Koholaloa, i ka Poakahi nei, Nov. 16, ua hoea mai la i keia ao mala malama, mai ka puhaka mai o Iosia me Kailimahuna he keikikane. Laki na makua, i ka loaa ana o ka mea nana e hoomanao ka la hanau o Kalani Kaulilua.
NUHOU KUWAHO.
Ma ke ku ana mai o ka mokuahi Australia i ke kakahiaka Poalua nei, i loaa mai ai ia makou na mea hou e pili ana i ke koho ia ana o William McKinley i Peresidena, mai ka mokuaina mai o Ohio a ia Garret A. Hobrat o Nu Ierese, i Hope Peresidena, a penei iho na mea hou like ole i loaa mai ai makou, a makou hoi i wae ai no ka po maikai ko makou ma makamaka heluhelu.
Nu Ioka, Nov. 5. Ua hoike ae ka nupepa La, i kekahi mau hoikeike ana no ke koho balota i loaa hope mai, mai na mokuaina a pau i malamaia ai ke koho balota ana, e hoike ana, he mau mea liilii wale no na mea e keakea ana i ko McKinley koho ia ana i Peresidena. O kona mau balota, ua oi aku ia mamua o ka 109, Electoral College.
Ma Wyoming, ua hoike holookoa mai ia Mckinley ka mea i kohoia. O kekahi Repubalika, ua kaa iaia ke eo mai kona hoa mokomoko mai o ka iaoao Populist. Ua kanalua ia hoi kona kohoia ma Tenesi, oiai, he moaina ia no ka poe Demokarata, aka, i ke koho ana, ua hookomo no lakou he mea okoa' a pela no hoi ma kekahi mau mokuaina okoa, penei iho ke kulana koho o na mokuaina i kaa mai nei ka eo ia McKinley:
KO MCKINLEY.
Mokuaina Balota Huina.
Kaleponi 9 8,000
Koneticuka 6 54,000
Deleware 3 2,000
Ilinoi 24 165,000
Inediana 15 20,000
Iowa 13 72,000
Kenetuke 13 1,000
Maine 5 47,000
Merelana 8 32,000
Masakuseta 15 164,000
Mikikana 14 50,000
Minesota 9 50,000
Nu Hamesile 4 23,000
Nu Ielese 10 86,000
Nu Ioka 36 273,000
Dakota Akau 3 8,000
Ohio 23 70,000
Oregona 4 7,000
Penesilevania 32 296,000
Rode Ailana 4 27,000
Dakota Hema 4 3,000
Veremona 4 41,000
Viriginia Kom 6 15,000
Wisikonesina 12 10,000
Huina 277 1,611,500
KO BRYAN MAU BALOTA.
Mokuaina Balota Huina.
Alabama 11 40,000
Akanasas 8 50,000
Colorado 4 126,000
Folorida 4 9,000
Georgia 13 40,000
Idaho 3 12,000
Kanasa 10 13,000
Louisiana 8 44,000
Misisipi 9 50,000
Misouri 17 10,000
Monatana 8 15,000
Nebaraska 8 5,000
Nevada 3 5,000
Carolina Hema 9 20,000
Texas 15 75,000
Utah 3 15,000
Viriginia 12 15,000
Wakinekona 4 4,000
Huina 144 408,000
E HOOKUU IA NA O MRS. KAKELA.
Nu Ioka, Nov. 10. Ua loaa ae he iono telegarapa kuikawa i ka nupepa La mai Ladana ae, e olelo ana penei:
O ke Kakauolelo o na Home (oia paha ka Luna Nui nana e hooponopono i ka noho ana o na kanaka o ke kulanakauhale) ua kakauinoa iho la oia i kona inoa e kauoha ana e hookuuia mai o Mrs. Kakela mai ka nalepaahao mai o Wormwood Srubbs Jail. E hookuu ia mai ana oia i keia la, a me he mea la, aole paha oia e haalele koke ana ia wahi, a hiki i ka pau ana o na kuia, i uluhia mai ai na poino maluna ona.
A ina e pau koke ana ia mau mea i ka hooponoponoia, alaila, e haalele koke iho ana oia i ka uluwehi o Ladana a huli hoi ae no Amerika, kona one hanau, a e ukali pu aku ana no hoi me kana kane ma keia huakai huli hoi i ke one hanau, no kekahi kowa o ka manawa i hoohalaia ma na aina mamao mai kona aina hanau mai.
KA HULIAMAHI NUI O NU IOKA.
Nu Ioka, Nov. 3. O McKinley a me Hobart, ua hoike mai laua i ka huliamahi maopopo o kekahi Mokuaina nui a kuokoa, i noho alakai ia e ka poai o ka poe Demokarata mai kinohi mai, ma ka lilo holookoa ana o keia mokuaina nui malalo o ko laua malu.
E hoomanaoia, o ke koho balota i malamaia mai nei ma ia mokuaina, oiai hoi na Demokarata he 45,000 i koho ai i ka 1892, a oia hoi ma keia koho ana, ua haawi aku na Demokarata i ke heluna lele oi no ka aoao Repubalika he284,000.
Ma ke kulanakauhale, o Nu Ioka, ua hoike ia ae he 21,000 balota, a ma Brooklyn he 29,000. Mawaho aku o kela mau kulanakauhaie elua iloko o kela mokuaina, ka huina o 234,000, he heluna hoi i ike mua ole ia kona ulumahiehie elike mai la me keia.
NA HOOMAIKAI A BRYAN IA MC KINLEY.
Kikako, Nov. 6. Mahope iho o ka pau ana o na paio ana no na mea e pili ana i ke koho Peresidena ana hoi no keia aina, ua hoouna aku la o Mr. Bryan i kana mau hoomaikai he nui ia McKinley, a e heluhelu ia penei ua olelo telegarapa la penei:
Lincoln, Neb. Nov @.
Ia William McKinley, Jr., Canton, Ohio. Ua hoike mai o Senate Jones ia'u, ua kohoia oe i Peresidena, ke apo aku nei au me na hoomaikai ana he nui. Ua hana kakou i ko ka lehulehu makemake, a o ko lakou makemake he kanawai ia.
Ua apo koke ia mai keia o McKinley me na kahoahoa o ke ohohia, me na olelo kaukau i ku i kona kulana.
ILI IA MOKUAHI PELEKANE.
Calcutta, Nov. 11. O ka mokuahi Pelekane, nona ka inoa o Strathclyde, mai kela awa mai no Galveston, ua ili oia iloko o ka muliwai.
IKE ALII.
Ma ka hora 10 Poaha, la 29 o Oct. 1896. Ua imi aku la ke Aloha Alii, o B. Naaikauna a me Mrs. Poinawai Naaikauna a hui aku la ma Waikiki, oiai ka Moi e hoonanea ana maloko o ka rumi o Kona Hale e luana ana me ka wahine kanemake Mrs. Emma Aima Nawahi. Maikai no ke ola kino o ka Moi. E kuu mau hoa makaainana e ike i kou Alii.
B NAAIKAUNA.
Ookala, Hilo, Nov. 2, 1896.
HOIKE O NA KULA SABATI O KAUAI HIKINA.
E malamaia ana ka Hoike Hui o na Kula Sabati o Kauai Hikina ma ka Luakini o Kilauea, ke hiki aku i ke Sabati la 27 o Dekamaba, 1896, hora 10 a. m. Ke konoia aku nei na Kula Sabati a pau, e hoomaopopo pono i ka lakou mau haawina a me na himeni e like me ka papa kuhikuhi malalo iho nei:
1. Himeni Wehe, Hoku Ao aoao 210
2. Pule o J. Kaauwai.
3. Himeni Hui, Euanelio aoao 104.
4. Lulu o na Kula Sabati.
5. Himeni Hui, Leialii aoao 144.
6. Kula Sabati o Kpaa, Haawina o na mahina o Ianuari, Feberuaria me Maroki o keia makahiki.
7. Himeni Hui, Hoku Ao aoao 124.
8. Kula Sabati o Anahola, Haawina o Aperila, Mei a me Iune.
9. Himeni Hui, Hoku Ao aoao 251.
10. Kula Sabati o Koolau, Haawina o Iulai a me Augate.
11. Himeni Hui, Hoku Ao aoao 202.
12. Kula Sabati o Kilauea, Haawina o Sepatemaba a me Okatoba.
13. Himeni Hui, Hoku Ao aoao 162.
14. Kula Sabati o Hanalei, Haawina o Novemaba a me Dekemaba.
15. Kela a me Keia.
16. Himeni Hookuo, Hoku Ao aoao 277.
17. Ka Olelo, Hoku Ao aoao 23.
18. Pule Hookuu o S. Kaili.
Ma ke kauoha a ke Kahu Kula Sabati Nui o Kauai Hikima ma o
GEO. W. MAHIKOA.
Ma ka Poalima nei, Nov. 20, i heawiia ai ka paina luau no na keiki o ke Hanu Lahui, ma Apua.