Ke Aloha Aina, Volume II, Number 46, 14 November 1896 — Page 8
| This text was transcribed by: | Francene H Aarona |
| This work is dedicated to: | To all the staff at Awaiaulu, mahalo nui for all that you have done. |
KE ALOHA AINA
8 KE ALOHA AINA, POAONO, NOVEMABA @16, @1898
HE MOOLELO HOONI PUUWAI
NO KA
Makaikiu Ronada.
---
Ke Kaeaea Huli Meheu o ke Alahele Pohihihi.
A I OLE NO
MAMUDELA.
---
Ke Kanaka Opio Kamana
MOKUNA III.
KA HOLO MOANA ILOKO O KE KUPILIKII.
Maanei e haalele iho ai kaua e ka mea heluhelu i ka uhai ana aku mahope o ka makaikiu Ronada, a e ukali aku hoi kana mahope o Mamudela.
I keia wa o ka makaikiu i haalele aku ai i ka elemakule a uhai mai la hoi mahope o ka meheu o Ronada ma, ua hiki aku la o Ronada a me kona hoaloha ia manawa maloko o kahi manoanoa e ka ulupaina e ulu ana mahope o ka hale i hoopuni ia me na laau hua ai, a o ua hale la, aole oia he hale okoa aku, aka, o ka home no ia o Adele.
Ko Mamudela hoaloha e hele pu nei, he opio wale no oia e aahu ana me ka @aahu o ka poe aukai, he kilakila hoi kona kulana, a he wikani hoi kona mau lala.
O keia keiki e hele pu nei me Mamudela, o kona hoea ana mai no ia mai inia mai, maluna o kekahi mokupea nona ka inoa o Solona, a oiai, ua pau kona manawa hana maluna ona, nolaila, ua kepa nou iho la oia maluna o kekahi mokupea nona ka inoa o @Lilia, e holo ana hoi no Nu Ioka ina kekahi la ae.
Heaha ke ano o keia mau hiohiona kaumaha a ʻ u e ike nei i ka hekau maluna ou, he mau mea anei kekahi nona i hooinoino mai i kou noonoo ? wahi a kona hoaloha aukai i ninau aku ai, oiai laua i haalele aku ai i ka home o Mamudela.
Hoike aku la oia i kona hoaloha i na mea i hanaia ma ia po, oia hoi kela pepehikanaka i malamaia ai maloko o ka hale i hoopuniia e na laau loloa me ka leo kaumaha.
Aole e hiki ia ʻ u ke hoomanawanui, e Laionela kuu hoaloha maikai, ke hoomailo mau nei ia i kuu kino.
Heaha ?
Ua manaoia na ʻ u i powa i ka luahine Minewa. A hoike aku la hoi oia i kona halawai ana me ka makaikiu a me ke ahimakai, a me kona ninaninau ia ana.
Ma ka ʻ u hoolohe ana aku la, he pohihihi io no kou palekana mai keia karaima mai.
Alaila, e olelo mai ana no oe, na ʻ u i hana i keia hana puuwai eleele ?
Aole au i manao pela, nolaila, e kala mai ia ʻ u ano ina ua hewa keia hoopuka ana ae la.
Iloko o keia wa i loheia aku ai ka halulu ana mai o kekahi mea, aole no i liuliu ua hoea mai la o Adele me na helehelena kaumaha. Lele mai la oia maluna o Mamudela me ke apo ana ae i kona a-i, a me na waimaku e hiolo ana, moki ae la oia i kona mau @papahana me ka hoopuka ana mai.
E holo, e holo no kahi e pakele ai o kou ola.
E Adele na aha ia oe ?
E haalele iho i keia wahi ano me ka hakalia ole, no ka mea, oia oe ke, uhai ia mai nei mahope.
Owau ?
E Ronada, ka makaikiu.
Kulou iho la o Adele ilalo me na waimaka e hiolo makawalu ana a me ka puuwai hoi i hoopihaia me ka aloha no Mamudela.
E hoomama i kou mau luuluu e Adele, no ka mea, e like me kou manaoio ana ua haumia ole au iloko o keia karima, pela au e noho ai maanei a hiki i ka hoea ana mai o kela makaikiu.
Aole, aole e hiki ia oe ke noho hou iho maanei, oiai, o na hoike no kou hewa ua moakaka loa ia, a he mea maopopo loa e hoopai ia ana, a e make ana ka hoi oe.
Aole o ʻ u hopohopo no ka make, oiai, ko ʻ u mau lima aole i paumaele i ke koko o kou kupunawahine aloha.
Ae, ua ike au ua hemolele oe ma na ano a pau, aka, pehea e hiki ai ia ʻ u ke hoopakele ae ia oe mai na lima ae o ke aupuni.
Alaila, e manaoio ia no au, ua hana hewa, ina au holo ana e like me kekahi kanaka hohewale.
E Mamudela, ina he aloha kekahi ou no ʻ u, alaila, e haalele koke iho oe i keia wahi ano.
Aole loa au e haalele i keia wahi a hiki i ko ʻ u make ana imua o kou alo ponoi e Adele.
E aloha mai i ka ʻ u noi e hookaawale koke aku hoi oe mai keia wahi aku, oiai, o keia wale no ko kaua mea e hui hou ai.
I keia wa i ike ai o Laionela i ka hoololohe o kana aikane, hopu mai la oia i kona lima me ka pane pu ana mai hoi.
E hele holoholo hoi paha kana no kahi a ko ʻ u moku e ku mai la i ka uwapo, oiai, he hoopau manawa wale no keia ku ana a kakou maanei.
Nana mai la o Mamudela ma iaia me ke ano puiwa, aka, aole no nae i pane mai.
E hookuu mai ana no anei oe ia maua e ka lede maikai, e hele maua, i hoomama iki ia ae ai na helehelena kau maha o ko ʻ u hoaloha,wahi a Laionela.
Ae, e hookuu aku ana au ia olua e hele ma ka olua huakai, e malama pono hoi e Mamudela ia oe iho, no ka mea, i keia la, aole ou mau hoaloha i @poe, oiai, ua @hookue mai lakou ia oe ma o ko lakou manao ana nau ponoi i hanai keia karaima puuwai eleele, wahi a Adele i pane mau ai me ka leo i piha i ke kaumaha.
Kulou iho ia o Mamudela ilalo me na helehelena i kaumaha me ina haawe a ka ehaeha, a iloko no hoi o keia wa hawanawana malu aku la o Laionela ia Adele penei:
E ke kaikamahine opio, mai hopohopo i kona hele ana me a ʻ u oiai, he hoaloha pilipaa ua nona mai ko mana mau la opio mai, a hiki no i keia la. E hookaawale kakou ano, no ka mea, ke lohe nei au he mau halulu @kaunai wawae kau kena e hele mau nei.
Lele aku la o Adele maluna o Mamudela, a me na kipona waimaka o @hiolo makawalu ana ma kona mau papalina puiki ae la oia i kana aloha a haawi aku la hoi i na muki hope ana.
Auwe, e aloha ana kau au ia oe, e ka pua lilia a ʻ u i haupu mua ole ai e hoai ana au i kona ala, a ke kaawale nei @ka me ka naau mokumokuahua i ke aloha o kahi no kahi, aka, malia aia no he manawa e hiki mai ana, e ike pono ia ai, aole loa i paumaele ko ʻ u mau lima ma kela hana pepehikanaka.
Ae, e kaawale kaua ano, aka, e hoomanao aia no he manawa e hui hou ai kaua ma keia mua aku, ke aloha mai hoi na lani.
Ma keia wahi kaawale ae la laua, hoi aku la o Adele no kona home, a o Mamudela ma hoi, haalele iho la @laua i na wahi la a iho aku la hoi no kai o ka uwapo, a i ko laua wa i hoea aku ai i ka uwapo, ua loaa aku ia laua he wahi waapa.
E ae ana, anei oe e hele kaua i ka holoholo waapa ? wahi a Laionela i aku ai ia Mamudela.
Aohe o ʻ u hoihoi i ka holoholo waapa e hele no oe o kaua, wahi a Mamudela
Aole au e ae ana i kou manao, e hele no hoi kana a hoi koke mai no, malia he mea paha ia e hoomamaia kou naau luuluu.
Ina pela e hele io kaua a hoi koke mai no, aka, e hopuia mai auanei paha i ka aihue i keia waapa.
Aole kaua e hopuia no ka mea, no ʻ u ponoi keia waapa.
---
UA NEE AE NEI MAKOU.
---
E loaa no ke Keena hana o ka nupepa KE ALOHA AINA ma keia hope aku, ma ke Keena maluna o ka Halepai o ka Press, kahi no hoi e pai ia nei ka kakou mau milimili elua, oia hoi KE ALOHA AINA puka la a me puka pule, Helu 109, Alanui Betela, mauka iki mai o ka Haleleta, a ma ka aoao hoi ma Ewa.
Ma keia mua aku, e loaa mau no makou malaila i na wa a pau, a o ka poe e makemake ana no na mea e pili ana i ka nupepa, e kipa ae malaila a e loaa no na kuka oluolu ana no na mea e pili ana i ka kakou wahaolelo.
Ua haalele a waiho aku makou i ko makou Keena hana mua me ka maemae o ko makou mau lima, no ko makou manao e pilipu na hana a pau i kahi hookahi, a i hoemi iki ia mai hoi ka auhau mai na lilo nui hewahewa ae no ka uku ana aku i kekahi rumi ku kaawale i pilipu ole me na hooponopono ana o ka pepa. Oia ke kumu o ko makou nee ana mai ke Keena mua, a i keia Keena hou iluna ma ka aoao ma Waikiki.
---
Ma ka hora 6 o ke ahiahi Poakahi nei, ua ili iho la ka mokuahi Lehua ma kuhi e kokoke loa ana i ka hale ipukukui, a no elua hora kona hoao ana e hemo, na hemo io mai la oia mai kona wahi i paa ai, a hoomau aku la ma kana huakai no Hawaii me ka poino ole.
HE MAU WAIWAI HOU UA HIKI MAI
ALA MAKAHI O
* L B. KERR. *
E kuai Hoopaule. ukuana a hiki i ke wa e hoike @houia aku
Na Lole Kalakoa he 30 i-a i ke $ 1.00.
Na Lole Hauhuli he 20 i-a i ke $ 1.00.
Na Lole Keokeo he 15 i-a no ke $ 1.00.
Na Kinamu he 10 i-a i ke $ 1.00.
Na Hahiamoe 90 iniha laula he 18 keneta o ka @
Na Uhimoe he $ 1.00 a me $ 1.25 pakahi,
Na Lole Falanela he 12 i-a ke dala.
Ma hoopoina i ke kipa mau mai i keia Halekuai, kela ka Halekuai emi hookahi wale no. L. B. KERR.
HONOLULU ALANUI MOIWAHINE.
KA HEIHEI AU.
---
E malamaia ana he heihei au maloko nei o ke awa o Kou, ke hiki aku i ka hora 4 p. m. o ka la 16 o Novemaba, oia hoi, ka la hanau o ka Moi Kalakaua. He eha ka nui o na heihei e malamaia ana la ia mamua pono iho o ka hale waapa o ka Moi.
1. Heihei no ka inoa @moku, 1/2 mile ka pahu hele, noa i na mea a pau.
2. Heihehi o hookahi haneri iwilei ka mamao, no na lahui e wale no.
3. Heihei o haneri iwilei ka pahu ao, no na kanaka Hawaii wale no.
4. Heihei o haneri iwilei ka paha ao, noa i na lahui e, na kanaka Hawaii, a me na kamalii.
Ua manao wale ia e nui ana ka poe e komo ana ma keia mau heihei. He medala ka makana o ka heihei mua, a he dala hoi ko kekahi mau heihei iho i koa.
---
HE WAHI HANA HOOMAKEAKA
---
Mawaena o ka hora 9 a me 10 o ke kakahiaka Poakahi nei, ua hele aku la kekahi mau keiki Hawaii elua, a kamailio pu io la me kekahi Pake no ka halihali ana ia laua i Kawaiahao, me ka manao o ka Pake kalaiwa @kea, he mau ohua pono keia e makepono ai hoi ka luhi o kona lio o ka lawe ana ia laua ma kahi loihi.
Mamua ae o kona lawe ana i ua mau wahi ohua hoomakeaka nei, e pau ana laua he mau omole rama i hoopiha ia oloko me ka wai, he hookahi omole gini a me elua mau omole waikeke, 1 wa-hi ia me ka pepa olenalena oloko o na hale inu rama, a ma keia ano, i kau aku ai na mau ohua nei maluna o ke kau a holo aku la no kahi a lakou i kamailio pu ai.
I ka hiki ana i Kawaiahao mahope aku, ua lele iho la ua mau wahi ohua nei me ka waiho no i ua mau omole nei iluna o ke kaa, a ma ka hoike pu aku hoi i ke kalaiwa kaa, e kali malie oia a hiki i ko laua wa e hoi mai a alaila, huli hoi mai lakou no kahi a laua i kau aku ai a na ae koke aka ke kalaiwa kaa me ka manao nei he pono.
Ua kali ka Pake ahiki i kona @uihaana, a ia wa i komo mai ai ka manao hoohuoi iloko o ua Pake nei no keia ukana moewaa ana e painuu nei iluna o kona kaa, a hoomaka ae la oia e wahe i ka pepa i wa-hi ia ai o na mau omole ei, a ike iho la he wai ko loko.
KA LAAU @HOOLA
* A KAMALENA *
E like me ka rula mau, he kue ana mea i ikeia nonalaau lapaau, @a hoi kumukuai oia kekahi mea oi aku o ka @ @ee mua hoi i manao nui ia, i ka wa e h@ @ke koko ma na aa o ke kino, mai ka @ mai e maha ai na wahi a pau. E like @ hoopili ana, ua loaa ia ʻ u ka LAAU HOOLA A KAMALENA, no ka mai hui i ka @ aku o na laau lapaau a ʻ u i ike ai, a i hoola hou no naano mai like ole. Ua loaa he alakai ana o ka manao ma ka pono ia e pakele ai i ke ola o na mea a pau. WILLIAM HORNE, M. D. @BANVILLE, @W
Kuaiia e na poe hana laau a me ka poe aku. Benson Smith & Co., Agnena Nui, Honolulu, @H
---
He mau makahiki i hala aenei, ua @loaa la au mekekahi mai koikoi loa, me ka haole, ua moe au maluna o kahi moe no @ aole loa he mea hiki ia ʻ u ke hana, @oiaio nawaliwali e hekau ana mahina i ko ʻ u @ hiki i kuu ma i hoao ai i ka LAAU @HO HI A KAMALENA, a ua @heaha mai ia @
ka loaa ana mai o ka palekana a ia lawe @a i laau lapaau no ka ʻ u @hanau a @like, he na ʻ u i ike @ ole i @k @ @ ae ai.
@ @
Kualia e ka poe @ laau. Benson Smith & Co. Agena Nui, Honolulu, @
---
Iloko iho ei na o @k @ @ mai he letamau kekahi @ @ @, aka, Mr. W. F. Benjamin @ @Lunahooponopono nupepa no ka @S @ @ Nu @ e olelo ana: " Ua @ @ @ @ aku imua o ke akea @ @ @ aku, ma ka manao nei @ @
ka Laau Lapaau a Kamalena, ua @k @ no lawe ana maloko o ka @p @ ole, ma o na kanaka la paha maloko o @ mokuaina ponoi ihoi he mea o ka @ no e ike no lakou no lakou @. O na @ kuahine ohana, a hanauia ma Maaina, @( gula, dala a nanahu paha ), @ koko ana ma Dexter, Iowa, ua hele mai oia i o ʻ u @ he mau makahiki kakaikahi i hala ae nei, mamau o kona haalele ana iho i kou home, kakau mai la oia ia ʻ u me ka ninau mai, paha ke kuai ia nei maanei nei, ina hoi @ mea hiki, kona lawe puana ia mau @ la. O ka laau hoola a KAMALENA no luna, ua hananui ia kela iloko o ma @o a ua hoola la hoi ke ola hikiwawe ana @o kumu, heanu a me ka maeeia. O ka @LAAU HU ʻ I BALM A KAMALENA, no ka @ , kikala hanee, hu ʻ i iloko o ka aoao, a@ ka aha iloko o ke kino, o ka laau hoola @kaorela, a me ka eha o ka opu a Kamalena, maa hookahi wale no e hiki ke hoopaa @ ia ka @naluea. Ua hoohana nui ia keia @ lapaau ma ka mokupuni o Iowa, a me he @ la, he hapaha o kela aina i @huhamahi ao Loaa ia lakou ka noonoo maikai, ua hoike lakou i kekahi mau manao maikai, no ka @ awi ana maa hooia kupono no ke oia o @laau, a e hoolawa ia hoi ma na wahi a pau.
Ke kuai ia nei lakou maloko o na hale uka a me na wahi haawi laau. Benson Smith & Co. Agena Nui, ma Honolulu, @Hi
---
Mai loko mai o na mea a pau e pili ana @ Laau Kunu a Kamalena, e hiki ai hilinai ia, e hoopakele ana ia i ke oia e poe ma ʻ i. Ke Demokarata Carrollion, @E
Kuai ia ma a hale kauka, a me na @wa haawi laau. Benson Smith & Co., Agena Nui, Honolulu Hi
OLELO HOOLAHA.
I keia la ke hookohu aku nei au ia @Luka (k) i Luna Nana no kuu aina a me na @p no kai la wela a pau, e waiho la ma @Moka Apana o Kona, Mokupuni o Oahu. A e wale no ka mana e hana, a e lawelawe no @ mea e pili ana i ka aina i oleloia, a ua loaa @ ka mana hoopii i na poe a @pau @ mai @ @l inoa. Hanaiia i keia aina o @Novemaba. KAPIOLANI. nov 5---@10tsilly