Ke Aloha Aina, Volume II, Number 44, 31 October 1896 — Page 3

This text was transcribed by:	Kate Motoyama
This work is dedicated to:	uncle franklin and auntie sachi motoyama

KE ALOHA AINA

KE ALOHA AINA, POAONO, OKATOBA 31, 1896. 3

Nuhou Hope Loa.

@ NO KA EMEPERA NICHOLAS

MA GERMANIA.

Darmstadt, Oct. 10. O ke @ahi Imeperiala Rusia, me@ Alii Aimoku o Rusia ma-@ kona hokua, oia hoi ke @ae a me ke Czarina o Rusia a me ko laau mau ukali i hoi ua hoea mai laua anei ma ka hora 9 o keia kakahiaka.

Ua hui ae laua me ka oha@ Alii o Hesse, a me ke poo @i o ka laina o ka ohana Alii @ku aku ana e kali ia laua, @Eeke Nui Ernest o Hesse, @kaikunane ponoi o ka Eme@ @a wahine. Ua hoihoi loa @aku na malihini Impeperiala @kiekie no ka halealii hou i ku@ @luia no ko laua hanohano, mawaena aku o na hoohiwahiwa pua a me na have i pa@la ia mai no ko laua hanohano Alii.

Ua kaahele pu aku no hoi ma mawaena o na Panalaau o Geremania, me ka piha hauoli ai, a pela no hoi i kona kaa@ele ana ae ma Farani.

O na hiohiona o ka Emepera @ahine, aia oia iloko o ka oluolu a me ka hauoli, no ka loaa ma iaia he manawa e ike hou @ i kona mau pilikoko ma ke @ino, me na kulu waimaka mai @ona mau onohi maka Alii @ku.

KE KINO MAKE O KA BIHOPA NUI

O CANTERBURRY.

Chester (Eng). Oct 12. O @ino make o ka Bihopa Nui o Caterburry, Edward @ Benson, D. D., ua make @moo@e oia maloko o ka hale@ @e o Hawarden, ma ka la nehinei, oiai oia e malama ana i ke anaina pule i kela manawa maloko o ka luakini, a mai@a ae hoi o Right Hon. W. @ Pohakuhaoli, a oia hoi e hoolohe ana ka O@ohe Kalaiaina no kana haiolelo, oia ao ka wai i moe aku ai oia ilalo a hoomaha aku la no ka hopena mau loa.

E kanu ia ana no kona kino iloko o ka halepule o Caterbury. Ua lilo hoi keia make hikiwawe ana o ka Bihopa Nui i mea kaumaha loa i ka manao o Pohakuhauoli, no ka make ana o kona hoaloha kahiko loa.

@EO PAHA AUANEI I KA AOAO

DALA GULA.

Kikako, Oct. 18. He elua wale no pule i hala ae nei, mai ka haalele ana aku i ka hui pu ana me na Komite o ka aoao Lahui Demokarata, ka hoomaka ana mai o ka hookomo ia ana mai o na inoa o Palmer ame Buckner, no ka aoao kakoo dala gula, i ikeia ai ke ohohia nui ia o ko iaua mau inoa, ma na mokuaina a pau i noho ia e ka poe kakoo dala gula.

He mea oiaio loa, ua lilo ko laua mau inoa i me mailani nui loa ai iloko o ka poai dala gula. Ua loaa mai na oleloao mai na Komite mai o ka Lahui, mai na Lunahoomalu pu mai hoi kekahi o na Komite Mokuaina, iloko o eha a elima ae nei la i hala, no na mea e pili ana i ke kumuhana a ka Aoao Demokarata gula, e hilinai ana mahope o Palmer a me Buckner, e huliamahi ana mahope o laua he mau tausani Demokarata, i haalele aku i ko lakou komo pu ana aku e kokua i ka paa balota o McKinley ka moho a ka aoao Repubalika e hooikaika nei, a lakou hoi i manao ai, o ka Ahakuka Kuwaena o Indedianapoli, oia ko lakou puuhonua e pakele ai lakou i ke kai hoee o ke au hulihia i ka Aoao Demokarata kakoo dala gula.

Ua hoike pu ia ae no hoi, e loaa ana i ka Aoao Demokarata kakoo dala gula, he 90 pa keneta o ka poe koho mai ka lahui mai, no na moho dala gula ma ka paa balota i paa ko laua mau inoa iloko o ka puuwai o ka poe dala gula.

KA MANAOLANA O KA POE

POPULIST.

Wasinetona, Oct. 16. Senate Butler, ka Lunahoomalu o ka Aoao Lahui Populist, ua huli hoi mai oia mai Kikako mai i keia kakahiaka. Ua hoike ae oia, ma ka halawai ana o na Komite o ka Ahakuka Kuwaena o ka aoao Populist, me ka manaolana no ka lanakila nui e hoea mai ana.

KALIVILANA ME @UEA.

Nu Ioka, Oct. 16. Ua hoike ae ka nupepa Ahaiono o Wasinetona, e olelo ana: Ina o Sepania e hoopau koke ole i ke kana ana me Cuba iloko o ekolu mau mahina mai kela wa aku, me ka loaa ole iaia o ka lanakila maluna o kona mau enemi, alaila he mea maopopo loa, e loaa mai ana he makana Karisimaka i ka poe kipi o Cuba, mai a Amerika Huipuia ae, ma o kona kukala ana aku, e loaa ana ia Cuba na pono o ka noho kuokoa ana, me ke keakea ole ia.

Ua hoike ae no hoi o Peresidena Kalivalana, aole oia e kokua mahope o kei apoe kipi o Cuba, ma e hiki ana ia Sepania a me kona mau limahana makaukau ke kina i keia uluaoa kipi iloko o kona Panalaau kahiko, me kona komo ole aku e akeake i kona mau pono kaokoa ma ia mau mokupuni.

Aka, in a aole e hiki ana iaia ke hoopau koke i keia makahiki ae, alaila he mea maopopo loa, e kanu ia ana kona mai manaolana no ka hopena mau ioa no kona Panalaau ma ke komohana, a ia wa hoi e loaa ai ia Cuba he noho lanakila ana nona iho maluna o kona aina ponoi.

NA PUALIKOA NO KA MOKUPUNI

PHILIPPINES

Barcelonia, Oct. 16. He elua tausani koa i hoouna ia aku no na pualikoa Sepania ma kela mau mokupuni, no ka hoopuipui ana aku pualikoa ma ia aina.

KO TUREKE KUHINA NOHO HOU.

Wasinetona, Oct. 19. Monstapha Tapsin Tasina Bey, ko Tureke Kuhina Noho hou ma Wasinetona, ua hiki mai oia i keia la, a ua hui ae me Mavroyei Bey, ke Kuhia mua i waiho aku i ka hana, ma ke ano he Kuhina Noho no ia Aupuni ma ke Aloalii o ka Peresidena o Amerika.

UA HOONEE IA AKU E KA PE-

RESIDENA.

Wasinetona, D. C. Oct. O Henry D. Clayton, ko Amerika Huipuia Loio no na Aha Apana Waena o Alabama, ua hoonee ia aku oia mai ke Keena Oihana aku malalo o ka Peresidena. O Clayton he elele oia i hoouna ia ma ka halawai ana o ka Aha Kuwaena ma Kikako mamua aku nei, a he inoa hoi i manaoia no ka Ahaolelo Lahui, mai ka Apana Elua mai o Alabama, a oia no hoi ke keiki a Senate Pugh oia mokuaina.

Ma kona lawe ana i kela hana, ua kulike ole ia me ka makemake o ka Peresidena Kalivalana, oiai no oia e paa ana i kona Komisina Oihana Aupuni maialo on a, a no ia kumu kona hoopau ia mai ka oihana aku. A ua hookohu koke ia aku kona Hope Loio C. P. Moore ma kahi o kona mua i hoopau ia ae la.

LANAKILA KA POE SEPANIA.

Manila (Philippines Island), Oct. 19. O Kenela Juramillo, @a hoauhee aku oia i ka poe hoohaunaele ma Nasugd@a. Ua haalele ho ka poe kipi i ko lakou poe make 114 maluna o ke kahua kaua. He 2 Sepama i make loa ma keia ia hakaka ana, a he 23 i hoeha @

E HOOKU@ IA ANA NA PIO O

TRANSVAAL.

Ladana, Oct. 19. Ua hoiae ae St. James Gazette, e pili ana no ka hookuu ia o kela poe pio o Tansvaal, mai ko lakou manawa hoopaahao ae, o 15 a me 7 mahina, oia hoi o KaukaJameson a me Major Sir Willoughby, na alakai o ka haunaele ma Tansvaal me Mekia R Grey, Konela H. F. White, Mekia R. white a me Henry F. Coventry, e kue ana in a kanawai a me na rula o na Aina. E O ko lakou hook@ ia ua apono ia, e pili ana na ka hoike a ka oihana lap@aa aole i kupono kela aina no ko lakou mau ola pakahi, a me he mea la, ua pau aku la lakou i ka hookuu ia e hoi no Transvaal me ka hooulu hou ole i ka haunaele.

KA HANA HOONAHOA A AME-

RIKA IA TUREKE.

Ma na nupepa o na Aina e, a me ko ke kulanakauhale nei, ua heluhelu iho makou me ke kahaha o ka naau, i ka ike ana iho, o na hana no a Kivini i hana ai maluna o ka lepo o Hawaii oia no ka hana a Kuhina Noho Terrell o Amerika i hana mai nei ma ke Aloalii o ke kulanakauhale Poo Aupuni o Tureke ma Konatinopala, kahi hoi a ke Suletana e rula ana i kona lahuikanaka me ka mana nui, a oia nae ka Amerika i han aaku la, me ke kauoha ole ia aku e kona aupuni makuahine e hana pela.

Oia hoi, o Terrell ko Amerika Kuhina Noho malaila, aia oia maluna o ka oneki o ka mokukaua Bancroft, mai Semurena mai, a e holo ana no Konatinopala, o ke Kowa o ke Dardanelles, he wahi kapu loa ia no na moku a pau e maalo ana ma ia wahi, a o ka mea e hoao ana e komohewa ma ia wahi, he kipoka ia no ka make, a i ole, no kona hopu pio ia paha, oiai oia e maalo ae ana ma ia wahi kapu, i hoakaka e ia mamua.

Ua lilo kela wahi, i kahua paa loa e hiki ole ai i ko Rusia mau mokukaua nunui ke hoonahoa mai e puka ma ia wahi, a pela no hoi o Tureke, aole e hiki ke puka aku mawaho o ke kowa o ka Bosphorus, oiai no hoi o Rusia e kau pono mai ana kona mau maka maluna o Tureke, a pela mau laua e noho nei a hiki i keia la, me ka loaa ole he manawa e puka ai kekahi me kekahi, ma na wahi a laua i hookapu ai.

O Amerika ka hikimua ma ka wawahi ana i kela kowa kapu, ma o kona Kuhina Noho ala, in a ke kau ana maluna o ka Bancroft, a motio pololei mai la ma ke Kowa o ke Dardanells, me ka hoopahaohao ia o ko Tureke mau Poo Aupuni no keia hana a ke Kuhina Amerika.

He mea maopopo, ua like no ka hana a keia Kuhina Noho i hana ai ma na wai o Tureke me ka Kuhina Kivini i hana ai ma na Paemoku aloha o Hawaii, i ka la 17 o Ianuari, 1893, oia hana hoonioni nohoalii no ka keia Kuhina Noho Amerika i hana aku la i ke Suletana o Tureke, kekahi o na Poo Aupuni mana nui iloko o Europa.

Ina e hoole mai ana ke Suletana i keia hana a ko Amerika Kuhina Noho ma Konatinopala, alaila, o ka wa ia e hookaakaa ia ai na maka o kela Kuhina Noho, a o ka hope aku, e niu mai ana he hakoko ana mawaena o kela mau aupuni elua, a ia wa hoi, e komo mai ai kekahi mau mana aupuni e ae, e alu pu i keia hana, a o ka hopena, oia no ka hookomo ana ia Amerika a me Europa iloko o ke ahi enaena o ke kaua, ka mea nana e kaupaona i ka mea pololei o laua.

A in a hoi e like me ko kaou hana ia ana, ka ae wale aku no i na noi a pau i ui ia mai ai, haawi pio na mea kau'i, hoohana ole ia ka mana o ke kanawai, alaila, he mea ia e hooi loa ia aku ai ka mana o na Kuhina Noho Amerika ma na wahi a pau o ke ao nei, a ua kupono no kona kapa ia ana, he aupuni lima nui a pakaha aupuni o Amerika.

HE LETA ALOHA NO JOSEPH

NAWAHIOKALANIOPUU.

IA MRS. EMAA AIMA NAWAHI;

Welina wale:

Mamulil o ko ke Akua Mana ma na Lani Kiekie Loa, ka lawe ana aku i ka hanu ola o kau kane i aloha nui loa ia, ka Hon. Joseph K. Nawahiokalaniopuu ma ke kulanakauhale o Kaleponi, keia aina i olelo ai, "Ke @ o ka nani me ka maikai."

No kona haule ana aku la i ke ala hiki ole ke hoi hou mai i hope nei, nolaila, ua ili iho maluna ou a me na pua o ko elua kihapai, ka lei aloha e ka makua o ke keiki; Auwe! Lihaliha wale: Ka hala ana aku la o ka makua, a waiho iho la ia oe a me na keiki e painuma aku nona ma keia aoao o ka luakupapau, ke ala i maa i na mea a pau.

No kona hala ana aku la ma o, ma waiho iho oia ia oe a me na keiki, ka ohana, na makamaka a me na hoaloha no a pau, e noho ana me ka naau kaumaha wela iloko o ka puuwai.

Nolaila, ke panee aku nei au,a me ko'u hale a pau, i ka manao oluolu e ke aloha oiaio no kou makua aloha i lawe ia aku la e ka mea Nana i hana, i ka noho pu ana me oe e @ iloko o kou mau la o ke kinikau no koe hoapili he kane. Auwe no hoi-e, ka mea aloha ua hala.

Hala no ka Puulena aia i Hilo,

I imi aku la ia Papalauahi,

Ke lanahi nei ke aloha iloko o'u,

Ke hoohanini nei Mana i ka waimaka,

Ke hoaleale nei a piha Kalamaihiki,

E hiki mai ana kou aloha io'u nei,

Oia ka ukana a ka waimaka e hu@lo nei,

E hohanini nei Mana i Kawaiopua,

E hoolanalana ae ia i kai o Kapala e,

I ka pili iho la no kaua a hele oe,

I ka malama hana,--

I o I @uki la.

Ka pohaku kihi o ka hale e Kalani ua hala, ua haole ka pou-hana, ka hekau o ko aina, ka heleuma o kou moku i @aa ai. Paa ia Kou Aupuni e Kalam@ a haule mai na kulu wai o Kulanaihakoi.

Eia na moku ou e Kalani la ke Hako@ua nei, i ka hala ana aku ia o Nawahiokalaniopuu i ke kapu.

E ka wahine kanemake, a i na keiki i hoonele ia i ka makuakane ole, ke oo@oi ae nei ko'u leo puke i na Mana Kahik@ @u iloko o ke aouli, e hooma@a mai i ko oukou noho kaumaha ana, a me ka manao p@h@a, a me ka @ kaumaha no ka mea i Bala aku ia ma o e hooma@ mai ia oukou a pau. Amene.

Owau iho no me ka haahaa,

I@O @I KAKOA.

Waimaka Hilo, Hawaii, Oct. 26, '96.

Ua lawe ae la o E. G. Hik@koki i ke Kulana Lunakanawai Kaa@ me ka Mokupuni o Hawaii, a no hoolele aku ia hou i kona ku@. Make@ @ ao H@.