Ke Aloha Aina, Volume II, Number 43, 24 October 1896 — Page 1

KE ALOHA AINA

UA MAU KE EA O KA AINA I KA PONO

HOOKUMUIA I MEI 20, 1895

 

BUKE II         HONOLULU, POAONO, OKATOBA, 24, 1896    HELU 43                   

 

ALOHA AINA

E hoopuka mau ia aku ana mai ka Poakahi a ka Poalima o na pule a pau o kela me keia mahina.

  Ka Uku Pepa, he ao keneta o ka pule. No ke kope hookahi, he 5 keneta.

  E loaa no ka pepa mai ke Keena aku o KE ALOHA AINA, a mai ka nina aku o na Luna Lawe Pepa.

  E pau ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakahi e hoounaia ke ole e hookaa mua o ka aku pepa.

  E hoouna pololei mai i na Nuhou oa Kumumanao, na Olelo Hoola ha, na Kanikau a me na Mele looa i ka Lunahooponopono o kona Pepa.

   Aole loa e hoopukaia e hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.

 

Ka Nupepa Puke Pule

KE - ALOHA - AINA

  Hookahi Makahiki......... $2.00

  Eono Mahina ........................ 1.00

  Ekolu mahina .......................... .50

  Hookahi Mahina .........................  .20

JOSEPH NAWAHI

Lunahooponopono a Puuku o

KE - ALOHA . AINA

EDWARD L. LIKE

Hope Puuku.

  O na kauoha Nupepa me na hookaa Dala, e hoouna pololei mai i ka Lunahooponopono ma Honolulu

  KEENA HANA: Aia no ke Keena Loio o Joseph Nawahi, maluna o ka Hale Uinihapa o Mr. Damon, ma ke kihi o na Alanui Moi me Betela, ma Honolulu.

 

 

HOU KUWAHO.

TUREKE.

Ladana, Oct. 2.  Ua hoike ka nupepa Standard, a wahi e na kumu e moe lolii mawaena o Rusia a me ka lani no ke komo ana aku e maemae i na hana ino a @ke, eia ia ua kokoke loa e pono.

@a he heluna nui o ka poe @enia ke nee la na ka aina @ pero, aka , o na poe He-@ noho ana malaila, ua ka@ lakou no ke komo aluka @a poe iloko oia aina.

 

VENEZUELA.

@asinetona, Oct 2 He lonoo @uiaha ae ma Nu Ioka, o mea e pili ana i ka hoike a na Komisina Amerika, no na mea e pili ana i ka ninau o Venezuela, eia ia i kea lo o ka Repubalika kahi i waiho ai.  O ka Peresidena a me ke Kuhina Nui Olney, e waiho aku ana laua i keia kumuhana iloko o ka Ahaolelo Lahui mamua o ko laua kaawale ana mai, mai ia keena oihana mai, ke pau ko laua Manawa ma ka hana.

 

PAU KA HALE KEAKA I KE AHI.

            Ladana, Oct. 2  O ka hale keaka Variety, ma Aberdeen, ua pau mai nei i kea hi.  Ua hoopuiwaia ka lehulehu, i ka naholo, a me ka pakele ana o ka lehulehu mai keia poino mai, he ekolu mea i make, a he 40 poe i eha.

 

ITALIA ILOKO O ALEGIERA

            Roma, Oct. 2.  O na Italia i haawi pio ai e ae ake i kona mau manao iloko o Tunisa, ua hoololi ia ae, mamuli o ka loaa ana mai o na kokua, no ka hoonee ana aku i ka hana imua no kekahi mau aina okoa aku.

 

KA LUKU MA NA PAEMOKU O SOLOMONA.

            I ka wa o ka mokukaua Pelekane Pylades ma na Paemoku o Solomona, ua hana oia ina mea e loaa ai na poe nana i pepehi i kekahi mau Aliimoku a me na sela o luna o ka manuwa Auseturia Albatross, i kona wa e ku ana ma Guadal canar, ma ia mokupuni no.

 

UA HAALELE AKU

            Ladana, Sept. 20, Ua haalele aku ka Emepera o Rusia a me kana wahine, i ka ulu wehi o Portmouth, ma ka Poakahi, oia hoi ka la inehinei.

            Ua koho ia o G.F. Phillips i Haku Meia no ke kulanakauhale o Ladana.

 

KE CZAR O RUSIA

            Ladana, Sept. 30.  Ua hui a eke Czar o Rusia, a Emepera hoi e noho mana nei maluna o kela lahui nui i kokoke aku e piha kona mau kanaka i ka 100,000,000, ka lahui hookahi hoi nana e hookelakela mai nei na aina ma ka akau o Europa a me Asia, ua huipu ae laua me Haku Salisibere no ke kamailio ana ma na mea pili Aupuni.

            O ko Haku Salisibere hoi ana mai no ia mai Balmoral mai.  Ua hele pu aku ke Czar o Rusia, me ke Kamalii o Wale, a me na hoahele o ke Czar, no ka hele makaikai ana aku ma Newmarket, no ka nana heihei.

 

UA ILI A NAHAHA

            Ka Mokupuni Poaha, Oct. 2.  Ua ili a nahaha loa kela moku kalepa Dayspring, ma ka akau komohana o ke kowa o Tores.  Ua pau no na ukana a me ka waiwai i ka hoopakele ia, a aole no hoi he mau ola i poino ma keia ili ana.

 

HE UMI HORA O KA HAKAKA ANA.

            Capetown, Oct. 2.  He ekolu la o ka hakaka ana o na Pelekane me ka poe paele hihiu Matabele ma Muzoe.  Ma ka hope loa o ko lakou hakaka ana, ua hoopuni ia lakou e ka poe paele Matabele no 10 hora ka loihi o ke kaua ana, a ua oi aku hoi ka makolukolu o ka nui o na koa ma ka aoao o ka poe Matabele, mamua o ke na koa Pelekane, aka, aole nae ia he mea e hoopuhili iho ai ka manao koa a me ka wiwo ole, iloko o ia poe a kue i mai ihope, a hiki i ke auhea ana o ko lakou poe enemi.

 

E NALOWALE ANA KE KULANA AUPUNI O KHALIFA,

 

            Parisa, Oct. I.  He lono telegarapa ke mea i hoolaha ia ae maanei, mai Cairo Aigupita ae, e hoike ana na Pelekane I 26,000,000 hapaha Farani ina baneko, ma kea no hoopaa, no ka hoomau ana aku i ko Aigu pita kulana, i mea e pono ai na pualikaua no na lilo no keia hana, he kaua iloko o ia aina.

            Cairo, Oct. 2.  O Khalifa a me ka poe e hahai nei mahope ona, ua mahelehele lakou ina wahi e loaa ai ia lakou ka palekana.

            O na mahele koa, aole lakou e haalele koke iho ana ia Dong la iloko o keia makahiki, aka, e hoomau ia ana  no na mokuahi i lako me na mea kaua, e hoopuui ana i ke kulanakauhale.

            O na haole Pelekane a me na poe Aigupita, ma o na Aliikoa la, e hookohu ia mai ana no lakou no ka malama a kiai ana i kela aina, a me na alahao a hiki i Kaibar.

            Ladana, Oct. 2.  O ka nuhou i loaa mai, mai Congo mai, oia no ka lawe haaheo @ ae o Mekia Dhanis i ka lanakila maluna o ka poe Dervishes hoohaunaele iloko o ka aina.  He lono hoohanoli keia.

 

UA MAKE O KENELA SANCHEZ.

            Havana, Oct. 5.  Ua hoike ia ae, ua make o Kenela Serafin Sanchez, ka me i ike nui ia. He alakai no ka aoao kipi, ma kekahi hoouka kaua i malamaia ma ka mahiko o Reserve apana aina o Mantanzas Sanchez, he alakai kaulana i ike ia iloko o ka pohai o ka poe kipi o Cuba, malalo o Maximo Gomez, kekahi o na Alihikaua nana e hoouloku mau nei i ka haunaele iloko o kela Panalaau o Sepania.

 

KE KADINELA SATOLLI.

            Wasinetona, Oct. 6.  Ma ka halawai pule Mesa Nui i malamaia maloko o ka United State, i malama ia e Kadinela Satolli, no ka ike akea ana ma ia wahi, 1 ka la Sabati.  O Lunanui Martinelli, ke pani o Kadinela Satolli, ua hiki pu ae oia maloko o keia anaina halawai pule Mesa Nui.  O keia Lunahaiolelo hou, eia oia i ke 48 o kona mau makahiki, a he hoahanau oia no Kadinela Tommaso Maria Martinelli i make, kekahi o na mea i upu ia i Pope ma kahi o Leo XIII i keia wa.

 

HAHANI PAHA AUANEI KA BEA MAHOPE O KA AETO

            Konetenetinopala, Oct. 7.  He mau lono ke hoike ana i keia la, aia na poo Aupuni o Tureke ke uluku la, mamuli o na hana a ke Kuhina Noho Amerika e noho la ma ke Aloalii o ia Aupuni, mamuli o kona kauoha ana aku i kona aupuni e hoouna mai i ka mokukaua *** Bancroft a moku e ae paha no ka hoopuipui ana mai i ko Amerika kulana makaukau ma na wai o Tureke.

            Ua hooko ia kela kauoha, ua komo mai mokkaua Bancroft ma ke kewa kapu o ke Dardanelles, ko Rusia kuleana ma ia mau wahi.  O ke komo ana mai o keia mokukaua o kekahi aupuni e ma keia kowa kapu, no ka malama a kiai ana i ka maluhia o ke Kuhi@ Noho o Amerika, ua lilo ia i mea e hookaakaa koke ae ai ina maka o ka Bea o Rusia, a ala mai oia me kona makaukau nui e poipu mai maluna o ka Acto o Amerika. 

            O ke kumu nui paha o keia ala ana ae o ua bea omokoko la, oia no ka ike Akaka lea ia ana o kana mau hana poholalo mahope o Tereke, me ke keakea ole aku i kana mau hana omoko ino loa o ka pepehi kanaka maluna o ka poe Armenia ka me hoi a na mana nui o Europa, a me Amerika e haka pono aku nei ko lakou mau maka me ke kahaha nui o ko lakou maau, no keia hana makamaka a Rusia ma o kona hoaloha la Tureke.

            Ua hoopioo nui ia paha hoi kekahi ma o ka hehiku wale ia ana o na wahi i paa malalo o ko Rusia a me Tureke mana e ka manao koa, a wiwo ole o ke Kuhina Noho Amerika Terrell, ma o ka hookomo ia ana mai ka Bancrot ma ke Kowa mai o ka Dardanelles a me ka Bosphorus, ke kuleana paa o Rusia i hehiku ole ia e na mana Aupuni e ae a hiki iho la i ko Amerika hookahakaha ana ae la maluna o ia mau wai kapu a ke Konohiki.

            Ua hoike ae o Tureke i kona mau manao keakea no ke kuleana o kekahi mau Aupuni e ae, e komo mai a lawe ae ia mau wahi kapu i papa ia, ina paha o Amerika, Helene a me ua lahui e ae.

            O na kue e pili ana no keia mau wahi, ua paa mau ia malalo hoi o ke kiai paa ia me ko laua mau mokulaua hookala kupua.

(E nana ma ka aoao 3.)