Ke Aloha Aina, Volume II, Number 26, 27 June 1896 — Page 1
| This text was transcribed by: | Aki Astrid Dinda |
| This work is dedicated to: | to Aunty Gitti |
KE ALOHA AINA
HILO BAY, HAWAII
UA MAU KE EA O KA AINA I KA PONO
HOOKUMUIA I MEI 20.1895
JOSEPH NAWAHI EDWARD L LIKE
LUNAHOOPUKA A PUUKU. HOPE PUUKU.
HONOLULU POAONO, IUNE 27, 1896 HELU @
KE ALOHA AINA.
@aka mau ia aku ana mai ka @@@ a ka Poalima o na pule a @@@ kela me keia mahina.
@@@ Pepa, he 20 keneta o ka @@@ kope hookahi, he 5 @@@.
@@@ka pepa mai ke Keena @@@ KE ALOHA AINA, a mai @@@ aku o na Luna Lawe @@@
@@@ na Olelo Hoolaha, na @@@ me na Mele Inoa, me ke @@@. Aole nupepa ma ka @@@makahi e hoounaia ke ole e @@@ mua ia ka uku pepa.
@@@ pololei mai i na Nuhou @@@manao, na Olelo Hool@@@ Kanikau a me na Mele @@@ ka Lunahooponopono o @@@.
@@@ e hoopukaia a hoolahaia @@@ manao ma na kolamu o @@@ malalo o kekahi inoa @@@ ke ole e hoike mai i ka @@@hooponopono i kona inoa @@@
@@@Nupepa Puka Pule
ALHOA AINA
@@@Makahiki…………………………..$2.00
@@@Mahina………………………………1.00
@@@Mahina…………………………..……50
@@@Mahina………………………..……….20
JOSEPH NAWAHI
@@@hooponopono a Puuku o @@@
ALOHA AINA
EDWARD L LIKE
@@@ Hope Puuku
@@@ Nupepa me na hookaa @@@ hoouna pololei mai i ka @@@ hooponopono ma Honolulu @@@
@@@ Hana: Aia ma ke @@@ Loio o Joseph Nawahi, @@@ o ka Hale Uinihapa o @@@ amon, ma ka hiki o na Ala. @@@ me Betela ma Honolulu @@@
---
@@@U KUWAHO
@@@ ku ana mai o ka mo-@@@ seteralia i ka auwina @@@akahi nei, Iune 22, @@@ ai na mea hou o na @@@hiki i ka la 16 o Iune @@@ ka pomaikai o ko ma-@@@ heluhelu, ke pahola @@@ makou ia mau mea @@@ ei:
@@@ KA AHAOLELO LAHUI AMERIKA.
@@@etona, Iune 11. O ka @@@o ke Kau o ka Hale @@@ana i keia la, ua hoo-@@@a i na hana o ka lehulehu, ua hooholoia na bila haawina, a e kali ana ka Hale no ka wa e hoea mai ana.
He nui na hoa i piha hauoli ma ka hooholoia ana o kekahi mau bila kuloko waiwai nui no na apana kuloko. Mawaho aku o kekahi wahi mea kuhihewa liilii mawaena o Bailey o Texas a me Marsh o Illinois a ua hoi mai ka manao oluolu maika.
Na Turner o Georgia ma ka aoao o ka hapa-uuku, i lawe mai i keia olelo hooholo penei:
E hooholoia. O na hoomaikai o keia Hale, ua ili ia maluna, a ma keia ke pahola ia aku nei ia Thomas B. Reed, ka Lunahoomaluao ka Hale o Makaainana, no ka naauao nui, a me ka mana a me ke kaulike o kana mau hana i hooko ai, e like me ke ano o kana oihana, iloko o ka wa o keia Kau o ka Ahaolelo Nui.
Ua lokahi na mea a pau i ke kokua ana i ka olelo hooholo me ka hauoli a me ka ulumahiehie, a apono like iho la ma ke koho ana.
HOOKUU KE SENATE.
Wasinetona, Iune 11. Ua lawe ae o Hope Peresidena Stevenson ma ka hora 4 P.M. o keia la i ka hookuu hope ana aku i ke Kau o ke Senate, mahope iho o kona hoike ana aku i kona mau manao mahalo i na poe Senatoa no ko lakou hoike ohaoha oluolu mai iaia ma na hana iloko o ke Kau.
Ua piha o luna o ka hale i na poe makaikai, aka, ua kaawale nae na alanui hele o loko, no ka hoopau ana o ka Ahaolelo Nui. Ua hoomaka ka noho ana ma ka hora 12, aka, aole hana no ka hale a hiki wale i ka hoopanee ia ana.
HOOPAAIA NO KA HOOKOLOKOLO ANA.
Ladana, Iune 15. Ma ka Ahahoomalu o Bow Street i keia kakahiaka, ua lawe ia mai o Dr. J. S. Jameson, Mekia Sir. John Willoubhby, Konela R. Grey, Mekia R. White, Konela H. F. White a me Hon. Henry F. Coventer na poe hoeueu hoohana ma kela hana hookahuli ia Transvaal, no ka hoopaa ana aku ia lakou no ka hookolokoloia. O kekahi poe e ae, ua hookuu pau loa ia lakou.
Ua noi mai o Sir. Richard Webster ka Loio Kuhina, o na pee nona na inoa eono i oleloia maluna’e e hookolokolo ia aku ana lakou, a ua hoopau mai oia i ka hoopii e kue ana i na poe e ae eiwa.
O Sir. Edward Clark no na poe i hoopiiia, ua pane mai oia, ua ae o Dr. Jameson e lawe maluna ona i na koikoi a pau loa, oiai, o kona poe hoa, he poe hooko wale no lakou i kana kauoha.
O na poe i hoopaaia no ka hookolokolo ana, ua hookuuia lakou ma ka £2,000 bela pakahi, a ua pakui pu ia iho i hookahi hope o £1000 ka waiwai io.
UA HAULE MAI NEI KA MANAWA HOLO LOA MA KA HEIHEI HUILA.
Denver, Iune 15. Ua haule ia George Card ka holo pookela o ke ao nei, ma ka holo ana ma ka D. W. C. Park i keia la. O kona manawa holo maoli he 1:48 4-5. O ka manawa holo loa mamua aku i holo ia e B. Hughes he 1:50 2-5. Nolaila, ua lilo ia Card ka moho o ke ao holookoa.
UA KO MAI NEI O RUDOLPH SPRECKLES.
Kapalakiko, Iune 16. Ua ko o Rudolph Spreckles ma ka Aha Kiekie ma kana hoopii e kue ana i ka Banako Nevada, e pili ana no ka hoouna ana mai keia aina aku ina kumuwaiwai i haawiia e ia i mea hoopaa. Ua kauoha ka Aha Mana nui ae, he kauoha e hoololi ana inehinei.
Iloko o ka 1894, ua kuai mai o C. A. Spreckles i na Bona Hawaii a pau loa o C. Spreckles no ka $700,000 me ka waiho ana aku ina hoopaa i oi loa aku mamua o na aie, a i mea pakui hou aku.
Ua waiho aku la o Rudolph Spreckles he 5000 kuleana o ka Hui Mahiai ko o Paauhau, nona ka waiwai io he $500,000 malalo nae o ka aelike me C. Spreckles, aole loa ia mea e hoolilo ia aku mai ka inoa aku o ka ona nona ia mea, maloko o ka Buke o ka Hui, aia a hiki mai i ka wa e oo ai ka aie.
Iloko o Decemaba 1894, ua hoolilo aku la o Clause Spreckles a haawi aku la i ka aie a me na hoopaa a pau loa i ka Banako Nevada. Hookahi hapa o ka aie ua ukuia, a he hookahi hapa o na hoopaa ua hooliloia i na ona. Ua hoopilikiaia ka Banako ma ka hoouna ana aku i na kumuwaiwai i Hawaii, a onou aku la ia lakou e hoolilo aku mai na inoa mai o na ona.
---
O MRS. WAIWAIOLE UA HALA.
Mr. Lunahooponopono,
Aloha oe: ---
Ma ka hora 11 o ka po o ka la 24 o Mei iho nei, ua komo palanahele ae la na lima puanuanu o ka make, a kaili ae la i ka hanu hope loa o Mrs. Waiwaiole Keanini, ma Kiholo, Kona Akau Hawaii.
He elua wale no pule o kona kaa ma’i ana, a ma ka hora o ka la i hoike ia maluna, pauaho mai la i keia ao mauloule, he ha-no kona ma’i i make ai.
Ua hanauia mai oia na Kamahiai (k) a me Makapaa (w) i ka mahina o Iulai 12, 1835, ma Kiholo Kona Akau Hawaii kona one hanau, nolaila, ua piha kona mau makahiki i ke 60, 10 mahina 12 la, a me na hora keu, a waiho mai la i keia oia ana, he mau kane kana i make aku mamua elua, a o kana kane hope a make aku la, ioa o J. W. Keanini.
Ua haalele iho mahope nei he kane, he mau keiki, a me na moopuna a me na hoaloha me na makamaka, e noho aku ana me ka luuluu o ke kaumaha nona, he wahine oluolu a heahea, a he puuwai hamama kona ina makamaka a me na hoaloha a nolaila ke komo pu aku nei kou mea kakau e kanikau pu, e kumakena like me ka ohana o ka mea i make.
Owau no me ka haahaa,
W. H. K. KAHULAMU.
---
Eia o L. B. Kerr, ke kuai hoopau mai nei i na waiwai o kona Halekuai, aohe no he hewa o ke kipa ana ae malaila.
---
KE KAI MIMIKI MA PUNALUU.
Mr. Lunahooponopono,
Aloha oe: ---
E oluolu mai kou kiekie a me kou ahonui e hookomo iho i keia mea hou ma kekahi wahi kaawale e Ke Aloha Aina. Oia hoi keia, no na hiona i ike la no ke kai mimiki ma Punaluu nei.
Poakahi nei hora 9:15, na hoomaka ka mimiki ana aku o ke kai i kai me ka hikiwawe loa, nona paha la mamao mai ka palena mau aku o ka ae@ aneane paha e hapaha @ alaila, piihou mai no me ka hikiwawe piha hou e like me mamua.
E like no me ka emi hikiwawe, @ ke kai i kai, pela no ka awiwi e ka piihou ana mai. He mea kupauaha ai kamahao lua ole i ka ike aku i kahi o ka aina i uhiia mamua o ka wai, e waiho maloo ana me ka wai ole na elima minute, alaila, uhi hou mai la ka wai a nalowale pu ua wahi a pau i maloo.
Pela mau no i na wa apau e pii ai ea e mimiki ai ke kai.
No ko’u ake nui e me i ka hopena o keia kai mimiki, nolaila, ua noho au ma ke one mai ka hora 9:15 a hiki i ka hora 1 p.m.
A eia ka’u mea i ike, iloko e keia mau hora 3 me ka hapa, ne 52 manawa o ka mimiki ana o ke kai,a pela no hoi ka pii ana mai, a pau ae la ko’u noho ana malaila, a hoi aku la no ka home.
Ua mau no keia mimiki ana a hiki i ka hora 3 p.m. pau ae la.
Nolaila, ua loaa ka avelike manawa, o ka pii ana a me ka mimiki ana o ke kai iloko o keia mau manawa he 52 ma ka 4 me 9-16 minute i kela am keia manawa.
He ku i ka nanai a me ka mahalo na hiona o ka aina i hoomal@o ia ke nana aku, aka, i ka wa e pii mai ai ke kai, he ku i ka weliweli ke nana aku. He mea laki nae, aole i nae hoe mai ke kai i uha nei.
Ua holo kekahi poe ma na wahi kiekie no ka manao e pii ana ke kai, aohe mau ola i poino, aohe hoi he mau mea i hoopoino ia e keia kai mimiki me Punaluu nei. Nani ke kupanaha o na ke Akua mau hana. Ua lawe au.
Owau no,
JOSEPH K. HOP@, JR.
Punaluu, Kau, Iune 16, 1896.
---
Ma ka hora 2 a.m. o ka Poakahi nei na pau iho la kekahi hale mauka o Kunawai i ke ahi, he pake ka mea nona ia hale, aole nae i maopopo ke kumi i pau ai i ke ahi.