Ke Aloha Aina, Volume II, Number 25, 20 June 1896 — Page 3

This text was transcribed by:	Kate Motoyama
This work is dedicated to:	auntie lily and uncle george

KE ALOHA AINA

KE ALOHA AINA, POAONO IUNE 20, 1896 3

@AILA KA HOLO

@ O HILO.

@kaohiia ia ma-

@ke aka o keka-

@ale nui ano hou.

@maluna o na palena

@o Hilo a me ko-

@kai.

@aku auanei e na

@kaikai ma keia mua

@lae mai o Leleiwi a

@ kanaloa ka uhi paa

@aina ululaau me na

@mai ana me he hau

@mai mai ka lani mai.

@ua hiki ke hoolawa i na

@puni ka mokupuni o

@lookoa.

@hoi no ka manawa

@aku, ke hooloia na

@iuai ke kulanakauha-

@a i Kukuihaele nona

@aneane 60 ka loihi

@ awa na aina mahiai o

@ mea kanu a pau, mai

@ a Hamakua, a ua nui hoi ma mahiko e waiho ana ma keia mau wahi kaawale loa, i hiki ke laweia ke ko ma ke ala kaa a i Hilo e hoahu ai, no ke kii ana mai o na moku e lawe aku.

O keia na mea e noonoo nui ia nei, ke mohala mai nei o Hilo i keia wa, aole pela ke kulanakauhale Momi ma Ewa, ke kuoio iho la oia aole on a holomua.

Aia a loaa he uwapo maikai no Hilo, alaila, oia ke ki o kona hooholomua ia ana.

Nolaila, imua e Hilo Hanakahi, i hiki mai ia ka Puulena ea hoea pu mai no me Papalauahi, a loaa pono mo ia oukou.

NA WAIWAI PIO!!!

O na dala uku komisina mahuahua e loaa awa i na poe nana e kalewa na Bona o na Dala Aie i hooholoia iho nei he $2,000,000, oia ke kumu hele ino o P. C. Jones a me Damon no na wahi makete e loaa mai ai na dala. He puu dala loaa wale no keia i waho loa. A no ke a@ e no e hapuku na lakou e ohi i na pomaikai o keia hana, nolaila, ua hala aku la laua no Amerika, a no ka Hikina loa aku paha e kale wa ai i keia mea dala loaa wale.

Mai kinohi loa mai o keia mea he aie dala, e ike e ana lakou i na wahi e loaa ai ke dala, a nolaila miki aku la no i na wahi hoaloha o lakou i mea no noi e puunaue ae ai i na kenikeni a ka lahui e auamo aku ai.

O ka $2,000,000 ka nui e aie ia ai, o ka ukupanee, aole e oi aku mamua ae o 5 pa kenet, ua like ia $100,000 ka ukupanee ma ka 5 pa keenta, aia a hala ae he 20 makahiki, alaila, ua like loa ke kumu paa i aie ia me ka ukupanee, oia he $2,000,000 ke kumu pa a $2,000,000 ka ukupanee i ho@ ia mau ma @

A i ka pa@ makahiki @ kaukau ane ka @ aku ia $2,000,000@ A i ole aole paha.

O@ HAOHAO NO HOI

Ua pau na lima o na Luna Aupuni Kiekie i ka hapala ia! A pehea na Buke o ke Aupuni i kopeia ai na hapala manamanalima o lakou?

O! E pau ana i ke kiolaia, a pehea no kope a lakou i haaawina mai Ka! Paa malie no hoi paha i mea e hoike aku ai i na moopuna, o lakou kai p@puahulu loa, a hele e hoohiki o hoopania lakou i ke $50.

I ka wa e lohe pono ai na moopuna i ka moolelo o keia mau hana ana, alaila, e ninau pono ana lakou. O! e Kupuna! O oe kekahi i hapala ia kou lima?

Ae, e kuu moopuna, owau kekahi, a mahope hoopau loa ia ke kanawai, aole hoopai mai. Ae.

O! Pane no hoi oe e kupuna! Kupanaha kou ku malie ole me ke kali i ka nee ana o ka manawa?

Ka! Auhea hoi o ka hooho mai no ke kakauinoa, a pau a pau makou a pili ana na lima, eia ka he mea waiwai ole keia mahope mai.

Ina owau kela e kupana, aole au e pihoihoi wale, a hana e e like me kau i han anaaupo aku la, aka, ua pau ia, aia ihea ko palapala? Eia la.

Auwe! O ko manamana nui keia? Ae. Oh dear! Pane maoli keia ano hana e kupuna!

KA NOONOO O NA POE NA-

AUAO.

E like me ka nee ana o ka manawa, pela ka hoea mau mai o na manao like ole o na wa i hala aku me ko keia wa hou e hoea mai nei.

Ke hoopau loa ia nei na kuhihewa i manaoioia mamau oia ka pololei maoli, aka, ano ua loaa ka ike hou, ka noonoo hou a me ka naauao hou loa, a ua pau aku ia mau kuhihewa.

I keia wa, eia na puali huli Welau Akau, ke hooikaika mau nei, e loaa ka ike maopopo lea loa ia ana oia wahi i na makahiki a pau loa, a hiki i keia la.

Ma na olelo a kekahi poe i lihi launa iki aku paha ilaila, aole he aina malaila, aka, he lokowai moana e lana malie ana i uhiia e na mauna hau ma kekahi wahi.

Olelo hoi kekahi poe, he aina maoli ma ka welau Akau, a ua paa no nae i ka uhi ia e ka hau. He elua kela mau mana e hakoko nei, a k@ ku nei na lahui a pau me ka kai@ewai la o laua ka mea oiaio maoli?

O ka nui o ka pilikia o ke alahele oia ke kumu ulolohi loa o ka haina o keia ninau.

He pilikia i ke anu a pau e kekahi poe i ka make i ke anu a me ka pololi me ka ike ole i ua wahi la. O na moku hoi e lawe aku ai i na poe huli welau akau, ua kupono ole, a mahope ua loaa i ka ino, a ua paa loa i ka hau a pau na kanaka i ka make aku, aole no nae i loaa ua wahi nei.

He oi keia o kahi popilikia a me ka poino, aka, hoohune no nae ka manao noonoo o ka poe naauao, e loa @ pololei keila mea hookahi wale no, ka welelau akau; loaa no ke loaa ka wa pono e hoea aku ai, a ua kaawale ka hau.

HE MOOLELO HOONI PUUWAI

--NO--

MASELANA.

Ka Ui Opio Noho Waoakua o

Inia Komohana.

--A ME--

LEDE MEDI

--KE--

Kaikamahine Puuwai Eleele o ka

Lokoino nui wale.

"O kuu aloha ka'u i iini ai,

E loaa i ke aheahe lau makani,

E na kilihune ua liilii o kuu aina,

Mai hoopa aku oe iaia,

E ka makani e pau lauwili nei,

Aia anei me oe kuu lei aloha?"

I keia wa a Maselana i komo aku ai iwaena o ka uluhwehi o na malapua o ua hale kakela la, hoolei aku la oia i ka ike nana a kona mau maka no loko o ka hale hulahula me ka hoomau no o kona mau kapuai wawae i ka hele ana imua.

Aole no i liuliu loa keia hele ana aku a ia nei, hiki aku la oia mawaho o ua hale hulahula la, a ike aku la oia in a kane a me na wahine e kuikui lima pu ana no ka hele holoholo ana iloko o ka malapua.

Iloko o keia manawa oia i haupu koke ai ao kana aloha, a hele aku la oia a kokoke ma ka ake nui aha o kona ike aku in a helehelena ui waianuhea o kana ipo aloha.

Nana ae la oia ma o a maanei o loko o ua rumi hulahuia la, aole oia i ike lihi aku iaia, aka, he poe okoa wale no i malihini i kona mau maka kana mea i ike aku ai.

No eia nele noa i ka ike ana aku i kana aloha, haupu hou ae la oia in a paha oia kekahi iwaena o ka uluwehiwehi o na pua.

Haalele aku la oia ia wahi ana e ku nei a hele hou mai la no ka malapua kahi a na kane me na wahine e holoke nei i o a ianei me ka piha hauoli.

Iwaena o ka nui o keia poe e maaloalo nei mamua o@ aole loa oia i ike lihi iki aku i kana aloha e maalo ae ana mamua o kona alo, a pela no hoi me ke Keikialii Demera, a me kona makuakane

No eia nele a me ka hooko ole ia o ka iini nui a kona makemake, nolaila, hele loa aku la oia a malalo o kekahi kumu laau Oka e ku ana ma ke kae o ka muliwai akea e la ia mai ana, a hoomaha iho la oia malaila.

Nana aku la oia i ke anapanapa mai o ka wai e popoi ana maluna o ka ili kai, aia hoi, hoomanao ae la oia no kana aloha, oiai la ua maluna o ka ili hualalai o ka moana, in a la i kaahope aku.

No ka luhi a me kona opili i ke anu o ia hele ana mai, hilinai aku la oia ma ka aoao o ua kumu laau la, a pili iho la kona mau maka, a lilo aku la kona noonoo me Niolopua kahi i hooipo ai.

I loa no in a lihilihi maka o ka kakou opio a pili iho, aia hoi, lohe koliuliu ae la oia i ka leo o kona wahi luai makuahine aloha i ka hea ana iho penei:

E kuu keiki--e, ka nooilina pau ole o kuu alona, e ala ae oe, eia iho no ko aloha malaila.

Puoho ino ae la oia a nana ae la, aohe poe malaila, o ke aiai wale no o ka mahina e huai pau mai ana i kona nani kana mea i ike aku.

Ia wa, lohe koke aku la oia i kekahi mau leo hamumu ma kahi kokoke loa mai iaia aku, a ia wa no hoi oia i haapu koke ai no na mea a kona makuahine i olelo mai ai iaia a kulu iho ia kona mau waimaka i ka honua, a hoohoopuka ae la hoi i keia mau huaolelo penei:

O ka leo aloha o kuu makuahine ka'u i lohe ae nei, aole nae oia maanei, o kuu aloha hoi ka'u i imi mai nei, aole oia i loaa, o kuu makemake e hui olelo pu me kuu makuakane me ka oluolu, aole ia i hookoia, auwe, heaha la ka waiwai o kuu ola ana ma ka ili o ka honua, in a aohe poe hoihoi mai ia'u, eia ke hea mai nei na leo mai na Ilina mai, e hoi aku au me lakou, in a aohe poe hoihoi mai ia'u.

Aole i pau.

HE MOOLELO KAAO

--NO--

ANADAREA,

--A ME--

TIDORA

--A I OLEIA, NO--

HILARIA

KA UI NOHEA

NAIPO ELUA I IKE ALO-

HA HOOKAHI.

MOKUNA XV.

KA HOOILI KAUA HOPE LOA.

Me ka leo kakana kauoha ae la o Amerona i na koa e nee mai ana imua e hoopupio aku ia Anadarea, a i ole e lawe koke ae i kona ola.

Kuemi aku la o Anadarea ihope, a hoopili aku la i kona kua i ka paia o ua hale la, me ke kali ana ao ka halawai ana aku mea na enemi no ka manawa hope loa, oiai kahi ikaika uuku e kamau iki ana no iloko on a.

Aka, ua hoohikilele ia ae la nae oia i kona ike ana aku o na koa i komo mai ai iloko o ka rumi, ua lele aku la lakou maluna o Amerona a hopu pio iho la iaia.

A ia wa no hoi i ike koke aku ai o Anadarea, aole keia he mau koa e aku, aka, o kona mau koa kakaikahi no ia ana i haalele ai mawaho o ka pa o ua hale la.

Kalele hou iho la oia maluna o kana pahikana me ka hilinai ana kau ma ka paia o ua hala la, a hohmaha iho la.

A mahope iho o ka pau ana ae o ka haluku ana o ua rumi nei hele mai la kona mau koa, a haawi mai la i ko lakou aloha pumehana nona.

Pehea oukou i hoea mai nei i anei wahi a Anadarea.

Mamuli o ka makou aloha ia oe, wahi a kekahi koa i hooko mai ai, oiai makou uuku e hoomoana ana mawaho o ka pa me ke kali ana i manawa kupono e lele kaua ai i na enemi, aka, ua hiki ole nao ia makou ke kue aku, no ka mea, ua papakolu ia ko lakou heluna ia makou uuku. A ua hoea mai no hoi he mau kokua me makou i ko makou manawa a kaniuhu ana no ko@ palekana, a hoopuipui ae la hoi i ko makou heluna, me ke kali hou ole aku ua nee mai la makou imua a halawai iho la me na enemi, ua hahana no keia hoouka ana, aka, ua hoopuehu liilii ia aku na na enemi e makou, a pela makou i hiki mai la i anei nei.

Aole kakou e pono ke hooulolohi loa maanei nei, no ka mea, eia hou aku no a hoea mai he poino i oi mamua ae o keia, a nolaila, e o'u mau hoohan@ e haalele iho kakou i keia wahi i keia wa ano, wahi a Anadarea i pane aku ai i na koa.

Ae, ae, wahi a na koa i hooho mai ai a hemo aku la lakou iwaho me ka haalele ana iho i ua rumi la.

Huli aku la oia a nana aku la i kona enemi a pane aku la: E Amerona, ane ua hoea mai la ka hopeaa, a ua like oe he pio na'u; aka aole nae au i makemake e lawe i kou oia, ke hoohiki mai hoi oe, aole loa hoi oe e huli hou mahope o ko'u meheu.

Ua ae au i kau noi e Anadaera, a @ hoohiki aku nei me ka oiaio, aole @ au e kue hou mai ia oe, wahi a Amerona.

Hookuu aku la oia ia Amerona, a @ aku la oia no kona home, a o Anadarea huli ae la oia a kahea aku la i ke aloha.

I ka hoea ana mai o Hilaria, ma p@ koke aku la oia: Ano e haalele @ iho kaua i keia wahi, a e imi aku @ kaua wahi e pakele ai.

Haalele iho la laau i ua hale @ imi aku la i ko laua wahi e pak@ maloko o na ululaau, a ma loko o @hi ana pohaku i hoomaha iho @ mao kamahele la.

Aole i pau.

EIA IHO I KA HEIA O

PAIKINI.

He heluna nui maikai loa o na @ loka no na Lede a me na Bebe @waihoolau li@e ole no na k@ makepono loa. E kipa mai @ M. G. Silva, Helu 519, Alanui @