Ke Aloha Aina, Volume II, Number 24, 13 June 1896 — Page 4

KE ALOHA AINA

KE ALOHA AINA, POAONO        IUNE 13, 1896

 

KE  -  ALOHA  -  AINA

Hoopukaia no ka Pomaikai o ka Lehulehu, a he Nupepa na ka Lahui Hawaii.

 

J. NAWAHI, Lunahooponopono a Puuku.

E. L. Like, Hope puuku.

 

HONOLULU,  IUNE 13, 1896.

 

KA LA SABATI MUA LOA.

           

            E hoomanao ia o ka la 7 o Iune A. D. 1896, oia ka manawa mua loa ma ka moolelo hooponopono Aupuni ana a na misionari ma Hawaii nei i ae ai e weheia na anaina hoolaulea.

            Na na misionari i hoolala a i kukulu maoli i ke kahua Aupuni Moi o Hawaii mai ka wa mai mahope iho o ko Liholiho pii ana ae ma ka Nohoalii o Hawaii.

            A ma ia wa mai no hoi ua wea mau ia na Alii e na miaionari, penei ka pono o na kanawai, iloko o ia wa naaupo.  Ua hoopauia na kapu kahiko o Hawaii nei, alaila, ua hookumuia na kapu la Sabati, a ua ikaika loa ke kau ana o keia kapu la Sabati ia wa, no ka mea ua komo pu na Alii, a me na Kuhina Nui o ke Aupuni iloko o ka lawelawe hoopilimeai ana he pono hoi keia.

            Pela mau mai no ka laha nui ana o ka mana hiipoi la Sabati a komo loa mai i ke au ia Kamehameha III.  Ua oi loa ka ikaika o keia mana hoomalu Sabati ma na apana kuaaina, a ma na mokupuni hoi o waho aku mai Honolulu aku nei.

            Ua kapu maoli ka ho-a ana i ke ahi a me ke kii ana i ka wai i ka la Sabati.  Ua kapu loa ke kuai ana i kekahi wahi mea ai i ka la Sabati.

            Aole loa hoi e ae ia e hana i na lealea, a e hoakoakoa i na anaia i na la Sabati.  O na anaina haipule wale no kai ae ia e hana, a e hoakoakoa i na la Sabati.

            O ka mea kupaianaha no nae e uwi ia ana no na bipi waiu a ua poe misionari nei i ka la Sabati, a e a ana no ke ahi i ke kakahiaka a me ka auina la Sabati.  Aka, ua pahola aku la nae ke kapu oi palena ole iluna o ka Lahui Hawaii.

            Pela i paa aia ka lahui ia wa malalo o ka mana misionari, a pela i mau mai ai ko lakou mana pu iloko o na hana hooponopono Aupuni no na makahiki he 35 ka nui maoli, a hiki i ka wa i komo nui mai ai na poe haole o na ano a pau loa mai na aina e mai.

 

Ke Kumu o ka Hookuu Akea ana.

            Ua maopopo e ia makou ke kumu nui o keia hookuu akea ana i na anaina puhi ohe.  Oia keia:  I mea e hamo iho ai i ka waiubata a me ka meli maluna o ka oihana kikipu a lakou i na la Saabati.

            O ka hana kikipu i ka la Sabati, he like ia me kekahi apana berena kulina, aole o na makemake nui ia, a ia wale no, a hamoia ia iho oia me ka waiubata a me ka meli hoi.

            O ke puhiohe hoi, ua like ia me ka mea ono palupalu maikai loa, e hikiwawe kona poholo ana aku ke kmoni aku, me ka hapala ole ia i ka bata a me ka meli.

            Nolaila, ke kono nei lakou na alakai o keia Aupuni i na kanaka, ma o keia wehe akea ana i ke puhiohe i ka la Sabati, i mea e hoonanea ia ai, a olelo.  O!  Maikai no hoi ha keia la, aole he hewa.

            Aka, aia ko lakou la manao i na hana kikipu a lakou.  Ma keia mua aku, e ae mai ana lakou e paani koloke i ka la Sabati, he wahi mea ono huamoa no keia e poholo keoke ai ke ai iho, me ka hapala oleia i ka waiubata a me ka meli.

            A pau ia, alaila, e ae ana lakou nei e paani kinipopo i ka la Sabati.  O! He mea ono kohu pukini keia, he nui ka poe makemake loa e kinipopo i ka la Sabati e like me ko Amerika e hana mai la.

            A mahope mai e ae ana lakou nei, e heihei lio i ka la Sabati.  O keia ka panina o na mea ono wai meli palupalu onoono o ka puu ke ai iho!  Pau na kanaka i keia hana i ka la Sabati e like me ko Amerika hana nei.

            Nolaila, ke alakai ia nei na manao hiaai o ka lehulehu e apono aku i keia mau hana, a e ai i na mea ono, i mea e hele kaokoa ai na hana kikipu i na la Sabati, ka apana berena kulina i hamoia i ka bata a me ka meli.

 

HILAHILA MAKOU I KA IKE ANA.

 

(Kakauia no KE ALOHA AINA)

            Ma kela anaina Puhiohe i malamaia ai ma Maki Ailana ma ka auwina la Sabati nei, Iune 7, ua loaa ia makou kekahi kumu e hilahila loa ai.  Aole keia he hilahila mawena o na poe hele makaikai aku, aole hoi ma o na hoa mua la o ka Bana o Ke Aupuni Repubalika la.  Aka, aia keia kumu o ka hilahila ma o Wile Aileti ame Mekia Kealakai.

            O ke kumu o ko'u hilahila loa ana, eia keia.  Ma ka A. kD. 1893, a mahope koke iho no o ko Mr. Willis hiki ana mai i Honolulu nei, aia hoi, ua haawiia ae he paani akea nui e ka Bana Lahui ma ka Hotele Hawaii.  Aia he anaina nui kai akoakoa ae malaila.  Ua nui na mele maikai i mele ia mai e na hoa o ua Bana Lahui nei.  O Wile Aileti a me Mckia Kealakai, e noho ana laua he mau hoe no ua Bana la.

            I ka hoopau loa ana o na himeni Hawaii, ua himeni ia mai la kela mele kaulana Ai-Pohaku.  Ilaila ko'u lokhe mua ana ia mele kaulana.

            Aloha ko'u uhane i ke ano o na olelo o ke mele, e helelei ko'u mau waimaka i ko'u lohe ana aku ia mele.  O keia Wile Aileti, o kona leo ka'u leo hoomaopopo loa i na puana olelo e hana ia mai ana.

            Olelo iho lau au iloko o'u iho Ae--na ke Akua ka olelo a he hopena ko ka olelo.  Aia a nui ke kepaa iluna o ka olelo (pule) mele, alaila, ua pololei ia mele, aka, ina hoi e aui ae ana, a haalele i ka olelo o ka pule, alaila, e kaia ana i ke kino aole e hala ana.

 

E Nana Mai i ke Mele

 

MELE ALOHA AINA AI-POHAKU.

 

1.         Kaulana na pua o Hawaii.

            Kupaa mahope o ka aina,

            Hiki mai ka elele a ka lo- (koino

            Palapala alunu me ka pakaha

 

2.         Pane mai Hawaii-Nui o- (Keawe.

            Kokua na Hono-a-Piilani,

            Kakoo mai Kauai o Mano,

            Pau pu me ke one o Kaku- (hihewa,

 

3.         Aole e kau e ka pulima,

            Maluna o ka pepa a ka (enemi,

            Aole makou a e mainamina,

            I ka puu dala a ke Aupuni.

 

4.         Ua lawa makou i ka pohaku.

            I ka ai kamahao o ka aina,

            Hoohuiaina kuai hewa,

            I ka pono kivila o ke kanaka.

 

5.         Mahope makou o Liliulani,

            A kau hou la i ke Kaluanu,

            Haina ia mai ana ka puana,

            Na pua i aloha i ka aina.

 

Hakuaia e KEKOAHIWAIKALANI.

 

Ke Kumu o ka Hilahila.

 

            O ke kumu o ko makou hilahila, oia ka ike aku ia Willie Aylett a me Mekia Kealakai, e ku mai ana iloko o ke anaina puhiohe o ke Aupuni a laua i noke ai mamua i ka hoole, aole e ae e lilo i kauwa na ia poe.  Eia ka e hoi hou ana a pau poo iloko oia mea.

            Auhea kela mau hua mele, kupaa mahope o ka aina?  Aole! he pelukua maopopo.

            A pehea keia mau lalani mele a ua o Willie Aylett ma e himeni ai:  Aole e kau e ka pulima maluna o ka pepa a ka enemi.  Ka ua hawahawa iho la na lima o laua a ua pili i ke kepau a ka enemi.  Aka iki lakou la ia olua.

            A pehea keia:  Aole makou a e minamina i ka puu dala a ke Aupuni?  Kahihi!

            Ua nui ka minamina o laua i ka puu dala a ke Aupuni, a nolaila ka hele ana e hoohiki aku i loaa ona puu dala na laua.

            A pehea keia olelo: Ua lawa makou i ka pohaku, i ka ai kamahao o ka aina?  Kai @kiki kela mau huaolelo, a pakiki no hoi ka pohaku, aka, he p@lune wale o ua o Willie Aylett ma.

            Ae, ua hala aku la ka hapa nui o ke mele ka@lana, a ko@ keia mau huaolelo hope loa penei:          Mahope makou o Liliulani, a kau hou la i ke Kalaunu.

            O keia na hua nana i hoike mai i ko lakou olelo hoohiki paa loa.  Aka, pehea iho ia nae hoi?  Oia ka makou e olelo nei, hilahila makou ia Willie Aylett ma, i ka hoea ana mai e ku imua o ka lehulehu, me ke ano o ka muhee, a me ke ano ua pau loa ka hilinaiia, he mau kanaka e hooko ana i ka laua mau pule i kahea ai.

                                                                        NAPOEIAOLAHIKAAIKA,

Honolulu,  Iune 8, 1896.

 

O KA HOPENA AKU ANEI IA?

 

            Ua ike iho makou i na nupepa olelo Beritania o keia kulanakauhale, e olelo ana, ua pono loa keia hana a ke Kuhina Cooper, e hoonoa nei i na paani puhiohe ana ma na la Sabati a pau.

            A ke olelo hoomaoe hou ae la no hoi he mea pono loa e wehe akea ia na paani kinipopo ana, a me na lealea hooikaika kino a pau e like me ko Amerika, ko Geremania, ko Farani a me ko Rusia.

            Ina e hookoio ia ana ia mau manao, alaila, ua hiki mai kona hopena Ikapoda.

            Heaha la na pomaikai oi aku o na aina i wawahi i ka maluhia o na la Sabati?  E nana mua i ka lahui Isaraela, alaila, i ka lahui Farani, alaila, i na lahui Latina o Amerika Hema.

            Heaha na mea i ikeia?  He pomaikai anei?  Aole loa!  Aka, he poino loa a me ka popilikia mau,

            Ua lilo pio ka Lahui Iseraela he 70 makahiki malalo o na lahui e.  No keaha la ke kumu?  Ua maopopo loa, ua hana ino loa lakou i ka la Sabati laa o Iehova.

            A pehea ko Farani, a penei: I kona wa i kukala kuahaua ae ai, aole he Sabati ma Farani?  Ua lilo o Parisa iloko o na noho ana haunaele maoli, a luku aku a luku mai na kanaka, a piha na alanui i ke koko i hookaheia no keaha?

            No ka hoowahawaha loa i ke Sabati.  E nana i na Aupuni aohe malamaia oka malu o ke Sabati ma Amerika Hema Pehea lakou?  Aole anei haunaele mau?  Oia no.

            O ka hopena ia o keia Aupuni ke hoolilo i ke Sabati i mea hooulu mai ina hana lealea wale iho no.

            E noho ana kakou a ike ina poino e ulu mai ana no ka hoole a hoowahawaha Sabati.

 

O KE OLA IHO LA NO IA O KA LAHUI

(Kah@ia no KE ALOHA AINA.)

No ka nupepa Kuokoa i puana mai i kela mau olelo maluna, i ka malama o Ianuari 1884, malalo o ke Poe "ke ola o ka Lahui."  A heaha ia ola o ka Lahui?  Eia iho na hoakaka ana a ua nupepa Kuokoa la, a hiki i ka puka ana aku o kela mau olelo maluna.

            "Pololei a holo, @ na hana pili, aupuni a pau, @ moeka@ like na noonoo ana mai ka poe @ noho ana ma na wahi kiekie a hala loa ilalo i ka poe haahaa loa, alaila, o ke ola iho @ no ia o ka Lahui."

            E ka Lahui Hawaii, he me oiaio maoli kela mau olelo a ka nupepa Kuokoa, aia io no @ pololei na hana a me na lawe lawe ana o na hana pili aupuni a moekahi hoi na noonoo a@ mai ka poe iluna a hiki ilalo ka lopa, alaila, "o ke ola io i@ la no ia o ka Lahui."

            Ua hoopukaia kela mau manao e ke Kuokoa ma ke @ kue ino i ka Aha Kuhina o Kipikona.  Aka, e lawe mai @ kou ia mau olelo maikai, a @ pili iho no keia ano Aupuni @ ku nei, a me kana mau lawelawe pili Aupuni ana, heaha @ kakou e ike pono iho la?

            Auwe!  Hole Samoka!! H@  poino loa.  He poino i ike @ ia i ke au o Kipikona kela K@hina i hoino nui ia a i ba@ koleia hoi e ka poai hooka@ Aupuni Moi, mai kona wa@ noho Kuhina ai, a hiki wale @ kona wa i lalau lima nui ia @ e na poe hookahuli Aupuni Moi.

            A ina kakou e hoohalikelike iho ana i ke kulana Aupuni ke au o Kipikona e noho K@ hina ana, me keia au o k@ ano aupuni lima nui, o ke @ hea ka oi aku o ke ino a @ ka pilikia o ka lahui, a me holopono ole o na hana, @ ka moekahi ole o na noo@ ana mai ka poe kiekie, a hiki ka lopa?

            O keia au no, ke au a @ poe kuko ino i noho ai, o ke au a ka hewahewa o pono ole i ike makai i aole mua mai.

            Eia hou iho @ nei olelo a ua nupepa Kuokoa "Kekee a hoo@puwaleia lawelawe oihana Aupuni @ moekahi like ole na noo@ mokuahana, kue aku koe @ alaila, o ka poino @ no @

            He mau olelo pololei ho@ keia.  Aka, @ pili @ ai nei mau olelo a ua nu@ Kuokoa nei?  Eia ka pane@

            "Pili pono loa @ mau @ i ke Aupuni e ka @ ke @ puni Origate @ma ka hookamani Repubalika @. Nolaila, ua poino loa ka @ nei ano aupuni no na @ moakaka loa i ikeia.  Ho@ la ka olelo, a ai i ke kahu."

                                                                                    HILO @