Ke Aloha Aina, Volume II, Number 20, 16 May 1896 — Page 1

KE ALOHA AINA

 

E hooopuka mau ia aku ana mai ka Poakahua ka Poalima o na pule a pau o kela me keia mahina.

Ka Uku Pepa, he 20 keneta o ka pule.  No ke kope hookahi, he 5 keneta.

E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

E pau ia no na Olelo Hoolaha, na Kanikau me na Mele Inoa, me ke Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

E hoouna pololei mai i na Nuhou La Kumumanao, na Olelo Hoola @ na Kanikau a me na Mele Inoa i ka Lunahooponopono o keia Pepa.

Aole @ e hoopukaia a hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa @noi.

 

Ka Nupepa Puka Pule

KE ALOHA AINA

H@ Makahiki      $2.00

E@ Mahina          1.00

E@ mahina          .50

Hookahi Mahina  .20

 

JOSEPH NAWAHI

Lunahooponopono a Puuku o

KE ALOHA AINA

 

EDWARD L. LIKE

Hope Puuku.

O na kauoha Nupepa me na hookaa Dala e hoouna pololei mai i ka Lunahooponopono ma Honolulu.

KEENA HANA:  Aia ma ke Keena Loio o Joseph Nawahi, maluna o ka Hale Uinihapa o Mr. Damon, ma ke kihi o na Alanui Moi me Betela, ma Honolulu.

 

HE MEA KUPANAHA MAOLI.

Ka Hoomaau ana o na Poe Opiopio Hawaii i ka Inu Waiona.

 

Maloko o keia mau po aku nei, ua hoea ae kekahi poe keiki opiopio i uluhia ia e ka waiona ma ke aumoe, me na hana hoomainoino maoli i ko lakou mau kino maikai a ke Akua i haawi mai ai.

He mea oiaio maoli, eia ka Lahui Hawaii ponoi iho ke hana ino nei i ko lakou lahui, mamuli o na hana hoomainoino e hoopokole ia ai ko lakou ola ana.

O ka auwana wale o na keiki opiopio Hawaii, e au ana i kahi e loaa ai na mea ona, e hoolilo ai i ke kino, i mea koho holoholona a waiho wale i kona kino kaikai i ke alanui, a i kahi pono ole paha, he kumu hoolike ia i kahi e kau mai ai ka ma’i, ka ena a me na poino maluna o ke kino, a mahope aku, ua lilo he kino mai paha, a mahope aku, ua lilo paha ia i mea e poino ai na poe opiopio, a mahope aku, ua loheia mai la ua make kela keiki, opiopio loa nona na makahiki he 17 wale no, a 18 paha, a 20 paha mau makahiki.

O ka make koke ana o kekahi keiki opiopio mamuli o ka hahai ana i ka ona, ua pepehi oia i kona kauoha, e hooulu ae i ka lahui, no ka mea, aole oia i mare i wahine, e hooulu ai i ka Lahui Hawaii.

Ina i hele like na opio Hawaii a pau ma ia hana, alaila, ua loaa kekahi kumu e hoopau ia ai ka Lahui Hawaii.

Ua ili no keia hemahema maluna o na makua Hawaii, aole e hiki ia lakou ke hoole mai, ina ua lilo ka lakou mau keiki i poe ona.

He mea hiki no ke noonoo ia, a ke hanaia, i mea e hoopakele ai i na opio, mai ka hele ana ma ia kulana.

 

HOOPANEE LOA IA.

 

O ka Bila Kanawai hou a ka poe Hui Karistiano i hana ai a waihoia aku iloko o ka Ahaolelo e pili ana i ka hookamakama, a i ka la inehinei, Mei 11, ua hoopanee loa ia e ka Hale Makaainana, a ua make loa aku la.

He mea keia e hoomaopopo ai na poe misionasi, aole ia lakou ka hapanui o ka poe o ka Hale Ahaolelo.  Ua okoa ka wa i hala, a ua okoa aku keia wa e hele nei, mahope aku, aole loa e paa ana iloko o ko lakou lima, ka Hale Ahaolelo a me ke Senate.

Ua hewa lakou i ka wa e noho Aupuni Moi ana, aole he kue nui ia o na hana Karistiano.

I keia wa o ka Mana Aupuni Repubalika, ua hiki ke hoole mai, a ke kiola loa ia mai ke noi a na poe misionari a me ia ohana like.

Ua manao lakou o keia ke Aupuni nana e hooko mai ia mau manao o lakou, no ka mea, na lakou hoi ia Aupuni i kukulu.

O keia mau manao a pau loa aole ia he mea ano hou, aka, he mea kahiko mai no.  Ma kela Kau Ahaolelo aku, e loli ana na mea a pau loa, alaila, ua lilo aku na hookele ana iloko o ka lima o na poe malihini.  Aole anei pela?   Aka, nawai i hana ia mea?  Na oukou no.

 

OIA KA MEA OI LOA AKU O KA POINO.

 

No ka nui loa o ka poino i kau mai maluna o ka oihana mahiai ma Hawaii, nolaila, ua manao kekahi, o ka lawe hou mai i kekahi ano holoholona ano nui ae i ko ka Mangoose e luku ai a ai a pau loa Mangoose i ka make, oia ka mea kupono loa.

He kuhihewa loa ia, a he mea e hooi loa ia aku ai na poino ma ia hana ana.

Pehea la?  Ina lawe ia mai ia holoholona nui ae, a hiki i Hawaii nei, a hookuuia e hoolaha i mea e ai aku ai ina Mongoose a pau, aka nae, aole ona ai ina Mongoose, e like hoi me ka ai ole o na Mongoose i na iole, alaila, aole anei oia e ai aku ana ina mea e ae?  A ina noho like ka Mongoose me ka Iole, a noho oluolu hoi ia holoholona hou, (Kanegaru paha) me kela mau kamaaina, alaila, aole anei i oi loa loa aku ka pilikia?

Mahope aku, ike kakou he holoholona hoopoino loa keia, alaila, makemake hou e kii i holoholona nui ae, i mea nana e pepehi i keia Kanegaru, alaila o ke kii ia no ia o ke Golira a laweia mai i Hawaii nei i mea e ai ai i kela poe holoholona, aka, aole oia e kii e ai ia lakou hele mai oia a hakaka me na kanaka mahiai, a pau loa lakou i ka make iaia a pau loa hoi i ka ai ia e ia holoholona ino loa!

He hana hoopoino wale keia i ka aina a me ka lahui, mamuli o ka lawe wale ia mai o na holoholona i maopopo ole maoli ko lakou ano a me ka lakou mau hana.

E nana i ko Australia poe e luku nei ina rabati.  He holoholona maikai kela i ka manao o kekahi poe, aka, ma ka aina i laha nui ai kela ano holoholona, aia hoi, he mea hoopoino maoli, ia ina oihana hooulu o ka aina, no ka mea, pau loa na mahina ai, me na ulunahele i ka ai ia e na miliona o neia ano holoholona, a poino na kanaka.

Haawi ke Aupuni ina makana no ka luku ana ina rabati, aka, aole pau laha mau aku no ina wa a pau loa.

Pele ke Aupuni Moi o Hawaii i hookaawale ai i mau haawina dala mahuahua, no ka luku ana aku ina manu ai raiki a heaha ka hopena?  Noke na mea a pau i ka pepehi a molowa, eia no na miliona o na manu ai raiki ke noho mai nei.

He mea pono ina Luna Aupuni ke makaala i keia mea hoopoino maoli.

 

Ka Hopena o na Hana Kamalii, ua haule wale.

 

O na hana kamalii, oia na hana paa pono ole, holo pono ole, a helelei wale iho no.  Ua kaawale na hana a ke kamalii, mai na hana i kapa ia, na hana kanaka makua.  No ka mea, o na hana i kukulu paa ia, a i holopono me ka makaukau loa a me ke kuhihewa ole.

I ko makou hoomaopopo ana ina hana a ka Aha Kuhina o ke Aupuni Repubalika o Hawaii nei, ua ike makou i ka haule wale ana o ka lakou kumuhana ano nui i lawe mai ai e hooholoia e ka Ahaolelo.  Aole hookahi wale no haule ana, aka ua hapai hou ia, a ua hoomoe hou ia no.

He hoike keia o ka hilinai, ole o na hoa o ka Ahaolelo i keia kumuhana hou a na Kuhina lawe mai ai.

Ua haalele mai ka Aha Kuhina mua o Farani, @ wale no o ka hooko ole ia o @ kahi mea, e pili ana ina @ lawa ana aku ina pualikoa @ Madegaseta, aole mamuli o kekahi kumuhana maoli e like me keia.

I ka holo ole ana o keia @ ua maopopo kona ano i @ ai, a i ka hoohalike ana @ mau hana, ua like loa me @ hana a ke kamalii.  O ka hopena, ua haule wale, a ua @moeia ma ka papa.

Aole o keia wale no na @ kamalii, eia mai kekahi o @ hana kamalii iloko o ka olelo hooholo Biba Aie o $3,150,@ a McCandless.

Ua ulu mai na manao hoo@ akeeo maoli kohu kamalii @.  aole e hiki ke hooko aku @ Lunabooko o ke Aupuni @ mea, ina no ia e hooholo @ ana.

No keaha la keia mau olelo a me na manao i hoopukaia ai pela?  Me he mea la, ua manao keia poe, no lakou po@ neia waiwai a lakou e kamailio nei, a e hoohuakeeo nei.

Ma keia maopopo ai na hana a ke kamalii, a o ka hopena o ia mau hana, he holopono ole, a haule wale.

 

KA AHA KUHINA HOU O FARANI.

 

UA LOAA IA M. MELINE KA LANAKILA MA KA WAE ANA.

 

       Parisa, Aperila 20.  Ua hoopukaia ae i keia po, ua loaa ia M. Meline ka lanakila, i ka wae ana i kona Aha Kuhina, a oia iho keia.

       O Meline, oia ke Kuhina Nui, a kuhina no ka Mahiai, o Barthou, oia ke Kuhina o na Aina E, o Cochery, oia ke Kuhina Waiwai, o Lebon, oia ke Kuhina o na Panalaau; o Valley oia ke Kuhina Kalepa, o Kenela Billet, oia ke Kuhina Kane o Darlan, oia ke Kuhina Kanawai, o Adimarala Bernard, oia ke Kuhina Aumokukaua, o Jacombe, oia ke Kuhina o na Hanahou, o Ramband, oia ke Kuhina Hoonaauao.