Ke Aloha Aina, Volume II, Number 19, 9 Mei 1896 — Page 6

KE ALOHA AINA

 

NUHOU HOPE LOA.

_____

            Ma ke ku ana mai o ka mokuahi Mariposa i keia kakahiaka, Mei 7, ua loaa mai na mea hou no elua la ka makamaka hou loa, a hiki i Aperila 30, a’oia ka makou e panee aku nei imua o ko makou poe heluhelu no ko lakou pomaikai, a oia keia malalo iho nei.

 

LIULIU HOU NO KE KAUA

_____

 

Aole i Hope Iho Ka Moku Bermuda no na A@imoku Sepania.

_____

 

NA HAALELE IA JACKSONVILLE @E NA LAKO KAUA @AHUAHUA HE 400 KANAKA.

_____

 

He Eha Mau Moku Holomama Sepania e hoomakakiu nei Iaia.

_____

 

Jacksonville, Apr. 27.  Ua puka aku ka mokuahi Bermuda me na lako kaua no na poe kaua o Cuba i ka po nei mawaho o ka boe oe ka waha o ka muliwai St. John ma ka hora 5 a keia kakaihaka, a aia oia ma kona ala moana no ka mokupuni o Cuba e holo la.

            Aole oia i lawe ina mea kaua wale no, aka, ua hoike pono ia mai no, aia he 400 poe kanaka pu e hele la no ka hakaka ana i ke kuokoa o kela mokupuni.  He 150 wale no mau kanaka o ka mokuahi Bermuda i kona wa i pili mai ai i ke awa a o kekahi 250 poe e ae, no onei aku ia, a no lalo aku nei o ka nuku muliwai.

            I ka wa mamua mo o ka hiu ana ae i ka heleuma.  Ua holo aku he eono waapa hoolana no ka hoopae ana aku i na lako kaua o ka moku, oiai, ua haalele iho lakou i kahi kaumoku o Clydeline no ka halihali ana aku i na mea kaua a ua hoopiha pono ia no hoi na waapa eono me na kanaka.

            I ka wa i pili aku ai na waapa i ka moku, ua pinana koke aku la na kanaka ma na alapii a mahope, a i wa pu no hoi ua huki koke ia ae la na waapa iluna o ka moku.  A ma ke kokua ana a kekahi mokuahi kolo, ua lawe koke ia aku la oia ma ka muliwai.

            O kekahi 100 kanaka ua loaa aku ia mawaena o Jacksonville a me ka nuku muliwai.  O keia poe mai Fermandina mai ma na kaahi kuikawa, oiai, ua haalele lakou i ke kaa he 7 mile malalo aku o Jacksonville a kau mai ma ka moku kolo muliwai, a lawe aku la ia lakou iluna o ka mokuahi Bermuda.

            Ua olelo ia ae, he hookahi hapalua o kela 400 kanaka he poe Amerika.  O Konela Lay@e Vidal, oia ka Alihikaua o keia huakai a o ka elua o na Lunakoa oia o Konela Torres.

            Ua oleloia ae ma Key West, na haawi ae ke Aupuni Sepania he uku makana, ke hoopihoia ka moku Bermuda, a i ole, ke hopu pio ia oia, ina no e loaa ana ma na kai kiekie a ma na wai i noho kuikawa ia.

            Ua manao na Sepania, ina e holopono ana ka hoolele ia mai o na lako kaua ma kaua mokhi Bermuda, alaila, e pau ana ia mau mea i ka nalowale aku, Aohe makau o na poe o Cuba no ko ka moku Bermuda lawe ia aku e ka poe Sepania.

            Ua olelo ae na Cuba, ua hiki lea i ka moku Bermuda ke auhee a holo mama ina moku Sepania ke alualuia, a ua hiki no ia lakou 400 ke hakaka me ka ikaika loa a hiki i ke kanaka hope loa.

HOPU PIO IA E KA MOKUKAUA SEPANIA.

_____

 

KEKAHI MOKUKUNA HOOPAE I NA MEA KAUA NO NA POE KIPI.

 

            Hawana, Apr. 29.  O ka mokukaua Sepania Mensagero, ua hopu pio aku oia, a lawe mai iloko o ke awa i ka mokukuna Amerika nona ka inoa Competitor o ke Ki Komohana a ua piha pono hoi ua wahi mokukuna la i na lako kaua.  A maluna ona o Alfredo Laborde, Dr. Bedia a me ekolu mau poe kakau nupepa, i hoopaahao mua ia.

            Ua oleloia ae, o kekahi o na poe filibuster, ua pakele aku lakou ma ka lele maoli ana aku mailuna o ka moku a au iuka.  O kekahi poe nae i lele ai iloko o ke kai, ua poho aku lakou a pau i ka make.  A o ke Kenerala kipi Monson, oia pu kekahi iluna ma ia huakai.

            Mawaho ae o na lako kaua i hopu ia ai maluna o ka mokukuna Competitor, aia he 3 mau pahu o na palapala hoolaha kuahaua a me kekahi mau palapala ano nui e ae.  O Dr. Vedia Mesa kekahi mea i hopu pu ia a paa maluna o ka moku me kekahi poe e ae.  Ua haawipio aku oia iaia iho (pela ka oleloia) iloka o ka Mana o Sepania.  Ina he oiaio ia mau mea i loheia no kona haawipio, alaila, e kupilikii loa ana oia.

            O kekahi o na mea kakau nupepa maluna o ka mokukuna oia o Hamilton kona inoa.  O kekahi poe, ua hoole, aole ae e hai aku i ko lakou mau inoa.

            O na poe pualikoa kiai o Palama, ma ke kahakai o Pinar del Rio, e noho ana ma kahi kokoke i kahi @ikeia ai e ka mokukaua.  Ua lilo a paa ia e lakou he 32 mau pahu lako kaua, oia na ukana i ho@@@e mua ia mai ka mokukuna mai.  A ua paa pu hoi i ka hopuia he @@@ kanaka i manaoia he mau Amerika.

            O ka poe filibuster i pau ai i ka au iuka o ka aina, ua kipuia mai lakou mai ka mokukaua mai, e kokua ana i ka mana aupuni ma ka aina mai, a ua make he ekolu o ia poe i au ai.

 

UA HOAPONO O CLEVELAND IA SEPANIA

_____

 

AOLE KA PERESIDENA E IKE AKU AN AINA POE HOOKAHULI AUPUNI O CUBA.

 

            Nu Ioka, Apr. 29.  Ua olelo me ka nupepa, “The Journal,” uwea o Madrid:  Ma ke koho ana aku i kela palapala a ke Kuhina Dupuy de Lome, aole oia wale no ke kumu no keia mau manao hoapono i haawiia aku e ke Aupuni, ina manao koi a Amerika Huipuia.  Ua huli malie au me ke akahele loa, a ua hoonaauaoia mai hoi e kekahi Mana Aupuni maikai loa.  Ua loaa aku la ia Kuhina Taylor o Amerika Huipuia e noho la ma Madrid iloko o na la pokole i hala aku la, he hoonaauao piha mai Wasinetona mai, e pili ana i ke kulana hana ma Cuba.

            He manawa loihi loa ka ke Kuhina Taylor i kamailio pu ai me ke Kuhina Nui Canovas del Castillo, a o ka hopena o ia mau kamailio ana, ua hoike ia mai ma ka inoa o Peresidena Cleveland, i ka manao ikaika loa e hoopaa mai ana, oia hoi, e like me ka loihi o ka wa e hiki ole ai e holomua na poe hoohaunaele, a hiki ole ia lakou ke kukulu iho ia lakou maluna o na kumu i apono ia e na kanawai lahui, a me ka hoomau ana i ke kaua, e like me ia i hoakaka ia ma ka palapala a Kenerala Grant, pela e hiki ole ai i ka Peresidena ke ike aku ina poe hoohaunaele.

            I ka panai ana aku no keia manao hooiaio ana, ua hui kukai olelo aku la o Kuhina Nui Canovas me ke Kuhina Taylor no ka hoouna ana aku ia Peresidena Cleveland i ka manaoio maoli o ke Aupuni Sepania e pili ana i ka ae ana aku ina manao kalaiaina, a me na hana hou hooholomua ma Cuba, iloko o ka manawa a na poe hoohaunaele e waiho koke mai ai i ka lakou mau hana.

 

HOAUHEE IA NA ENEMI O NICARAGUA.

 

            Nu Ioka, Apr. 29.  Ua hoouna uwea mai ka mea kakau o ka nupepa Herald mai Managua mai, e olelo ana.  Ua hopu pio ia kahi noho hoomoana o na poe kipi ma La Paz, e Kenerala Zelaya, he nui na poe paahao i lawe pio ia aku.  O Mamotomobo hoi, ua haule pu no oia iloko o na lima o ka Mana Aupuni, malalo o Kenerala Reyes.  Ua hoi aku la kahi noho paa o na poe kipi ma Leon.

 

HOAAHUIA NA PAAHAO @@@NIA INA LOLE O@@@O.

_____

 

UA AAHU NA POE KIPI INA @@@ KOA O NA POE SEPANIA I MEA HOOPUNIPUNI AKU

 

            Havana, Apr. 30.  Ma Guayable he mau la @@@@ aku nei, ua hoopuniia e @@@ Maceo he 380 poe koe Sepania me kekahi pualikoa ikaika @@@, a ua paa lakou i ka hopuia me ka hoao ole e hakaka mai.

            Ua hookuu aku oia ia lakou me ka hoonele ina lako kaua, a hookomo iho ia la lakou @@ lole onionio o na paahao o lakou, a hoouna aku la ia lakou i Guanjay.  O na poe koa Sepania, aole lakou i hoolako ia me na lole pale ili o loko.

            O ke kumu o keia hana ana i loaa ia lakou na lole aahu koa like loa me kona pualikoa Sepania.  O na lole aahu koa o na poe koa i haawiia aku i na poe kipi, he mea ia e apuhi aku ai i na poe koa Sepania iloko o ka wa kaua.

            He elua pule mamua aku nei ua hookokoke mai he puali o na Sepania ma Gunes a ike mai la, me ka manaoio mai, he mahele kela o kekahi puali koa Sepania maluna pono o ka puu e kokoke mai ana.

            Ia wa, aloha aku la ka puali Sepania i na poe maluna o ka puu me ka leo o ka ole.  Ia wa no hoi panai mai la na poe maluna o ka puu i ka lakou pane ma ka ole.

            I ka wa i aneane kokoke aku ai na Sepania he 300 iwilei ka mamao, ia wa akahi no a ikeia aku, he puali kela no na poe kipi, a ia wa, na hookuu mai la lakou i na mea make maluna o na puali Sepania.  He nui aku na poe Sepania mamua o na Cuba, aka ua amaamau mai la ka lakou ki‑papa ana i na wa a pau loa, a na ia mea i hookuemi hope i na poe Sepania no ka hoomaha ana iloko o ka pioo nui ana, no ka mea, ua puni lakou i na lole aahu koa like loa me ko lakou iho no.

 

NA ALAKAI KIPI KUE I KE AUPUNI TRANSVAAL.

_____

 

KUNIHINIHI KE OLA O HAMMOND A ME KONA POE HOA.

            Pretoria, Aferika Hema, Apr. 29.  Ua hoike aku o Dr. Leydo, ke Kakauolelo o ke Aupuni Repubalika o Aferika ia Sir Jacobus Dewet, ka Agena Luna Aupuni Beritania ma keia la, o ka hoopai make i kau, ia maluna o John Hays Hammond Konela Rhodes a me na poe e ae, ua kukaia no, aka, aole no i hooholo ia, heaha la ke ano o ka hoopai e kau ia ana.

            Ke noho nei ka Aha Hooko ma ke kumuhana, e noonoo ana no na hoopai i kau ia e ka aha inehinei.

            Ma ka hoopuka ana ina olelo hooholo maluna o na poe @@@, ua pane ae ka L@@@ @@@wai, he mea mInam@@@ kana oihana, ke kau a@@@ i ka hoopai kiekie loa, a@@@ manaolana kona, e hana a@@@ Mana Hook@@ ia mea, @@ ana ina poe, paahao e @@ me kana i hoike aku ai i @@ hoomaka ana o keia makahi@@@.

            He mau palapala hoopii lo@@@ hoopihaia me na inoa ma@@, a ma Johnnersburg, e no@@@ i ka Peresidena, e kala pi@ aku ia Hammond a me koa@@@ hoa like.  O na kiure Bo@@@ mamua o lakou i hoahewaia a@@@ ua hoike ae he pono lakou k@@ hoole aole i hewa, a pela @@ hoi, ua kakauia he mau mem@@ morial e nonoi ana i ka Ma@@ Hooko no ke kala ana mai.

            Ua hoole pili oihana ae k@@ Loio Kuhina i ka hoike e olel@@ ana, he aelike kekahi i hoohol@@ ia e hoomama ae ana i ka hoo@@ pai i kauia maluna o na alaka@@ ma kela hooulu hoohaunaele, @@ pili ana i ka lakou pane ana, @@ hewa ma ka hoopii e pili ana ia@ lakou.

 

NA LONO MAI BULUWAYO MAI.

 

Ma na lono hope loa mai nei, ua pau na poe Matabele paele@ i@ ke auhee me ka make nui iloko o na hoouka kaua ana mai nei, a mamuli o ke auhee ana o na poe kipi kamaaina, ua manaoia, ua hoakoakoa hou aku lakou ma kekahi wahi hou aku, no ka hoala hou ana mai e lele hui mai maluna o na poe Beritania, aka, eia na Beritania ke makaala loa nei ma na k@lana a pau loa.  Ke awiwi nei na hoomakaukau i kaua ana ma na wahi a pau loa ma Aferika ma ka akau, ka hikina a me ka hema, koe wale no ma ka aoao komohana, malia paha o ala hou mai no lakou, e like me na hana a keia poe.

_____

 

HUI PIWAI ALOHA AINA O KAPUUKOLO.

_____

 

            Me ka awakea o ka Poaono nei, Mei 2, 1896, ma Kapuukolo, i pahola ia mai ai he papaaina i luluu me na kohi kelekele a ka Puukolu, e ka Hui Piwai Aloha Aina o Kapuukolo.  I ke kani ana ae o ka hora ia a oi iki i noho iho ai kela a me keia e nuu i na mea‑ai i hoomakaukauia e ka puuku o ka Hui, a ua inu hoi a kena i ka wai o ka niu a ko’u ka puu o ka mea maloo i ka wai i ka niu o Poikai, a aohe mea a na makamaka a me na lala o ka Hui Piwai Aloha Aina o Kapuukolo e hoohalahala ai no na mea i hoomakaukauia mai ma ka papaaina.  Mahope iho o ka pau ana o ka nuu ana i na kohi kelekele i hoomakaukauia, ua malamaia ke mau lealea me ka maluna i ku i ke ano o ka papaaina, a hiki wale i ke ano ahiahi, a ua hoi hoi kela a me keia no ko lakou home pakahi me ka maluhia.

            Ke haawi aku nei ka mea kakau i kona mahalo i ka @@@ o ka Hui Piwai Aloha Aina o Kapuukolo no kana mau mea i hoomakaukau ai no ka hanohano no lala o ka Hui