Ke Aloha Aina, Volume II, Number 15, 11 ʻApelila 1896 — Page 2

KE ALOHA AINA

 

2          KE ALOHA AINA, @ APERILA 11, 1896

 

KE ALOHA AINA

Hoopukaia no ka

P@aikai o ka Lehulehu, a he Nupepa na ka Lakui Hawaii.

 

1. NAWAHI, Lunahooponopono a Puuku.

E. L. Like, Hope-puuku.

 

HONOLULU, APERILA 11, 1896

 

UA HOEA MAI I KE AKEA.

            Ua ike iho nei makou maloko o na nupepa Star o ka la 8 nei, a me ka Advertiser o keia la 9, i na huahelu auhau pakahi i hookaa ia e na Hui o na ano a pau loa maloko nei o keia aupuni.  Ua hoea mai keia ma o ke Komite War hoonohonoho Au@u la o ke Senate.

            Aia wale no ka hoi la! Heaaha la ke kumu hoole o ke Kuhina Waiwai, i ke koi aku o ka Lahui e ike ia na auhau o na poe waiwai?

            Aole no paha oia i makemake e ikeia keia mea, aole hoi e hoolaha akea ia, aka, ua hookoia mai ka KE ALOHA AINA i koi ai, e ae ia mai ka lahui e ike ia mea, ka poe nona ke kuleana oi aku, mamua o ko ke Kuhina Waiwai manao hoole mai.

            Aia a loaa ia makou he manawa kaawale, alaila, e hoike aku makou ia mau mea, no ka pomaikai o ko makou poe lawe nupepa, a me na mea a pau.

 

KO ENELANI KULANA I KEIA MANAWA.

            Aole he wa mai kinohi mai o ka hookumuia ana o ke ao nei, i loaa ai ka ike pookela ia Enelani, ma ke kulana, oia ka oi a me ke kiekie ma ka mana kaua o ke ao nei, aole hoi he lahui nana e alualu aku ma ka lako, a me ka piha o kona lahui me ke dala.

            O Enelani i keia wa, ke hooikaika nui nei oia e ku kaokoa nona hookahi ponoi iho, me ke kokua ole mai o na mana aupuni e ae.

            Mamua aku nei, ua komo pu oia iloko o na aelike ana me na aupuni mana nui o Europa, no ka huipu ana e kokua i ka paa ana i ka maluhia o Europa, a me na aina e waiho ana malalo o ko lakou mau hoomalu ana.

            He mau makahiki loihi i aneane 50 i hala ae nei, e noho pu ana o Enelani me Farani, Italia, Rusia, Austria a me Geremania iloko o ka ohana hookahi, e malama ana i ka maluhia o ko Eutopa a pau.

            Ia wa e hooikaika mau ana o Enelani, e hoonui mau i kona aumokukaua ina makahiki a pau loa.  Ua holopono ia hana ina makahiki a pau loa, a i ka hala ana ae o na makahiki he 50, aia hoi, ua hiki aku la kona mau aumoku pookela i keia la maluna o ka 500 mau moku kaua, a ke pau keia makahiki, e loaa ana ia Enelani he aneane 650 moku kaua ikaika loa.

            A ina e hoohui pu ia me na moku liilii a me na moku lawe ohua e hooholo ia nei ma na kai a pau loa, alaila, e lawa ana he aneane 2,000 moku kupono a i makaukau maoli no na hana hoonee kaua.

            Mawaho aku o keia huina, aia he 2,000 poe moku hou aku e hiki ai ke mahelehele ina hana mamua ae o ka wa kaua.

            Ua hiki mai o Enelani i keia la maluna o kekahi oioina kiekie loa o ke ao holooka aole mea nana e hoole mai.

            Ua hoomanawanui o Enelani me ka hana malie, me ka olelo ole, a i keia wa, ua hookoia ka waiwai o kana mau manao i hoolala ai, no ka mea, ina e hoohui ia ae na aumoku kaua a pau loa o na aupuni o Farani, Geremania, Rusia, Italia, a me Austria, he ole lakou i ko Enelani.

            Ano, i keia wa, ke a-a nei o Enelani e ku hookahi e paio no kona lanakila, a e rula i ko ka ao holookoa.

            Ke lili nei na aupuni o Europa no keia holomua o Enelani, aka, heaha ka waiwai o ka lakou mau manao huahua, no ka mea, aole a lakou dala e kukulu ai i aumoku kaua nui, e hahai aku ai mahope o Enelani.

            O ke dala, aia ia me Enelani a nolaila ka hiki e kukulu i aumoku kaua, ke makemake ae i aumoku.

 

            O keia mau olelo ma na nupepa e olelo ana, aole e hiki ia Enelani ke hoomau i kona noho alli ana maluna o na Aupuni Repubalika o Aferika Hema, he mea olelo wale iho no ia, aole he uhane iloko o ia olelo ana, no ka mea, aole he mea a Beritania e hapai ai e hana a hooko ole ia.  E lohe ana kakou maloko o keia mau la pokole iho, i ka Beritania hoonee kaua ma Aigupita, a ma Soudana Panalaau o ka Hema o Aferika.

 

NA HUI MAHIKO A ME NA HUI OIHANA.

OAHU.

            He 5 hui mahiko ma ka Mokupuni o Oahu nei, nona ke kumu waiwai io he $1,907,000.  O na huahelu i helu ia i Iulai 1, 1895, he $1,617,680.25.  O ka auhau i hookaa ia, he $12,282.56.

 

Ke ike mai la kakou i keia haule ana mai ka $19,070, ka auhau, a i ka $12,282.56.

 

MAUI.

            He 9 hui mahiko ma ka mokupuni o Maui, nona ke kumu waiwai io he $12,885,000.  O na helu auhau @ he $5,@17 @ auhau i @ he 23,656.57

 

            Ke ike nei kakou i ka haule aha mai ka $128,850 ka auhau, a i ka $22,556.57.

 

HAWAII.

            He 17 mau hui mahiko ma ka Mokupuni o Hawaii, nona ke kumu waiwai io he $9,300,000.  O na helu auhau ana ma i Iulai 1, 1895, he 6,684,839.23.  O ka auhau i ohiia, he 43,739.36.

 

            Ke ike nei kakou i ka haule ana o ka auhau, mai ke 93,000 a i ka $43,789.36.

 

KAUAI.

            He 6 hui mahiko ma ka Mokupuni o Kauai, nona he kumu waiwai io he $3,770,000.  O na helu auhau hoi i Iulai 1, 1895, he $1,949,694.38.  O ka auhau i ohiia, he $21,146.44.

 

            Ke ike nei kakou i ka haule ana o ka auhau mai ke $37,700 a i ka 21,146.44.

 

            O ka huina nui o na kumu waiwai io o na mahiko 37 mai Hawaii a Kauai, he 27,862,000.  O ko lakou mau helu auhau i heluia i ka la mua o Iulai 1895, he $15,674,668.  O ka auhau i ukuia e keia poe mahiko he $101,114.89.

 

Kupaianaha i Haohao Loa!!

            Ina ua waihoia ka olelo hoohiki no keia poe mahiko iloko o ke Keena Kalaiaina ma ka la 1 o Iulai 1895, he $27,862,000!  Alaila, pehea i hoemiia ai he $15,674,668, ma na Buke Helu Ahau o na Lunahelu o ka 1895?

            A ina hoi ua heluia he $15,674,668 ma na Buke Helu Auhau o 1895, alaila, pehea aku la hoi i emi loa ai ka ohiia ana o na Helu Auhau a i ka $101,114.89?

            O ka auhau e pono a ohia e ke Aupuni maluna o na poe mahiko no ko lakou auhau, he $278,620.

            O ke poho o ka Helu Ohi Aunau mamuli o ka hana a na Luna Helu Auhau, malalo o ke Kuhina Waiwai Samuel M. Damon, no keia makahiki nei, he $177,505.11.

 

            Ke ike nei ka Lahui, aole na poe Hui Mahiai ko i hookaa i ka hapalua a oi aku o ko lakou mau auhau i koe.  A ke manao nei makou, o keia paha ke kumu i makemake ole ai ke Kuhina Waiwai, e hoikeia ma ke akea, no na hana popopo malalo o kona oihana.

            Ua koi ia me ka hookupilikii ia na pe ilihune, no ka hookaa piha aku i ko laku auhau, aka, ke ike iho la hoi kakou, eia no na @ hulu @ iloko o ka @ hukihuki ole ia o ka @ lakou mau @.

            O ke kaulike a me k@ ka mea a olelo mau ia @ kanaka a pau loa, aka, @ hana kaulike, e pili ana i @ na a na Luna Auhau ma @ Pae Aina i keia wa?  Aole a @ ke pane ia mai, malalo o keia hoike i hoolaha ia @, mailoko mai o na mea i @ ia maloko o ke Keena Waiwai o ke Aupuni.

            He hana hemahema loa keia a i ole, he hana kue i ke Kumukanawai, no ka po@o o ka Waihona Waiwai o ka lehulehu, ina aole no ka pupule a hupo paha.

 

NA HUI OIHANA.

            O ka nui o na hui oihana lawelawe a pau loa maloko o keia paemoku he 60 no ia.  O ko lakou mau kuleana waiwai io maoli i hoohiki ia ma ke Keena Kalaiaina, ma ka la 1 o Iulai 1895, he $9,815,460.  A o ko lakou helu auhau i helu ia ma na buke auhau o ke Aupuni he $11,248,158.92.  O ka huina auhau nae i hookaa ia, he $27,997.68.

 

            Ina he hooko pololei na Lunahelu a ohi auhau o ke Aupuni, ina ua hiki ke ohiia he $98,154,60 no na auhau o keia aka, aole nae pela, ua hoemi loa ia iho he $27,997.68 ka auhau.  Ua kiola wale aku na Luna ohi auhau i na $70.156,92 me ke kumu kupono ole maoli.

            Aohe he wa i oi loa aku ai ka popopo ino loa o ka hana o ke Keena Waiwai, e like me ko keia wa e ike maka maoli ia nei.

 

            Ua mauaoio no makou he mau mea pono ole ma na huahelu auhau o keia poe imi waiwai, aka, ua hoea mai ka oiaio o ia mea, a ke manaoio nei no makou, aia he mau mea ano like o ka popopo maloko o ka oihana o ka Loio Kuhina!

            Haohao nui makou i ka hoopuka ole ia ae o kana hoike i ke akea, oiai ke hele loa nei iwaena o ke Kau Ahaolelo, eia nae, aole he mea i hoike ia mai imua o ka lahui no na hana i hooliloia ai na dala a@nui o ia keena oihana.

            He poho wale na dala i lilo no ke pai ana i kana Hoike, no ka mea, aole he hoikeia mai o ia mea imua o ka poe hookaa auhau.

            O keia anei o ke Aupuni a Kuhina Stevens i olelo ai: “O keia ke Aupuni o ka maikai loa i loaa mua ole ia kakou?”

            Kupaianaha ka hooponopono ana o keia Aupuni no na mea e pili ana i na auhau maluna o na poe waiwai a me na @ ilihune a uuku o k@

            Auhea ka hoopono a@? No keaha i @ia ai a emi iho @, a hoopiha pono @ na poe ilihune.

            E like me ke ano o k@ e hookele ana i ke A@ ke ano e hoea mai @ o ia Aupuni.  O k@ ano maoli o ke Aupuni @ a Cleveland i olelo ai ma@ haiolelo i ka Ahaolelo @ 189@.

 

NU HOU KULO@

            Ua hooleia kela olelo hooho@ Hilo poe Komite i lawe mai @ o ka Hale Ahaolelo.

            O Rufus Lyman sr., kai hoo@ aku ia he Hope Makai Nui no @ ma kahi o Williams.

            Ma ke kakahiaka nui ponipo@ Poalima nei i kapalulu mai ai @ meda mai Kapalakiko mai.

            Ua hala aku ka hui keaka lio @ @ai, ma ka Poakahi nei, a @ ana ia lakou he mau pule ma@ hahai ia nae lakou e na pomaikai.

            Ma ka Poakahi nei, ua hoohui @ ka berita maemae o ka mare o May Cummins a me Charles C@ton, e ka Makua Valentine.

            Ua haulele aku o Mr. a me M@caa i ka malama ana i ka haleau@ niwai, a ua hoi mai i ke kaona nei @ lawe ae o Mr. Stevens ma ia wah@

Aia ma kahi kokoke i ko B@ Ma Halekuai Kukaa, ma ka aoao Ewa, e paikau mau nei na koa @ mokukaua Adamu, ina Poalua a p@

            Ma keia ku-ana mai a ka Ma@ lohe ia mai ai, he elua mau hoo@ olai i hoopuiwa ae i na kanaka @ ana ma ka aoao komohana o H@

            Ua waiho ae na Pake Tela Lole @ Kauka a me na Loio Piha i ka @ mau palapala hoopii kue no kela @ kini hookaumaha hou iho a ke Au@ maluna o lakou.

            O ka Lei Hulu Mamo paha ke@ Ane Kaenaena i loaa ai ia oe, e p@ oe e hoihoi koke, a e loaa no ia oe @ uku maikai no kou malama ana, @ ua puka mai nei ka olelo hoolaha @ Ane Kaenaena o Kapuukolo.

            Poalua nei i hoea mai ai ka W@ mai Vanekoua mai.  A maluna @ ona i loaa mai ai ia makou na leta @ ka Bana Lahui mai, a e hoopuka @ ana makou ma kekahi aoao o keia p@

            Ma ke ahiahi Poalua nei i kipa @ ai ka Anela o ka make, a lawe aku l@ ka uhane o Mrs. Luahine Laolao, @ kona home noho ma Makaho, he @ paha a oi kona mau makahiki.  A@ no oia:

            Ua hoike ae na Pake o Hoao@ nei, e hoea mai ana o Li Hing Ch@ i anei nei ma kekahi la o keia mau @ hiea ae, ma kona ala e huli hoi a@ kona home.  Oia no hoi ka Pake waiwai loa o ka honua nei.

            Ua h@kuia kekahi mau makai k@ lio, ma ka po o ka Poakahi nei, @ laua e hele ana ma ke alanui Ema, i @ pohaku, no ka pouli loa, ua ike ole i@ ka mea nana i paki mai i ka pohaku aka, ua manao no laua no Manuela @ no.