Ke Aloha Aina, Volume II, Number 14, 4 ʻApelila 1896 — Page 1
| This text was transcribed by: | Inger Hojfeldt |
| This work is dedicated to: | Daughters of Hawaii |
KE ALOHA AINA
NILS BAY. HAWAII
UA MAU KE EA O KA AINA I KA PONO
JOSEPH NAWAHI EDWARD L. LIKE.
LUNAHOOPUKA A PUUKU. HOOKUMUIA I MEI 20, 1885 HOPE PUUKU.
@ HONOLULU POAONO, APERILA 4, 1996. HELU 14
ALOHA AINA
@ke@ aku ana mai ka @ Poalima o na pule a @ keia mahina.
@ 20 keneta o ka @. No ke kope hookahi, he 5 @
No @ mai ke Keena @ KE ALOHA AINA, a mai @ na Luna Lawe @
@ olelo Hoolaha, na @ Mele Inoa, me ke @ nupepa ma ka @ naia ke ole e @ ku pepa.
@ mai i na Nuhou @ na Olelo Hoola @ a me na Mele @ hooponopono o @
@ kuia a hoolahaia a @ na kolamu o @ o kekahi inoa @ e hoike mai i ka @ kona inoa @
Nupepa Puka Pule
ALOHA AINA
@Makahiki $2.00
@ 1.00
@ .50
@ Mahina .40
JOSEPH NAWAHI
@hooponopono a Puuku o
ALOHA - AINA
EDWARD L. LIKE
@ Hope Puuku.
@ Nupepa me na hookaa @ e ho@na pololei mai i ka hooponopono ma Honolulu.
@KEENA HANA: Aia ma ke @ a Loio o Joseph Nawahi, @ na o ka Hale Uinihapa o @ , ma ke kihi o na Alanui Moi me Betela, ma Honolulu.
W. WILIKOKI.
@ANA AINA A KUAI AINA.
@ I HOI KE HOOPONOPONO I @ waiwai o kela a me keia ano e waiho @ i @ waleia paha e kekahi poe @ al@ a pakaha.
@ no hoi ke hooponopono i na Wai@ pau malalo o ka Moraki a ano e ae @
@ ke huii maloko o na Buke Aupuni @ pohihihi o na palena a me ke ano @ o ia ana.
@ o ma ke Alanui Moi mawaena o ke @ @ a na Alakea, maloko o kekahi @ hal@ pili pu ala ma ka aoao ma Ewa @ o Kaia Gulika.
@A HANA: Mawaena o ka hora 9 @ ka hora 4 P.M.
feb26 1 m diy wkly.
@LIAM C. ACHI.
@ROKA O NA WAIWAI PAA.
@ mai a kuai aku ina Aina ina @ me ka makepono loa.
@ ia no na Palapala Kuai mai @ ku ole.
@a nei i na aina lehulehu iloko @ anakauhale a ma na wahi e ae @ ai aku.
@ no ke hoike ina olelo hooholo @no na aina hoopaapaa.
@, '96. 3ms-dly & wkly.
E Hoi Ana o Kuhina A.S. Willis?
O NA LONO HAUWAWA KEIA MA WASINETONA.
He nui na lono mamua aku nei no ko Kuhina Willis hoi i Amerika, a waiho mai i kona kulana Kuhina ma Hawaii nei, aka, aole paha i maopopo loa ia wa, e like me ko keia wa, oiai, ke hoolilo ia nei ko Mr. Willis mau lako noho hale no ke kudalaia. Aole paha ia he mea hooiaio i kona waino mai i kona kulana. Aka, ke olelo nei nae hoi ka nupepa Herald o Wasinetona, penei:
Nu Ioka, Mar. 17. Ke olelo mai nei ka nupepa Herala o Wasinetona, aole he mea haohao no ko Mr. Willis hoi hou ole aku i Hawaii, mahope iho o kona holo ana mai e hoomaha maanei. Ua hawanawana malu ia ae, he nui loa ka hoihoi ole o ka Aha Kuhina iaia, no kana hana i hana ai ma kona aoao ma kana mau hana no ka hoihoi ana i ka Moiwahine i Kona Nohoalii.
Ua loaa no iaia ka ikaika a me ke akamai e hoikeike aku ai i ka Moiwahine, a e heluhelu aku i ka hana hoohaunaele i Kana manawa i koi mai ai i na poo o ka poe nana i hoonele Iaia i kona Nohoalii. He wahi kanalua uuku loa no kona lawe hou aku i na noonoo hou ia ana. Oia hana ana, he mea ia e hoonohoia ai oia mawaho aku o ka ninau ana.
Mamuli o ia hooko hana ole ana, he mea hiki pono ole ia Willis ke hoohana akume ke Aupuni Hawaii o keia manawa, e pakela aku mamua o na manaopaa o ka Aha Kuhina mamua o ka loaa ana mai iaia he pane no kana hoike.
O na kupilikii oia mau hana ana, ua hala aku ia, a o ka manamana ka mea i loaa mai.
I ka pakui ana aku me keia o kona launa ana me ke Aupuni Hawaii, aole loa ia ma ke ano oluolu maikai, nolaila, o kona waiho ana aku i kana oihana, he mea no ia e hoohalike pu ia aku ai, me ka poe i manao ole ia o keia Makalii ae e hoea mai ana.
HE MANAO KOHO WALE.
E like me ka makou i hoike aku ai ma ka pepa o kela pule aku nei, pela no makou e hoopuka aku nei i kekahi manao i lohe wale ia, a i koho wale ia no ke kumu e hiki mai na mokukaua Beritania i anei nei.
He lohe wale keia, a he koho wale aku i na mea i maopopo ole, e oiaio ana paha, aole no paha, aka, aole ia e lawe ia he mea hoomaopopo ia kona ano io maoli, aia no a ua kupono me ka mea i manao ia.
Ua manao ia, he imi kahua hoomoe uwea moe moana keia huakai a na mokukaua e holo mai nei, a i anei no e kukakuka pu ai me ka poe mana kuleana, a ae ia aku, a hooholo ia paha na hana i manaoia ai, alaila, ua hiki ke hapai ia aku ia hana ano nui, e lawe ai ka uila i ka olelo a puni ke ao nei.
Oiai, ua maopopo loa, aohe manao mai o Amerika e lawelawe i keia hana a Hawaii e onou aku nei, a oiai, aohe a-a mai o na mea dala e kukulu no lakou ponoi iho me ke kokua ole mai o ke Aupuni o Amerika, alaila, eia no o Enelani ke hoomau nei i kela manao i hoolala mua ia, no ka ahai ana ae iloko o ko Beritania Mana, ka hookele ana o ka uwea uwila moana a puni ka honua holookoa.
O keia mau manao koho o makou, he mea wale no ia i nanaia aku mawaho o ka wahi o na mea huna, e maalo nei imua o Hawaii.
KE HOAHEWA NEI NO IA LAKOU IHO.
Ke ike nei makou i na olelo a ka nupepa P.C. Advertiser o ka la 27 o Maraki, e hoahewa ana no ia lakou ponoi iho, ka poe Anglo Saxon, no neia mau mea e pili ana i na Ninau Limahana.
Ua hiki ole ia lakou ke kau aku i na ahewa ana maluna o na @ Asia, a lakou i kauoha ai e hele mai i mau paahana ma Hawaii nei.
Na lakou no e kauoha nei e hele mai na Asia, a na lakou no e hoohalahala nei, me ka olelo e kipaku, a e hoopau loa i ka lawe ana mai i na Asia.
Aole o na Asia ka mea e poino ana, aka, o ko Hawaii no, mamuli o na hana kaulike ole o ka hookomo ana mai i na paahana.
Auwe! Ua hiki mai ka wa o na uluaoa no ke ola a me kahi berena e ola ai.
O KE KANAKA O KA ULULAAU KA OI AKU O KA IKE.
Aia kekahi ano lahui kanaka e hiki ke ike i kahi mamao loa me ka maka wale no, e like me ka ike ana a ke kanaka maa nana mau me ka ohenana. Ua noho lakou maloko o na waonahele ululaau ma Aferika Hema, mawaena o na ohana o na kanaka noho nahele. O ke ano o ka huaolelo, Bushmen, he ano Anglic o ka huaolelo Dutch, Bojsesman, o ke ano kanaka o ka ululaau.
O keia ano kanaka kohu maka ohenana, ua loaa ia ko lakou ike ma kahi mamao loa, ma ke ano maa ole maoli, wahi a Mr. Herbert Spencer.
Ina aole no ia ano, ina paha he kahiko loa no ko lakou loaaana ia mea. He poe liilii no lakou ma ke kulana kino i kupono no ka poe ahiu, a he mea maalahi wale no ia lakou ka hopu ana i na holoholona nunui weliweli, e holo ana ma kekahi aina o Aferika.
A mamuli o ka emi mau ana o ka nui o ko lakou mau kino ponoi, aole o lakou kupono i ka hakaka aku ma ke kulana like loa me na mea kaua me kona hoa paio kino nunui.
O na poe kaahele ma na aina e pili ana i kahi i noho ai o keia poe ike noho nahele, ua hoike mai i ka oiaio maoli o ka ike pookela loa o ko lakou mau maka.
I kekahi la, oiai kekahi kanaka Europa e hele pu ana me na poe hoaloha (bushman) kanaka noho nahele, ua ku iho la ka mea mahope loa o lakou, a kuhikuhi aku la-i kahi mamao loa me ka hooho ana, he Liona! Nana aku la ke kanaka keokeo a hiki i ka wa i poniuniu ai kona mau maka, aka, aole nae ana wahi mea iki i ike aku ai. Manao iho la oia, ua kuhihewa paha ke kamaaina, nolaila, hoomau aku la oia i ka hele ana aku imua ia wa, a olelo mai ia kona hoaloha iaia e ku iho.
I ko lakou wa i mamao loa aku ai imua loa, hele mai la ke kanaka noho nahele a papa ia lakou e ku malie, a kue loa mai la i ka nee hou ana aku imua i mau kaina wawae hou. No ka mea, e like me kana i hoike mua mai a, ua hiki iaia ke hoomaopopo aku, aole he liona wale no, aka, he mau keiki liona kekahi e momoe ana @
He mea pilikia loa, wahi ana, ke hoohaehae ia ka liona wahine i kona wa e hanai ana i na keiki.
He oia mau no ka hiki ole i ka Europa ke ike he liona, oki loa aku na keiki liilii, a no ia mea, hoomau aku la no i ka hele ana imua me ka makau ole.
I kona wa i hele mai ai, iaia he hapaha mile, ike aku ia oia he mea kino e nee ana i kahi loihi loa, ma kahi a ke kanaka noho nahele i kuhikuhi mai ai iaia.
Aka, oia mau no nae ke kanalua, ina ia he mea kino, aole nae e hiki ke koho aku me ia ike powehiwehi, a hookokoke aku no oia, a ike maopopo aku la i ke ano o ka liona wahine, e hoomaha hooluolu ana malalo o ka lalani ululaau.
O ka palena o ka mana ike o ke kanaka, ua kaupalena iaia mamuli o na kumu. Ina o ka hiki i ko kakou ikaika, ke hookumuia maluna o ko kakou hiki ke ike, a papalua aku ke mamao i ka mea hiki ia kakou ke hana, alaila, o keia mana i pakuiia, ua loaa no ia ma ka hana mau ana.