Ke Aloha Aina, Volume II, Number 11, 14 March 1896 — Page 7

KE ALOHA AINA

 

KE ALOHA AINA, POAONO, MARAKI 14, 1896           7

 

*(The majority of the first column is unreadable)*

 

            E ku@ ALOHA AINA OIAIO, e oluolu @e e ahai mama aku i keia mau io ponoi ou ma na kaiaulu o ko kaua aina aloha, anoai hoi, he ohana na kekahi @ kela lede e ola la ma Waiahole Koolauloa, i ike mai ai oia eia no o Mrs Maggie Poina Dandridge, ma Akron, Ohio nei.

            Ua ano pahemahema iki nae ka olelo Hawaii ia laua elua. A no Beni hoi ua maopopo kona ohana i ka mea kakau ma Honolulu.

            Ua haawi mai laua i ko laua aloha pumehana a nui i ka lahui oiwi ponoi, ua loaa like no na keiki a keia mau mea, ua make nae he elua a Sam. Beni mau keiki a he hookahi e ola nei, a he elima hoi mau keiki a Mrs Maggie Poina Dandridge e ola nei.

            He nui ke anu o i keia mau la i oi aku i ka mahina i hala o na wahi manamanalima a me na manamana wawae a me na pepeiao ka@ punahele loa i na mea o ke anu.

            A ke hala no hoi kou makaala i kou @ e @ ae ana ka @ iluna olaila e noho ai, ke alawa iho oe ua aiai i ka h@.

            He maikai no makou a pau, koe nae o Obeda ke nawaliwali o makou, Ua oki kaua maanei, a no kahi manawa hou aku.

            S. K. KAMAKAIA,

 

HE MOOLELO KAAO

-NO-

ANADAREA,

 

-A ME-

TIDORA.

 

-A I OLEIA, NO-

HILARIA

KA UI NOHEA

 

NAIPO ELUA I KE ALOHA HOOKAHI.

 

MOKUNA XIV.

KA PAKELE ANA O HILARIA A ME KA MAKE ANA O TIDORA.

            I ka wa o Hilaria i ike ai i ke lele loa ana ae o ke aho hope loa o Tidora a me na mapuna koko hoi e huai mai ana mailoko mai o kona puuwai, ua paiulu ae loa oia i kona mau maka me kona mau maka me kona mau lima a pane mai la:

            E Anadarea, e Anadarea, e haalele iho kaua i keia wahi, no ka mea, aole e hiki ia'a ke ku loihi maanei, a nana aku i na hiohiona weliweli e waiho mai nei mamua o'u.

            Ae, e kuu Hilaria, wahi a Anadarea Lalau aku la oia ma kekahi lima o Hilaria, a alakai aku la iaia no waho o ua rumi la.

            E Anadarea, ua ake anei oe aia ihea kuu papa aloha? wahi a Hilaria me no waimaka e haloiloi ana ma kona mau ih@ maka.

            Hoao iho la o Anadarea e huna i ka make ana o Rebino, kona makuakane, aka, ua hiki hou ole iaia ke huna iho oiai o Hilaria e ninau hoomano mai ana iaia no kona makuakane. A me ka leo kaumaha ua pane aku la oia:

            E h@ama e kuu aloha i kou aloha no kou papa, no ka mea, ua haalele mai oia ia kaua e ola kokoolua e ike hoi i na mea o keia ola ana, a ua hala aku hoi oia ma ke ala hoi ole mai, ua kuu aku @ hoi kona luhi.

            Auwe! e k@u makuakane ua haalele mai ka oe ia'u! A hiolo makawalu mai la kona mau waimaka me ka ehaeha e hoopulu iho la i kona mau papalina nohea.

            Mai hookaumaha e kuu Hilaria nona no ka mea, ua make oia e like me ka make ana o ke kanaka koa.

            E Anadarea! E Anadarea! Wahi a kekahi leo i pae mai ai.

            Eia no au, wahi a Anadarea.

            Aole i liuliu mahope iho, aia hoi ua hoea mai la ka mea nona ka leo i pae mai ai, a o ua mea la o Nikefarona no ia, a o na helehelena kaumaha hoi e @ekau ana ia maluna ona.

            Heaha ka pilikia? i ninau aku ai o Anadarea.

            E Anadarea, ua makemake ia oe e hiki koke iluna o kaoi a ko kakou mau koa e hoomoana la, no ka mea, ua hoea mai la he pualikea aupuni malalo o ke alakai ana a Belisaria, a ua hoopuni ae ia lakou ia waho o ka halealii nei, a ua hooauhee aku hoi lakou i ko kakou mau koa malalo o Hipita. Ke hoomaka mai nei lakou e komo mai iloko nei, me ka luku weliweli ana i ko kakou mau koa, nolaila, e wiki a mai lohi.

            Huli ae la oia me ka anehe ana aku e holo, aka, haupu koke ae la oia no Hilaria, e huli hou mai la ia Hilaria a puili ae la iaia me ka haawi ana aku he mau honi pumehana ma kona mau papalina a pane aku la.

            Eia au ke haalele nei ia oe malalo o ka malu o ko'u mau kanaka a na lakou hoi e malama ia oe me ko'u manaolana no e hui hou ana no kaua ke aloha mai na lani, oiai, he mea hoehaeha i kou naau ke ike mai e haule ana au he moe puu na ka maka o ka pahikaua a na enemi, a no ia kumu au e hoonoho nei ia oe.

            E Anadarea, e kuu Anadarea hoi, mai haalele mai oe ia'u e noho maanei, aka, ma kou wahi e hele ai malaila au e hele ai, a ma kou wahi e make ai malaila no hoi e waiho ai ko'u mau iwi, Oiai heaha ka waiwai o ko'u ola hookahi aaa i keia ao i na e ukali io aku ana oe ma ka meheu o kuu papa aloha i haalele mai ia'u. O! E Anadarea mai haalele ia'u ma kou aoao au a hiki i ko kaua pauaho like ana i ke ola ana ma keia honua.

            Ina pela ua pono, e hele e hele like no kauale kuu aloha, e alana i ko ka@a mau ola ho ka hoopakele ana ia Tureke a me kona lahuikanaka aloha mai ke alakaihewaia ana e ko laua mau moi iloko o na hana puuwai eleele, a i make auanei au e imi ak@ oe i kou wahi e pokele ai no ka mea, aole he poe kupono nana e kokua ia oe, wahi a Anadarea me ka holoi ana ae i kona mau wai naka e kiheahea ana ma kona mau papalina.

            O! Iloko o keia maa minute o ka ehaeha, ke kupilikii a me ka weliweli, aole loa au e haalele ia oe, aole hoi e hiki i kekahi mea kino o keia honua ke kaohi mai i kuu ola, ina au e ike aku ia oe e waiho oni ole mai ana iluna o ka papahele, i pane aku ai o Hilaria.

            E hele hoi ha kaua no kahi o na koa e hoomoana mai la.

            Ia manawa ua hopu aku la o Anadarea ma ka lima o kana aloha, a alakai aku ia no kahi a na koa e hoolulu ana.

            Aka, ia laua e hookoke aku nei no kahi o na koa, ua lohe aku la laua i ka haluku mai a me na leo hauwalaau o ka pioo mai kahi a lakou e hoolulu ana.

            Nolaila, me na kapuai mama auau loa aku la laua, a i ko laua wa i hoea aku ai malaila, ua ike aku la laua i na koa e puehu no ko lakou wahi e pakekele ai, ua pau hoi ko lakou manao no ka hakaka hou ana aku.

            Haawi aku la o Anadarea i na leo kaukau i na koa e auhee nei e kupaa hoi, a e hakaka no ka pono o ko lakou, aka, oia mau leo kaukau aole i heolohe ia mai.

            Holo aku la oia a kiai aku la ma kekahi @uka aniani, a ike io aku la ua hoopunlia o waho o ka haleal me na koa o Belisaria, a aohe hoi he manaolana no ka lakou wahi e pakele ai, aka, he hookahi mea nae ana i haohao ai oia ka puhee ana aku o na koa aupuni no waho o ka halealii, aole nae i maopopo iaia ke kumu.

            O ke kumu o keia puhee ana o na koa iwaho mamuli no ia o ka ike ia ana o kekahi ahi e a ana malalo pono o ka puka aniani a Anadarea e ku nei, aka, mamuli o ka pa ana mai o kekahi wahi makani kolonahe mamua pono mai o ka puka aniani, na ia mea i hookamoe ae i ka pii pono ana ae o ka uahi ma kahi o ka puka aniani, a no ia kumu hoi keia puhee o na koa iwaho, me ka mahui ole o Anadarea ke a ia nei ka halealii e ke ahi.

 

HE MOOLELO HOONI PUUWAI

-NO-

MASELANA.

 

Ka Ui Opio Noho Waoakua o Inia Komohana.

-A ME-

LEDE MEDI.

-KE-

Kaikamahine Puuwai Eleele o ka Lokoino nui wale

 

KA LUA O NA MOEUHANE MA KA MOANA ME KA PAKELE ANA O MASELANA

 

            Auwe! Eia au ke kii ia mai nei e kiola aku iloko o ka opu o ka moana, ehia ka hoi mea aloha, o kuu mama sia aole paha au e ike hou aku ana i kona mau helehelena, aloha wale oia, wahi ana i namunamu iho ai iloko ona.

            Naha mai la ke pani o ka puka i hoo paa ia aku ai, a komo mai la na kanaka iloko a hele pololei mai la no kahi a ia nei e noho ana iloko o ke eke, a kuku nui ae la ma na aoao.

            Ua make loa anei ke kanaka o loko o keia eke? wahi a kekahi o lakou i pane ai.

            Ina kou he kanalua no ka @ ake ole o ke kanaka iloko o keia eke huluhulu, e haawi iho i hookahi hauna pahi maluna o kona pauku kino, wahi hou a ka leo okalakala o kekahi mea i p@ana ae ai.

            Auwe no hoi-e, e make @o ana ka paha au, e aloha mai e na lani ia'u, wahi a ka kakou opio i namunamu iho ai, a kuiu iho la kona mau waimaka, me ke ano ano paupauaho o ka hanu ana.

            Me ke kali hou ole aku, wehe koke ae la ua kanaka la i kana pahikaua mai loko ae o kana apo ili, a paa ae la ma kona lima, a pane hou aku la.

            Me keia pahikaua anei au e luma aku ai i kona oi iloko o ka puuwai o keia kanaka make e waiho mai nei?

            Ae, a Selima, ina ua makaumakau oe no ka hooko ana aku i kau hana, e wiki mai kali, wahi a kekahi.

            Iloko o ia mahawawa, hoomaka aku ia ua kanaka la e uhau i kana pahikaua menemene a ke aloha ole maluna o ke kino o ka kakou opio a 1 ke kokoke ana iho e pa, ka oi o ka maka o ka pahi ma ka waha o ke eke, aneane 2 iniha wale no ke kowa, aia hoi, me ka eleu nui kekahi mea i lele mai ai ma mamao mai, a lilo ae la kana pahikaua a paa loa iho la oia i ka pulikiia.

            Heaha keia mau hana hoapaapa au e Selima, o ka hora 12 ponoi keia, ua make kena kanaka, a e lawe koke kakou e kiloi iaia iloko o ka moana, wahi a ua kanaka la.

            E hoomanao kaua e ka mea heluhelu aole no keia kanaka he mea okoa, aka, oia no ka mea i olelo ai i ke aloha ia Maselana (Dat Fur) ka ui opio, ma ka olelo Helena.

            Iloko no hoi o ia manawa i hapai ia ae ai ke eke ana e moe lolii ana, a hapai pu ia ae la me kona pauku kino, a kau iluna o kekahi hinee waiho kanaka, a lawe ia aku la e na kanaka no luna o ka oneki o ka moku.

            I ka lakou hiki ana aku iluna o ka moku, haawi ia ae la na huapule hope loa no ke kanaka make, (oia ko lakou manao) a iloko o na sekona pokole loa mahope iho, hoolei ia aku la ua eke nei a ia nei e moe ana, a koheoheo pu ana keia iluna o ka ili kai me na eke one malalo o kona mau wawae, a hala loa aku la ilalo o ka papaku o ka opu o ka moana.

            I ka manawa o ia nei i aneane aku ai e pa i ka ili o ke kai, aia hoi, wehe koke ae la oia me ka hikiwawe loa i kana wahi pahi pe@, a i kona wa hoi i hoomaka aku ai e komo pu iloko o ka hohonu o ka opu o ka moana, aia hoi, hoomaka ae la oia e okioki ia loko o ke eke a hemo ae la kona lima mawaho a oki hou ae la ia kaula i nakii ia ai ko waha o ke eke a hamama ae la, a iloko o ia manawa oia i pii hikiwawe ae ai mai lalo ae o ka papaku o ka moana a lana ae la iluna o ka ilikai.

            Nana ae la keia ma o a maanei a ike ae la oia, eia ka oia malalo o kekahi pali pohaku kiekie kahi i lana ai, a o ka leo halulu weliweli wale no o na ale ahiu o ka moana e popoi ana i kona mau paia ka mea a kona pepeiao e lohe aku ana.

            A ia a manawa pu no hoi ola i lohe aku ai i ka leo o kekahi poe e olelo ana ma kahi mamao aku, a ma kana hoomaopopo aku no luna no o kahi moku kiakahi penei:

            O! Auwe, aia la ke hele aia, nui ka minamina o kuu puuwai ia oe, e aho o kaua like no ke hele a hooluolu like aku ma ka opu o ka moana, wahi a ka leo o kekahi i pane ae ai, a hoomaopopo koke iho la no oia, aole no ka mea nana keia mau huaolelo he mea okoa, o ka leo aloha no ia o kona wahi hoaloha o luna o kahi moku kiakahi.

            Ano! E Selima, e kuu kauwa hoolohe, e kii koke oe i kekahi mau eke one ilalo o ka moku, a lawe mai iluna nei, e kiola pu kakou iaia nei iloko o ke kai, wahi a kekahi, hoomaopopo iho la oia, oia ke alii powa.

            Ia manawa ahehe mai la oia e hopu i ua na kanaka @, aka, mamua ae o ka pa ana mai o kona @ iaia nei, lele koke ae la oia me ka mama a kuho ana iloko o ke kai, a hookahi ka lana ka ana iluna o ke kai me Maselana.

            Lohe mai la ka kakou opio i ke kuho ana mai o kekahi mea iloko o ke kai a hoomaka koke aku la keia e au no ia wahi.