Ke Aloha Aina, Volume II, Number 10, 7 Malaki 1896 — Page 6

KE ALOHA AINA

 

6                      KE ALOHA AINA, POAONO, MARAKI 7, 1896.

 

(Mai ke aoao 5 mai.)

 

Aku la kona mau enemi iloko o na mauna.  He hoike keia no ka hoopanee wale no i ka manawa, me na poe pololi e waiho ia ana ma na eheu o ke kahua kaua.

            O ka moeuhane a na poe kipi, e puka kino mai o Gomez me 40,000 koa, a e hakaka no ka hoopio loa ana ia Havana.  He mea like ole maoli keia, mamuli o kela moku popopo i piholo ai me na lako kaua, a me na pukiniahi no na poe kipi, a he mea makehewa hoi ka hakaka ana aku me na lima.

            O ka manao o ke Kapena Kenerala, oia ka hoapua aku i na poe kipi a pau loa ma ka aoao Hikini o Cuba.  Ua paa kona manao e hooko aku i na hana ana pela, aole hoi ona manao kanalua iki no kea no ua o ka aina, he mea ia e hooko ole ia ai ia mau manao ona.  Ke hoohuoi nei lakou no kea no o ko Amerika Huipuia manao.  E kukulu wale ana i na manaolana kiekie maluna o na mea liilii loa, a e hoopii ana i na manaolana poho wale no na mea ano ole, a e manaolo ana o na haiolelo ana iloko o ke Senate, e manao ana, e hoea mai ana he aumoku e pulumi ana i ke kaikuono holookoa.  Ua makaukau lakou e hoolaha aku i na moolelo o ka luku hoomainoino ana, ola hoi ke kipuia o na poe paahao ma na papu ka mea nae aole loa he paahao i nalowale aku.

            Ua olelo a eke Kapena Generala, aole loa oia e hana a e kauoho aku e hoopaiia kekahi kanaka, koe wale no ina oia e hooiaio ia, he alakai no ka poe kipi maoli.

            O ka hookahe ana i ke koko o kekahi kanaka malihini ma kahi malu, he hana eepa loaia, a he mea hana hoomainoino wale.  O keia poe Lio o ka poeleele, he mea kupono loa e hoa ia aku a nalowale loa, a e hoikeia ka manao lanakila lahui maluna o na ninau ano nui o ke kahua pakiko, a me na pono o ke kanaka.

 

KA HOOKAHULI AUPUNI MA NIGARAGUA

 

UA KUKALA AE O ZELAYA OIA KA MANA HOOPONOPONO AUPUNI.

 

            Wasinetona, D.C. Feberuari 24.  Mamuli o na lono i loaa mai mai San Juan del Norte, Nicaragua, aia he hooulu hoohaunaele hou e holapu la ma ia aina.  Ua papia hoi na nupepa, aka, o na olelo hoike nae, ua lawe malu ia mai i San Juan, e na poe ohua mailoko mai o ka aina, e hoike ana.  O ke kulanakauhale o Leon, ua kukala ae i kona makemake ia baca, a e kue ana ia Peresidena Zelaya, a ua kauoha mai ia Zelaya e haalele iho.  Ua manao o Zelaya ua ikaika kupono loa oia, e kaomi iho i ka poe ala kue mai, a e paulele ana i na kokua ana mai o na poe Luna pili Aupuni o Honduras a me na poe Conservatives.

            Ua hoopau loa aku oia i na poe a pau loa o Leon i ka noho hana ana mai malalo ona, a ua koi aku la, e haawi pio mai i na lakokaua a pau o ke kulanakauhale, a me ka ae piha ana mai e hooko i na olelo kauoha.  E ake ana oia e loaa mai na kokua ana mai ia Zavala mai o Granda, ka Peresidena mua i pau.

            He nui ke kupikipiki o e mau la maluna o Nicaragua, a o ka oi aku, no na lakokaua a pau loa o ka Lahui maloko o Leon.

            O na lono i loaa hope loa mai nei, ua hoolilo maoli ae la no o Zelaya iaia iho i mea Mana Limaikaika, a no ia kumu, ua pau loa kona poe Kuhina i ka haalele mai iaia. O ka lono hope loa, aia na kanaka o Leon ke paa la i na mea kaua a he hakaka ka hopena e hia ana.

 

HE KUE I KE KUIKAHI PANAI –

LIKE O HAWAII NEI.

 

            Wasinetona, Feb. 21.  E hoomau ana no o Senatoa Jones, no ke kopaa ma ka haawi ana aku i na pomaikai o 15 pa-keneta e kaulike ana me ka pii ana ae ma ka Bila Kanawai Loaa Aupuni, e hoihoi hou ia aku ana nae i ke Komite Waiwai o ke Senate.

            He mau hooia ana no keia hookoia pela i haiia mai e kekahi keonimana i keia la, he mea i paulele nui ia ma na halawai lahui nui o ka aoao, a oia no hoi ke kokua nei i kana mau hana e pili ana i ke kopaa.

            He hoololi hoi ka Senate Caffery o Lusiana, e waiho pu mai ana me ka bila iloko o hookahi a elua paha la.  O ka hoololi i manaoia, e hoololi ana ia i ke Kanawai Panai Waiwai e ku nei, i mea a kapae loa ia aku ai i ka like ole e pili nei i ke ko o ka Hui Trust Amerika, a e hoopau loa ae i ka pauku e pili ana i ke Kuikahi Panalike o Hawaii, ke kumu e apono ia nei na ko o Honolulu mai e komo mai i Amerika Huipuia nei me ke dute ole.

 

KA HOKUWELOWELO HOU.

 

            San Jose, Feb. 15:  Ua loaa mai keia palapala penei:

            Lick Observatory Feb. 15:  He telegarama kai hiki mai, mai Boston mai i kahi nana hoku Lick, ma ka la 14 o Feberuari, e olelo ana, ua ikeia ka hokuwelowelo Perrine me he G la i ka 1895, a i nana ia ma Kill Geremania penei:  Feb. 12 7082, ka manawa ponoi ma ke Greenwich, ma ka piina welelau lani akau, 9 hora 15 minute 479-10 hoi-ana 20 h. 22 minute me 58 sekona.

            O ke kulana i hoike ma ke telegarama maluna ae, aole ia i like pu me ka mea i ikeia i malamaia maanei nei, no aneaneane elua pule i hala ae nei e O.D. Perrine.  I keia kakahiaka i kona waa e nana ana i kona hokuwelowelo, ua nana aku oia ma kahi i hoikeia ma ke telegarama mai Boston mai, a loaa aku la he hoku okoa hou ma kahi i hoikeia penei:

            Welelau Lani Akau, 19 hora 21 minute, 5795-100 sekona, hoi-ana 2 hora 19 minute 1 sekona ma ka la 15 o Feberuari o ko Greenwich manawa pololei loa.

            O keia hokuwelowelo hou, e nee awiwi ana i ka akau a me ka hikina, ua papalua ae kona olinolino i ko ka hokuwelowelo Perrine o 1895, a he hiki pono loa ke ikeia aku me ka ohenana he 3 iniha ke kaawale o na lene.

            He pokole loa kona welowelo, a hiki ole ke hoopaa ia mai, aka, aole nae he ikeia o kahi i hoopaaia mai ai.

 

PII KA HUHU O NA BOERS O TRANSVAAL I NA POE BERITANIA.

 

New York, Feb. 24.  He telegarapa mai ko ka nupepa World mai Cape Town mai, ma Aferika Hema, e olelo ana:  O ka Hui Kalaiaina o Rustenburg, ma Transvaal, ko Peresidena Krkeger hui punahele loa.  Ua apono iho la he olelo hooholo e hoike manao pakahi ana penei:

            Oiai:   Ua hoike ae na manao o ka lehulehu ma Enelani e pili ana i ka Jameson mau hana powa kolohe.  O Beritania Nui, oia ka enemi nui o ke Republika o Aferika Hema, a

            Oiai:   O na Enelani, ma kea no lahui, oia no ka enemi lokahi o na Dutch Aferika, e like me ia i hooiaio ia ma na hana a ka mea i olelo mua i a maluna ae, e hooulu mai i na hoopilikia ana i na Boer, a e luku loa aku hoi ia lakou, nolaila;

            E Hooholoia:   E pono e noho makaukau na Boer no ka hoomau ana aku, ina no he haawina poino loa ia e loaa mai ana.

            E Hooholoia :  O ke Aupuni o Transvaal e helu pu ia me na hoa o keia Hui no ka hoomakaukau ana e sila ia ka lakou mau olelo me ko lakou koko.

 

KA PILIKIA MA FARANI.

 

Ladana Feb. 23:  Ua olelo ae ka mea kakau o ke Times ma Parisa penei:  Ua waiho mai ke Senate i ka Poalima aku nei, me ka manao kue a ohumu no ka hoololi Kumukanawai ana.

He mea kupono loa e lokahi like me ka Aha Kuhina hou e kohoia ana no ka hoololi ana i ke Kumukanawai, a e kukulu hoi maluna o ke Kanawai i ke kulana a lakou e ku ai, a i ole ia, e auhee ana na Senate a nalowale aku, alaila, e huki ia aku auanei o Farani iloko o kekahi Ahaolelo poino loa.

 

NO VENEZUELA.

 

            Ladana, Feb. 24.  Ua manao ia i keia wa, e koho ana o Beritania i Komisina nona no Venezuela, e like loa paha mea a Amerika i hoeu ae nei no ia wahi hookahi no, iloko o keia maa mahina aku nei.

 

KA OLELO HOAHEWA I KA AMBASEDOA O AMERIKA.

 

            O ka nuhou no ka olelo hoahewa i hooholo ia ma Wasinetona no ko lakou Ambasedoa ma Ladana, ua hoea mai ia iloko o ka ka wa kupono ole.

            O Mr. Bayard ka mea nana i hoopiha i kekahi mau kulana kiekie o kona aina ponoi iho, ua holomua kona ohohiia ma o kakou nei.

            Ma kahi la mai, ka wa o ka Elele a ka Peresidena , ua ohohia nuiia oia me ka paipaiia ma kekahi paina awakea keaka ana i kipa aku ai, a i kona wa e paina ana me na hoa Loio o ka Halehookipa Linekona, ua nui na hooho hauoli ana mai ka heluhelu mai.

            Aohe kanaka e hiki ai ke hoonohoia e kokua ma kahi e hoopau ai ina hoopaapaa ana me ke ano hoaloha, a nolaila, he nui ka manao minamina no ka hana a ke Komite o ka Hale Ahaolalo Makaainana, no ka hooholo ana he olelo hooholo ano e, no ka mea e pili ana i kana haiolelo ma Beritania Nui.

 

MAI KE STANDARD MAI O FEBERUARI 4.

 

            O ka olelo hooholo a ka Hale Ahaolelo o Amerika, e pili ana i ka Amebasedoa o Amerika, e hoike ana ia, i ke oolea maoli o ka Noho Luna Aupuni ana ma Amerika, he mea ole loa ia, aka, he ola o ka malamalama oluolu loa.  Oia nae, aole ia he ninau hiki ke loaa he mea e hoahewaia ai uona.

            Aole loa keia he mea na ka poe Enelani e hanaia ai pela, aka, aia wale no a hoike oiaio ia ka manao hui kokua like maoli no Mr. Bayard; a ke pakui aku nei nae hoi, ina oia e kauoha mai ana, ina paha ma kona aahu kaua ponoi, a ma kekahi ano e ae paha, e haalele iho i ka noho Emebasedoa ana, e mahele pu ana no oia i na luuluu i kau iho maluna ona ma keia aina i kona wa e kaawale aku ai.

 

MA KA ADVERTISER KAKAHIAKA MAI O FEB. 3.

 

            O ka olelo hooholo hoahewa ia Mr. Bayard, ka Ambasedoa o America Huipuia, he mea nui ia na kona noonoo e hana ai, maluna o na ninau @ kuloko o kona aina iho @ mamua ae o kona mana@ no kakou nei.

 

MAI KA MORNING POST @ FEB. 4.

 

            O ke kulana Ambasedoa @ Europa, ke hoohalikeia @ me ke ano o ka Amerika@ hoike kukala akea ana @ o ka lahuikanaka Ame@ o lakou na huapuka kie@ nei ina mea a pau loa e @ hahili i ko lakou ano @ ko lakou wa o ka poino @ na mea a pau loa, ua m@ ke makou i hookahi h@ ana no ka hoolealea an@ ke koho Peresidena ana. @

 

UA HALA O REV. W. B.@

 

            Maloko o ka Halem@ wahine, ua kuu mai @ ola ana o Rev. Wm. B @ i ke 63 o na makahiki @ ola ana, ma ka po o ke kolu nei Maraki 4, 1896@

            He keiki kamaaina @ na Koolau o Oahu nei, @ kona one hanau.  Ua @ ma ke Kula Nui o Lahainaluna, ma na makahiki @ 1861.

            Ua koho oia i ka @ Haiola iwaena o na la@ uli o Maikonisia, a ua @ i Hawaii nei, he mau m@ i hala ae nei, a ua noh@ Ekalesia ma kekahi wa@ Kauai, a na @@ @ wali, a pela mau a hiki @ hala ana aku ia.

            Oia kekahi o na kana@ nao hana no Karisto m@ noi iho, me ka  l@n@wili @ na manao o keia poe e @ pau nui nei no ko keia @

            Aia me kana mau @ me na ohana o ka me@ aku ko makou mau @ aloha e hahai ana, a e @ ana makou ina luuluu @ noho makua ole ana o na@ Na ke Akua no nae e ho@ mai ia kakou.

 

            He 6000 kapuai ke kiekie @ Burns i pii ai maluna o ka @ iho mai ai.  Ua olelo ae o@ make no oia e hoomau aku @ iluna, aka, no ka manao loa @ hiki pono ole iaia ke hanu, @ kaohi i kona pii hou ana aku.

            Ma ke awakea o ka la S@ i ku mai ai kahi mokukaua @ malu i na paha p@ mai @ ko mai, no ke pani ana ma @ moku kaua Beninetona, e @ ana i keia awa @ K@ Poakolu ae.

            Ma ka la @ Feburari @ lama ia ai ka hakaka @ ka inoa moho o ke @ waena o Peter Maher a @ Fitzsimmons.  Ua iho @ inoa moho o ke ao @ Fitzsimmons iloko @ sekona @ o kekahi p@@p@@ @@ lalo o ka auwae e Maher @ aku iaia, a hiki h@ @ ke ku @ o Fitzsimmons.