Ke Aloha Aina, Volume II, Number 7, 15 Pepeluali 1896 — Page 1

KE ALOHA AINA

 

HILO BAY , HAWAII

UA MAU KE EA O KA AINA I KA PONO

HOOKUMUIA I MEI 20, 1895

Joseph NAWAHI

LUNAHOOPUKA A PUUKU.

EDWARD L. LIKE.

Hope PUUKU.

 

HONOLULU POAONO, FEBERUARI 15, 1896.

HELU 7

 

@OHA AINA

@  au @a aku ana mai ka @  a P@  nia ia na pule a @  mahina.

@  20 keneta o ka @  e papu hookahi, he 5 @

 

@  p@  mai ke Keena @  LOHA AINA, a mai @  na Luna Lawe @

 

@  Hoolaha, na @  Mele Inoa, me ke @  nupepa ma ka @  hounaia ke ole e @  uku pepa.

 

@  na Nunou @  Olelo Hoola @  a me na Mole @  hooponopono o @

 

@  a hoolahaia @  na kolamu @  o kekahi inoa @  hoike mai i ka @  kona @ 

 

@  Pule

 

@HA AINA

@ .....................$  2.00

@......................    1.00

@......................      .50

@......................      .40

 

@MA WAHI

@  a Puuku o

@  HA - AINA

@  D L. LIKE

@

@  me na hookaa @  pololei mai i ka @  Honolulu.

 

@  HANA:  Aia ma ke @  Joseph Nawahi. @  Umihapa o @  ke kihi o na Ala @  P@  ma Honolulu.

 

@  nu Mocking.

@

@  keia manu?  Oia @  nana maikai loa o @  na mai.  He mele @  a ia ma ka inoa o @  ua kapaia ke mele @  ocking.

@  iilii no keia, a he @  a poelua a me na @  kal@  a i na mea @  mea kanu. @  na manao o @  ho@  pono ke hoo@  ia ana manu ma @  a @  hoolaha ae a @  na @  paakiki o ke@  ka noonoo ole i @  oea mai ana maluna o kakou mai keia ano manu mai.

  E like a like ana keia manu me ka manu ai-raiki, a heaha iho nei ko kakou pomaikai i ka manu ai-raiki.  Aole anei ua alawa, ua pau ke aho i ka poino a ia manu i hana mai ai, e noke nei i ka ai i na hua raiki?  A i mea aka, keia e hoomaoe hou ae nei o na poe haole nei, e lawe hou mai i ino hou?

  Ke hoike nei kekahi mea akamai pili moolelo o na manu a keia ano mocking, e ai ana oia i na poelua a me na poko; a ina aole e loaa he mea i koe o ia ano, e ai aku no oia i na hua o na mea ulu.

  He 10 hapa haneri paha o na hua raiki a pau o na kihapai raiki o Hawaii nei, kai lilo aku i na (Mynah bird) mau ai raiki, alaila, ina hoi e hookomoia mai ana na manu Mocking, alaila, ua pau hou aku he 10 hapa haneri o na hua raiki i ka ai ia e lakou, alaila, ua like ia me 20 hapa haneri ke poho o ka poe mahiai raiki i keia ano manu hou.

 

  E hoonaauao ina hale aina a me na Hale Hana Naaukake.

 

  Ma kela Poaha aku nei, ua hiki mai ko makou hoaloha Manuel Silva, a hoike mai la i kekahi mea pono ole i hanaia e kekahi Pake hana naaukake, oia hoi, aia iloko o ka oolopu naaukake he elelu ua komo pu iloko o ka wa i hana ia ai, ua ike ia keia mahope o ka ai ia ana o kekahi mahele o ka naau.  O ka ninau a ka hoaloha, heaha la ka mea kupono e hana ai?  O ka makou pane aku, e lawe ia mea a hoike aku i ke Keena Oihana Ilamuku.

  Mahope mai, ua haiia mai, ua hopuia ua Pake la, a ma ka bela i hookuuia ai n ka hookolokoloia.

  E hoonaauao na poe e hele mau nei ma na hale hotele o na Pake, e nana pono i ka maikai a me ka ole o ka oukou mea e ai ai, a ina aole he maikai, e hoike koke i ke ino o ia mea ai imua o ka lehulehu, a i ole imua o ka mana Aupuni i mea e hoopauia ai na hanaino ana iloko o na mea ai.

  Pela pu no hoi me na hale hana naau kake, e nana pono me ke akahele, a e hoomaopopo i na mea a pau, oiai, aole o kakou makemake e hanai ia mai me na mea ino i uku no ka kakou dala maikai e haawi aku ana.

 

NUHOU KUWAHO.

UA KOI POHOIA O VENEZUELA E KE AUPUNI GEREMANIA.

  Berlin, Ian. 27.  Ua hoole oihana aupuni ia ae, ka makaukau ana o elua mau moku kaua Geremania e holo aku no Puerto Cabello ma Venezuela, e koi aku ana no ka uku ana mai, no na poe hana alanui hao malaila, a oia ka mea i manao ia ai, e hoolele ia aku ana na koa marina iuka o laila.

  New York, Ian. 27.  He palapala kai loaa mai nei i ka nupepa World, mai Caracas mai, e olelo ana.  Ua hoike ae na papa pai, ia koi mai nei na Geremania no ka uku ana aku i na aie alanui hao, he hana ia na na enemi o ke Aupuni Venezuela, i mea e hoouluku ai i ke kulana o ka noho ana.  O ke koi, e hooponopono ia ana ma ka mea e hoolike ai.

  He halawai kue i na poe Enelani kai hoakoakoa ia ae maanei nei.  O na poe wahine o Venezuela, ua hoolala ae lakou i na mahele o na ahahui, no ke kue ana aku i ka aina o ka lahui a e oki pu ae i na waiwai lako hale a pau loa o na poe Enelani.

  O Ramon Guerra, ke Kuhina Kauai ua loaa ia oia i ka mai, a aia oia malao o ka malama ana o na kauka.  A o Rojas, ke Kuhina o na Aina E, ua oluolu ae oia, a ua hoi ae oia ina kona kulana.

  Ladana, Ian. 27.  He palapala mai Caracas mai, a ka nupepa Time e hoopuka ai i ka la apopo, e hoike ana i ke akakuu malie ana iho o laila, mai ka uluaoa pihoihoi mui ana, mai ka haiolelo mau a Peresidena Cleveland, a i keia wa, ua loaa ka maluhia, aole he mau hana hoopoino e pili ana i na waiwai, a i na kino kanaka hoi.  Ua hana maikai aku hoi na poe Venezuela i na poe Enelani.

 

KA WAIWAI O KA MEA WILI PUKA

  He nui na kumu noonoo i hoolaha la, no ka mea paahana e wili ia ai a loaa na kumu pukapuka he lehulehu wale ma ka aoao o ka moku i uhi paa ia me na pale kila.

  O keia mea wili puka ua hoolewalewa ia mai kekahi apahu laau mai e paa ana ma ka aoao o ka moku.

  Aka, e like me ka mea maa mau, aia no he elua mau ano au ikaika loa e holo ana maloko o na uwea moe moana, a i ka mea hoonee.

  O keia ano au, ua lilo oia no ka hooikaika i na mana mageneta, e ku ana ma na ano wawae mai ka welau mai o ka mea mana hoonee, a ma ka hoohuli ana ae i na lima o ka mea paahana, ua lilo ia i mea paahana ia wa, ua lilo ka moku ponoi iho, i honua.

  O keia mea paahana, ua hoopaa ia aku oia ma ka aoao o ka moku, a o ka nee ana ae o kekahi manamana kuhikuhi, oia wa e hoomaka ai i ka wili ana i ka puka, a e hoomau ana kona wili ana ma ka aoao o ka moku a hiki i kona wa e puka ai, alaila, pau iho la, he 60 a 70 paha ona oniniu ana i ka minute hookahi.

  Ke hoolakoia ia ne, na pa kapili moku me keia mea ano paahana ma Enelani.

 

MAI KA NATIONAL ZEITUNG MAI.

    Ua hooholo no o Enelani i kona manao, a e ike i ko Geremania hana mau ana, ma ka aoao hoehaeha mai, ma na mea like ole he nui wale, ana i komo pu ai, a hiki i ka wa ana e ike pono ai, aole he mea o kakou i kuleana e poino ai mai kana kumuhana mai.

  Ina o Rusia e hui pu ana me Geremania a me Farani, ma ka ninau o Transvaal, alaila, o ia hui lahui ana, ka mea nana e hoohua nui mai i pomaikai, e hoea mai ana maluna ae o ka laina iliwai kalai aupuni, no ka ekolu o ka manawa.

 

NAI KA NOYOYE EREMYA MAI.

  Me he mea la ia kakou, he mea holomua loa ko Rusia, ina oia e huipu mai ana ma ke kumuhana a Geremania, Holani, Farani a me Potugala ma keia ninau.  O keia lawena hana, he mea ia e hooia ia ai ka lokahi ana o na Holani a me Potugala, na aupuni no na panalaau he lehulehu wale na Aferika Hema e hiki ai e kokua ia e ko kakou aumoku holo mama, iloko o ka wa hooulu kaua me Enelani, a ma ia mea e hoopuipui ae ai ma ko kakou hoohana ana ma ka moana, he mea nana e hooweliweli aku i ko Inia a me Australia waiwai hookomo mai.

 

HOOLAHA PAPA!!!

  E ike auanei na kanaka a pau, ma keia, owau o ka mea nona ka inoa malalo iho nei, no Pauoa Honolulu Oahu, ko Hawaii Pae Aina, ke papa aku nei i na mea a pau loa, aole e hoaie mai ia Kahale (w) ka'u wahine mare, no ka mea, o ka elua keia o na mahina o kona haalele kumu ole ana mai ia'u a me ko maua wahi moe.  Mahina o na mea a pau e kue ana i keia ko lakou mau poho iho.

D. H. HOLANI.

  Pauoa Honolulu, Ianuari 22, 1896.

 

OLELO HOOKAHA!!!

  E ike auanei na kanaka a pau ke nana mai.  Owau o ka mea nona ka inoa malalo iho nei, ke hoike aku nei au me ka oiaio a ke kukala aku nei au ma ke akea, imua o ka lehulehu, ua haalele ino, a kumakaia mai ka'u wahine mare o Mrs. Lahela Kalua Kaleohano, aia oia ma ka poli o ke kane manuaha.  Ua haalele i ko mua home oluolu a me ka noho ana kuonoo o, aole o'u kuleana i koe maluna ona a pela oia ia'u, a ua nele loa oia i na lako a me na pono a pau i loaa i u ia maua i ka wa e noho pu ana.  Nolaila, ke papa loa aku nei au i na kanaka a pau aole hoaie iaia ma kuu inoa, o ka mea hoaie wale aku iaia, aia maluna ona ke poho.

K. H. KALEOHANO.

  Kapuna, Laie, Koolauloa.  Ian. 27, 1896.

 

HOOLAHA KUE AKU!!!

  Owau o ka mea nona ka inoa malalo iho nei, no Iwilei, Honolulu, Oahu; ke kai kuahine pono i o Kaikianu (k) i make aku nei ma ka hora 10 p.m. o ka la 2 o Ianuari M. H. 1896, a no ka mea, ua hanaia kekahi palapala hoolilo i ke awakea no o iala, e hoolilo aku ana i kekahi waiwai o Kailianu ia Malia Kaaukuu.

  Ma keia ke kue a ke hoole loa aka nei au a o makou no a pau loa o ka ohana ponoi o @  iliano i make, i ka pono a me ka paa oia palapala i hanaia ai, mamuli o ko Kailianu maopopo ole i kona mea i onou ia ai e hana.  Owau no o

KALALIKE (w).

  Honolulu, Ianuari 6, 1896.