Ke Aloha Aina, Volume II, Number 4, 25 January 1896 — Page 1

KE ALOHA AINA

 

HILO BAY, HAWAII

UA MAU KE EA O KA AINA I KA PONO

HOOKUMUIA I MEI 20.1895

JOSEPH NAWAHI                                                                                       EDWARD L LIKE

LUNAHOOPUKA A PUUKU.                                                                    HOPE PUUKU.

 

HONOLULU POAONO, IANUARI 25, 1896          HELU 4

 

@AINA

@@@

@@@

 

@Peresidena Dole.

@@@

@@@

 

 

maoli no ia, no ia hana i olelo ia. He mea hoonele mai ka hoohui aina ia makou, a i ka nui o makou, i na oihana.

          Ma na kulana oihana kiekie, aia malaila na kanaka i mohai aku i ko lakou mau kino, na waiwai, a i poino hoi ka lakou mau oihana lawelawe, no ka hooko ana aku i ka lakou mau kauoha.

          He mea maopopo loa, he epa loa ke olelo ae, o kela makemake no ka hoohui aina, he mea hoike hoopunipuni wale no la.

          Ke hooikaika nei makou me ka manaoio hana, a ke manao io nei no au, ua makemake no na kanaka ia kumu.

          No ke ano o ka hoohui aina ana, e halawai mai ana ia me ko kakou mau, noonoo ana, he mea paakiki loa nae ke olelo ae no ia mea.

          O ke ano Aupuni Teritori i ho@no e ole ia, mai ke ano i hoohanaia ma na Teritori o Amerika Huipuia, oia ka mea kupono loa.

          Malia o ke alanui maikai, oia ka hoomahuahua ana ae i ka holomua mai ko kakou kulana hooponopono o keia wa e noho nei.

          O na Mana Aupuni Mokuaina, he mea maopopo no ia, ua hoomaka ia na olelo hooholo maluna o na Hale Dute, na Hale Leta a me na Ahahookolokolo Mokuaina.

          O ko kakou Aupuni hoi, aole ia he mea pono ke kaupalenaia mai e Amerika Huipuia, e like pu ana me na Teritori. He mea pono e kukulu ia he kulana ano hou i mea e kupono ai i ko kakou mau pono.

          E pono e like loa me ko Enelani, ma ke kukulu ana i kekahi panalaau hou. Aole loa no nae he ano kulana hana. O kela a me keia panalaau, ua hoohui ae la e like me ka mea i kupono no ke kumu i koi ia mai.

          Ma ka pane ana aku i kekahi hoike manao a Miss Field ua hai ia aku iaia, ina aole i Amerika Huipuia e hoohui o na Paemoku o Hawaii, alaila, e haawi aku ana lakou ia Enelani. Ua pane ae o Mr. Dole. „O ko makou kahua hana maoli, oia ka hoohui ana aku ia Amerika Huipuia.“

---

 

Ko Makou Manao iho.

 

          Ke hoomaopopoia ma na olelo ponoi i hoea maoli mai mailoko mai o ko Mr. Dole puuwai ua ikeia, ua puka ae na hua haakea, mai luna ae o ka laau ohia, aole hoi he ohia maoli.

          Ua hoike ae lakou, ma o keia kukai olelo ana a Mr. Dole me Miss Kate Field, „O ka hoohuiaina, he mea ia e hoonele ia ai lakou i na oihana kiekie o ke Aupuni.“ –

          He mea oiaio keia @. No ke aha la? No ka mea, aia a lilo keia aina, a hui pu me Amerika Huipuia, alaila, ua lilo ka hooponopono ana o na oihana a pauloa, iloko o ka lima o ka lehulehu, a iloko o ka hapanui o ka poe kupono i ke koho balota o ka Lahui Hawaii. Ia wa, pau ae la ka hoomalu ana, a me ka noho mana ana a ka poe kakaikahi lima nui, a lima lepo, a hao oihana aupuni. Noleila, ua pololei ka olelo ana mai a Mr. Dole. „Aia a hoohui ia keia paemoku me Amerika Huipuia, alaila, nele lakou i na oihana! – Hiki no!! A pono no hoi!!! –

          Aka, e nana mai kakou i na huaolelo helu a kaukau mai a ua o Dole. Heaha ia? – O lakou ka poe i mohai aku i ko lakou kino a me na waiwai, a i pono hoi na oihana, mamuli o ko lakou kokua ana e hooko i ka lakou mau kauoha hookahuli Aupuni Moi!

          Ae, ua helu iho la lakou nei, no ka aha? No ka mea, ua ike lakou, aia ka hele mai la ke ahi mamua o lakou, e hoopau ana i na opala, a waiho malaelae iho i ke kahua aupuni, no ka hana pono a ka lahui e hana aku ai.

          A heaha hou aku kekahi? Aole i maopopo iki ia lakou nei ka lakou mea i nonoi aku ai e hana ia mai.

          Ke nonoi aku nei lakou i bere, a aka, he pohaku ke haawi ia mai ana, e ka Ahaolelo o Amerika Huipuia, (ina hoi e hookoia ia mea.)

          Ke makemake nei lakou nei o ke Aupuni Teritori i hoololiloli ole ia, oia ke kupono loa, aka, kupono ia ia wai? Kupono ia ia lakou iho no, aole nae i ka kapanui o ka lahui Hawaii.

          Ke olelo hou ae la: O ke ano kahua hou o ka hoonohonoho Aupuni ana, e like loa me ko na Panalaau o Enelani i hookahuaia malalo o na rula o Beritania oia hoi ka mea kupono loa ia kakou?

          Heaha ko lakou nei mea i ake aku ai e hahai mahope o ko Enelani mooa hooponopono aupuni, a makemake ole hoi i ko Amerika? Eia i lohe mai ko makou lahui Hawaii.

          Ma na loina maa mau o Beritania. Ina hele aku kekahi poe Beritania, ma kekahi aina kaawale, a noho ma ia aina, a hana i na hana, a kukulu i aupuni no lakou malalo o na hoomalu ana a ko lakou aupuni makua, alaila; o na poe ponoi nana i hapai, a i kukulu, a i hookahua i ke ano aupuni ma ia aina, i kinohou o lakou no ka poe noho lawelawe ma ia aina, a hiki i ka wa a ka lehulehu e komo nui mai ai e hoohana i na hana aupuni, a me na mana hoomalu kanawai.

          Ke nana aku nei o Dole ma, he ahona ia, mamua o ka hoohui ana me Amerika, a kaili ia ae na oihana aupuni kiekie a pau mai a lakou aku.

          Ae he hewa no ke diabolo, aka, ua ike e no nae oia i kona hoopaiia mai. Pela no keia poe, he mau hana aloha ole ka lakou i hana mai ai, aka, ke ike e aku nei no nae lakou i ko lakou hoopaiia a hoonele ia i na oihana aupuni, a lakou i kuko mua ai i mau pono no lakou, aka, ke hoike e mai nei no nae i ko lakou poino no ka mea a lakou i hana ai, ma ke kahua o na hana powa.

---

 

KA MAKOU OLELO A’O.

 

          E ka lahui Hawaii! Mai hopohopo, mai puni wale aku ia lakou nei, ke hoolilo ae lakou nei ia lakou i mau Anela o ka lewa.

          Ua lawa ka lakou mau hana ua nui ko oukou hoomanawanui ana, iloko o na popilikia i ulia mai maluna o oukou; mamuli o ka hana a kela poe lokoino.

---

 

Na Palapala

 

          Aole e ili maluna o makou ke koikoi o na hewa ana no keia mau manao i hoopukaia malalo o keia poo, aka, e ili no ia maluna o na poe na lakou i kakou mai.

---

 

Mai ka Bana Lahui Hawaii Mai.

 

Delaware, Ohio Dec 30, 1895

          Aohe a’u wahi mea e ae e hai aku ai ia oe, koe wale ino no na haawina ehaeha, a poino maopopo i kau iho maluna o makou, mamuli o na hana pepehikanaka maopopo a Willie Aylett a me John Wilson.

          I ka la 17 iho nei a makou i ku ai i Cleveland a me ka la 18 ae, ua hai mua aku no wau ia oe ina mea i hana ia maluna o makou. I ka la 19 ae, oia ano hookahi no, i ka la 20 ae, ua hoomaka hou no makou e puhi ia wahi no. O ka ohe, na Willie no, aole ma ke ano e like me mamua, aka, ma ke ano hoolimalima no $24.00 dala no 3 po, po o ka la 20, 21 a hiki i ka po o ka la 22, me ko makou uku pu i ka makai no kona kiai ana i ka ohe, oiai aia na mea a pau ma ka lima o ke aupuni.

          He $5.00 o kela a me keia la a me ke puhi ana, ua like me $25.00 no 5 la. O ko makou aina kakahiaka, ma ke kaa no, he wahi hapa palaoa me kahi kamano kini, aina ahiahi, ma ka hale inu rama, he 2 apana palaoa me kahi io bipi hala ka aina ahiahi, peia iho la ko makou noho ana ia mau la ma Cleveland.

          Pau, aku ka ohe, ka paiki lole na mea e ae a pau, koe mai ko makou wahi kapa i ka ili, a he me mea ehaeha maoli no o ka naau i ka nana aku i na helehelena haikea i hekau iho maluna o makou a pau.

          Ua haalele iho la makou i ke kaa mua o makou, a naue aku la no kekahi wahi hoolulu kaa okoa aku. O kahi

(E nana maka ka aoao 8.)