Ke Aloha Aina, Volume II, Number 3, 18 Ianuali 1896 — Page 7

KE ALOHA AINA

 

@DAREA,

 

@DORA.

 

@

 

@LARIA

 

@UI NOHEA

 

@LUA I KE ALO

 

@HOOKAHI

 

@KONA XI@

 

@

 

@ Heaha na mea i

 

@

 

 

@ ka home o Orida,

 

@ elele i hoo

 

@

 

@

 

@ E na

 

@ ka o mea i aloha

 

@ kii mai i kuu

 

@ ke kauwa

 

@Alaila, aia oia

 

@na rumi po

 

@ pa hoi oia ma

 

@ ua helu ia ko

 

@ puuwai eleele o

 

@ Hilaria, ka mea

 

@ aloha ai me ka

 

@ ua make anei

 

 halawai ai kuu haku me

 

@ ina, heaha no hoi kou

 

@ ai e ike iaia, ua kali

 

@ ae i na manawa a

 

@uina mau ia ana oia i ka

 

@kekahi nakeke, me kona

 

@ mau ana o oe ia e he

 

@ iaia, pehea ua hooma

 

@maua, i hele ole ae ai oe

 

@ wahi a Ipita @ pane aku

 

@ me ka leo kakana o ka

 

@ maina.

 

@ ka luahine maikai, ke ike

 

@ no ka hewa a ke noho

 

@ eha mahope o’a.  E

 

@ hai mai ia oe i keia lono

 

@maanei, a aole hoi au e

 

@ aku mamua o keia.

 

@ aia no anei kuu aloha ke

 

@hai mai ko’u mea nana i

 

@ au la pokole wale no

 

@ lo @ ai e hanu i na ea po

 

@rumi p uli, a mahope

 

@ awa e apahu pu ia ae ai

 

@ amae, ke loaa ole hae he

 

@na mai ia oe aku.

 

 

            Na’u e Hoopakele iaia?  Ae, e hoao no au e hoo pakele ma na ano a pau ina ma ka hoohlo ana i na alanui o keia ku lanakauhale i mau muliwai koko, a i ole ia, ina o kuo ola ponoi ka’u mea e molia aku i mea nona e pakele ai, ua aa loa au.

 

            E o’u mau hoaloha, ua lohe like ae la kakou i ka hoike a Ipita, e nei ma ana hoi e haawi aku i mau lima kokua no ka hoopakele ana i kona haku wahine, ka’u wahine hoi i aloha ai, aole anei olua e huipu mai ana e hoopakele ia Hilaria ke kaikamahine a ko kakou hoaloha Rebino?

 

            Ia wa i pane mai ai o Nikefarona me Agatona, me ka leo okalakala:  Ua aa maua e molia aku i ko maua mau ola ina ia he mea e pakele ai ke ola o Hilaria, mai ka poholima mai o Tidora, ka wahine aole he aloha kanaka iloho ona.  A na ke aloha o na Lani e kokua mai ia kakou.

 

            Ua hiki ia’u ke hele ae a hoala aku na kanaka o keia kulanakauhale, no ke kokua ana ia kakou a ua hiki hoi ia’u ke alakai ia lakou, no ka hoohiolo ana aku i ka halealii.

 

            Ua hiki io no paha ia oe ke nana aku, aka, aole nae e holopono ana keia hoala kaua hou ana, no ka mea, ua hanaia iloko o ka pupuahulu, a nolaila, e noonoo akahele mai oe e Anadarea.

 

            Ua pololei io no ka olua mea e kamailio, mai nei, aka, pehea la e hiki ai ia’u ke hoomanawanui ae, ina aia ka’u mea i aloha iloko o ka ehaeha, aole anei olua e aloha mai ana ia’u, a i ole, ia Hilaria?

 

            A nona paha keia wahi hooheno:

 

            Ihea la oe i ka wa pono

            I ka wa a ke aloha i ka laiwale,

            Waiho oe a kupilikii,

            Ilaila oe la ha’u ko waha.

 

            E hoao no au e uumi i kuu aloha no Hilaria, aka, ina e hiki ole alaila, e lele kaua koke aku ana au maluna o ka pa alii, ina no ka lanakila a pio paha, ua aa loa au e hana.

 

            E hoomama i kou mau kaumaha e Anadaria, no ka mea, e ola no o Hilaria, a hiki i ko oukou wa e makaukau ai no ka lele kaua ana.  No ka mea, ua hiki i kua hoalloha ke hooloihi i na la o Hilaria e ola ai e like me kou makemake.

 

            Ua maikai ka manao o ka luahine, i hooho mai ai o Nikefarona.

 

            E like me ka oukou i hooholo ai, ua hooholo like ia ia kakou.

 

            Enia la au i manao ai e hooloihi ia na la o Hilaria e ola ai, i hele ae ai au e hoike i kuu hoaloha.

 

            No eha la, wahi a Anadarea.

 

            Ua nalowale anel o Sitaka kauwa e Anadarea?

 

            Ae.  A ua ike anei oo aia oia ihea?

 

            Aia oia iloko o kekahi o na rumi pouli o ka halealii kahi ona i nohe i keia manawa.

 

            Heaha kona kumu i hopu ia ai?

 

            No ka manaoia paha, ua ike oia i ka kakou mau hoolala kaua, wahi a Nikefarona i pane mai ai.

 

            E hele koke e Ipita i keia manawa a hui mai e koike i na mea a olua i kamailio ai, a mai hoohakalia hoi, no ka mea, e haalele iho ana kakou i keia wahi a nee aku i ko kakou wahe e nalo ai mai ka huli ia ana mai.

 

            He hookahi o’u manao i koe e Anadarea mamua o kuu haalele ana iho ia oukou, ola hoi ua hai ia mai ia’u ka lohe mai inu oe, aole hoi e hoopa i kon lehelehe i kekahi wai e haawi ia mai ana ia oe e inu mai ka lima mai o ke kahi wahine, a hiki i ka loaa ana o Hilaria, a i ole, mahope i ku o kou wa e lohe ai ua make oia.

 

            Heaha ke ano o keia olelo kauoha?  A heaha hoa ka manao o keia papa ana?

 

            Aole au i maopopo i ke ano o keia olelo kauoha, aka, ua olelo ia mai nei au e hoike aku ia oe.

 

            He mea maopopo loa, he laau make kela, i mea e hookaawale la ai oe mai ia Hilaria mai, wahi a Nikefarona.

 

            He mea oiaio paha ia, aka, heaha ka pili oia me a ia Hilaria?  Ua lohe, ae la au i ka olelo kauoha, o hele e Ipi ta a mai hooulolohi hou iho.

 

MOKUNA XIV.

 

KA IKE ANA O ANA AREA IA TIDORA, A ME KA ULU HOU ANA O KA HAKAKA

 

            I ka hiki ana mai o ke kakahiaka o ka eha o ka la, mahope mai o na mea i ike ia ma kela mokuna aku nei, aia hoi ua oili mai la ka la me kona nani nui, a hoomalamalama ae la i ke kulana kau hale o Constantinople.

 

            He la nui ia no ia kulanakauhale, a ua hoowehiwehi ia na hale me na ka hakahana lole o na waihooluu like ole a o na kane, wahine me na kamalii e maalo ae ana lakou me na aahu nani.

 

ia la no hoi i hoomaka hou ai ka hakaka ana mawaena o na kanaka koa me na holoholona hihiu.  No heihe kukini a me na lealea e ae he lehulehu wale, maloko o kekahi hale keaka nui hoomakaukau ia no ia mau ano lealea.

 

            He kanaono tausani o na poe makaikai a oi, i komo iloko o ka hale keaka me koe iho he mau tausani o na kanaka e holo hele ana mawaho o ka hale me ke \huli ana i kahi e ike aku ai i na lealea o loko, no ka mea, aole he wahi kaawale i koe iloko o ua hale keaka

 

He Moolelo

 

NO

 

MASELANA.

 

Ka Ui Opio Noho Waoakua o Inia Komohana.

 

A ME

 

LEDE MEDI.

 

--KE—

 

Kaikamahine Puuwai Eleele o ka Lokoino nui wale.

 

            No kekahi mau keneturia loihi i hala hope ae nei, aia maluna o ka lepo o na waoakua o Inia Komohana, e noho ana kekahi mau makua iloko o na kulana kupilikii o ka ehaeha a me ke kaniohu, malalo o ke kumu, ua lawe aihue ia ka laua kaikamahine punahele e na poe powa a me na Ilileini hihiu o na pae mauna o Inia.

 

            E kala mai oe e ka mea heluhelu i kou mea kakau mamuli o ka hoakaka ole ana aku ia oe i ka inoa o keia kaikamahine opio, oia no ka ui Lede Medi.

 

            I kekahi la, puka ae la he palapala kuahaua na na makua o ua kaikamahine la i aihue ia ai, a e olelo ana hoi maloko o ua palapala la; i na o ka poe a mau mea paha e loaaa ai o ua kaikamahine la, e loaa no ha mau uku makana kiekie loa iaia, a e  hoomare pu ia ia hoi me ia i na ia he keikikane, a ina he kaikamahine, e lilo no oia he aikane maikai nana.

 

            E like me ka uwila i anapu mai ma ka hikina a nalowale ma ke homohana pela no ka hikiwawe o keia lono kuahaua i pahola ae ai a puni@ ua wahi kauhale waoukua la o Inia.

 

            I kekahi po kalae malie o ke kupulau i ka wa hoi a ka mahina piha Mahealani e aneane aku ana e iho ma kela aoao o ka poepoe honua, a uhi mai ka pouli maluna o ka aina holookoa, aia hoi ka kakou koa opio Maselana e ku ana malalo o ka malu e kekahi kumu laau Oka, ma ke kae o kekahi muliwai nui akea, a e hiipoi ana no hoi oia i kana pu raifela punahele ma kona lima akau.

 

            No kekahi mau sekona liuliu wale no kona ku ana iho ma ia wahi, aia hoi, lohe aku la oia i kekahi mau leo hauwalaau ma kahi mamao ina mai kahi aku ana e ku ana.

 

            No kona ake loa e ike pono i ka mea nona keia mau leo hauwalaau o ke kuluaumoe, aia hoi, hele malie aku la oia me na kapuai mama o ka palanehe a aneane e kokoke mai kahi ana i lohe ai i kela mau leo hauwalaau.

 

            Ku malie iho la oia malaila me ka h@olono ana, a puana ae la i keia mau huaolelo penei:

 

            O @ e na lani, heaha la ka’u mea e hana ai, i na he mau hana karaima o ka puu wai eleele ke hana ia ana i keia po, o! e hoopakele no au i ka mea i haulehia iloko o ka poholima o na poe lima koko, i na ia he mea hiki ia’u.

 

            Iaia no e noonoo ana no ka mea kupono ana e hana aku ai, aia hoi hoohi kilele ia ae la oia me ka puiwa nui i kona lohe ana aku i kekahi leo uwe o ka ehaeha a me ke kaniuhu, a e pauna mau ana hoi oia i keia mau huolelo me ke ano paupauaho.

 

            Auwe!  E kuu mau makua, aia la olua ihea i keia wa, eia au iloko o ka poho lima o na poe powa i keia hora, auwe, e kuu mau makua, nawai ana la au e hoopakele mai ka make ae, pehea la au e ike hou aku ai ia olua, ke nkii kii ia nei kuo mau lima, no kuu lawe ia aku paha e hoolei iwaena o na ale hanupanupa o ka moana kai lipolipo, auwe kuu ike hou ole ia olua—e, auwe kou make—e.

 

            Ha ! ha ! wahi a ka opio Maselana, ma o na akua lapu ala a pau o ka po, aole loa e hiki ia lakou ke fulu mai ia’u He hana mau karaima io no kela mau ieo hauwalaau a’u i lohe aku nei.  Ha ! E lawe ia ana e hoolei e na powa iloko o ka opu moana, a----

 

            Aole i pau pono ae kana kamailio ana, aia hoi, pa-e ana ka leo o kekahi kanaka me ka pane aku i kekahi poe o lakou me na huaolelo okalakala penei: 

 

            E Munero, e hapai koke ae iaia a hookau aku maluna o kela wahi moku kiakahi e ku mai ia ma ka muliwai, e wiki, mai hoohakalia wale.

 

            Pii ae la ka lia maeele a puni ke kino o ka kakou koa opio, lalau iho la oia i kana pu raifel@ a lei ae la @ a kona kua, a kiei aku la ma kahi o ka leo na i lohe aku ai.

 

            Ike aku la oia i kekahi kaikamahine ui opiopio lua ole e hapai ia ana e kekahi mau kanaka elua, ua paa kona mau lima me na wawae i ka nakii ia i ke kaula, a e uwe mau ana hoi oia i na wa a pau.

 

            Ua nakii pu ia hoi he pohaku nui ma kona mau wawae, me kona hele a ano nawaliwali.  Me ka hoohakalia ole iho no kekahi mau sekona a kela poe e hooko aku ai i ka lakou mau hana ino puuwai eleele, hookau ae la oia i kana pu a kiekie iluna, me ka hoopolo lei ana o ka waha i kela mau kanaka e lawe la i ke kaikamahine.

 

            Kulai mai la hoi oia i ke kiko o kana pu ihope, a iloko o ka imo ana a ka maka, kani paapaaina aku la ka leo o kana pu e wawalo hele ana iwaena o ka ululaau, a loaa pono aku la kekahi kanaka e hapai i ke kaikamahine, a kunewa aku la oia a haule pahu aku la iluna o ka honua.

 

            Iloko o ia wa, lalau koke ae la ke kanaka i koe i kana pu panapana ma kona makeke, a paa ae la i kona lima me ka manao e ki i ke kaikamahine, aka, mamua ae o ka loaa ana iaia he wa e hooko aku ai i kona iini, aia hoi, poha hou mai la ka leo o ka pu a ku aku la ua kanaka nei a make loa!

 

            Nana ae la ke opio Maselana ma o a maanei me ka alaalawa ana, i na paha he poe hou ae kekahi ma ia wahi, aka, aole wahi mea kino kanaka i halawai mai me kona kii onohi maka.

 

            A puana malie ae la oia me keia mau huolelo:  “I na o oe ke kaikamahine a na poe powa i aihue ai, e hoopakele no au ia oe ma na ano a pau, a na na ani no au e kokua.”

 

            Nana aku la oia no kahi a na kanaka e waiho oni ole ana iluna o ka honua, a ike aku la oia i ke kaikamahine e noho ana iluna o kekahi wahi apuupuu pohaku, a e hilinai ana hoi oia malalo o ke kumu o kekahi kumu laau Vilou, ua hele a maluhiluhi, me ka paa no o kona mau lima me na wawae i ke kaula.

 

            E kii no au e hoepakele ia oe, wahi a Maselana, a ku ae la oia me na kapuai wawae mama, a hele awiwi aku la no kahi a ke kaikamahine e noho mai ana me ka ehaeha.

 

            Iaia i hiki aku ai ma ka aoao o ke kaikamahine, wehewehe ae la i na kauia i hoopaa ia ai oia, a hooluliluli aku la i ke kaikamahine, me ka pane pu ana aku.

 

            E ia nei—e, e ala ae oe, eia ae ua hele mai nei e hoopakele aku ia oe mai ka make ae.

 

            Pouho ae la ke kaikamahine me ke ano kunahihi o na helehelena a puana ae ia.  He moeuhane anei keia mau ieo hanehane a’u e lohe nei, a i ole, he hihio auanei ka’u mea e lohe nei no ke kuluaumoe?

 

            Aole, aole loa he moeuhane, he kino kanaka maoli no, eia no au, he hoopkale nou i keia hora, ma kou aoao kahi i noho ai, wahi a Maselana.

 

            Auwe ! E na lani, ua hoopakele ia anei au mai ka lima ae o na poe powa nana au i noomainoino?

 

                                                                        Aole i pau.

 

HOOPOLOLEI.

 

            O kela manao no ka hoohana ana o ke Aupuni o Queensland ma kahi o ka huina dala he $3,600,000, o ka pololei he $360,000.