Ke Aloha Aina, Volume II, Number 3, 18 January 1896 — Page 2

KE ALOHA AINA

2  

KE ALOHA AINA, POAONO IANUARI 18, 1896.

 

(Mai ka aoao ekahi mai)

 

a i ka 500,000 i ka 1888. A ma na wahi i noho ole ia e kanaka mamua, aia he ehiku mau kulanakauhale hou la e ku la malaila, e like la me Vanekoua a loaa ai i ka 1886, a he 9,000 ka nui o na kanaka malaila i ka 1891.

        Ua lilo keia i pulakaumaka no Rusia a manao lakou, ina e kukuluia ana he alahao ma Siberia a paa, a hookukuia na loaa a me na pomaikai me ko ke Alahao Siberia, alaila, ua oi loa aku na pomaikai e loaa mai ana, a o ka lilo hana alahao, he aneane 65 hapa-haneri wale no ia o na lilo o ke Alanuihao o ka Pakipaki Canada ke hookukuia ae.

        Mamuli o keia mau helehelena a pau loa o ka holomua, (ma Canada) ua lilo ia i mea e hoopapau nui ai no na poe Rusia, i ka hooholo mua ana aku i ke Alanuihao Siberia, me na manao hoihoi nui o ka hikiwawe loa.

        O na poe koa, na poe i hoahew a ia, na Pake, na Corea, aia ke hana la me ka ikaika loa, i hoohoihoi ia me na uku maikai, a me na malama pono ana a ke aupnui o Rusia.

        Ua holo malie ka laina kaa ahi mawaena-konu o ka hapa nui o ma keia aoao mai o ka palena o kahi hoomaha no 300 mile, o ke kumu, oia no o kahi o ke alanui i moe aku ai ua komo nui iloko o na aina lepo pohopoho (boloto) kahi e ike maka ia nei ma ka nana ana aku, ma ka wai eleele i komo loa he mau ihiha ka hohonu ma kahi papau ololi i eli auwaha ia ai, a i ka wa e okiia ai na eka papaa lepo, a ma ka hiona nani ula kohu anuenue, o ka poe i aloha i na wahi wai halanalana, e like me ia i ike pinepine ia e na poe makaikai ma lapana, a i ike ia hoi ma ka inoa ayanis.

        He nui na wahi hoomoana pokole i pakuiia me na wahi hookio akea, a e ikeia aku ana no he hookahi Luna opiopio me na kamaa buti kiekie me na kepa, ku koke ae la iluna, e hapai ana i kana pahi kaua, a nalo aku la a hoi hou mai la iloko o hookahi hapa minute me na huihui pua nani loa no na oaloha opio wahine, Aole he mau kaa hiamoe maloko o ka laina kaa holookoa, aka, he mau papa kau iho, i hookaawale ia ma na wahi a pau, i ke ao he noho ia, a i ka po ua hookuu ia iho, a lilo ae la i wahi pahu e moe iho ai, a ma ia mea, ua lilo na kaa a pau loa he mau kaa hiamoe, a i kau pale ia hoi me na paku.

        O ka Lokomotive he pukauwhi kona i akea mahuahua ae a hiki i kona welau maluna iho. O ka wahie no ka mea e

ho-a ia ai. Ua nui ka wahie ma na whai a pua o ka aina, e ulu ana ma ke ano o ka hapanui loa o na laau he ili hakeokeo. Aia no malalo he mau laau oka pokopolo loa me na lau he lehulehu e uhi ana maluna iho, aole ilaila no laau Fir a me ke Paina, a me na ohana laau like e ae.

        Ma na wahi hoolulu he mau mile he lehulehu loa o na paila wahie i okiokiia a paila ia e ku lalani ana ma hai o ke alanui hao o ia wahi.

        Ma Canada, na ka wili e oki oki i na laau wahie. aka, ma keia aina ululaau o Siberia, aole no i hoolako pono ia e like me ko Canada, ma na puu a me na muliwai paihi, e hookakaa ana i na wili oki.

        A me kahi kauhale liilii loa i kukulu ia ma kae o ke alanui hao, ua ike ia na wahine a me na poe kaikamahine kuaaina e hoea mai ana iwaho a e kuku mai ana i ke alanui, e paa ana i na omole waiu ma na lima, na ohelopapa a me na wai momona na i hana ia no loko mai o ka ili o na hua waina.

        He olohelohe ko lakou mau wawae a he mau maka uliuli, a he lauoho ehu me na hainaka i kaeiia ma ko lakou mau poo, a me na palule ano e no hoi.

        O ka waihooluu makemake loa ia ia o na lole, e na poe wahine a me na kaikamahine o Siberia, oia no ka ulaula, a pela no hoi na kakini wawae o na kamalii aneane no e pau loa i ka ulaula.

        O ka Mandza. Ma keia huaolelo, ua komo iloko o laila ka poe Tartar, na Pake, na Corea a me na poe e ae, ua  aahu ia iho i na lole puhauuhau o na ano nani loa, i louia ma ka puhaka, me ke apo ili eleele pela na kanaka a me na keiki e hana mau nei ma keia aina.

        O na lole puhauhau ua humu kinohinohi ia ma ka ai, a me ka puhaka, me na lopi ulaula, a o na palule ua kahiko nani ia me na mea kinohinohi. O ka nana ana aku he ku no i ka nani.

        O na lole uhi maka maluna o na opio wahine, he mea ia e pale aku ai i na nalo; a o na ka maa buti loloa i komo nui ia e na poe aoo, me he mea la, he mea e pale aku ai i keia mau nalo ano ino nui wale.

 

        He  ia nui keia no na poe Geremania a pau.

 

        Ma ka auina la Poalima o kela pule i hala aku la, i huli hoi aku ai ka moku Balitimoa no Kapalakiko.

 

        Malalo ae nei o Aala ua hoohua mai ka wahine a Pikaka he keiki nui mo naha.  O ka makou e kaiokalo ae nei e hooloili ia na la o ka malihini @ou.

 

        Ma ke Kinau o keia Poalua ae e holo aku ai no Hilo, e kau aku ai o Zamaloka no Hilo, a malaila oia e hoike aku ai i ko Hilo mau kupa i kana mau hana hoopahaohao o ke kupanaha nui wale.

 

KE - ALOHA - AINA

 

Hoopuakaia no ka

Pomaikai o ka Lehulehu, a he Nupepa na ka Lahui Hawaii.

 

I. NAWEHI, Lunahooponopono a Puuku.

E. L. Like, Hope-puuku.

 

HONOLULU, IANUARI 18, 1896

 

AOLE HE AKE HOOKELA KELA.

 

        Aole he ake hookelakela o KE ALOHA AINA; o Ka Leo ka mea minamina loa i kona naaupo. Ua hilahila oia ke ae mai i ka pololei o ka makou hoike ana, aole ae mai, aole hoi hoole mai. Ina hoi he hoike io ua waihoia mai ia lakou, no keaha aole hoolaha ae i ikeia ka manao o ka mea e kapilipiliia nei?

        O ka oiaio, aole ia he mea hookelakela; aka, o ka naaupo oia ka mea hoohilahila mai i ke kanaka.

 

KE KULANA O KA MAKETE

 

        Mamuli o ka lohe olelo mai, a ma ka hoike no hoi a na nupepa olelo Enelani o Honolulu nei, ua lilo na hana kudala a ke Aupuni Repubalika, no na wahi kuai i'a maloko o ka Makete Hou o Honolulu nei i mea hoopahaohao nui loa ia.

        Oiai, ma ke awakea o ka Poalua nei, Ianuari 14, a ma ka hora 12 awakea oia ia, oia ka wa a ke Kakauolelo Nui o ke Keena Kalaianina i hiki mai ai e kuai kudala akea aku i na wahi pakaukau kau i'a a pau loa maloko o ka Hale Makete.

        Ua ike na poe hoopukapuka ia a pau loa, mai na poe Hawaii a na Pake i ko lakou kaumaha a me na pilikia, mamuli  o na rula hou i kauia e pili ana no ke kuai ana i na i'a i kaupalenaia, a mamuli o keia mau poino a me ka loaa ole o kahi puka a me ka ola, e hiki ai ke hoomau aku i ke kuai ana a ua manao lakou, ua ahona ka hana ole, mamua ae o ka hapai ana aku i kekahi hana poho i ike mua ia.

        I ka wa i kudalaia ai, aia hoi, ua hoomakaia aku la keia hana e nana maka ia e na poe maauaua. Aole he poe nana i koho iki mai. He ewalu nae o keia mau pakaukau, ua ho@m loa ia ka uku koho a hala loa ilalo. A mahope aku o laila, aole mea i koho mai, ua ku malie na mea a pau loa me ka pane leo ole, a hiki i ka wa a Mr. Hassinger i hoopau ai i ke kudala ana.

        He puupuu ikaika keia i hookui mai i ke Aupuni ma ka Hale Makete, a ua maopopo no ka hopena, e nele ana na kanaka  i ka hana o ko lakou aina, a e lilo aku ana keia wahi i ka poe o ka Hui Trust ma keia mua aku, a na lakou e kuai mai i na i'a, e like me ka lakou hana ana no ka bipi, e ikeia nei i keia wa.

        E lilo ana keia hana i ka poe Monopoli, e like me ke telepona a me ke kukui uwila e paa ia nei e ka poe Monopoli.

        Ua lohe mai no makou, ua lilo ae la kekahi mau pakaukau ike koho ia e ka poe o ka Hui Trust.

        Ae. Oia ke aloha o lakou nei i na Hawaii, he hoohaiki mai, aia a lele ae, alaila, opa aku a pili i ka paia o ka hale, i nele loa i na mea e hiki ai ia kakou ke ola. Nani ka nui o ko lakou aloha i na poe Hawaii.

 

Ua Ike Pono Aku Makou.

 

        Mamua ae o ke awakea o ka Poakolu nei, Ianuari 15, ua hele kino aku makou e ike i ke kulana i loheia no ko kakou Makete kuai I'a.

        Ia makou i hiki aku ai, aia hoi, ua holo ke olohelohe i Keaau, a ua koe aku la he ekolu wahi papa kau i'a maoli ma ka aoao ma Waikiki, a he mau wahi pakaukau kuai bipi elua paha ma ka aoao ma Ewa o ke alahui lawe ia, mawaena konu o ka Hale Makete.

        Ua mehameha loa na poe kuai hoopukapuka ia a bipi  hoi na kanaka maoli o ka aina a me na poe pake hoi.

        Ua hooili ia na ahewa ana no ke kumu o keia mau uluku ana maluna o kekahi kanaka makua i hilinai kuhihewa ia ka oiaio o kana olelo, e like me Mauna Ziona, aka, aole nae pela.

        Ua ike na mea a pau loa i na wa kuai makepono o ka i'a i na la a pau, nolaila, noho no a ia wa oili akku, loaa ka ia make pono, oia wa, oia no ka hora 4 1/2 o ke ahiahi, e kokoke aku ana i ka hora 5 p.m. Hana ka ike a nui, oiai, he wa keia o ka hune a me ka nele maoli.

 

KE KUMU I KUKULUIA AI.

 

        O ke kumu kukuluia ai na Makete o kakou, ua like no ia me ke kumu i kukuluia ai na Paipuwai, a ua ano like no me ke kukuluia ana o na Uwapo a ma na Alanui.  Ua kukuluia keia mau mea, i mea e pono ai ka lehulehu, a i mea e loaa ai ia lakou na pomaikai o ka noho ana; ka hele ana, a me ka noho kuai ana me ka oluolu a me ke ohohia nui ia.

        Aole i kukuluia i mea imi loaa nui, a imi pomaikai nui, mamuli o ka hana uahoa, a me na hana auhau hookaumaha hou iho.  Aole loa.

        Nawai ke dala i kukukuia ai keia Makete hou? Nohea na tausani dala he kanahiku a oi aku i lilo i ke kukulu ana i keia Hale Makete Hou? Aole anei na ka lehulehu o ka Lahui Hawaii, ma o ko lakou mau dala hookaa auhau la, i hookaawaleia e ka Ahaolelo?

 

        A pehea na dala o ka O** Wai? Aole anei na ke@@ no a ka lehulehu? A @@ ke dala i kukuluia ai na u@@ a i hoohanaia ai na a@@ Aole anei na ka lehuleh@@ mau dala noloko mai o @@ hau Aupuni?

        Aole anei i kiola loa @@ dala i lilo no na alanui @@ wale loa? A heaha @@ maikai o ka lehulehu? @@ anei o ko lakou hele ana @@ na o na alanui?  Aole @@ ka holo ana o ka lakou m@@ ukana maluna o na alanui @@ ka hele ana o na holoholo @@ kekahi?

        Aole i manaoia o ka @@ Makete Hou, he wahi i@@ dala ia no ke Aupuni, @@ he wahi imi pomaikai @@ aku, i mea e hoopilikia @@ lehulehu.  Ina e hala na @@ hiki he 100, ka noho an@@ poe hoolimalima maloko @@ Hale Makete Hou, a m@@ kaa ole ia kona kumu @@ ole ia, aole no paha i @@ loaa mai na auhau ana @@ poe maauaua i'a, bipi @@ ae i ka hookahi hapa@@ dala lilo no ke kuku@@ keia  Hale Makete H@@ no ia he kumu a ke @@ noonoo ai, a hoopii a@@ auahau ana, i mea aha @@ wale no i mea e hoop@@ ka lehulehu.

        Heaha ko ke Aupuni @@ poino paha, ina e haaw@@ e kela a me keia paka@@ ka $10 no ka malama @@ a i ole ia, no ka $@@ lama? Aole e hiki ke@@ he poho. Aole loa, @@ e haawiia ana he $5@@ malama, ua pono no. @@

        Ua like a like m@@ hana a ke Aupuni ma @@ na Wai me ka Oihana @@ Me he mea la, o ke @@ manao nui ia, aole o @@ oluolu a me ka poma@@ lahui nona na dala @@ i lilo no ke paipuwai, @@ ka hooholo ana o ka @@

        He mea aha ke A@@ mea i kukuluia e @@ noho oluolu ana o ka@@ Aole i kukuluia ke@@ mea hoeha, a i mea @@ i kona poe kana@@

        Pela no na Kula, @@   aia a me na Ahahui @@ lehu.  Ua kukuluia @@ e kokua ai i na po@@ oluolu ana o ka leh@@

        Ma keia mea, @@ makou i na hana@@ a hookaumaha a @@ ole i ka lahui.

 

        Mauk@@ o Kapalama @@  la he kukamahine  an@@ ka puhaka mai o Mrs. @@

 

        E malama ia ana @@ po i keia auina la @@ Hearts a me Kameha@@ o ka pa kuia o Kam@@ ai.