Ke Aloha Aina, Volume II, Number 3, 18 January 1896 — Page 1

KE ALOHA AINA

JOSEPH NAWAHI

LUNAHOOPUKA A PUUKU.

HOOKUMUIA I MEI 20, 1895  EDWARD L. LIKE

HONOLULU, POAONO, IANUARI 18, 1896.

     @ mai ka @ na @ keneta o ka @ kekahi, he 5 @

     @ mai ke Keena @ ALOHA AINA, a mai @ Lawe @.

     @ Hoolaha, na @ me ke @ ke ole e @ Nunou @ Hoola @ na Mele @

@

ALOHA AINA

@                                                                    $2.00

@                                                                      1.00

@                                                                        .50

@                                                                        .20

@ NAWAHI

@ Puuku o

@ ALOHA AINA

@ L. LIKE

     @

@ hookaa @ i ke @ Honolulu.

@ ma ke @ Joseph Nawahi @ hapa o @ Ala @ Honolulu, @

@ waii nei Noho Ana @ wa?

@ makahi @ kulena @ ana, a @ e wa @ mea i hanaia, @ ka lahui a @ i kekahi mea @ mau kapuai @ ana e keia au @.

@ no keia @ ia i ua mea a @ kokua ana, e @ ma lakou me ke kali @ ia ka holopono @ ano e @

@ no ka @ e loaa @ ia Hawaii @ kakou noho ana ilo @

ko o ke au o ke kulana aupuni hou, aka nae, o ka poe nana i hoike mai ia mau olelo, o lakou mua kai loaa i keia ma’i kauhola e laha k@honu nei iluna o Hawaii.

     Aole he kali mai o ka manawa hou i ke kulana o ke Aupuni hou.  Ke holapu mai nei na kau o na makahiki ekolu i hala i na loaa a me na pomaikai hupuia ai he pomaikai palena ole.

     Na ke au o ka manawa i hooupuka mai i ka mai luku ano e o ka 1895, a hoopau iho la i ka waihona o aneane he $100,000.  Aole oia wale, aka, ua hoea wale ae na poino he nui wale ma o a maanei me ka ike ole ia.

     A ma ia mea, ua lele liilii na wahi koena kuluwai iloko o ka bakeke wai o ka Oihana Waiwai o ke Aupuni, a pela no e noho mai nei kekahi poe Luna Aupuni, aole i loaa ko lakou mau dala uku hana, no ka wa i hala i hana ai i ka hana Aupuni.

     O na poe malihini makaikai, he naauao ko lakou e lawe mai ai, a hookuku ae i na huahelu loaa dala o keia aupuni me na kulana hana o ka aina e kulike ai na loaa.

     A ma ia mea, ua hiki ke hoomaopopo, he mea paakiki ka ae ana mai o ka poe mea dala, e hoolako mai i kokua no na hana kuloko o ka aina, a pela iho la no ko kakou kulana e paialewa ia ai iloko o na pohihihi o ka noho ana.

Na Palapala

     Aole e ili maluna o makou ke koikoi o na @hewa ana no keia mau manao i hoopukaia malalo o keia pou, aka, e ili no ia maluna o na poe na lakou i kakau mai.

Nane-huna a Kauikeaouli.

XV.

     Ua kam@e loihi mai keia mau mana elua mai ka po mai me na hoakaka pu ana no hoi i ka hopena pomaikai o ke koho ana ma ko Karisto aoao a me ka pomaikai ole o ke ku ana ma ka ke diabolo mau hana, a ua a’o ae no hoi ke diabolo ia kakou, oiai kakaou e ola nei, a ua makaukau maoli no kakou ma kona aoao a me kana poino, a i ka hoololi ana ae nei o kahi poe o kakou a o kakou no hoi ma ko Karisto aoao, ua lanakila mai la ka liona o ka ohana a Iuda, a ua pau ka hooluni hewa ia ana e ke diabolo, a he pono e hoonui ae i ka hooia ana ia Karisto nona o kanaka, o kailiia auanei kahi talena i loaa.

     Pela no ka berita a Iehowa i hanaia ai e Hupu ma me ka Lahui Hawaii, a ka 1887.  Ano, pau ke kuikahi like ana, koe iki a hiki i ka 1893, pau loa ka hikinai ana o ka Lahui Hawaii i na makua haole nana i lawe mai i keia pono o Karisto i Hawaii nei, e oi loa aku no ka hilinai aku no ia Iehova i loaa pono aku ke Keiki Hipa i ka poli o Karisto.  Ioane 14: 1-6.

     Ea, ua hiki io mai no ka malamalama me ka pouli pu, a hewa hoi la, ua haaleleia iho la e lakou a hoohemahema i ka Pohaku Kumu o ke kihi, ka pohaku i hahai mahope o kakou.  O Koristo no ia i Korineto 10:4.  E hoopaa kakou a pili pono loa.  Iaia i liio ai hoi .  Oia i heleuma paa panee ole, no ko kakou Uhane Ola, kino a pela aku Hebera 6:19.  A ua ike no hoi kakou i ka Nani o ke Akua, mai ka Hookumu ana i Aupuni Euanelio o na Hawaii nei a hiki mai i keia mau la, ua oi loa aku ka Nani, o ka hana i hana ole ia e ka poe nana i lawe mai i ka pono i Hawaii nei.  Ua hanaia e Karisto i keia mau la, a ke ku makaukau nei na poe i hooiaia e ko lakou manaoio nui, e hooia akea ae i ko lakou ola ana ae ma ka haipuleia me ka laau ole.  Ma ka Inoa o Karisto ka laau muemue ole i hoolaii ai na ma’i a kou mea kakau nei i ike ai me ke alo, a ma ia inoa no hoi i mahiki ia ai ke diabolo, a ke a’o ia mai nei kakou e ka Uhane Hemolele a me ka wahine mare e noonoo nui loa iho.  “E kuu keiki, ina e hoowalewale mai ka poe hewa ia oe, mai ae aku oe Solomona 1:10.  Ina e hoowalewale mai na kahuna lapaau diabolo la kakou, mai ae aku, hoole mau aku; a ina e makemake i ke ola, e hoonui ae i ka manaoia.”

     Eia ka Iehova makana Kinohi @.  I Kinohi hana ke Akua i ka Lani a me ka Honua.  Ioane 1:3.  Hanaia iho la na mea a pau Eia, aole kekahi mea i hanaia i hana ole ia.  Eia, Na’i iho la o Iehova i lako, hoolakolako iho la a lako i na mea a pau loa e pono ai ka noho ana.  Kinohi 1:2-25:  alaila hanaia iho la ke kanaka a hoaliiia 26-28.  I ka haulehia ana o ke kanaka i ka hewa, oia ka wai i laweia ae ai ka noho na oluolu, a pakuiia ka noho na ehaeha lilo ka honua i ka ulaia a hiki ia Noa, a mai ia Noa a ia Aberahama.  Hana berita iho la o Iehova me Aberahama e hooulu i ka lahui i lahui nui, a mai ia lahui mai e puka mai ai na Alii nui.  Kinohi 17: 1-7.  Hooilina mai ia Kanaana a me ka Paredaiso Lani no ka poe manaoio nui aku.  Iaia, oia ae la ka Iehova moto kahoahoa no kakou.  Eia hoi ka Paiea moto, “E na’i wale no oukou i Kuu Pono aole e pau.”  Ua pau ka hapanui o na aina o lakou a me na momona i nahu pu ai.  O na aina Leialii wale no koe.  A o ka Kauikeaouli hoi, “Ua mau ke EA o ka Aina i ka Pono.”  A o ka Solomona 8:35.  “O na mea O’u i loaa ai; ua loaa iaia ke ola, e loaa hoi iaia ka lokomaikai ia mai e Iehova, a o ko Kalakaua moto, “Hooulu Lahui,” pololei, o ka lahui o Pilipo 3:2, ke ulu nei aole o kona Ewe, ke iho nei kono Ewe i ka make, a ina e hoolohe ae ka lahui i ka.  Uhane a me Wahine mare, piha hou o Hawaii nei i ka Hawaii Oiaio, aole nui loa ka Hawaii awiliia a kikokiko.  O ka lilo no ia o Hawaii i mea hou iloko o Karisto. 

     Pela e loaa ai ka berita hooulu lahui a Aberahama.  Kinohi 12: 1-2 + 15: 1-7 + 17: 1-8.  A keia ka “Ka Leo o ka Lahui” ia LILIUOKALANI , “ a hiki oe i koa Aupuni e hoomanao mai oe ia makou, ko Ewe, mai ilio hou iho hoi Kou aloha.”

     A nolaila, maanei, ke hooki nei a’u i ka’u mau hoakaka a wehewehe ana aku imua o oukou e kuu Lahui Ponoi, a o ke aloha no ko kakou.  Kou Oiaio.

SOLOMONA NAAUAO.

Kikihale, Honolulu, Oahu.

No Keaha la i Hoomakaia ai ke Alanuihao

Seberia

     O Siberia he Rusia, Canada oia, a i oi aku no kona nui, a i ohia nui ia hoi e like me Canada, he au o ka pomaikai nui aia mai mamua ona.

     He nui kona waiwai i ke gula, oiai na puu a pau loa o ke kepau eleele a me na pohaku lazuli, a ua hiki ke loaa wale no ka lanahu ma kahi kokoke i ke alanui e hele ai i Nerchinsk.  He nui wale ke silava ma ia Mokuaiua, a he nui na lua Minehao waiwai loa e kokoke la ma Nikolaefsk. 

     Ua like ko Siberia lakou ma ka ia me ko Canada.  Ma ka muliwai Amur, ua haiia mai la ia’u, aia he 200,000 pude o ka ia kita i loaa ma ka lawaia ia ana he mau pule wale no iloko o Augate, i ka wa o ka ia e pii ana iuka o ka Muliwai.  O ka pud (pood) he 40 paona kaumahaia.  Nolaila, ua loaa he 8,000,000 paona ia maloko o kela 200,000 puds.

     Ma ka Museum o Khabarok, e waiho ana he ili o ka ia kaluga nona ke kaumaha he 40 puds, ua like ia me 1,200 paona ke kaumaha.  Ua loaa no keia ma ka Muliwai Amur.

     Ua hookui ia mai ka noonoo o ka poe Rusia e na hana holomua a ko Canada, a me na hooulu loaa hikiwawe loa i ulu ae, a e ulu mau mai nei me ka hiki wawe loa, i lilo me he hana kupua mana la i ko na Rusia nana ana aku, a ma ia mea i ikeia, mai ka wa i hoopaa ia ai ke Alanuihao o ka Pakipika Canada, mai ka moana Pakipika a i ka Moana Atelanika, (ke hoopuka nei au, mamuli o ko’u ike pono ana mai kekahi mai o Rusia).  Iloko o ka 1889, ua hoouna aku lakou he elua mau eneginia, e hakilo i ke alanui o Canada a me kona mau loina o ke kukulu ia ana, a me na hua o ia mau hana ana.

     Ua loaa mai keia noonoo ana ia Rusia penei:  Aia o Canada he aina i noho ia e 4,000,000 kanaka a oi aku, a mamuli iho no o kona mau hana hooulu pomaikai ponoi iho no, me kekahi kokua ole mai mawaho mai, ua hoohui ae la oia i na moana nui elua me kekahi alanui hao nona na mile he 3,000 ka loihi, maluna mai o na aina apuupuu, a nui o ka lilo, a iloko o ka manawa pokole wale no o 4 mau makahiki o ka hana ana ua paa pono ke alanui hao, o keia lahui hoihoi hana launa ole o Canada, nona ka nui he 3,600,000 iloko o ka A.D. 1871 a i pii iki wale ae 4,300,000 kanaka iloko o 1881, ua hiki koke ae la ia i ka 5,000,000 he hookahi a elua wale no paha makahiki, mahope iho o ka paa ana ae o ke alanuihao, a o ka holo mua @ ana o ka laina kaa mua loa ma Winnipeg iloko o ka 1888.  Ua pii mahuahua loa ae ka lawe ana i na lako mauu mai ka 303,571 i ka 1886.  (E nana ma ka aoao elua).