Ke Aloha Aina, Volume II, Number 1, 4 January 1896 — Page 3

KE ALOHA AINA

 

POAONO,  IANUARI 4, 1896

 

 

@@@ mai)

 

            @@@na @@ Koa, a me @@@maka @@na, ua hoo@@makaukau mua ia, @@@no p@@kelii loa, me @@@ @@@ mai i na @@@ @na ia Amerika @@ @@ e ai iaia @@ @@ manawa @@@.

            @@@ o ko na @@e @@@ me ko ke @@u @@@ i ike wale @@ma@ i@@ na moku @@ @e@@a ak@m ua ahu@@ @@ paahana o @@ mok@ @oa  o kakou a @@.  He mea oiaio no, @@ koa i@@@nele iki i na @@ aku e pili ana no @@nea.

            @@ma pol@lei ia aku na @@u i@ei Ladana, a ua @@alok@ o laila na mea @a mea liilii loa e pili @@okok@ ua a pau loa o @@@.

            @ Oihana, lakou i na ike @@ e pili ana i na awa @@ Amerika, a me kona @@a a me ka hohonu @@ wahi i kukulu ia i @@p@ ka@a@, a me na @a p@@ loa e pili ana, i @@o @@h@@aumoku hoo@@ @k@@ Enelani e hoea @@@.

            @@@ eia he mea haohao ko @ike @noi@ ua kama@@@ i @@ papu, na Hale @@ ko @@@ a me na wahi @@no @ oihana koa o @@.

            @a @i@ mai nei no i @a @@ o Amerika, na @@pe @@ mai nei, no na @@a @@nia, i hoouna @ ku @@ no i Ladana, e @ka @ @@na nui, a me @@ k@@u  ia ai o na pale @a e ana i ka aoao Ate@@@a @@ ka Pakipika, na @@i, a me na Kaukuono.

            @@ I @a Koa o ka puali @@ Beritania, ua paa ia la@@ @ki kahakaha ia o na @eka@@ a ua paa no pa@@ina i ke kahakahaia, a hoomaopopo ia na wahi @ ke ano a pela aku, ua @@ na alanui kuloko a me @@i liihi i ka ike ia.

            @@ ka olelo ana ae, aia ia @@ia Nui na mea hoike i @@ ai i ke Keena Kaua @@ ka @@ hoomakaukau mua @@ na kii hoolala hana e ko @@ia mau Mana Aupuni.  @@ele ka@a ana aku i na wa @oa @ o ka papa kuhikuhi @ a Beritania, no ka hoo@@ na aku i na kahuoha ma @@ana lii@ii, aia oia i keia la @@o o ke Keena Imihana @@aua ke Keena Kaua o @@na E o Enelani, i mea e @@ koke aku no ka mana@@ @oili kaua.

            @@ na hoolala ana, ua kuku@@ o ia mamuli o na mea i @@ a aku mai Amerika aku hoomau aku ana i ka hoouna mau ana i ka waiwai.

Ua hoike ae no hoi ka nupepa Westminster Gazette:  Aole o ka poe huli mua i na kumuwaiwai no na alanuihao wale no ke pilikia, o na lehulehu he nui wale o na oihana hoopukapuka pu kekahi e poino pu ana.

            Aole o na mea kaua ke hoea mai ana, aka, o na hana holo pili oihana ana ke komo pu aku ana iloko o na hopohopo ana, no na kukakuka ana mawaena o Beritania Nui a me Amerika Huipuia, e lilo ana ia i mea e hoopau ai i ka manawa.

            A ia wa no, o na poe e hoohana ana, e noonoo ana iloko o lakou iho no ke kulana dala ma Amerika Huipuia, aole he makemake hou e hoomau hou aku i na alanuihao.

 

 

KA HOOPAAPAA O VENEZUELA

 

[Mai ka Haiolelo mai a Cleveland.]

 

            Ua hoomaopopo lea ia, o ke la hoopaapaa palena aina mawaena o Beritania Nui a me ka Repubalika o Venezuela, e pili ana i na palena welau loa o Guiana, ua hookokoke loa aku ia ma ke kulana kiekie loa, he mau hoike maopopo loa no na pono, a me ke kumuhana o Amerika Huipuia, e pili ana i na komohewa i koiia aku ai, ma o kona mau hana iho, a ma o ke kulana o ka noho launa ana me na mana aupuni hoaloha i kulike na manao.

            Maloko o Iulai i hala aku, ua hoouna ia aku he palapala i ko kakou Embassadoa ma Ladana, no ka launa kukakuka ana, me ke Aupuni Beritania, iloko o laila ka manao koikoi o Amerika Huipuia i hoakaka piha ia me ka moakaka loa.

            O na manao laula hope loa iloko olaila, ua hiki aku ia, a ua noonoo ia ka oiaio paa loa, oia hoi o ka mooa a me ke kahua i kukulu ia ai keia Aupuni, ua hoole paa ia mai ia ma ka kulana ulu mau ae, e na mana o Europa, ma o kona mau noho ana panalaau ma keia aina puni ole.  O keia kumuhana, ua hoonohonoho pono ia oia ma ke kahua alakai i kokua maoliia mai e na lunakiekie he lehulehu wale, a ma ia mea, e hoike ana, ua hoopaa ia o Amerika Huipuia e kue aku i ka hoopalahalaha akea ana o na ili aina o Beritania Guiana, ma ka lawe ana aku i na pono, a e kue aku hoi i ka makemake o Venezuela, oia hoi, ma ka noonoo ana i ka like ole ma ka ikaika o Beritania Nui a me Venezuela O keia hoopaapaa aina mawaena o laua, e hiki no ia ke hooponopono oluolu ia, ma ke alanui wale no o ka noho hoaloaha ana, a aha uwao kulana kaulike loa, a o ka hopena o ia noho aha uwao ana, e lawe mai i na hoopaapaa komohewa ana a pau loa, a aole ia he mea e apono ia ai, i na o kekahi o na mana i olelo ia ae nei, e ae ia aku e kaha i ke kaha uwao mawaena o ka aina e hoopaapaaia nei, a e kukala akea ae hoi, ua apono ia oia no ka waiho ana i ka aha uwao, eia nae o ka ma hele aina wale no nae e waiho ana ma kahi e pili ana ia mea.

            Ma ka hoomaopopo ana no keia mau manao hope loa, o ka palapala no ka ninau i koi ia aku ai ke Aupuni Beritania no ka loaa ana mai he pane maopopo i ka ninau, oiai, i na paha aole e ae ia mai ana ke komohewa aina mawaena konu ona ponoi iho (Beritania) a me Venezuela, ma o kona ano aha uwao manao kaulike.

            O ka pane a ke Aupuni Beritania, aole i loaa mai a hiki i keia wa, aka, ke upuia nei nae iloko o ka wa pokole loa, e loaa mai ai na launa kamakamailio ana maluna o ia kumuhana, e hoouna kokeia aku ai i ka Ahaolelo Lahui.  A ua loaa mai nei ka pane mahope mai nei.

 

 

 

KA NINAU NO SAMOA.

 

            Ma ka 'u mau hoike (elele) makahiki elua, ua koi aku au i ka noonoo o ka Ahaolelo Lahui no ke kulana a kakou e paa nei, ma ke ano oia kekahi o na aoao iloko o ke kuikahi, a olelo aelike hoi, i hoopaa ia ai kakou me Enelani a me Geremania, e lawelawe pu me ka aupuni, a me ka hoomalu ana ia Samoa, i mea e hooko ia ai ka noho hooponopono ia o kona mau hana.

            Ma ka la 9 o Mei, 1894, ua hoouna aku au i ke Senate, he hoike kuikawa, me na palapala hoakaka pu, e hoom@akaka i na mea a pau loa e pili ana i ke kumuhana.  A hoike aku hoi i ko'u manao i loaa ia'u i na wa a pau e hoolauna ia mai ai.  O ko kakou kulana ma keia mea, ua kohu ole loa ia me ka misiona a me ka rula maa mau mai mua mai o ko kakou Aupuni.  Ma ka wawahi ana i na kahua hana a kakou i hoapono ai, a ma na ano a pau loa ua hana hewa loa me ka hoohenehene ia.

            Ke onou hou aku nei no au i keia kumuhana, iluna o ka noonoo makaala mai o ka Ahaolelo Lahui, a ke koi aku nei hoi, e noonoo ia kekahi manao Ahaolele, a manao hoike ake ae paha, i mea e alakai ia aku ai ma ke alanui a o ko kakou hoopakeleia mai na olelo hoopaa o na hana oluolu ole a maa ole no hoi.

 

 

Olelo Hoalohaloha no W. C. Lane.

 

He Lihaliha Paumako Wale.

 

Ia Mr. P. C. Lane, a me Mrs. J. C. Kaae,

            Mamuli o ka lono walohia o ka paumako a me ke kaumaha luuluu i loaa mai ia makou, mai ko makou pokii mai i aloha nui ia, Mr. Lot Lane, i hoonele ia i ka makuakane ole a me ka ohana.

            Ua loaa mai ia makou keia lono kaumaha i ka hora 3 o ka wanaao Poalima, Dec. 27, 1895.  A mamuli o keia lono kaumaha i loaa mai ia makou, iloko o na waimaka e hoohanini ia ana, kana mau keiki kona mau hoaloha, e noho ana me ka nanea i ke aheahe olu a ka makani malualua kii wai o Lehua, i ka lono kaumaha, ua hala aku o maemae i ke kai kapu o ka Hiwa , he hiwahiwa oia na ka puuwai o na Pali Hauliuli o Koolau.  I ka wai koiawe o Kaliuwaaa, aloha, aloha, aloha no ka makua, aloha no o Makao, ka home o ka lehulehu.

            A mamuli o kona hala ana aku i ka hora 9 a. m. o ka Poaha, Dec. 26, 1835, ua waiho iho oia he mau keiki lehulehu, he mau moopuna, he mau hoaloha e noho @ aku nona ma keia ao, me ka hoomanao pu ana i kona mau hoopono o ke Karistiano oiaio, a o kana hana kaulana hope loa o ka poina ole, oia kona lawe ana i ka hanohano o ka noho Peresidena ana no ka Hui Aloha Aina o Hauula, iloko o keia mau la o ka hookahu@i aupuni.

            Nolaila, ke hui pu nei makou me na keiki i hoonele ia i ka makuakane ole, a i na moopuna i hoonele ia i ke kupunakane ole, mai keia ola ana ma keia ao e auamo pu ina kaumaha, na luuluu a me na mea o keia ola ana.

            Ke pelu nei ko makou kuli i ka honua me ka nonoi ana aku i ka lokomaikai o ke Kahikolu Kiekie Loa, iloko o Kona Mana puni ole, e haawi mai ia makou ina keiki, na moopuna i hoonele ia i ka makua, e hoomama i na kaumaha, e hoopau i na luuluu, e hookaawale ae hoi ina popilikia, a me na inea o keia ola ana.  Oia ko makou leo pule e uwalo ae nei i ka Paepae o ka Nohoalii o ke Keiki Hipa.  Ma o ko makou mau Komite la,

            L. M. KEAUNUI, JOHN KALILI, H. K. MAHIKI, J. MALAHEA, MOSES AALONA } Na Komite

            Honolulu, Dec. 27, 1895.

 

 

            Ha !  Ha !  Ha ! ! !  He nani maoli no ina oukou e hele ana e nana i ka Hale Hana Papale hou ma Ewa o ke Alanui Nuuanu.  Malaila e humuhumu  ia ai na papale mauu makepono loa, o aku mamua o na halekuai e ae a pau o keia kulanakauhale.

 

 

            HUI KAA PIO O KAOPUAUA---Kihi o na Alanui Nuuanu a me Beritania.  E loaa no na Kaa i na hora a pau o ka po a me ke ao.  He oluolu ka auhau ke kuka like nae.  E hookani mai i ke Telepona Helu 705, o na kauoha a pau e hookoia no i ka wa pokole loa.                       @37-1mdly