Ke Aloha Aina, Volume II, Number 1, 4 January 1896 — Page 2

KE ALOHA AINA

 

2    KE ALOHA AINA, POAONO, IANUARI 4, 1896.

 

KE - ALOHA - AINA.

Hoopukaia no ka

Pomaikai o ka Lehulehu, a he Nupepa na ka Lahui Hawaii.

 

J. NAWAHI, Lunahooponopono a Puuku.

E. L. LIKE, Hope-puuku.

HONOLULU, IANUARI 4, 1896.

 

Aole Makou e Haalele i ko Makou Kahua mua.

  Ua maopopo i KE ALOHA AINA kona manao a me kana mea e hana ai, e pane aku ai, a e hoole ai paha.  He kahua kona i kukuluia maluna o na mea hiki ke hooia ia, aole ma ka ole lo wale nai, a ma ka manao koho wale.

  Ina he manao pili lahui a pili kalaiaina paha, pela no KE ALOHA AINA e hoomakaukau e pane aku no na mea o ia ano.

  A ina hoi he mau ninau maluna o ka ke Akua olelo, alaila, he hookahi wale no wahi e hoopau ia ai ia hemahema o ka olelo a ke Akua.

  Aole o KE ALOHA AINA manao hookiekie, a haakei, a hooioi, a keha wale aku, aole loa No ka mea, ua maopopo no i KE ALOHA AINA ka hupo a me ka hoohilahila ia ke hana oia pela.

  O ka poe heluhelu manao, o lakou ke ike i na mea a kela a me keia nupepa e hoike ana.  Ia lakou e loaa mai ai ka mea pono a pololei ma na kalai manao ana.

  He mea hiki ole ke wehewehe hou aku i ka mea i maopopo loa kona oiaio, oiai, ua loaa ka oiaio.

  O ko makou kahua, aia no maluna o ka oiaio, a me ka hoopono.  He mea hoopau manawa wale no ka pane ana i na kamalii noonoo ole, a he mea waiwai ole ka le-lele wale aku o na kahua hana i o a ianei, me ke kupaa ole maluna o ke kahua mua i kinohi.

  He hoailona ia le-lele wale i o a ianei, o ka hoka wale, a me ka nele manao.

  Aole he olelo kuamuamu iki o KE ALOHA AINA mai mua mai.  Aole loa!

  O na huaolelo aia a me ani-karisto, he mau huaolelo Baibala ia ua pili ia i ka mea hoole Akua, a me ka mea hoole ia Karisto.

  "I iho la ka aia iloko ona, aohe Akua."

  O ka mea e hoole ana aole o Karisto he Akua, he Anikaristo oia.

  No ka nele o Ka Leo i na manao pili i ka makou mea i kamailio ai, nolaila, olelo wale mai, e hele ana ka KE ALOHA AINA e hoohiki i keia aupuni.  Ua aha ia la ke ano o na poe kakau o ia nupepa?  Ua like no me ka mea i olelo ia.  "O ka leo, o ka leo no o Iakoba, a o na lima, o na lima no o Esau."

 

Aohe Hoohui-aina !!

  Pela mai owai?  Pela mai no o Peresidena Cleveland, a pela no KE ALOHA AINA e hoike mau nei; a pela mai nei no hoi ka hoike a ka nupepa P. C. Advertiser o keia kakahiaka Dec. 30, ka wahaolelo hoi o ke Aupuni Repubalika o Hawaii nei.

  Aole anei i hoopuka mao aku KE ALOHA AINA i kona manao hoole, aole loa e ae ana o Cleveland i ka manao hoohui aina?

  A heaha ka mea i hoea pololei mai imua o kakou i keia wa?  He hoohui aina anei e like me na olelo ana a ka nupepa Kuokoa?  Aole loa!

  Aia o Kuhina F. M. Hatch ke okuu la ma Wasinetona me kana maunu ekaeka pakalaki e paa la ma kona lima, oia ke kuikahi hoohui aina, a hoomalu aupuni o lakou, e kuko mau nei e hooholo ia.

  A pehea na mea i olelo ia no ko Cleveland manao?  Eia no ia:

  Wasinetona, Dec. 13. - Aole loa o Peresidena Cleveland e ae ana i ka hoohuiaina o na Paemoku o Hawaii.  O keia maoli kona manao i hoike ae ai ma na ano a pau loa, e na poe ma ke kulana e ike ai i kekahi mea no kona manao e pili ana i keia mea.

  He mau pule mamua aku nei, ua hoounaia he mau palapala mai Wasinetona mai, i na poe hoolaha nupepa, e olelo ana. 

  "Ua hoololi hou ae o Cleveland i kona manao e pili ana i ko Hawaii komohewa ana."  A makana hoike ana hoi imua o ka Ahaolelo Lahui, e hoike aku ana oia i ka manao koi aku no ka hoohuiaina ana o na paemoku.  Aole he manaoio ia o keia mau manao iwaena o na poai Luna Aupuni, e hoohana ana oia ia mea.  Aole loa no i manaoio iki ia e kokua ana oia ia ano hana ma keia mua aku.

  O keia mau lono no kona hoololi ana i kona manao, aole loa he kahua oiaio no ia mea.  O kahi no i hiki mai ai o keia mau lono mai Hawaii mai no ia.

  Nolaila, ke ike mai la no kakou e ka lahui, eia no ka mai Hawaii aku nei no ia mau manao hoopunipuni i hoouna ia ai i na nupepa o Amerika, i mea e manaoia mai ai e ka poe heluhelu, no Cleveland ia manao i hoolaha ia ina Amerika.

  Pau ole no hoi na hana hoopunipuni a lakou nei!  A heaha iho la ka hopena?  Eia iho hoi ua hoole loa ia mai la ka hoohuiaina a lakou nei.  Lolo iho la no nae.

 

  Ua holo aku no Hilo i ka Poakahi nei ma ke Kinau ka hui keaka lio.

 

Nuhou o na Aina E

NA HOOLELE HAULI KAUA MAWAENA O BERITANIA ME

AMERIKA HUIPUIA.

 

Huikau ka Honua Holookoa iloko o na Manao Pihoihoi no keia

Manao Kukalakaua o Enelani

 

Pau i ke Auhuiihia na Oihana Imi Dala o

Amerika iloko o na Hora Pokole wale

No he Ehiku, Mahope iho o ka pae

Mua ana mai o ke Telegarapa e pili

ana i na Kuleana hana a ka Aha

Kalepa Nui o Ladana e pili

ana i ke kaihi ana mai i ka

Lakou mau Dala Gula mai

Amerika mai.

 

  Ma ke ku ana mai o ka mokuahi Kulanakauhale o Pekina i ke ahiahi o ka  Poalima o ka pule i hala, Dekemaba 27, i loaa mai ai ia makou kekahi mau mea hou mai na aina e mai, a hiki i ka la 21 nei o Dekemaba, a no ka pomaikai hoi o ko makou poe heluhelu, ua lawe mai makou i na nu hou ano nui, a oia ka makou e panee aku nei imua o oukou.

  He hookahi no nuhou ano nui maloko o na nupepa mai o Kaleponi, oia no ka lono no ke kaua o Beritania Nui me Amerika Huipuia, mamuli o ko Beritania hoole ana mai nei i ko Amerika Huipuia kuleana, e komo mai ai e uwao, i kela hoopaapaa palena aina, mawaena o Beritania a me Venezuela.

  Ua lilo keia i mea hoopio-o loa, i ke Kulanakauhale poo o na Mokuaina Huiia, oia o Wasinetona, mamuli o ka lona i loaa mai i ke Aupuni o Amerika, ua hoole mai la o  Haku Salisbury i ko koi ana a Amerika, e waihoia kela ninau hoopaapaa, na kekahi Aha Uwao e noonoo mai.

  Aole o keia wale no; aka, ua hoea e mai la ma Amerika na hiohiona poino loa, mawaena o na poe Lawelawe Oihana Hoopukapuka Dala, me na Hoopaa Waiwai ana aku ia Enelani, no na Dala Gula a na poe Amerika i aie aku ai.

  A oiai, iloko o keia wa o ka lono kaua, ua hoopuka koke ia na kauoha, e na poe Ona Dala o Enelani; e unuhi koke ia mai ka lakou dala a pau loa, a i ole ia, e papalua hou iho a oi aku na waiwai Amerika e hoopaa aku ai no na dala i lawe mua ia.

  Iloko o ka la nua i hoea aku ai ka hoike a ke Aupuni o Enelani, e hoole ana i ke noi a Amerika Huipuia, aia hoi, ua uluku me ka pihoihoi na mea a pau loa ma Wasinetona a ma Amerika holookoa no hoi a pau.

  Ua aa mai la kekahi poe Amerika, a ua hoopuka mai la i na manao no ka pono e kaua aku ia Enelani, a i mea e a o ia ai oia i ka hopena o kana mea i hana ai.

  Olelo hoi kekahi poe.  Aole pono ke ae aku i ka manao hakaka me Enelani no ka mea, aole he hana paani ano kamalii ka Enelani ke hana mai oia.

  Eia no hoi kekahi.  Auhea ka kakou dala?  Ina kakou e alakaiia aku ana a ku ma kekahi pali nihinihi loa; alaila, mahea e loaa mai ai na kokua ana.  O ka maluhia a me ka hooikaika huli i ka waiwai o ka aina, ua oi aku ia mamua o ka hookahe wale ana i ke koko o ka lahui, no ka pono o kekahi lahui okoa loa.

  Nui na poe hoole i ka manao pupuahulu no ke kaua ana aku me Enelani.

  He hui no hoi na poe aa mai me na akena ana ua hiki ia Amerika ke kupaa a e malama i kona hanohano iho, me ka hooko ana i na kumuhana a Monoroe.

  Oiai, he mau manao nupepa keia a kakou e ike nei, koe wale no ka hoomaka kaua maoli ana.  Malia paha e like ana no keia mau lono me na hu'ahu'akai o ka moana, a mahope iho, ua lilo i moana kai lana malie loa.  Na ka mokuahi Auseteralia ae o ka la 3 o Ianuari, e hoike mai i ke kulana no ia mau Aupuni ikaika, ina io ua kukalakaua ia, a ke hoomaka nei na hana a laua.

 

HOOHOLOIA KA BILA KOMISINA.

  Ma ka halawai ana o ke Senate a me ka Hale Ahaolelo Lahui ma ka la 20 nei, ua hooholo like ia mau Hale i ka bila kanawai, e apono ana i ke kohoia i komisina e holo ai e nana pono i na wahi e hoopaapaa ia nei mawaena o Venezuela a me Guiana Beritania.  E hala ana paha he eono mahina, mamua o ka loaa pono ana kiai o ka hoike pololei a ua Komisina nana aina la.

  O keia hooholo awiwi ana o ke Congress, he kumu no ia no na anuu poino e ulu nei a puni ke ao holookoa.  Oiai, i keia lohe kokeia ana aku nei no o keia lona kaua, ua like me he hekili la mai ka lani mai, ke kuia ana o na oihana imi waiwai ma na aina a pau loa o ke ao nei, a ua hoikeia ae no hoi, ua loaa koke aku no ia poino ia wa ia Venezuela, mamuli o ka hoopaa ana mai o na makeie dala o Enelani, aole e haawi hou mai i kekahi dala e kokua ai i na oihana lawelawe ma Venezuela.

  Ua ikeia na nohoia na aina a pau loa, na aupuni paha a pau loa o ke ao nei, e na dala o ke Aupuni o Beritania, a i ka wa e hoopukaia ai o ke kauoha pili aupuni no na na a na poe mea dala o Enelani e hana ai, aia hoi ua loaa iho la na aupuni a pau loa i keia mai ahui@  ua aie i ke dala a Beritania@ 

  Ua oleloia he nui hewa @  ko Amerika dala a me @  waiwai o na ano a pau lo@  paha aina e ohai aku m@  ona ma ia mea he lako@  keia wa ke aie hoi o Amerika@  na poe mea dala e Enelani@  na huina dala ki @  he@  biliona ($8,000,000,000) @  Aole no i kana mai na@  dala o Enelani.

 

NA HOA O KE KOMISINA @

  Ma ka hoike a ka m@  The Sun o New York @  20 o Dekemaba nei, o na@  inoa a ka Peresidena e@  kohu ai no ia oihana e pili @  i na palena hoopaapaa ma@  Venezuela, oia no o George @  Edmonds o Vermont, o @  drew D. White, ka Peresi@  mua o ke kula nui o Con@

a me Edward Phelps ke @  hina mamua i Geremania @ 

  O Mr. Edmunds a me @  he mea laua ua maamaal@  na mea pili kanawai lahui @ 

 

HANA KE AO A ME KA PO, A@

MANAWA E HAULU MA KA @

HANA PU O KA AU@

MOKU @

  E hoike ana ka nupepa @  bune o New York, uu loaa @  he kauoha malu mai Wasin@  na mai, e olelo aua na lohe @  luia, he mau kauoha kai ho@   kaia mai ke Keena Aum@  Kaua e kauoha ana e hoo@  ia na poe haha po, ma ka @  ana i na pukuniahi ma @  hana.  I ka po o ka Poa@  ka puulu kanaka mua i law@  ai e hana.  Hoomaka lako@  hana mai ka hora 8 o ke al@  a pau i ka hora 6 o ke kal@  aka.

  E hoomauia ana ka hana @  a pau pono na hemahema o@  kauoha.

  He mau kauoha no hoi @  ka hookau ana ae i na pu @  iluna o ka moku kaua Mas@  seta i paa koke iho nei no l@  kukuluia ma ka pa kapili n@  o Cramp ma, ma Piladel@  Ua hai ia mai ua aneane @  kaukau loa ia moku no ka l@  ko ana aku i na kauoha.

  O na pu hoi o ka moku @  Oregona i hoounaia mai ai @  palakiko i na la mamua aku @  ua hoihoi hou ia aku i kahi @  na pu ma na kaa ahi holo @  ma koa, iloko o umi la, a i @  waenakonu paha o Ianua@  kau ai iluna o ka moku.

  O ka pa-kaua o ka @  kaua Inediana ua koke l@  makaukau loa na mea a @  no ka hoohana ana aku.

 

NA LONO MAHUI @

  Ua hiki mai kekahi ho@  ke Keena Kaua o Amerika @  olelo ana penei:

  Ua hoomaopopo mua ia @  na makahiki loihi loi, ua @  makaukau mau o Enelani @  ke kaua me Amerika Huipu@  O ko Enelani  mau Luna O@