Ke Aloha Aina, Volume I, Number 29, 7 December 1895 — Page 7
| This text was transcribed by: | Cyndi Defenbaugh |
| This work is dedicated to: | Kaelene Ahu Rey |
KE ALOHA AINA
KE ALOHA AINA, POAONO, DEKEMABA 7, 1895 7
@@@@@@@@@@@@pela e ike @@@@@hooliloia e @@@@@@@@ @@@@@@@@@@@ i kapa ai @@@@@@@ koi hou @@@@@ na pili @@@@@@@@ e ike @@aku, @@@@@@@@@ka imua @@@@@@@@ ka @@@@ wale @@@@@@@@ paka, o @@@@@@ na lilo ka @@@@@@@@@ no hoi @@@@ na hoo@@@@
@@@@@Kuloko
@@@@@@@@@@@ mai @@ ai ka @@@@@@@@@@@ Kameha
@@@@@@@@ka la 25 o No@@@ Lurlinne mai @@@@@@ Opio Hawaii @@@@@Y. M. C. A.
@@@@@@@ka mokupea @@@@@@@@ mai Kapalakiko @@@@Hawaii kaapuhi ho@@@@@ ka Mikahala o @@@@@ ke Komisina Be@@@@ kupuni kihapa @@@ me na mea i hoolahaia @@@@@
@@@@@@@@@@@@@@@@@@ole, kohu poe @@@@@@ o na keiki o Hawaii nei ke papa @@@@ E ikeia no @@@ makou keena @@@@@
@@@@@@@@@ no poniku ma @@@@Makua Chas. @@@@@@@@@@@@@@@ noho @@@@kahika, a ua ma @@@@ mau mahina me @@@@ kupea Lurline.
@@@@@@@@@@Pal@@ nei, i ma @@@ ka pake i hou ai i @@@@ na hoao pinepine oia @@@ mahope oia mau ho @@@ kona makemake, ua @@ kona hookeai ana @@@@ mokuahi Kahului @@ mai a i Honolulu nei @@@ ana ukana i lawe mai ai me na eke leta, oiai, mai @@ aku ai ke Coptic ia @@ ka la i holo pu mai @@@
@@@ Edward Woodward, @@@ mookolohe, he hoo@@ hoopaahao, ua ae o mare aka, ua lohe mai @@ ka wahine, ma ka Poa@@@ ia mai ai keia olelo lunakanawai.
@@ka Poaha nei i hoikeike @@ keaka lio i ka lakou mau @@ ka wa mua loa, imua @@@ lakoakoa ae malai @@ ho me ka hana ke@@@ ko lakou hokua e na @@na makua. E haawi @@ auwina la Poaono @@ s i ks po iho ko zzzzzzzz@@@
Ua malama pu la no @@eaka Iapana he mau ho @@@ a nui no ka poe i ma@na ia po hookahi no.
Ua loaa mai i kekahi haole maane nei, he 500 pahu aila Rukini inoino loa mai ka mokuahi Lebanona mai, oiai, i ke ana ia ana maanei, ua loaa he 107 degere o kona a. Oiai hoi, malalo o ke kanawai, aole e hiki ke kuai la ka aila maanei malalo o 115 degere ka ikaika.
Ma ke Sabati nei i hauwawa ia ae ai kekahi lono hoopunipuni ui ili ia ka mokuahi Ke Au Hou ma Molokai, no ia kumu ua hoouna ia aku la ka Mika hala iaia. Mamuli o ke kaikoo o ke awa e kau mai ai na ohua ma Kalaupapa, nolaila, ua holo ae oia ma Kanakakai, a malaila oia kahi i kali ai, a hiki i ka hoea ana mai o kana mau ohua mai Kalaupapa mai, ma ka pali lakou i pii mai ai. Ua hoi like mai laua me ka Mikahala, a ka mai la i ka hora 8 o ka po Sabati nei.
He Moolelo
--NO--
ANADAAREA,
--A ME--
TIDORA,
A I OLEIA, NO
HIRALIA
KA UI NOHEA.
NA IPO ELUA I KE ALOHA HOOKAHI.
MOKUNA X.
KA IMI ANA O TIDORA I KAHI E ALOHA
O ANADAREA IAIA.
Hemo mai la oia mai ke keena mai o na liona a ku iho la ma ke alo o ka luahine.
E hoouna aku ana au i kau mea i anei loa ai i ka manawa e loaa ai o ka laau, aka, e hoomanao ne oe he hopena awahia ke loaa ana ia oe ina aole e aloha ana kela kanaka ia oe, wahi a ka luahine.
Ke aa nei no au ea auamo ia mau kau maha ina no ka pomaikai, a i ole poho paha o ko’u manaolana, no ka mea, ua oi aku ko’u aloha iaia mamua o na mea a pau, wahi a Tidora me ke kulu ana iho o kona waimaka.
Mai hookaumaha ia oe iho e kuu Tidora, e hoao ana au ma na ano a pau e hooko ia kou makaemake, no ka mea ua aloha au ia oe.
Ae, e Tamaria, e loaa no ia oe na makana kiekie, ke hooko io ia ka’u mea e iini nei.
Haawi ae la laua i na luuluu lima pu mehana ana, a huli hoi aku la o Tidora no kona home.
MOKUNA XI.
KA LOAA ANA O KA MOALI NANA I ALAI
MAWAENA O TIDORA ME ANADAREA.
Iaia e hoi nei ma kona alahele e hoea aku i ka halealii, ua haupu koke ae la oia no Silaka, malia ua ike iki oia i kekahi mea e pili ana no Anedarea,ma lia he ipo hou ae no kekahi ana mawaho ae ona.
Me keia mau noonoo e pakaawili ana iloko ona hoi awiwi aku la oia no ka halealii.
I kona hiki ana aku i ka halealii, ua hoouna koke aku la oia i kekahi kau wa e kii aku ia Ebala, aole i liuliu ua hoea mai la o Ebala imua ona.
E Ebala he mea nui ka’u i kauoha aku neai ia, aka, e loaa no ia oe kekahi makana ke loaa ka’u mea i makemake ai ia oe.
Minoaka iho la o Ebala me ke kali ana heaha la kana apana hana e haawi ia mai ana.
E hele ana oe e huli i kekahi hale e noho ia ana e kekahi kalaikii, nona ka inoa o Anadarea. E konio aku oe iloko me ka malu loa me kona maopopo ole aia he kanaka maloko o kona hale. aia he kauwa malaila, nona ka moa o Silaka, ua makemake au e lawe ia mai oia, a hookomo ia malako o ka rumi o ka ehaeha. Ua makemake au e lawe ia mai oia me ka malu loa, me ka loaa ole he meheu nona e huli ia mai ai.
Aohe ia he apana hana ana ano nui i ko’u manao.
E hoomanao nae e Ebala he make no kou uku hoopai, ke hoi hele mai oe i keia po.
E hoea mai ana oia i anei i keia po, a e lawe mai ana au iaia me ka nalo loa e hiki ole ai kona haku ke ukali mai mahope o kona meheu.
Kunou mai la oia ia Tidoro, a hele aku la no ka hooko ana i kauoha.
Hele pololei aku la oia no ka home o Anadarea, no ka mea, ua maopopo no iaia kona hale.
I kona hiki ana ma ka puka pa o ka hale o Anadarea, ua pinana aku la oia me ka malia a hiki i kona kau ana iluna.
Aloalo ae la kona mau maka ma o a maanei ina paha he kanaka kekahi ea maaloalo ana ma na huina alanui i ike mai iaia, i kona ike ana aohe mea i ike iaia, ua lele aku la oia maloko o ka pa.
Kokolo aku la oia me ka malie me ka aloalo pu hoi o kona mau maka ma a o maanei o ua pa la.
I kona hookokoke ana i ka hale, ua ae la oia iluna, a kiei aku la, eia nae aohe o na wahi mea a ike maalo kanaka mai o ua hale la.
Nee hou aku la oia imua a hiki i ko na hoea ana ma kekahi puka aniani o ua hale nai, kiei aku la oia iloko a ike aku la ia Silaka e okuu ana iluna o kekahi noho me na maka i hele a maluhiluhi, e kali pauaho ole ana oia o ka hoi mai o kona kahu, me kona haupu mua ole eia he puuwai eleele ke hoopu mai nei mawaho.
Aha, eia koke no ka oe ke noho mai nei e ka elemakule Silika, e hookuu ana au ia oe i mau sekona nou e kilohi ai i ko olua home no ka manawa hope loa, a lawe aku au ia oe i ka hale alii e like me ke kauoha a kuu haku wahine, a kani iho la kana aka.
Nana aku la oia ma o a maanei o ua hale la, aohe ana mea e ae ana iike o ka elemakule wale no me kona poo e kulou ana.
I ka ike ana o Ebala aohe kanaka e ae maloko o ua hale la, ua pii malie aku la oia ma ka puka aniani me ke kaulono pono ana o kona mau maka ma luna o Silaka no kona lohe mai paha i ka nakeke o kona mau kapuai wawae, aka, aole i lohe mai ua elemakule la ia Ebala, no ka mea, aia no kona poo ke kulu la ilalo.
Unihi ae la ua Ebela nei i kana pahi hou puuwai, a paa ae la ma kona lima, me ka makaukau e umai aku iloko o ka puuwai o ka elemakule i kona wa e kue mai ai iaia.
I kona komo ana iloko o ka rumi a Silaka e noho ana ua ahuwale ae la na helehelena uliuli panopano o ua Ebala nei.
Ua nihi aku la oia e like me ka popoki e nihi ai i kona wa e ike ai i ka iole, pela iho la o Ebala e hele nei, oiai no o Silaka e kalou ana ilalo, a hohola ae na minoaka maluna o kona mau papalina, no kana mea paha e noonoo ana.
I ke kokoke ana o Ebala ma kahi a Silaka e noho ana, me ka hookaulua hou ole iho, ua lele aku la oia me kona mama nui kulai aku la iaia iluna o ka papahele, opea ae la oia i ka lima o Silaka, ua hoomaka koke ae la o Silaka e uwa, aka, mamua o ka hiki ana i kona leo ke puka ae, ua hoopiha ia iho ia kona waha i ka welu.
He manawa pokole wale no keia aumeume ana, ua paa iho la o Silaka a lawe ia aku la oia no ka halealii, me ka ke ole o kona haku.
Lawe ia aku la oia a hookomoia aku la iloko o ka rumi o ka ehaeha, kukuni ae la o Ebala i na kukui o ua rumi la a ahuwale mai la ka nanaina weliweli o ua rumi la.
I kinohi aole i hoomaopopo o Silaka i na mea o loko o ua rumi la, aka, i kona manawa i ike ai i ka lewalewa mai o na kaula li kanaka a me ka waiho mai o ka paepae oki poo, ua kilo pono aku la oia i na mea makea a pau e waiho mai ana, ua pii ae la ka lia maeele o ka makau iloko ona.
Komo mai la o Tidora a ike maila oia ia silaka, a pane aku la:
Ua hoomaopopo aku la anei oe i ka hana a keia mau mea e waiho mai nei?
Ae, a ke noi aku nei mai hana ia mea maluna o’u.
E hana aku no au ia mau mea maluna ou, ke hoao nae oe e hoike hoopunipuni.
E hoopai ana kuu haku i ka mea nana e hanaino kana kauwa, wahi a Silaka.
He mea makehewa ia mau kuko ana au, no ka mea, ua hiki ia Tidora ke huna mai na maka mai o kou kahu a hiki i kou make ana.
O oe anei o Tidora?
Ae, owau no ia.
UA HALA O MISS HELLEN
KAIAHUA.
E oluolu oe e ae mai ia’u e hoike aku ia oe i ka make ana o Miss Hellen Kaiahua, a nau hoi ia e hooili iho maluna o ka oneki laumania o ka kaua milimili KE ALOHA AINA, a nana hoi ia e uwila hele aku iwaena o na kini makamaka mai Hawaii a Niihau.
Ua haalele mai i keia ola ana o Miss Hellen Kaiahua, ma ka hora 3:15 o ka po Poaha, Oct. 30, ma Naalehu, mahope o kona kaa mai ana no ekolu pole ma ke poo ka eha i hoohana ai me ka molowa ole, a hiki wale i kona hala ana aku la. Ua hoao ke Kauka Cooper e lapaau me ka manao e loaa ka maha, eia nae ua lilo ke akamai o keia ao i hupo, no ka mea, Nana i hana ka Lani a me ka Honua.
Ua hanauia oia ma Pauauiki, Puna, Hawaii i ka malama o Nov. 12 M. H. 1879, na C. I. Pea a me Mrs. Kawaimaka. He hookahi no malama mahope iho o kona hanau ana, ua lilo mai oia i ka hanau muli o kona makuakane oia o Mrs. Hiiaka a me kana kane S. Beke a na laua i hanai a nui.
He hoopono oia he noho malie, he ho oluolu a he heaha i na malihi e kipa aku ana ma ka Home.
Ua haalele iho oia mahope nei he mau makua, me eha kaikunane, a me na hoahanau e ola nei, aka hoi, ola ka mea i olelo ia ma ka Buke Nui: “No ka lepo mai ke kanaka, a e hoi aku no oia ilaila.”
He 15 makahiki me @ malama me 18 la ka loihi o ko Miss Hellen Kaiahua manawa o ke ola ana ma keia ao, a hele kohana aku la i ke ala polikua a Kane.
Me oe e ka Lunahooponopono ke aloha nui o ka mea kakao, a me na keiki lima kiani hoi o ka papa pa’i ko’u welina a pau ole.
JOSEPH K. HOOPII.
Punaluu, Kau, Nov. 20, 1895
OLELO HOOLAHA.
e ike auanei na mea a pau i ale mai ia’u e noho ana ma ka Apana o Waialua, Mokupuni o Oahu, ke kauoha ia aku nei lakou e hookaa koke ae i ko lakou ale ma ka lima o Mr. Kaiaikawaha o ia wahi no iloko o na la he 60 mai keia la aku. A mahope aku oia manawa he kuleana ko ka mea nona ka inoa maluna ae e hoopii ma ke kanawai e like me ko’u hoomana ana iaia i hope no’u.
Owau iho no me ka oiaio.
D. KEALOHAPAUOLE.
Waialua, Oahu, Dekemaba 5, 1895.
dec 5---1 wk dly 2ts wkly
MRS. LOIKA MENESE !!!
He mea hana papale o na ano a pau, humuhumu papale, kinohinohi papale, a hoomaloeloe i oioloa na papale. A e loaa no oia ma ke aoao ma Ewa mai o ka huina o na Alanui Kukui a me Nuuanu, ma Honolulu. nov141m
SAMUEL M. KAAUKAI.
LOIO ME ANA AINA !!
He Loio, a he Ana Aina, a he Agena Hooiaio Palapala no ka apana o Kona, Mokupuni Oahu.
He oluolu ka uku ma ke kuka ana, a he hooku kauoha me ka eleu.
Keena Hana. aia ma ke Keena maluna o ka Hale Pohaku ma e kihi o na alanui Nuuanu a me Moiwahine, my26 9mkdly, wk1
W. H. Winchester.
O ko makou Motto, oia keia: “E hoomanawanui i na luhi, a e hoomau i ke kuai ana.”
E kuai ia no na Laau Noho Hawaii me ka uhi pu ana i na Noho Lio.
KEENA HANA: Helu 115, Alanui Betela,mawaene o Alanui Moi a me Hotele.
nov 10—3m dly
DR. W. D. JONE.
(Kauka Keone)
HE KAUKA LAPAAU makaukau loa oia no ke hoola ana i na ano mai a pau, oia hoi ke taifoda fiva maka eha, niho hui, pau eha a me na mai o ke kino.
He oluolu ka uku ma kana lawelawe ana a he ola no ka mai ke hoolohe i na kuhikuhi ana.
Ke kono aku nei au i na poe a pau i loaa ka popilikia a ka mai, e hele mai ma ko’u Keena Oihana.
Aia ma ke Alanui Konia ma Honolulu, ma ekahi keena mauka iho o kelahale o Brito.
MANAWA HANA: --- Hora 9 a 11: A. M. mai ka hora 1 a 4 P. M. o na la noa. La Sabati hora 9 a 11 A M, hora 1 a 2 P. M.
PEPA HOONANI HALE.
A no mai nei i hiki mai ai na Pepa Hoonani Hale ano hou loa ma ka Hale Kuai o Waila ma, ma ke kihi o na alanui Papu m@ Moiwahine. He oluolu loa ke kumukuai, no ka mea, he nani maoli no na Pepa o na ano waihooluu like ole.
E kipa nui ae, a e kuai makepono o na Pepa i mea Hoonani no ko oukou mau home.
WAILA MA
my 20---3ms