Ke Aloha Aina, Volume I, Number 29, 7 December 1895 — Page 4
| This text was transcribed by: | Lynne Minamishin |
| This work is dedicated to: | Minamishin 'Ohana |
KE ALOHA AINA, POAONO, DEKEMABA 7, 1895.
KE ALOHA AINA
Hoopukaia no ka
Pomaikai o ka Lehulehu, a ne Nupepa na ka Lahui Hawaii.
J. NAWAHI, Lunahooponopono a Puuku.
E. L. Like, Hope-puuku.
HONOLULU DEKEMABA 7, '95
KE KULANA O KEIA WA
O na hualoaa e hoea mai ana i kela a me keia la, mahope iho o ka hala ana ae o na hora he 12; aia mau no ia iluna o na kahua o ka nele a me ka holomua ole o na hana imi loaa a na kanaka ma keia aina.
He mea oiaio a pololei ka pili akea ana o keia mea i ke Aupuni e noho ana i keia wa. He mea hiki ke oleloia me ka keha akea ana ae, he Aupuni holomua keia; aka, ma ka hua a me na mea i ike ponoia maluna iho o na hoike loaa Aupuni, ua maopopo ka nele a me ka oiaio ole o ia olelo akea ana.
E kali ana na bila i ka loaa ae o ke dala a ke Aupuni e hookaa aku ai no na mea ana i lawe ai ma kana kauoha.
Nolaila, i ka wa a ke Kuhina Waiwai o ke Aupuni e kahea ai, e hookaaia ana na aie o ke Aupuni ma ka la e mea o mea alaila, heaha ka mea i ikeia?
Ua puka hou ae he kauoha, aia ma ka la e mea o mea e hookaaia ai na bila aie o ka mahina o mea.
I ka hiki ana aku o ka hoike piha o ka mahina, alaila, heaha hou ka mea i ike ia? Eia wale no, he $327.56 wale no ka na wahi dala ma ka waihona o ke aupuni! A ia wa, aia he paila okoa o na bila a@e i hookaa ole ia i na mahina mamua ae.
Pehea na olelo ana, ke holo maikai nei na hana o ke Aupuni a ke hookaaia nei na aie? Aka, ua pii mau nae na aie iluna loa.
O ko kakou kulana kalai waiwai i ke@a la, ua hookuia nui ia mai ia ma na aoao a pau Ma ka aoao o na poe kalepa a me na poe mahiai ko. Ke kamailio nui nei lakou no ka nele i na poe limalima. Aka, eia na poe limahana ke noho nei, aole i pau i ka hoihoiia i ko lakou aina. O ka pilikia, aole ae o lakou e noho ma kela wahi uku hana mua a lakou i ae ai e hele mai i limahana.
Aka, ina no e loli ae ana ke kulana e loaa ai na poe paahana, alaila, e oi loa aku ana ke koikoi o na kaumaha e kau ana maluna o na poe mahiai ko ka mea a lakou i ake ai e loaa, aka nae, ka mea a lakou e kue loa nei i keia wa.
Maluna o keia kulana, aole loa he mea i noonoo ia no na poe Hawaii maoli o ka aina. Heaha ko kakou ola? A heaha ka kakou hana? A heaha la ko kakou hopena mamuli o keia ano o ke kulana e hele nei o keia mau la?
Ua ike ane kakou i na hopena e hoea aku ai kakou. E halawai anei ko kakou noho ana, e like me ia a ko Amerika i hooulu haunaele mai nei iloko o ka 1894?
E loaa anei ia kakou na pono e hiki ai ia kakou ke noho lanakila, a i ole, e lilo anei kakou he poe ua nele maoli ia mea ma keia mua aku, e like me ia e ike ia nei ma na aina e aku?
O ko kakou wa keia noonoo mai a hoao kanaka, a i ole, ua lilo mua aku na pono kuokoa a lanakila mai ia kakou aku.
Oia Anei ke ano ka Hoonaauao ia Ana o na Keiki?
He mea a makou i minamina nui ai, i ko makou ike pono pinepine i na keiki o ke Kula Kamehameha me na haawina e lawehele ia ana e lakou maluna o na kaa alanui o ke ano kupono ole loa, i na kulana o na keiki i ao pono ia, a i hoonaauao maikai ia.
Ua ike makou i na keiki o kekahi mau kula e ae maloko nei o keia kulanakauhale, i kau ma ia mau kaa, aole nae he mau ano hana maikai ole i hana ia e lakou. Aole no.
I ka wa e iho mai ai na kaa mai Kapalama mai no loko nei o ke kulanakau hale, a i ole ia, i ka wa e hoi ai na kaa alanui hao no Kapalama, a ina e noho pu ana kekahi poe keiki o keia kula o Kamehameha me oe, ua hiki koke ia oe ke hoomaopopo koke i ko lakou ano kuaaina loa, e walaau nui ana kela a me keia, a e hooho ana i na leo walaau kupono ole, no na ohua a me na lede e noho pu ana maluna o ke kaa. Ua hookomoia lakou i ke kula i mea aha? a no ke aha? Aka, ua hoea mai lakou me na ano hio walaau, o ke kulana kuaaina haalele loa!
O na keiki i hoonaauao maikai ia ua noho malie lakou maluna o ke kaa, me na kamailio ku i ka naauao a me ke ano keonimana, aole o lakou walaau me na leo hooho o ke ano kohu he poe pupule paha, aole loa.
O ka mea a makou e kamailio nei, he mea oiaio loa ia no ka mea, ua maa makou i ke kau pu ana maluna o na kaa me lakou. Aole no elima a umi manawa, aka, no iwakalua a kanaha manawa.
A mamuli o ia ike pono o makou, ua hiki ole ia makou ke ae aku i na hana kupono ole a ia poe keiki, e hoomauia e hana pela i na manawa a pau loa.
He mea hoohauoli i ka makua ke keiki naauao, a he hoouluhua i ka makuahine na keiki naaupo, wahi ka Baibala.
Aka, he hoike nae na hana kupono ole a na keiki e hana ai imua o ke akea, a maluna o na kaa, i ke a'o pono ole o na makua a me na kumukula i na keiki
O na keiki i a'o pono ia e na makua a me na kuinukula, ua hoike mai no na keiki i ke ano ke kla a mawaho paha o kahi akea, a maluna hoi o na kaa e holo ana ma ke alanui.
Nowai ka hemahema? No ke keiki anei? a i ole no na makua a me na kumukula?
O ke keiki, a o ka haumana paha, he mea oia e apo ana, a e hoopaa ana i na mea a na makua a me na kumukula e ao aku ai.
A oiai, aia na keiki ma ke Kula Kamehameha kahi i noho ai i keia wa. Ma ia mea, e kalele ikaika ana makou i ke koikoi o keia mau hana a na keiki maluna o na kaa alanuihao, maluna o na kumukula o ke Kula Kamehameha.
Ke hoike aku nei makou ina pela a hookuukuu ia ai na keiki, e hana i na mea kupono ole ike ano o na keiki i hoonaauao maikai ia, alaila, he makehewa ka hoouna ana ia lakou ma ke kula ao na ano hookiekie mai o ke keiki, a me na hana kupono ole ke ukali mai mahope o kona ole ana.
He Kanaka Makou Wale.
Ma ke Kuakoa o Novemaba 30, 1895, ua hoea mai la na manao lilili ano imihala, o ke kahi wahi kanaka i hilahila loa ke kamailio akea imua o ka lehulehu, malalo o kona inoa ponoi iho, a kii ae nei i ka inoa i pili i ko KE ALOHA AINA kuiana a me kona aoao kalaiaina.
O ka inoa kupono a makou e haawi aku ai ia oe, i inoa nou oia no o Kumakaia Aina, no ka mea, no ka aoao a me ka poai oe o ka haawi aina, a hoolilo aina.
Ua ike mua makou i kou ana a me kau hana mamua iho o ka make ana aku o Joseph U. Kawainui, a ua koi aku makou ia oe, e hoike ae i kou inoa, makehewa ka pee a huna i ka inoa, ina he makemake e kamailio maluna o kekahi kumuhana no ka lehulehu. E lohe oe, aole loa makou e pane aku i kekahi ninau au ma keia mua aku, ke ole oe e hoike pololei i kou inoa.
Oiai he heluna uuku loa iloko o keia Pae Aina e lawe ana i ke Kuokoa, a he mau tausani e lawe ana i KE ALOHA AINA, nolaila, he lilo no he mea ole loa, a he naonao liilii kau mea e kamailio mai ai no makou, aole a makou nana aku i kau, aole no he nana aku o ka lahui Hawaii i kau, aole loa!
No ka mea, e like me kou kokua ana e apono i ka hewa, pela makou e hoopailua ai ia oe a me kau mau olelo ana mai.
He hoopau manawa ke kamailio me ka mea hohe wale, a me ka mea pee malalo o ka inoa hoopeepee. He kanaka makau wale oe!
NA MAKANA EKOLU A KA HAWAIIAN.
Ua ike makou ma ka nupepa The Independent, o ka la 2 o Dekemaba, i na puu dala mai ka Hawaiian mai, e haawi ia ana penei:
MAKANA MUA.
E UKU AKU ANA KA HAWAIIAN HE $500.00
Ma ke dala gula, i kekahi mea nana e hoolako mai i kekahi luna aupuni o ke Aupuni Hawaii i na olelo hoike e hiki ai ke hoahewaia ka mea a Ka Hawaiian e hooia nei, no na hana ino loa e pili ana i ka hoehaia ana o Frank Godfrey.
O ke kanaka nana e haawi mai ana i na olelo hoike, e loaa koke aku no ka huina o na ELIMA HANERI DALA mahope koke iho no o ka waihoia ana aku o kana mau olelo ike i hoohikiia i ka Lunakanwai o ka Aha Hoomalu o ke kulanakauhale o Honolulu nei.
MAKANA ELUA.
E UKU HOU AKU NO KA HAWAIIAN I KA HUINA O $250.00
Ma ke dala gula i kekahi kauka lapaau i huipu me ka Papa Ola o ke kulanakauhale o Honolulu, oiai ka wa ma'i kolera hoopuiwa, ka mea nana e hoike pono mai i na mea pohihihi e pili ana i ke kolera. A o ua kauka lapaau ia, e waiho mai oia me ka Hawaiian," he wa-hi leta i Sila paa ia, i piha me na olelo hoakaka pololei no kona manao, e hoouna ana ia Norval H. Pierce M D o Chicago ma Ilinois.
O ke kanaka nana e waiho mai ana ia mau hoike wehewehe, e loaa no iaia ka huina o ELUA HANERI KANALIMA DALA mahope iho o ka loaa ana mai o ka olelo hooholo mai ia Dr. Pierce no ka pololei o ia mau olelo wehewehe. O ka wa-hi leta i sila pa a ia, e hoounaia aku no ia e ka Hawaiian mahope koke iho o ka loaa ana mai.
MAKANA EKOLU.
E UKU HOU AKU NO KA HAWAIIAN I KA HUINA O $50.00.
Ma ke dala gula i ka mea nana e kakau i ka olelo pale maikai loa no na Misionari Hawaii. O ka mea kakau nae, he kaikamahine ponoi oia, a keikikane ponoi, a moopuna wahine ponoi, a moopuna kane ponoi a ka ohana misionari, a he mea noho noi ma ka Repubalika o Hawaii; a e kakauinoaia ua palapala la me ka inoa ponoi maoli o ka mea e kakau ana.
O ua KANALIMA DALA nei, e uku koke ia aku no ia mahope koke ino no o ka hoolahaia ana o ua palapala nei, maloko o Ka Hawaiian, ka mea a makou e aelike nei e hana aku ma ka hoopuka mua ia ana o ka Hawaiian, mahope iho o ka aponoia ana o ka palapala i oleloia maluna.
Ke ike mai ia na poe ake e loaa na makana mai ka Hawaiian @-unreadable
Julien D. Hayne, eia oia @-unreadable
nei; he haole oia nana e @-unreadable
kekahi hoike ma ka malama @-unreadable
Ka Hawaiian.
Oia keia e haawi nei i @-unreadable
kiekie o $500.00, i ka @-unreadable
ke loaa na poe nana i hanaino @-unreadable
Godfrey, kela haole @-unreadable
@a a me ka hulumanu. Ka @-unreadable
@e Aupuni Repubalika o @-unreadable
na ole ai a hiki @ keia la, @-unreadable
hoi a makou i koi pinepine @-unreadable
ike mau aku @@ imua o ka @-unreadable
ka mea pili i ke o@a, a me @-unreadable
ka lehulehu.
Ka Mokukaua Italia Cristo@-unreadable
Ma ke ku ana mai nei o @-unreadable
M@@wera i ke kakahiaka @-unreadable
Dekemaba 2, ua @@ikeia @-unreadable
kekahi mokukaua Italia ke @-unreadable
nei no onei nei, a e noea mai @-unreadable
i keia mahina ae.
E olelo ana ka nupepa @-unreadable
hiaka o Kikane, o ka la 4 nei @-unreadable
maba, no ua moku la pene@-unreadable
He elua makahiki mamua @-unreadable
aumoku ko Italia i huiia, he @-unreadable
kaua palekilaia a he 54 @-unreadable
palekila ole ia, e kue @-unreadable
118 mokukaua palekila ole @-unreadable
remania hoi, he 34 mokukaua @-unreadable
a me 59 mokukaua palekila @-unreadable
Kusta hoi, he 48 mokukaua @-unreadable
me 62 mokukaua palekila @-unreadable
O keia na hoike helu ana @-unreadable
kahiki 1893, e pili ana i @-unreadable
ana o ka moku kaua Italia @-unreadable
Colombo; ka mokukaua @-unreadable
ka nanai@a kupono @-unreadable
nei e ku ana mawaho aku @-unreadable
Cove, me kona hiona hiehie @-unreadable
na @@@@ me elua puka uahi. @-unreadable
kaikahi loa ke kipa ana mai o @-unreadable
kaua Italia ma Kikane, @-unreadable
makaikai nae, aole loa he @-unreadable
haohao ia kona @-unreadable
i ke kakahiaka @-unreadable
poe he lehulehu wale. @-unreadable
oia kona kipu aloha @-unreadable
alaila, o ke kipa ana @-unreadable
Aupuni e ike, alaila @-unreadable
ka Moi Humbert @-unreadable
ike i@na luna kiekie @-unreadable
ua.
Ua hookipa pumehana ia @-unreadable
a pau e Kapena B@-unreadable
mau aliimoku. O kekahi @-unreadable
oia no ke Keiki@-unreadable
@ruzzi, keikikane ponoi a ke@-unreadable
Amedeo i make, ke @-unreadable
keiki a ka Moi o Italia i keia @-unreadable
O ke keikialii @-unreadable
@@@@nela, he kanaka opiopio @-unreadable
hiki he 23 wale no. E holo @-unreadable
honua ana ka moku @-unreadable
@e no a puni. A mai @-unreadable
no kekahi mau mahina wale @-unreadable
oia manawa ua kipa mai @-unreadable
@C@@@@, a me na @-unreadable
hiki mai oia i na @-unreadable
ma Albany, kahi @-unreadable
elua la.
He nui na hook@-unreadable
mau wahi i ke Keiki@-unreadable
O ka holo o keia wahi @-unreadable
k@@@ i ka @-unreadable
wale no, he12 @-unreadable
He 19 ona poe ahi, @-unreadable
@na a me na sela. O @-unreadable
248 kapuai me 5 inihi @-unreadable
puai me 8 iniha, @-unreadable
16 kapuai, @-unreadable
ana piha. Ke lawe @-unreadable
4 3/4 iniha B. @-unreadable
kani alapine a me kekahi mau @-unreadable
e ae. E noho Aliikoa ia ana @-unreadable
sandr@ Batolini.