Ke Aloha Aina, Volume I, Number 28, 30 Nowemapa 1895 — Page 8

KE ALOHA AINA

 

8      KE ALOHA AINA, POAONO. NOV. 30, 1895

 

HE MOOLELO KAAO

- NO NA -

HOAHANAU ELUA.

- A I OLE KE -

Alahele Pohihihi.

- A O KA -

Opuu Pua Elua.

HELU 8

  I ka halawai ana ae o kahi pueo me kahi ilio, a i ka ike ana hoi o kahi pueo i keia mau haawina poino i ili aku maluna o kona wahi hoa'loha ilio, oia no kona wa i lulu ae ai i kona mau hulu a hemo iho la kekahi wahi hulu uuku mai kona ai iho a haule pololei iho la ma kahi o kahi ilio i eha a pili aku la, a na ia mea hoi i hoopaa aku i ka hele awai ana a ke koko mai ka huelo nai o kahi ilio Norela.

  Oiai ao laua nei e noho nei me ka manao nui o kahi Pueo Warita no ko laua haku i nalowale aku mai ia laua aku, a ninau aku la kahi Pueo i kahi ilio ina paha ua ike oia i ko laua haku, ua hoole mai la no hoi kahi ilio aole oia i ike i kana wahi i hele ai.  A kuka iho la laua no ka laua mea e hana aku ai no ka pono o ko laua haku Hanora no ka imi a me ka ole, a i ka hope loa o ka laua noonoo ana, hooholo like iho la laua e hele aku no ka halealii o Liona Ulaula no ke ola a me ka make a no ka lanakila paha maluna o ko lakou mau enemi.

  I ka holopono ana o keia mau hoolala ana a ua mau wahi hoa'loha la o Hanora, ua pane iho la kahi Puea i kahi ilio:

  E kuu wahi hoa'loha maikai, ma ka'u wahi anei e lele ai, malaila anei on e hele mai ai me ka nana pono loa i ka'u mau wahi e lele ai a mai hoolalau oe o loa hou auanei he mau poino ia oe i oi aku mamua o keia i loaa iho nei ia oe e kuu wahi hoa'loha maikai loa o keia wahi a kaua i hoomanawa nui mai nei mahope o ka haku o kaua i haalele iho nei.

 I ka pau ana ae o keia mau olelo ana a kahi Pueo i kahi ilio, ua ae aku la no hoi kahi ilio e like me na olelo a ka Pueo Warita a lele aku la hoi kahi Pueo a hahai aku la hoi kahi ilio malalo me ka noke mau ana i ke aoa a me ka holo ana ma o a maanei o na kino heaha o na kona e waiho a make ae ana imua o ua wahi ilio  nei, e nahu ana me ka noke ana i ke koka ma o a maanei, a ua lilo hoi ia he mea nana e hoohauoli i kona noonoo ana no ka loaa ana iaia o kekahi mea nana e hoohauoli mai, a no kona lilo no ka hauoli nona iho me na kino heaha o na liona, ua poina iho ia iaia na olelo kauoha a kahi Pueo i hoike mai ai iaia i na minute i hala aku.

  Iloko o keia wa a ua wahi ilio nei e paani ana me ka hauoli nui, aia hoi ua hiki mai kekahi makani puahiohio me ka ikaika nui, a na ia mea hoi i hapai ae i ua wahi ilio nei a lumilumi ia iho la e na wiliau makani me ka ikaika nui me he kai mimiki la a hooleiia ae la ua wahi ilio la i ka lewa nuu me ka noke ia ana i ka owiliwili me he wahi puolo la e hooleileiia ana ma o a maanei, o ka wa no hoi i hiki mai ai ka makani na ia mea i puhi aku i na kino heaha o na liona a nalowale aku la me ka ike hou ole ia no ka wa pau ole.

  I kahi ilio e lumilumiia ana e na wiliau puahiahio makani, aole e hiki hou iaia ke onioni ae, oiai, ua hele mai la oia a poniuniu mamuli o keia lumilumi ia ana mai la ona e keia makani hele huhu nui wale, a o keia ka mea a kahi Pueo i papa aku ai i kahi ilio, aole e hoolalau, aka, o ka hopena i loaa aku iaia, oia no na mea a kaua e ka mea heluhelu i ike ae nei i kahi ilio hookuli nui wale.

  No kekahi mau hora keia opeapea ia ana o ua wahi ilio hookuli nei, akahi no a aoakuu mai ua makani ikaika i nui nei, aka, o kahi ilio, aole ona ike ae i kela wa ua hele mai la kona mau maka a pouli a hookahi wale no mea nana i kaohi mai mai kona holo pau kiki ana aku no lalo o ka honua oia no kahi hulu o kahi Pueo Warita, oiai, mamuli o ka ike ana o ka Pueo e loaa ana he poino i kona wahi hoa'loha ilio pela oia i haawi mai ai i kokua no kahi ilio.

  Iaia i haule iho ai a pa i ka honua, aole oia i pohala koke ae iloko o kekahi mau hora loihi, a akahi no a kaakaa ae kona mau maka.

  I ke kaakaa hou ana ae o kona mau maka a akahi no oia a ike iho eia oia iwaena o kekahi lokowai nui a ua loli ae la oia a lilo i kino manu koloa a e holoholo ana hoi ma o a maanei o ua lokowai la, a aole hoi e hiki hou iaia ke pii ae, no ka mea, o kela makau puahiohio a kakou i ike ae nei i na minute i hala ae nei, mai a diabolo mai no ia, mamuli o kona ike ana mai i ka ilio a kana mau hanai, a ua haalele hoi i kona mau haku, a pela oia i hookuu mai ai i ka makani puahiohio a haule ai iloko o ka muliwai kahi ilio a kahuli ai oia i manu koloa, pela i loaa ai i kahi ilio kela hopena awahia a kahi Pueo i kauoha aku ai, aka, he mea ole ia mau olelo ana.

  E huli ae kaua a nana aku i kahi Pueo, ia Warita e lele ana me ka manao no eia no kahi ilio Norela ke uhai aku nei mahope eia ka kela i ka lewa kahi i lumilumiia ai, a mamuli no o na haawina i loaa i ua Warita nei, oia hoi ka ike me he aniani la imua ona, ua ike iho la oia ina mea a pau i kau aku maluna o kona wahi hoa'loha ilio Norela.

  No keia mau mea ana e ike nei, ua hoomau aku la no ua wahi Warita nei ika lele ana no ka halealii o Liona ula, a iaia hoi i hookokoke loa aku ai lohe aku la oia i kekahi halulu kupanaha, a hoolono pono loa aku la oia i ke ano o keia halulu ana e lohe nei aia la mahea.

  Aole i loihi loa kana hoolohe ana aku i keia halulu, ike aku la oia i kekahi mea e maaloalo ae ana iloko o ka ululaau a e holo pololei mai ana hoi no ka halealii, a ike pono loa aku la oia o kona haku no e kau ana maluna o kekahi liona.

  I kona ike ana aku, ua lele pololei aku la oia mamua o kahi a ka liona e holo mai ana me ka manao ana o ua Warita nei e kaili mai i kona haku mai ke kua mai o kela liona, aka, i ka ike ana mai hoi o liona ia Warita, na hoohuli hou ae la oia i kona alahele no ka akau a ua hooi loaa aku ia oia i kona mama i oi aku mamua o ka makani puahiohio, a e like hoi me ko liona hooi loa ana aku i kona mama me ka manao o ua liona la aole e loaa ana.

  Aka, he mau manaolana poho wale no ia o ua liona la, ia liona e ahai la ia Hanora ke hahai aku nei no hoi o Warita mahope a aneane hahani loa aku la mahope o liona, a i kona pili loa ana aku hoi mahope na kau pono loa aku la oia iluna o ke kua o ua liona la a kiko iho la me ka ikaika i ke kua, a uwo ae i liona ia me ka leo nui weliweli me he hekilila e wawalo hele ana meke kani paapaaina ana me he pukuni ahi la, a ua hooi loa ia aku la hoi ka mama lele o ua liona la.

  No keia leo nui o ua liona la, nana i hookaakaa ae i na maka o Hanora, aole nae e hiki pono loa iaia ke nana aku ia mua me kona hoomau no nae i ka puliki ana i ka a-i o ka liona me ka hookuu ole, a ia wa no hoi i kiko hou iho ai kahi Pueo ma ka a i o ka ka liona i hooi loa ia aku ka ikaika ma mua o kela kiko mua ana a ua wahi Warita nei, a na ia mea hoi i hoonawaliwali aku i ua liona la, mamuli o ka heleawai ana o ke koko mai na wahi a Warita i kiko ai, a ua hoemi ia mai hoi ka mama lele o ua liona la.

  I ka wa i emi mai ai ka mama lele o ua liona la, akahi no a hiki pono ia Hanora ke ala ae iluna me ke ano pau pono ole no nae o ke ano poniuniu i kau iho maluna o Hanora, a ua hiki no nae iaia ke ike aku i kahi kokoke loa.

  Iaia no e hoomau ana i kana nana pono ana imua, lohe ae la oia i kekahi leo i ke pa-e ana iho me ka leo moakaka.  E kuu haku Hanora, e hoolana i kou manao, eia no au kau kauwa hoolohe mahope o kou meheu i na wa a pau.

  I ka lohe ana o Hanora i keia mau olelo i poha iho ma kona mau pepeiao ua haliu pono ae la kona alo iluna a ike aku la i kahi Pueo Warita e lau pono iho ana maluna me kona mau maka ae e nona pono iho ana iaia nei me he mea la e hoomakaukau, iho ana e poi iaia.

  Aole i liuliu kana nana ana ia Warita aia hoi lohe iho la oia i ka halulu me ka ikaika a kapakahi ana oia, a i kona nana ana iho, aia ka iluna o ka honua paiahalaha kahi i waiho aoao ai, a o kahi Warita hoi.

  I kona wa i ike mai ai i ke kikii ka pakahi aku o kona haku Hanora, ua miki koke iho la oia, no ka hoopakele ana ae i kona haku mai ke kua mai o kela liona, a lewalewa ana o Hanora iluna, a hookuu hou iho la ua Pueo nei ia Hanora ilalo.

  I ke kuu ana iho o Warita i kona haku ilalo akahi no a ike pono ae, o kahi Pueo no ka mea nana i hoopakea ae iaia mai keia poino ae ana i mai nao ai aole oia e ola ana, ina aole haule koke ka liona ilalo.  A iaia hoi i huli ae ai a nana aku maluna o ka liona e waiho a make mai ana, ike aku la oia i ka heleawai mai o ke koko mai ke kiko ana a kahi manu, ua komo iho la ka haohao iloko o Hanora no ke kumu i loaa mai ai keia mau haawina maluna o ka liona, mamuli no ia o kona ike ole ana i ke kiko ana a kona wahi hoopakele, a o kana wahi kauwa hooko pololei hoi.

  No kekahi mau hora keia noho ana a Hanora a me kahi Pueo, ua liuliu ae la laua no ka laua huakai no kahi o Liona Ulaula, aka, mamua o ko laua hele ana, ua ninau mua aku la o Hanora i kahi Pueo.

  E kuu Warita maikai a hoomanawa nui hoi, ke ninau aku nei au ia oe a e hai mai oe ia'u me ka huna ole, "aia la ihea kahi ilio?"

  I ka wa a kahi Pueo Warita i keia mau olelo a kona haku Hanora, na hoike aku la oia i na mea a pau mai ka mua a hiki i ka hope, e like me ka kaua mau mea a pau i ike mua ae nei e na makamaka hooheno a kuwili o keia wahi kaao.

  I ka wa a Hanora i lohe ai i keia mau olelo mai kahi Pueo Warita mai, he minoaka kana mea i haawi aku no na haawina poino o ka pilikia i kau aku maluna o kahi ilio Norela, a komo iho iho ka hoohuoi iloko o kahi Pueo no keia mau hana a Hanora, ma kahi o na lono kaumaha i hoike ia aku iaia, he mau mea hauole loa ia nona a ma kahi paha o na lono hauoli, he kaumaha paha ia i keia kanaka, kupanaha, pii no la hoi ka ikaika, pii pu no me no hana hookiekie.

  Heaha la hoi, a komo hou iho la ke kuko iloko ona no ka haalele ana ia Hanora, aka, ua komo hou iho la na manao aloha iloko o ua wahi Pueo Warita nei no kona haku, a ua manao iho la oia he mea makehewa nona ka haalele ana iho i koua haku Hanora, ka mea ana i lawe mai ai no keia aina malihini ia Hanora.

 

HOOLAHA A KA LUNAHOOPONOPONO WAIWAI.

  Mamuli o ka mana i loaa ia'u ma ke Kanawai, e like me ko'u hookohu ia ana i Luna Hooponopono no ka waiwai o Kimo Kukona (k), i make o Honolulu, e Lunakanawai W. Austin Whiting o ka Aha Hookoloko la Kaapuni Apana Ekahi o ka Repubalika, ma ka Hooko Kauoha, ma ka la 22 o Novemaba, M.H., 1895.

  Nolaila, ke hoolaha ia aku nei na poe a pau a ka mea make i aie aku ai, e waiho mai i ka lakou mau Bila Koi i hooiaio pono ia iloko o eono mahina mai keia manawa aku, a i ole pela a hoole mau ia aku no.  A o na poe hoi i aie mai i ka mea i make, e hookaa mai lakou ia'u, a i ole pela, e hoopii ia no ma ka Kanawai.

  E haawi mai i na Bila a me na hookaa ana ia'u, a i ole, e waiho ma ka lima o J. K. Kahookano, ko'u Loio, ma kona Keena Hana, ma Alanui Kaahumanu, Helu 115.  Hanaia, ma Honolulu, Novemaba 25, 1895.                              LAHAINA KUKONA.

Lunahooponopono o ka Waiwai o Kimo Kukona i make.

HOOLAHA A KA LUNA HOOKO KAUOHA.

  Mamuli o ka mana i loaa mai ia'u ma ke kanawai, e like me ia i hookohuia mai e Lunakanawai W. Austin Whiting, o ka Aha Hookolokolo Kaapuni.  Apana Ekahi, ma ka Aha Hooko Kauoha, ma ka la 15 o Novemaba, M. H. 1895.

  Nolaila, ke hoolaha ia aku nei na poe a pau i aie i ka waiwai o Poomaikelani, e hookaa mai i ka mea nona ka inoa malao iho nei.  A o na poe hoi a pau a Poomaikelani i aie aku ai, oiai, kona manawa e ola ana, e waiho mai i ka lakou mau Bila Aie i hooiaioia, iloko o eono mahina mai keia manawa aku a i ole pela, e hoole ia no.

KAPIOLANI.

  Luna Hooko Kauoha o Poomaikelani i make.

  Honolulu, Nov. 18, 1895.                                                           nov 18-4tf-wkly

 

OLELO HOOLAHA.

  E kuai aku ana au i ka moopaina a me ka bela o Mr. Mele Kalama i ka la 2 o Dekemaba, no ka hookaa ole ana mai i ka uku hooliuiailuia  o kona rumi i noho ai iloko o ko'u hale ma Kamanuwai i na malama ekolu.

Owau no SAM KAILI.

 

Ka Laauhoola a Kam@

  He nui na pono kalena e iki @  kou mau hou kuai mai oia ko@  loha maikai lua, a @  hoolako ana aku na lakou me@  kai e loaa aku ana makou ke@  makou ia Perry @  laau akamai no @  loi.  Aole mana @  ike ana aku, i ka Laauho@  nu a Chamberlain @  poe kuai mai, oia no ka Laau @  loa a makou e kuai @  ola.  Ke kuai ia nei ma kahi k@

Benson Smith & Co.,

Honolulu @

 

Ka Laauhoola a Kan@

  No ka eha ma ka @ kama @  apana lole me ka Cham@  Pain Balm, @  hi e eha ana, a o kekahi e@  waena o na poohiwi, oia ka me@  oluolu ana.  He pela ea ka wai@  ma na mai i loaa ka eha ma@  oia ke kumu e loaa ai aka @

Benson Smith & @

Agena N@

 

Ka Laauhoola a Kan@

  Aole he kakaikahi no poe @  a Robert Rowls o Holland, @  lalo iho nei, e h@  manao ae aia @  kou ike maa ma ia ano nui He@  i ka Hooilo aku nei la ia ano@  ko'u kulana ola.  Ua huao na@  mau laau, aole he wahi pono ika@  lakou mai, aia wale no e ohou ia @  ao i ka oli ole Laau Kun@  malena.  O ka omole @   kuu la mai ia'u aole e hiki ia'u @   hana, aka, i ka elua na omole @  oia ia'u.  He 50 keneta o ka @  nei ma kahi o

Benson Smith & @

Agena Nui ma@

 

Ka Laauhoola a Kan@

  He mea pahaohao like ma @  na mai lena ma ka laau ka ik@  pono loa ke hoolala ma ka @  Chamberlain Colin@  hoola no ka Hi Koleia C@  Remedy)  Mana ka a pinep@  ka loaa ana ia mau pilikia ma k@  keia laau, i ka wa mua @ika ho@  ka mai.  He 25 a he 50 keneta@  e kuai ia nei e

Benson Smith @

Agena Ni @

 

HOOLAHA PAPA@

  Owau o ka mea nona ka@  nei, no Niolopa Hun@  papa aku nei au ana kanaka @  loa laku e hoopaa, a e hana i @  e hoaie wale ma na ano a pau@  ni (w) ka'u wahine mau puni@  haalele kunu ole mai oia ia'u@  pau e hoolohe ola ana i kela @  lakou ko lakou mau po@ 

Owau@

  Niolopa, Honolulu No@

  nov 20 - 1m @

 

W. H. Winch@

Mea Hana Ili Kaa@

ho Lio, etc@

  O ko makou Motto, ma keia@  wanui i na luhi, a e hoomau ike @

  E kuai ia no na Laau Nohe B@  uhi pu ana i na Noho Lio@

  KEENA HANA:  Hele @  leia, mawaena o Alanui Moi@

nov 10 - 3m@

 

HOOLAHA PA@

  E ike auanei na kanaka a p@  mai lakou i keia.  O makou a@  ke kuleana kupono mai k@  mea ma ka apana o Waialua @  Oahu, ko Hawaii Pae Aina @  papa loa ia aku nei @  iho o na aina la o Waialua @  aku he ae ia mai H@

D. @

Peresidena@

LEVI @

Kakanaolelo@

  nov 13 1m-dly wkly

 

Huluhipa Maikai @

Kapa Auan@

  UA MAKAUKAU @  ma @  malao iho nei e @  hipa maikai ka no @  apana no nu hona @  na @  Hawaii nei.

  He oluolu ke kuni kuai he@  paona hulu hookahi @  kiai mau kauoha ia'u ma@  a i ole ia e waiho ae paha i ke@  Keena o KE ALOHA AINA ma@  hookoia no ka hikina @ 

Owau @

  Waimea Hawaii @

 

MRS. LOIKA ME@

  He mea hana papale o na @  humu papale  A e@  aoao ma Ewa mai o ka hui@  kui a me Nuuanu, ma Honolulu@