Ke Aloha Aina, Volume I, Number 28, 30 Nowemapa 1895 — Page 5

KE ALOHA AINA

Poaono, Nov 30 1895.

 

 

            @uku  na poe hoo@ @alanui hao, @ nei.

@o na poe loea @ ke kuleana e @ ke kuahaua o @ na ninau i wa@ kona manao.

            @akaka ana aku; @ o ke Aupuni @ waiwai Aupuni ia, @ e hoao ana @ Eke Leta o ke @ e kipi no lakou, @ loaa ia’u ka @ na kanawai o @ Huipuia e kauoha aku kekahi olelo kuahaua, e ki@ kela poe kipi.

            A @ ka lohe o na poe @ Luna Aupuni @ Amerika i keia pane @ na kulou mai la o @ hoomaikai mai la no @ kana mea i hana @ i kela kuahaua.

            Ua @ aole loa he hoo@ Peresidena pau loa i @ Amerika i kakau i ke@ naauao, e like me @ Cleveland.  Ua hoea ae @ me ka nele i na @ ia ai, no ka mea, @ i na manao oi aku ma@ ka mea hiki i kela a me @ ke hana nona iho.

 

AOHE PANE A KE KUOKOA.

            Ua puka mai ke Kuokoa o @ 23 nei o Novemaba, me @ mau kolamu i piha i na @ manao, a me na wehewehe @wai, na manao e ho@ ana i hoopilipiliia, a me @ wehewehe a kekahi poe @ na aina e.  A ma ko @akou hoopili ana ae me ka ninau a ke Kuokoa, aole loa he @ahi i pili iki ai.

            O ka ninau a ke Kuokoa o ka la 16 o Novemaba 1895, oia no keia.

            He Aha Uwao anei ka Ahaolelo Nui o na Mokuaina Huiia @ Amerika e noho mai ana i @ K@?

            O ka pane a KE ALOHA AINA @ keia:

            Aohe mea i hoikeia pela, aka @ paha, aia no he mea iloko o ka Ahaolelo, aole nae he @ Aha Uwao ana ilaila.

            O keia ka KE ALOHA AINA pane a ua lilo nona ponoi ia pane:

            O ke Kuokoa nae hoi, mai ka mua a ka hope o kana mau manao i kaku ai, aole @ ana wahi pane iki, ua hamau loa oia.  Malia paha, he pane okoa ae no kana, a oia ka makou e kali aku nei o ka hoea ae o ia pane, i hiki i na mea a pau loa ke ike pono i ko Kuokoa pane ana, i pane kupono no kana mea i ninau ai.

------------------

            E hiki ke hoomanaoia, o na hoakaka a me na kuhikuhi ana mawaho ae o ka ninau, ua hiki no ke pane ia ma ke ano, aole i pili i ka @ kalaimana@ hoopolole@ na o ka @ makou p@ mai, aole @

Ke Kula@

            Ua olelo ae ke Kuokoa o @ la 23 nei o Novemaba, no ko KE ALOHA AINA ae ana o Peresidena Cleveland ka Aha Uwao, no ka hana hewa a Amerika Huiia i hana ai ma Hawaii nei, mamuli o ka hana a kona Kuhina, alaila, (wahi a ke Kuokoa) o ke kanaka no anei o ke Aupuni hana hewa, e like me Cleveland ke noho mai i Aha Uwao?

            O keia ko ke Kuokoa haohao loa! Aole keia he mea e haohao iki ai KE ALOHA AINA, no ka mea, ua ike no oia ua ano like, a ua hahai aku ko ka Moiwahine Liliuokalani koi ana (a pela no ko ka lahui) i ka hoopono o ka mea e noho poo ana e hooko no ka lahui Amerika.  E like me ke koi ana aku a Kamehameha III i ka hoopono o ka Moi o Enelani, e hoole i ka Haku Paulett mau hana kaili ku ia Hawaii nei.

            O Enelani ke Aupuni nona kela Paulett hana hewa, a oia Aupuni no ka Kamehameha III i waiho aku ai i kana hoopii, a ae ia mai la no, e hoopauia kela hana hewa a Paulett, alaila, ua hoihoi hou ia mai la ko kakou Kuokoa ana iloko o ka 1843.

            Pehea la ia?  E haohao ana no ana anei ke Kuokoa no ko ka Moi Kamehameha III waiho ana aku i kana hoopii ia Beritania, no ka mea, no Beritania no kela kanaka hana hewa, oia o Haku Geroge Paulett?  Heaha ka hopena o ko ka Moi Kamehameha III hoopii?  Ua ike ke Kuokoa, ua hookoia ia noi, mamuli o ka paulele ana aku i ka manao hoopono o ko Beritania Poo Aupuni a me kona poe Luna Hooko oihana.

            Pela hoi i waiho ia aku ai ka hoopii a ka Moiwahine i ka manao hoopono o ke Poo Kiekie o ke Aupuni o Amerika, oia o Harrison (a pau hoi oia) ia Peresidena Cleveland mai, ma ia kulana no; he poo no ka Lahui Amerika.

            Aole makou e pono ke huna iho, aia he manao hoopono ko Cleveland maluna o ka hoopii a ka Moiwahine a me Kona Lahui, a ua maopopo loa ia mea, no ka mea @ hoike mai kana hana i k@ kona manaoio maoli @ e me ka makou mea @ o ai mamua aku n@ hoopono loa na kana@ Mamuli o ka hoopo@ Luna hooko mala@ ewa loa ke kauoha @, mai kona lawelawe @ hooko, e ka Luna @ai, a oia ke kumu @ ole ia o ka hoopii @ Moiwahine Liliuokalani, a like ole me ka Kamehameha III i hookoia.

            O ka ke Kuokoa haohao, oia ka waiho ana aku i ka hihia na ka mea hana hewa e noho Lunakanawai mai, a ke olelo nei KE ALOHA AINA, ua loaa mai ia Kamehameha III, kekahi olelo hooholo pookela loa, ma Kona waiho ana aku i Kana hoopii imua ponoi o ke Aupuni i hana hewa Beritania, ma o Haku George Paulett la i ka 1843.  Oiai, ua noiia ka hoopono e haawi mai i na kokua i ka mea i hoopilikia waleia.

            Mamuli oia loina like i waihoia aku ai ia hoopii e Kamehameha III i ke Aupuni o Beritania, pela no i waiho like ia aku ai keia.

            O Beritania ke noho mai ma kona ano he Aupuni hoopono, a hoopuka mai la oia i kana olelo hooholo, he olelo o ke ola a me ka pono no Hawaii nei.

            Aole he hoa Lunakanawai e ae i noho me ka Mana o Beritania; aole loa.  Oia wale no, a puka mai la kana olelo hooholo.

            O ka mea nona ke kanaka hana hewa ka i noho mai, a hoahewa iho la i ka hana a kona kanaka, a kauoha ae la ia Adimarala Thomas e hoihoi hou mai i ke Kuokoa o Hawaii nei.

            Nolaila, he mea ole ka lawe ana aku i ka hoopii i ke Poo nona ke kanaka hana hewa, no ka mea, o ka hoopono ka mea i koiia e hoopuka mai no ka mea i noiia aku.

            Ke olelo hou nei ke Kuokoa, o kela protest a ka Moiwahine i waiho aku ai ia Peresidena Harisona, a i hooiaioia e S. B. Dole, a i hoopau ole ia e Peresidena Harisona, aole ia he mea e kuleana ai no Peresidena Cleveland e hana aku ai ia.  Nolaila, aia wale no a hana hou na aoao a elua i palapala aelike hou e haawi ana na Peresidena Cleveland e hana, alaila, hiki!

            Haohao loa ia makou i keia manao ano e loa o Kuokoa!

            O Peresidena Harisona, he Luna Aupuni Kiekie loa oia e hooko ana i na hana pili Aupuni a pau loa ma ona la; a ina i kekahi wa, @ ua pau e kona manawa i noho peresidena ai, a i ole, ua haalele mai paha, a i ole ia, ua make ia paha.  Ao e anei i ike maopopo o Kuokoa, ua ili iho na hooko ana o na hana pili Aupuni a pau loa, maluna o ka mea e pani ana i kona hakahaka?  Aole anei ma ia ano ua pololei ko Peresidena Cleveland pane ana.  “I ka wa i kakauinoa ai o S. B. Dole i kona apono ana i ka Palapala Hoopii a ka Moiwahine, alila, ua ae like laua a elua e waiho mai i a hihia maloko o ko’u lima, a na’u e noho aku.”

            Ua maa ka mea kakau o ke Kuokoa.  Ina ua hoomaka e ia kekahi hoopii, maloko o ka Aha Hookolokolo; aka, oiai e noho ana ia Aha, aia hoi, ua ulia a make paha ke kahu o ka Aha, a i ole, ua haalele mai paha, alaila, e haalele anei kela hoopii, a e hana i palapala hoopii hou, e hookomo ana i ka inoa o ka Lunakanawai hou e noho mai ana maloko o ka hihia?  Aole anei, e hapai aku ana ke kahu hou o ka Aha i ka hihia e like me ia i hookumu mua ia ai i kinohi?

            O keia ka mea a KE ALOHA AINA i ike ai, a ke manaoio nei no makou, pela no ka ike o ke Kuokoa.

            Pela makou i ike ai e pili ana ia Peresidena Harrison a me Cleveland.

            Oiai i ka wa i pau koke ai ko Harrison noho Peresidena ana i ka la 4 o Maraki 1893, aia hoi komo koke mai la o Peresidena Cleveland maloko o ke kulana, he Poo Kiekie no ke Aupuni o Amerika Huipuia, e hooko a e lawelawe i na hana a pau loa e waiho ana maloko o ke Keena o ka Aha Kuhina o Amerika.

            Ia wa (Maraki 1893) loaa iho la ia Cleveland keia mau Palapala pili aupuni.  1.  Ka Palapala Kuikahi Hoohui-aina.  2.  Ka Palapala kue a ka Moiwahine o ka la 17 o Ianuari 1893.

            Alaila, pehea la e Kuokoa?  Aole anei he kuleana a Mana i loaa ia Peresidena Cleveland e noho ai a hana a lawelawe ma kela palapala pili aupuni i hoopau ole ia e Harrison kona mua?

            Aole anei no ka hiki a no ke kuleana pono, oia ka Peresidena Cleveland i hana ai?  A oia kana i hooko aku ai?  A oia kana i hoouna aku ai iloko o ke Congress?

            He mea moakaka loa ia makou na kulana hana a Cleveland i hana ai, he hana a ke kanaka hoopono, a i piha i ka ike a me ka me ka malamalama kiekie; a mamuli o ia ike, ua paa kela noho arbitrator ana maluna o ka hoopii a ka Moiwahine Liliuokalani e kue ana ia S. B. Dole ma.

 

HILO TRIBUNE.

 

            Ua loaa mai ia makou ka hanohano o ka pahola ana aku i na hoomaikai i ka hoouna ia ana mai nei o ke kope mua loa o ka nupepa Tribune o Novemaba 23, ia makou.

            O keia ka mua loa o ka hookumu a me ka hoopuka ia ana, he nupepa no ka Mokupuni o Hawaii Nui a Keawe, maloko iho o ke kulanakauhale o Hilo Hanakahi, kahi a makou i noho ai a ewe; ko makou aina a me ko makou home ponoi!  Aloha no.  Aloha wale.

            Ua loaa i KE ALOHA AINA na manao hauoli o ka pahola a kukai pu ana aku ma ka milimili hou ka Hilo Tribune .  A ke lawe ae nei makou i kekahi mau anoai penei:

 

KO HILO HOLMUA.

            Ke hele mua nei o Hilo ma na mea hou; ke pii mai nei na hale hou; ke komo mai nei na malihini hou; a ke ho@ mai nei na hana hou iloko ona, eia kahi hana hou e hapai nei ia Hilo iluna, ua paa loa ka hale o ka hui kukulu i uwila, a me ke paipu wai, a he mau mahina wale no paha koe, a hoomalamalama ia o Hilo e ka uwila.  He mikini hana “hau” ko Hilo, a ke hoolako ia nei o Hilo me ka wai huihui o ka hau.  He hale pai nupepa ko Hilo, a e pai ia ana na mea pai a pau me ka hoouna ole i Honolulu.  He enegini kinai ahi ko Hilo, e pau ana ke kinai ana me na pakeke, a e waiho ana ia enegini iloko o kekahi hale nani.

            He wai ono, wai maemae ko Hilo e inu ai iloko o na paipu, e pau ai ka hopohopo i ka inu ana i ka wai halepolepole o na auwai.

            Ke kukulu ia mai nei na hale hou, a ke lawe ia mai nei na waiwai hou mai Kaleponi mai, i kela a me keia ku ana mai o na moku.

            A i ka hoomaopopo aku e lilo ana o Hilo i kikowaena o ka holomua iloko o ka mokupuni o Hawaii.

KELA AME KEIA.

 

            O Mokuola ke kahua o na paina hoomanao a ko Hilo poe e hele mau ai.                               E ku aku ana he halekuai laau lapaau ma Hilo nei, i kahi o keia mau la aku e weheia ai.

            He mau la ua nui keia o Hilo, eia nae, aole i lilo ka ua i mea hookuemi hope i na hana, e nee nei imua.

            I Hilo iho nei ka manua Amerika Beninetona, a ua hoi aku nei.  Ua lawe mai oia i ke Kuhina Amerika a me kona ohana, e ike i ka nani o Hilo Hanakahi, a e honi i na ea ala o Panaewa.  Ua olelo ae ke Kuhina Willis i kekahi o kona mau hoa`loha o Hilo nei:  “Ua lohe au no Hilo, a akahi no a ikemaka, a ke mahalo nui nei au ia Hilo nei no ka nani a me ka oluolu o kona mau kamaaina.”

            Ke hoomau ia nei no ka hana ana i ke alanui hou mawaena o Puna a me Hilo.  Ua aneane e ekolu mile kahi i ano maikai, a i na e holopono a maemae keia alanui hou, e lilo ana o Hilo nei i makeke no namea ulu o Puna.

----------------

            Ma ka hora 1 a oi o ka po Poalima a ao ae Poaono Novemaba 23, 1895, makai o Apua, Honolulu, ua hoohua mai la i keia ao mai ke kihapai mai o Mrs. Rose Apaki Manuwai, he keikikane nui mohaha, a o ka lua hoi keia o ka laua mau opuu pua i mohala mai i keia ao, a o ka makou wale no e kalokalo ae nei i na Mana Lani, e hooloihi mai i ke ola o ke Kama opio hou.

            Ma ka po o ka Poaono nei, ua hou ia i ka pahi o Kaleiheana e Kaanaana, ua ona o Kaanaana i kona manawa i hana ai i keia hana karaima, ua ulu mai keia hana mamuli o ka laua hoopaapaa ana eia o Kaleiheana ma ka Haukip@ i keia manawa, mawaho o Kamoiliili kahi i hanaia ai o keia hou pahi.

            Ma ka la Sabati nei ua pii aku la kekahi keiki Pukiki iluna o Ke Au Hou, komo aku la oia iloko o ka rumi o ka malamamoku i kona wa e paina ana i kona aina awakea, a hemo koke mai la no ua keiki Pukiki la mailoko mai o ka rumi, ua ninau ia aku oia i kona kumu i pii ai iluna o ka moku, a ua hai mai oia he keiki kuai nupepa oia, mahope o ka nalowale ana aku o kahi keiki, ua hoi aku la ka malamamoku a haha akula i ke eke o kona iole, aia hoe, ua puehu kana mau wahi kenikeni.  Eia ke huli ia nei, ua wahi piko pau i ke iole nei.