Ke Aloha Aina, Volume I, Number 26, 16 Nowemapa 1895 — Page 6

KE ALOHA AINA

 

6  KE ALOHA AINA, POAONO, NOV. 16, 1895.          

 

KA NOHO ANA O NA AUPUNI REPUBALIKA O AMERIKA.

 

            Mamuli o na hoakaka ana a Richard Harding Davis ma kana nupepa, "Three Gringos In Central Amerika," ua kakau iho oia no Honduras, a olelo iho la no kekahi mau mea e kupono ana i keia latidu.

            No ka hookahuli aupuni, aole he nui o na poe make iloko o na kaua ana; aka, o na poino i loaa mai i ka aina, oiai e mau ana ka haunaele, a e hoomauia ana mahope iho o ka pau ana ae o kekahi haunaele, a oiai hoi ka poe i pau ka noho mana ana, e hooulu hou mai ana he haunaele hou, a o keia ka mea poino loa, ma ka hoomauia ana o kekahi ano hana no ka pomaikai paha, a no ka holomua; aka, he mea maopopo ole nae ia * * * *

            O ka poe kupa o Amerika Waena, aole loa o lakou kupono no kekahi ano Aupuni Repubalika i oi aku mamua ae o kekahi huakai imi aina Welau Akau. A o ka mea kupono wale no, e loaa ai he hoomalu ana mai a Amerika Huipuia, a i ole ia, mai kekahi mai paha o na Mana Nui e ae; aka, aole he hooponopono ana aku, o ke Aupuni hea la ia; a oiai e like me ka mau o ka paa ana o ke Alawai o Nicaragua maloko o ko kakou lima.

            O ka manao kau nui i ka hoomaluia mai, oia ka mea a Mr. Dole a me kona poe e au hele nei e loaa, a oia ka mea nana e hookikina la ia Mr. Hacth ma kona ala e hele la no Wasinetona.

            Ua ano kulike no keia manao me ko kela palapala a makou i hoolaha aku ai ma ka pepa puka la o ka Poalua nei; aka, o kahi i like ole; oia ka makemake o ka Repubalika o Hawaii nei ia Amerika Huipuia e noho hoomalumalu mai maluna o Hawaii nei, a e noho no lakou nei pela, me ka mana o na hana hoilikole i ka aina a me ka Lahui Hawaii.

            Mamua aku nei, aole makou i lohe wale, aole hoi i kuhihewa aka, ua hoolaha maoliia ae iloko o na nupepa Advertiser a me ke Star, na olelo hooioi launa ole mai, e i ana. "Ua kupaa loa ke Aupuni Repubalika o Hawaii nei, aole loa mea e hoonaueueia ai kona onipaa ana a me kona makaukau, ma o kona pualikaua, a pela aku."

            Ina he oiaio ia mau olelo haakei ana, alaila, no keaha la keia pupuahulu ana o Haki e holo koke i Amerika?

            Aole anei, ua ike lakou i na hopena o na aupuni repubalika o Amerika Waena a me Hema, he noho haunaele mau ana ko lakou? Aole anei, ua lele e ka hauli, e loaa mai ana no ia hopena poino ia lakou, ke ole e kokua kekahi mea ikaika ia lakou? Na ke Aupuni Amerika i kokua i ke kukulu ana i keia Aupuni. Aole anei he mea pono iaia ke kokua mai e hoopakele ia Hawaii mai na lima mai o na poe alunu hou e hoea mai ana?

            Alaila, e like me ka loaa ana mai ma ka pono ole, pela e lilo aku ai ma ka pono ole? A e like no hoi me ka olelo, "O ka waiwai i loaa hewa mai, aole ia he mea e pomaikai ai."

 

KE AKE NEI E HOOPUKAIA I MAU LAIKINI.

 

            He nui ke kamailio ana o na nupepa namu o keia kulanakauhale e pili ana no ka pono e hoopukaia i mau laikini no ke kuai ana i ka opiuma ma Honolulu nei. Wahi a lakou, o keia kekahi kumu e loaa ai na dala kokua no na hana o ke aupuni, a no ka hookaa ana aku i na aie he lehulehu wale e kupai nei.

            O keia manao e lawe mai i ka laikini no ka opiuma i ka wa o ke Aupuni Moi, oia kekahi o na meo ino loa a ka poe hookamani i makawelawela loa ai.

            A ua hoike ae no hoi, ua loaa ke kumu e hookahuli ai i ke Aupuni o ka Moiwahine Liliuokalani, no KOna hoapono ana ia Bila e lilo i kanawal.

            A pehea la i keia la? Eia ua poe hemolele nei ke ake nui mai nei e laikini i ka opiuma, i loaa ke dala a lakou! Kupaianaha no hoi? Luaole mai ka Lani mai!

 

Na Palapala

 

            Aole e ili maluna o makou ke koikoi o na ahewa ana no keia mau manao i hoopukaia malalo o keia poo, aka, e ili no ia maluna o na poe na lakou i kakau mai.

 

HE PALAPALA HOOPII MAI KALAWAO MOLOKAI MAI.

I KA PAPA OLA MA HONOLULU.

 

            I ka Perasidena a me na Lala Hanohano o ka Papa Ola,

Aloha oukou:–

            E oluolu mai kou hanohano, e hookipa aku i keia mau ualo ana aku a makou imua o oukou, a ina he mea kupono ole imua o ko oukou hanohano keia mahaoi wale ana aku o makou, e kala mai.

            Me ke kaumaha a @ makou e hoike aku nei i keia mau manao, a ola iho keia:

            Ua lohe mai makou mai ko makou Makua Uhane mai, Rev. L. L. Conrady @ mea e pili ana iaia, oia hoi ka hoopauia aku o kona noho ana @ maanei, a hele aku he wahi okoa.

            Ua hoike mai oia ia makou na hoa hanau, maloko o ka Luakini i ke Do@a i hala. Ua komo mai ka maeele o ke aloha makua iloko o ko makou puuwai i keia manawa, mamuli o ke kumu maopopo ole. Nolaila, e kaawale ana oia mai a makou aku.

            Ua hoike mai kona mau helehelena a me kana mau olelo, i ka hoailona kaumaha, me he mea la, e i okoa mai ana ia makou na hoahanau penei:

            "Eia au ke hele nei, aka, e hoomanao, o kuu kino kai kaawale mai a oukou aku, aka, o kuu aloha pau ole, aia no ia me oukou."

            Na ia mea i hoomokumokuahua mai i ko makou naau, a me he mea ala no hoi e kono okoa mai ana no i ko makou mau kulu waimaka e helelei iho, no laila, ke hookomo nei makou i keia wahi ninau maanei, a e kala mai hoi ko oukou oluolu ina ua kupono ole keia wahi ninau.

            Ma ke kumu hea la i pau ai kona noho ana maanei?

            Oia ka makou na hoahanau e haohao nei, nolaila, o makou kana mau keiki iloko o ka Haku, ana hoi i hanai mai ai me ka olelo Hemolele a ke Akua Mana Loa, ke nonoi aku nei makou i ko oukou hanohano, e kala ae oukou iaia, no ka mea, he mea ehaeha no makou na keiki ke kaawale alu ko makou makua aloha mai o makou aku, a pela no hoi ka makua ia makou na keiki.

            No laila, no kana mau hana aloha ia makou, i hoopipili paa aku i ko makou aloha iaia, me he mea la, he makua ponoi no makou ma ke kino.

            Nolaila, ke hoike aku nei makou i kekahi mau hana ku i ke aloha ana i hana ai iwaena o makou, i ole ai e ninau mai kekahi mea penei:

            "Heaha la kana mau hana aloha iwaena o lakoo?"

            Ke hoike hou aku nei makou i kekahi mau hana ku i ke aloha ana i hana ai iwaena o makou, oia keia:

            Mai kona wa i lilo ai makua no makou, ua hoike mai oia i kona aloha ma kona launa kamailio maoli ana me ka poe palahe ino loa, kupono ole i kekahi mea hanohano o ke kulana kiekie ke hookokoke aku, aka, aole oia i nana no ia mea, ua hele oia e launa pu, kamailio pu, hoakaka aku iaia i ke alanui o ke ola me ka manao uni o ke aloha hoalauna.

            Me he mea ala, ma ka hoohalike ana he kiai maoli no oia no ke alanui o ke ahi pio ole, e kipaku mai ana i ka poe e hele aku ana ilaila, ma kana mau olelo a'o.

            A ua hiki no hoi i keia makua uhane ke kokua i ka poe e hiki aku ana imua o kona alo.

            Eia kekahi, e hele ana oia ma na hale o ka poe ma'i lepera, iloko o na pilikia he nui, iloko o ka ua me ke anu iloko o ka aaki pouli o ka po me ka makani.

            E manawalea ana i na poe iloko o na ehaeha a keia mai aai nui wale, ua like na ma'i me he mau keiki ponoi ala nana.

            O ka poe nawaliwali loa, me he momi ala ia imua o kona alo, ke ike ole oia mamua o kona kaalo ana aku ma keia aoao mau o ke kanaka. He makua oluolu ma na ano a pau, he aloha i na ma'i a me na poe a pau e maalo ae ana ma kona alo.

            E loha mau ana oe i keia mau huaolelo mai kona waha mai penei: Aloha maikai oe. Pehea oe? Maikai no. Aole pilikia?

            Ina ua pilikia oe ma kekahi, hiki no ia'u ke kokua ia oe me na mea i loaa ia'u,

            He nui aku no na mea i koe, aka, no ka haiki o ka manawa, ua hoopokole mai makou i ka helu papa ana aku i kana mau hana ku i ke aloha.

            Nolaila, ke nonoi hou aku nei makou i ko oukou oluolu, i ka Peresidena a me na Lala hanohano o ka Papa Ola e hooki loa i keia manao hoopau i ko makou makua aloha, Farther L. L. Conrady.

            A ke noi pu aku nei no hoi makou i ko oukou oluolu e kala mai ia makou, nona na olelo i kupono ole paha i ko oukou manao maloko o keia leta.

            Ma keia wahi manao a makou i hoomaikeike aku la, ua lawa paha ia, no ko makou hoike ana aku i ko makou aloha nona.

            Ke hooki nei makou maanei me ko manaolana e hooko mai ana ko oukou lokomaikai i ka makou noi. O keia ae la ka makou mau uwalo imua o ka Papa Ola.

            I ka Lunahooponopono a me na keiki oniu hua metala ko makou welina pau ole. Me ka mahalo.

O makou iho me ka oiaio,

D. KEOLA,

M. AHOI,

M. KELIIKOA,

J. M. KEOHOKALOLE,

A.A. KEUMI,

Na Komite.

            O ka huipa nui o na poe i kakau i ko lakou mau inoa malao o keia manao hookahi oia hoi ka hoomau ia ana o koka mAkua Lui noho ana maanei, he 704, ka nui.

            Kakauia ma keia la 7 o Nov, ma Kalawao, Molokai.

 

Nu Hou Kuloko.

           

            O ka la hanau keia o ka Moi Kalakaua.

            Ua ku mai ka mokuahi Australia inehinei mai Kapalakiko mai.

            Ua piha-u ae ka heihei kaa hehih eh wawae o ka Poakolu nei i na poe makaikai.

            Eia mai no o Anadarea ka ipo hooheno a Tidora ka puuwai eleele.

            E malama hou ia ana no he heihei kaa heihei wawae i keia auinala Poaono, 8 ma ia wahi no, ke loaa ole he mau kuia.

            He mau heihei moku liilii ke malama ia ana ma keia Poaono iho, la 16, ka La Hanau o ka Moi Kalakaua i make.

            Ina aku a hoea mai i Hawaii nei he manuwa Iapana, e hele mai ana hoi e kiai no kona lahui maanei.

            Aia ma ka puka aniani o ka Halekuai o Dilinahama e kau ia nei na makana a ka poe heihei moku liilii.

            Ke ake nui nei lakou nei e laikini i ka opiuma, ke akualapu aka, he mea paakiki nae ke hooholoia i laikini opiuma.

            E lawe nui e na makamaka i KE ALOHA AINA, i ike na mea hou kuloko ko a kuwaho, oiai, he kiai makaala loa oia nou e ka Lahui Hawaii.

            I ka halekuai aku nei oe o Kalahiki? Aole. Kahihi hea ko mea i hele ole aku nei ilaila, he nui na mea maikai olaila a he emi ke kumukuai.

            Ma ke kakahiaka nui @ kolu i ku mai ai ka Benine @ ma.

            O keia Poaono la 16, oia @ hanau o Kalakaua ka noeau, @ Moi hoi nana i huli i ka pomai@ ka aina.

            Ma na palapala a na maka@ loaa mai nei ia makou, e hoike @ i ka nui o ka ino o na kuaaina @ pule aku nei.

            Ua puka ma ka Poaono nei, ka @ laau lapaau a Kamaki, a he @

hoi ka auhau he hapalua dala @ ke kumukuai no ka buke hooka@

            Ma ka la 28 o keia mahina, @ La Kuokoa o Hawaii o Hawaii nei, a e @ na kanaka Hawaii e hoomanao @ i la kulaia nou e Hawaii, oiai o @ maoli ia e ke kanaka Hawaii.

            O ka nui o na i'a mai ka la @ 6851; la 8 he 7317; la @ 11,359 @ he 1358, a o ka hapanui o @ hoounaia mai, mai kela a me @ wahi mai he amaama ka nui @ keia mau heluna huahelu.

            Ua holo aku ka Ma@ inehinei no kona mau @ maluna aku ona i kau aku @ kakou milimili KE ALOHA @ no na makamaka ma na @ aina aku nei.

            Ke oni mai nei ka Bea; a ke @ mai nei hoi na maiuu o ka @ uwalu aku i ka Bea, mamuli o @ mau hana hoopuiwa, oia hoi @ hoouwai ana aku i kona mau @ kaua mai Valdivostock a i Che@ me Fusan, ma Korea.

            Nui ka pii ino o ko k@ aie lahui, mai ka 1892 @ hiki i keia la, he $3,001,00@ dala ka nui o ka aie lahui, @ he $2,314,000 dala wale @ ale i ke au o ke Aupuni.

            Ma ka auina la o ka Poakolu @ malama ia ai ka heihei kaa hel@ wawae, mawaena o Angus @ me Tommy King, ua apuepue @ mawaena o Angus a me Sylves@ hiki wale i ko laua hoea ana i ka @ hopu, ua lilo ka eo o ka heihei @ gus, iloko o 37 3/4 minute, he @ wale no ke kaawale o Angus @ Sylvester mai.

            Ma ka hora 10 o ka po Poalua @ i haalele mai ai o James Dows@ i keia ola ana, ma Puuloa. No @ mau makahiki ka loihi o kona loaa@ i ka mai, a hala wale aku la. O @ iki hiapo keia a Kimo Pelekane, @ hoihoi ia mai kona kino kupapa@ ka home o kona makuakane @ palama, i ka auina la Poaha nei i @ waia aku ai kona kino kupapau i @ moe ia aku la mauka o Maemae.

 

OLELO HOOLAHA

 

            E ike auanei na k anaka @@ keia. Owau o ka mea h@@ iho nei. Ke papa aku nei @@@ loa; aole loa o hele ma na @@ aina i kapaia o HAKIPUU @@ e waiho la ma ka Apana o K@@ Mokupuni o Oahu ko Haw@@ ka poe e komo kuleana @ mau kai lawaia, me ka loaa @@ makou aku, a i ole ia, mai a @@ aku ka makou Lunakiai. E@@ Honolulu, Oahu, Nov. @@

 

HOOLAHA PAPA

 

            E ike auanei na kanaka @@ mai lakou i keia. O mak@@ ke kuleana kupono ma@@ mea oia ku apana o Waia @@ Oahu, ko Hawaii Pae A@@ papa loa ia aku nei, aole @@ iho o ua aina la o Waime@@ aku he ae ia mai la makou @@

D. NA@

Peresidena o ka @

LE@ KAU@

Kakauo@

nov 13 tm-dly.wkly