Ke Aloha Aina, Volume I, Number 25, 9 November 1895 — Page 5

KE ALOHA AINA

 

KE  ALOHA  AINA,  POAONO,  NOV  9,   1895                5

@oi mai ke Kahu

@ ka aoao o ke Au-

@ mai i ka rula, ina

@

@elo mai la oia; aole

@ia, he rula paha,

@ka, ma ke kauoha,

@akou nei, A ma ka

@i hookuuia ai

@e a ka Lunaka-

@aole maopopoia oe

@ono e noi mai e

@ i keia hoopii ana.

@ina no he rula, aka,

@olahaia, aole no he

@la; a pela aku.

@o Nawahi anei ka

@la wale aku i na

@a Papa Ola?

@ o na Luna hooko

@ Papa Ola ka hana

@nesa hoopilikia i na

@ka hewa ole? A o

@we a hoopaahao ia

@ ma me ke ano ko-

@ Oia ka pololei i

@

@opopo i ka Papa

@ hewa o Nawahi

@ ia mau mea, ina

@a lakou e kamailio

@ i ole a hopu iaia.

@oiaio ma ka auina

@ Sabati. ua niania

@hi poe. e like me

@imua o ka Peresi-

@apa Ola me ka ole

@uni ana akua Ua

@Nupepa KE ALOHA

@anaka e huna la

@e i loaa i ka mai

@ a aku.

@a ka hopena?

@ i KE ALOHA AI-

@a hope aole mea iki

@loaa aka, aole no e

@lele kokoke mai la-

@o Nawahi, a kiola

@ ka halepaahao, e

@manao e koi nei.

@ oe e ka mea huna i

@ lawa na kumu e ho

@ana o Nawahi i ke

@e kela mau imihala

@aila, e hele ae oe e

@lapala hopu no Na-

@e kau i opu ino mai

@

@ua e kokua mai ia

@ hoauhee aku i na

@ o ke kulana lapu-

@

 

@i nei na Hiohio na

 

@ na hoike manao

@a poe Kalai Au-

@inau pili i kekahi

@aumeume nei no

@u kulana. Ua hiki

@hoomaopopoia ka

@ai ana ma keia

@ili ia mau lahui. e

@ea e pili ana i ka-

@

@ wale ia la, e hoea

@he mau olelo ka-

@mau Luna Oiha-

@ Amerika e noho

@ina mamao: ma-

@ana i hanaia a i

@i hoemiia mai hoi malalo o ka manaoio maoli o na Luna Hooko Kiekie o ke Aupuini o Amerika.

  E pono ana ke Aupuni o Amerika Huipuia, a e hewa ana hoi oia, mamuli o ka hana a kona mau Kuhina e noho hana ana mawaena o na Lahui o na aina e.

  Ma ko makou halia wale ae no, malia paha he pololei no ka olelo ana mai a kekahi wahine kulana kiekie, i hoopaa a mamua aku nei, i ka i ana iho penei

  "E ake au e ike mua ia Kalua-o-pele, mamna o ko'u hoi ana i ko'u aina."

  O Amerika ka aina o ua wahine nei, a ua hala aku nei oia e ike ia Madame Pele i kela la aku nei--maluna o---*  *  *  *

 

Ke Gibraltar Hou o Beritania.

 

  Ua manaolana ia maloko ae nei o hookahi makahiki, alaila, o na kowa o Fuco, e wawalo ia ana lakou e na leo mele nakolokolo o na pukuniahi o ka aina, na Esquimalt, ko Beritania Nui laina pale kaua ano hou loa, ma ka welelau hema loa o ka mokupuni o Vanekoua. Aole loa he wahi kukulu pale kaua i hoolala ia me ka palenehe loa iloko o ka wa maluhia e like me keia, a ua hoomaopopo ia no ko Victoria poe, no na ano hana kupaianaha, no ke pale ana aku i na enemi mai ko lakou mau ipuka aku, e hoikeia ana no ia ma kekahi mau olelo hoakaka, oia hoi, o na papu kaua hou, ua lawe ia mai na kii, no na hana mahope aole no ke paani hoikeike. O ko lakou mau lako kaua, o ia kekahi o na mea ano hou loa, a o ka oi loa no hoi, ma ke ao holookoa a puni.

  O na lua eli ia malalo, a me na topido hoopahu, he mea ano hou loa. O na papu, ua kukulu ia ma kekahi wahi maloko o ka opu o ka honua, mawaena konu o ka lae Macauley a me ka pa-kapili moku o Esquimalt. O kahi hoahu i na lako pauka, ua hoahu ia e lawa ai na puali koa i na pela e hiki ai, a o ka hana e kukulu ia nei, ua kokoke loa e paa pono. A o na hana hoolako aia ke hoomaka nei.

  O ka nanina o na papu mai na kahakai aku, aole loa he mea hiki ke olelo ae, he luhi ole ka hoouna ana i na elele kamailio mawaena o na aliikoa e hoomalu ana. No ka mea. iloko o na makahiki elua i hala ae nei, ua hoomauia ka hana i ke ao a me ka po, a i hoopuniia e na laina koa kiai, i ole loa e hiki i kekahi mea ke kipa aku, koe wale no o ke kauoha mai ke Keena Oihana Kaua Imeperiala, (mai Enelani mai).

  O na poe limahana no hoi kekahi, ua hoololiloli mau ia lakon i na wa a pau loa, i mea e hiki ole ai i kekahi o lakou ke ike, a ke hoomaopopo i na mea huna, e pili ana i na wahi ikaika i kukulu ia e pale ai. Aole no hoi kekahi luna koa kiekie loa o ka pualikoa kuloko o ka aina, i ae ia e hookoke aku ma na palena o na wahi laahia ai pale ia.

  Ma ke kulana no na poino hiki wale mai, o ke poo oihana o na pualikoa iloko o na makahiki i hala aku nei ua hapai lakou he oihana a okoa kuikawame na kumu aliikoa a'o mai ka Marine Royal Artillery mai, e ao ana ina hana puali pu-kaa i kuhikuhiia ia lakou. A o ko lakou hoohoihoi ia mai nei ana koa, ua hoopaa ia mai ia ma na bona dala kuike o $50 no kela a me keia kanaka e hooikaika ana ma ka papa o ka poe kipu pololei. A mawaho ae o keia ua haawiia lakou he keena paikau no lakou. Ua hoolako ia lakou a pau loa me na lako pili oihana kaua, a ua hooponopono ia ma ke kulana lanakila, ka mea e hoapahaohao loa ia ai na poe o na pualikoa pualu ma ka aoao hikina o Canada.

  O keia mau lawelawe hana aua a pau loa; ua hoohuiia ae ia a hookahi hopena hope loa.

--Mai ke Glasgow Weekly Mail mai.

 

NA HOONOHO LUNA AUPUNI.

 

  Ma na nupepa Bulletin a me ka Advertiser, i ike iho ai makou i na hoonoho Luna Aupuni hou o ka Repubalika o Hawaii nei, a oia hoi keia:

  Ua waiho mai la o H. E. Cooper i kona noho Lunakanawai ana, a ua hookohuia iho la hoi o J. A. Magoon ma kona wahi.

  Ua waiho mai hoi o F. M. Hatch i kona noho Kuhina Aina E ana, a ua holo aku oia ma ka mokuahi Coptic o ka Poakolu iho nei, no ka noho Kuhina ana ma Wasinetona. Noloaila, ua hookohuia ae nei o H. E. Cooper i Kuhina no ko na Aina E no Hawaii nei.

Ua hala hoi o Loio Kuhina W. O. Smith i Nukilani, a e holo ana paha hoi o Alfred J. Carter no Amerika, a owai ana la ka Loio Kuhina, a Hope Loio Kuhina?

 

  Ke hookokoke loa aku nei kakou i na la nui, ke Karisimasa me ka Makahiki hou.

  Ma Kunawai, ua hanauia mai ka puhaka mai o Mrs. Lahela W. Keiki, he keikikane nui mohalia. A o ka makou e kalokalo ae nei i na Mana Lani e hooioihi mai i ke ola o ke Kama.

  Ua loaa mai he lono ma ka Mikaha la o ka la Sabati nei, ua kaalo ae ka mokuahi China, iloko o ka panopano o ka pouli, mawaho o Makaweli no ke kii ana i kekahi ohua malaila, aka, no ka nui loa o ka ino, ua holo loa aku la oia no Iapana a me Kina, me ka haale e ana i kana ohua i kii aku ai.

 

Nolaila Paha Keia Pupuahulu?

 

  Ua ike iho makou ma ka Advertiser o ka la 5 o Nov. e olelo ana i ka piha loa o ko F. M. Hatch manawa i ka hoomakaukau aha i na palapala, e pili@a i na hihia koi poho a @ku@ o Beritania i hoea ae mamuli o kela uluku ana o Ianuari 1895 iho nei.

  K@ hoomakaukau awiwi - ia nei keia mau palapala e paa a makaukau e mamua ae o ke ku ana mai o ka mokuahi Coptic i ka la apopo. E lawe pu aku ana oia ia mau palapala me ai i ke kahua ana e holo aku ai e noho.

  Nui @panaha o keia mau hana, a lakou e hoao mei @ @lo ae i na kaumaha@ @a@ luna o Hawaii @e@ i loaa mai mamuli o ka lakou ponoi mau hana ana.

  Na ke Akua no e haawi mai nei i na uku ana no kela hana keia hana hewa a ke kanaka e hana ai, a na kela a me keia lahui hoi, e auamo iho maluna o lakou i na hana hewa a ka, poe Luna Hooko, o kela a me keia aupuni iho. He mea mau no ia, a he rula i hoohana mau ia mai mua mai.

  Ke ike nei kakou i na hiohiona o na huakai hele pupuahulu ana! Aia hoi o W. R. Kakela i Wasinetona e aha ana? Eia hou hoi o F. M. Hatch ke holo pupuahulu aku nei, heaha la hoi? Hoonui lilo wale no keia mau hana ana ma ka aoao o ka lehulehu.

  I na ua lawa ole kela keena ma Wasinetona i hookahi kanaka, alaila, aole no e lawa ana elua a ekolu, a eha no paha? Alaila, elua a ekolu manu Uau a ka lua hookahi! Huki ka akau huli ka hema i na $500 o ka malama hookahi.

  O ke dala ke hoolilo ia nei, he ole nae ka mea e loaa mai ana. He mau hoao wale ana no keia e palepale ae i ka ua me ka makani; aka, aole nae he malu e loaa mai ana.

  O na kalai aupuni loea o keia aina, ua puhili lakou ia lakou iho no, a ua hauhili ka lakou mau mea i hana hemahema loa ai maluna o ka lahui holookoa o Hawaii nei.

  Ua hoomaopopo makou i ke ano, a me ka helehelena o keia mau hana, ma ka noho paa loa o ka Makai Nui o Hawaii i Honolulu nei. No keaha? A heaha kona mea e noho paa nei ianei i keia mau la? Ua hoomaopopo makou oia ka mea nana i hopu a hoopaa, a kipaku i na poe a pau loa, aole koe hookahi, malalo o na kauoha ana mai a ke aupuni iaia e hooko.

  Nolaila, ua lilo oia i hoike no na aoao a elua maloko o keia mau hihia a pau loa e koi ia mai nei, a oia ke kumu o kona noho ana i anei nei iliko o keia mau la ana e noho nei.

  I kela manawa, he mana kona e kauoha ana e hopu! e hoopaa!! e kipaku i na mea a pau loa, aka i keia la, ke noho nei oia e pahonohono i na wahi nohaehae o ka upena a ke aupuni i hoohei ai i ka poe haole o na Aupuni Mana Nui o ke ao nei.

 

Hoike Kula Sabati.

 

  Ka hoike Kula Sabati Hapaha makahiki, o ka ekalesia kuokoa o ka poe Aloha Aina o Kohala Akan Hawaii, ma ka la 13 iho nei o kela mahina aku nei, ma Makapala.

  Elua no mahele nui o keia Kohala-loko, e hoomaka ana mai na pali kui eiwa o Honokane a hiki i Kahei i ka wai huna liilii o ka ilima.

  Ua hoomaka ia na hana me ka himeni a me ka pule a ka haiolelo, a J. Kaimana, ka Makua o keia ekalesia, a mahope olaila, na ke Kula Sabati o na pali-ku-eiwa o Honokane, i la we mua i ka hanohano o ka la, mamuli o ke alakai ana a Mrs. Kaili, kela kaikamahine lalawai o ka wailele o Hiilawe, i hoonaauao maikai ia ma ke kula kaikamahine o Mauna Oliva e Miss Elizabeta Laiana. Hauoli ka naau i na hana maikai, i hapaiia e lakou.

  O ka lua hoi o ka manawa i ke kai pii o Makapala, mamuli o ke alakai ana a Mr. J. Kaunamano. O keia no ke kula makua iloko o keia ekalesia. O kona heluna no ka oi mamua i na wa a pau, no ka mea, o ka ekolu keia o na hoike hapaha ana o keia Kula Sabati kuokoa.

  O ka mea ike i ka hana pono, a hana ole, o ka hewa no ia nona. Aka, ke ike mai la kakou e ka poe kupaa ma ke aloha i ka aina. ke hana nei makou me ke kanalua ole.

  Mahope iho o ko Makapala, ke Kula Sabati Hui o Kohalawaho, ke kula o na pokii, ia Mrs. E. M. Kaimana ke alakai. Na makua hoi, ia Mr. Sam, Kanehailua ke alakai, o ka pau no keia o na papa Kula Sabati.

  O ka hapa hope o ka manawa, he mau haiolelo me na himeni. Hookuu na hana Kula Sabati, me ka himeni a me ka pule a ka haiolelo, J. Kaimana.

  Mahope no hoi o keia mau hana, ua hoomakaukau ia he mau wahi mea paina, e hoopau ia ai ka houpo lewalewa o nahoa. A ua ai no a lawa, a koe no na mea i hoomakaukau ia, (a-i hoilli ia a piha na hinai ie he umikumamalua ka nui.)

                    @ou oiaio

               MRS. L. M. KAIMANA

                    Kahu Kula Sabati.

 

  E lawe nui i KE ALOHA AINA i ike mea hou o keia mau la e nee nei.