Ke Aloha Aina, Volume I, Number 24, 2 Nowemapa 1895 — Page 5

KE ALOHA AINA

================

 

@au loa o ia

@ a Papa, e hoo- @ olelo papa, @ olelo kuhikuhi @ ke alakai ana @ia ai ke ola o @ela aku, a pela @

@e nei maikou @a aku i na mea @eia aina a ke @kou ina mea e @kou ola maluna @oloholo piliaina

@ mau mea i ike @ o kekahi mau @olo piliaina o @ hoonoho pu ia @la me na holo-@ me na moa, a @ hookahi wahi no @ pu ai - O ke @kamae, a me ke @hono pelekunu @ Auwe! hookahi @ moe ai

@ e hoihoiia ana @a o ka Papa Ola @hua elua dala, a @ me na puaa a @ he mea kupono @ maikai?

@ kanaka elua dala @ Aole hiki ke @ kekahi wahi kaa-@na ukana a me @ lehulehu loa, alaila,@ hopena, he moe @a, a me na pele @oa.

@ia nei no keia @ ola o ka lehu-@ o kekahi mau @ aina pela no na @ ohua i kau mai @ nei i kela pule @

@ ole anei he mea @ Papa Ola, e lawe-@e ninau,a e hoo-@lae pili ana no @ lehulehu e holo ana @oku i ole e hoo-@ kanaka me na @ a pelehu a me na @

@ono e hookaawale @a o ke kanaka @ai ka puaa a me @ pala-ta ana iluna

@ ai ai na ohua elua @ ke mimi mai la @ hi mai la na pe-@ moa! Pehea la @ Ola?

@ei ka ai ana iho o @ Papa Ola, ina ma @ai?

@ o ka lehulehum ke @ kou, he pono ka @ lawelawe koke aku @ mua e hoopio loa @ kue i ke ole o ka @aluna o na moku @

 

@ o haumana noho paa o @unahou i keia wa.

 

HE NANI KA KE AKUA MAU HANA

-

 Ke haawi ae nei maikou i na hoomaikai ana, he nui no ka nani o ka ke Akua mau hana, a makou e ike nei iloko o keia mau la e hele nei.

 I ka manawa e hana ia ai na hana kolohe me ka manao e nalo ana, aohe mea nana e ike ana, a ua lanakila lakou ma ia hana ana; aia hoi, ua hoike mai la ke Akua ia mea imua o ka akea, a ua kukala ae la maluna o na kaupoku o na hale! i mea e lohe ai na mea a pau loa, a e ike ai hoi na lahuikanaka a pau i Iahova, he Akua ike Oia, a he mea e hooko ana i ka pono a me ka pololei. Aole he mea i nalo iki i Kona maka.

 O kela hihia a makou e hoike mau nei e pili ana no kela haole, Godfrey, i powa ia ai; ua ike makou ua waiho ia aku ia me kahuli oleia o ka poe hana kolohe e ka mana o ka oihana makai o ke Aupuni iloko ae anei o hookahi mahina a me l0 la, a ua manao ia, ua pau, a ua nalowale aku ia mea, a aole no e hana ia ana.

 Aka, oiai, e hana ole ana ke Aupuni, a e lawelawe ole ana na makai a ka lahui e uku nei i ke dala. Aia hoi, ua lilo aku la keia hana ma ko ke Akua lima, Nana e huli, a e imi a e hopu aku i kela poe haole nana i hapala ia Godfrey i ke ta a ma ka hulumanu, a e hoike ae imua o ke akea i na inoa a me na hana a pau loa, a kela poe i ohumu ai i kela mau hana powa a ka lokoino.

 He mea kupanaha loa ia! a he mea hoi e hoonani ia ai ko ke Akua Inoa Hemolele.

 He mea keia e kau ai ka weli maluna o ka poe ana hewa a pau loa; noka mea, he Akua ka mea e huli ana, e hopu ana, a e hoahewa aku ana.

 Aole loa he mea pakele aku mai ko Iehova lima mana ke hoomaka Oia e haha mai maluna o na poe hana hewa a pau loa ma ka honua nei: "Aia a hapai ke

kuko, hanau mai ka hew; a o-o ka hewa , hoopuka ia mai ka make!" "Ilaila ka uwe ana, a me ka uwi ana o na niho."

-

 

KE KULANA O NA REPUBARIKA.

-

 Ma ko kakou nana ana aku i keia manawa, i ke kulana o na Aupuni Repubalika o Amerika Hema a e Amerika Waena, ua maopopo loa, me ka hoohewahewa oleai, eia lakou iloko o na ao poluluhi o ka haunaele a me ka poino loa, no na hooulukaua, mailoko ae o na kanaka ponoi iho o ka aina, a me na malihini hoi mai waho mai, a me na kaua kue e mawaena o na aupuni repubalika.

 He hiki ole ia lakou iho ke ku me ka lanakila, aia wale no mamuli o na kokua ana mai o na aupuni ikaika ia lakou.

 O keia ke kulana o kela mau aupuni nona na miliona kanaka he nui, ua hiki ole ia lakou iho ke hookele ma ka holopono loa.

 E hookahuli mau ia ana ko lakou aupuni e lakou iho; a pela e aumeume ia ai ko lakou mai Lumahoomalu ma na hana kaua i kela wa a me keia wa, a hiki i ka lanakila ana o kekahi aoao.

 Aole makou i manao pela ka hopena o na Aupuni a pau loa; aka, pela nae ka helehelena e ikeia nei i keia wa.

 O Hawaii nei, he Repubalika oia a like me kela poe repubalika ma Amerika Hema e aumeame mai nei; a he poe malihiai puni hanohano mai na aina e mai ke noho ana iwaena o ia poe lahui e like no me keia iwaena o Hawaii nei i keia wa.

 O ke kuko i ka waiwai, a i ke dala a me ka hanohano, oia ke kumu o na uluku haunaele ma kahonua nei. Nolaila mai no na kaua ana, e like me ka olelo a Iakoba: -

 E hao aku ana, a e hao mai ana, na poe puni i ka wawai, a pela no ia e ikeia nei. Oia ka hana ma Cuba i keia la, a oia ma Venezuela, a ma Belazire hoi. Nui na ola a me na waiwai i pau i ka lukuia e ka kaua a me ka wi a me ka ma'i ahulau i hoea ae no loko mai o ka hooko ana i na kuko o ke kanaka. O ka hopena nae he popilikia a me ka make.

==============================

 

Ka Ikaika o ka Wailele o Niagara

=====

 Ua oleloia ae, ua lawa ka ikaika hookaa i na huila o na ano a pau loa mai ka Wailele mai o Niagara no na wahi a pau loa he 200 mile ka mamao mai ke kahua mai o ka Wailele o Niagara.

 O ka huilawai mua loa i kukuluia malalo iho o ka Wallele o Niagara, ua like kona ikaika hookaa, me ka ikaika-lio he 5000!

 O ke kukuluia ana o keia huila, he hoomaka na ia o ka Era hou o ka ikaika oniu o na mea huila. Ua hiki ke hoomahuahuaia ka ikaika o keia huila a

pa-haneri aku ka ikaika ina e makemakeia ana pela. A e loaa ana no he wahi hou aku no na huila he lehulehu wale e pau ole ana i ka heluia.

 Ua hoohalikeia ka ikaika piha o ka Wailele o Niagara, me ka ikaika o na lanahu a pau o na lua-lanahu o ke ao holookao, oia hoi, he 5,000,000 ka

ikaika-lio.

 I ka wa o keia hana ano nui launaole e waiho waleia ai, aole i hoonanaia, alaila, he nui wale o na kohokoho wale ana, e pau ana na lanahu i ke kiola liilii ia aku a lilo i mau materia.

 Ua hoike ae kekahi poe eneginia. O ka ikaika hoohana o ka Wailele o Niagara, i hiki no ke oniu i na huila a pau loa, a e hoomalamalama i na kulanakauhale a pau loa me ka uwila; maloko o 200 mile ka radins (hanai) mai ka huila wai hou mai. A ua hiki pono ke hooholo pono i na hana a pau loa, me ka hoonioni ole ae i ka hiona nani o ka nanaina o na Wailele mai na paihi mai o Niagara.

===============================

 

Ka Ikaika Hoi o ka Ahi Pele o Kilauea.

-----

 O ke ahi kekahi o na mea ikaika loa ekolu i ike mua loaia.

 O ke Ahi-Pele-o-Kileauea e kahe ana maluna o ka ilihonua nona na kapuai he 3,000 ke kiekie ae maluna o ka ilikai, he wahi hu-ahi pele wale no ia, mailoko mai o ka Muliwai-ahi enaena holookoa e baila mau ana iloko o ka waena o ka poepoe Honua holookoa.

 O ka ikaika oka mahu piha o ka pele iloko o ka Honua nei, he mau teriliona ikaika-lio kona hoa e like ai.

 No keia hoeu ana ae no ka mahu iloko o ka Honua, ua lilo ia imea haalulu wale, a opaipai iho la na aina e kau ana mawaho ae, o keia ahi pele e baila ana!

 Ua nui ka lanahu bitumena ma ka aoao mawaho ino o ka honua, a ua mau ka a ana o na gas ma na lua e eliia nei na lua-lanahu, aka, aia aku iloko ponoi o ka iho o ka honua, e loaa ana ia oi loa aku o ka pa-teriliona o ka ikaika wela ahi, e lilo ai na mea a pau loa i ole!

 Ua manao ia e ka poe kilo akeakamai. Ina i hiki loa mai i ke kau e hoi pono mai ai o ke ahi Pele ma Kulauea a piha pono iho o Halemaumau i ka muliwai ahi pele e baila ana; a ina he mea hiki, e hoopaaia na huila hoohana ma kona mahu piha; alaila, ua lele liilii ke lehu o kapuahi i ka hana a ka Luahine Pele. A ua hiki loa ke hookaaia na huila ona Wiliko a pau loa o ke ao holookoa me ka maalahi loa. Aole lilo lanahu, aole lilo no ka hoohana uila ana, a ua lawa ka ikaika o ka mahu o Pele, e hoomo'a i ka ai a pau loa, a na lahui kanaka a pau loa o ke ao holookoa! A eia hoi kekahi; he nui loa ka waiwai o Pele no ke kalapa kukaepele. He mea e pale ai i na ma'i, a e hoola ai i na kanaka a pau loa.

 Aia he mau tausani tona kukaepele e hoahu ia ana malaila, i na makahiki a pau loa.

 Nani ke kupaianaha, o ka ke Akua mau hana.

----------------------------------------

 

He Mea Haohao Nui Loa

-

 Ua lilo ae nei kahuli ole ia o na poe nana i owa ia Frank Godfrey i mea haohao loa ia, a penea la keia Aupuni a me kona mau Luna Aupuni e pale ai no lakou iho ma keia mea?

 Ma kalohe hauwawa ia, a o na manao kono wale aku no hoi, mamuli o keia hana ole o ke Aupuni, ua mahao ia, ua komo pu kekahi ma Luna koikoi o ke Aupuni iloko ona hoolala ana no ia hana.

 Ina paha he oiaio, a ina no aole he oiaio. Aole no ia he kumu e hooko ole ia ai ka mana o ke kanawai maluna o ka poe nana i hana i ka hewa.

 O ka noho wale ana o ke Aupuni, a me ke ku wale ana o ka Oihana Makai, malalo o ka Loio Kuhina o ke Aupuni, he mea no ia e kuhihewa maoli ia ai, ua komo pu aku kekahi mau Luna Aupuni iloko o ia hana hewa like ana.

 O ke ola o kela haole, ua laki wale no kona pakele ana mai, mai ka poino nui i manao ia e hooko aku maluna ona.

 Ua hamoia oia i ke ta, ua uhiia iho me ka hulu, alaila, kulaia oia ilalo, me ka hana inoia, a hookomoia kona poo iloko o kekahi kipuka kaula me ke eke, me ke ano lapuwale loa, e li paha a e lawe paha e kiola iaia iloko o ka moana a make oia, aka, ua kau lakou iaia maluna o ka laau, a ike lakou he kanaka a holo, a haalele iho la iaia me ka anaeane e make!

 Ua lohe wale ia no, ua ikeia a ua maopopo no na poe nana i hana ia ohumu ino, e hana maluna o Godfrey.

 Na ke Aupuni ia o Amerika e huai ea, a na ke Aupuni Repubalika o Hawaii nei e uku aku i na pono e koiia mai ana ma keia mua aku.

 Eia kekahi poe Luna Aupuni ke haalulu nei i keia wa! Na ke Akua e hoike mai i na mea huna! A e hoopakele ia Hawaii mai ka poe pakaha i na pono o kona lahui hewa ole.

---

 

 Ua make o Kapena Mist kekahi kamaaina kahiko o Honolulu nei ma ka Poalima o ka pule i hala.

---

 E hoomaka hou ana ka pule ana maloko o ka luakini o Kawaiahao i ke Sabati ekolu o keia mahina.

---

 He mai heihei lio kekahi e manao ia nei, e malama ia ana ma ka la i o Ianuari, ma Kapiolani Park.

---

 E alawa ae e na makamaka i ka moolelo hooni puuwai o na Hoahanau Elua e oili aku la ma ka pepa o keia la.

---

 Ma ka Sabati nei i hoolewa ia aku ai ke kino kupapau o Lottie Beckley, a waiho iua akuy la ma uka o Maemae Aloha no.

---

 Aia maloko o ka Y. M. A. C. e malama mau nei oYatman, kela kahuna pule i hoea mai ai ma ka Australia, i kana halawai ma na ahiahi hora 7:30 a pau.

---

 Ua loohia ia kekahi sela oluna o ka mokupea Maria Hackteld, i ka poino i ka Poalima i hala, mamuli o ka haule ana mai o kekahi puupuu nanahu mai ke kilina mai a pa pono ma kona poo ua konukonu no kona mau palapu, aka, aole e poino ana kona ola.