Ke Aloha Aina, Volume I, Number 24, 2 Nowemapa 1895 — Page 3

KE ALOHA AINA

 

KE ALOHA AINA, POAONO, NOV. 2, 1895.

 

@ MALAMALAMA.

 

 @ na manao kalai @ nei, ma na aina @ o Hawaii nei; ua @ no ka malama- @ Hawaii nei.

 @ na olelo kalaiaina @paulele ia o Enela- @ Geremania, a me @ ua maopopo ka @ o ka papa-konane @ ike kalai aupuni @ao nei.

 @ manao e hoakaka @ ko Amerika ma- @ o ka Monroe ka- @ ma ka Hapa @mohana nei, aka, @ia hooulu hana a @ Venezuela, ua ikeia, @ ko Enelani ake e @ mea, mamua o ko @oi iho ake ana e @ mea ana e liki nei @o mai nei na nupe- @ Europa no ko Ene- @ ka hookolo kau- @luna o keia ninau @ a Amerika e ake @ahi e noho i lunaka- @ hana.

 @akou i ko ke Au- @ ka manao, a ua he- @ ka manao o na nu- @hewa ana ia Enelani @au hana limaikaika @ aupuni nawaliwali @ Aka, ke poina ole @ i ka mea a ke Au- @ ka i hana mai ai ia @ iloko o Ianuari 17.

 

 @ahewa aku o Ame- @lani no kana mau @ i na lahui nawa- @ heaha kana e pane @ kumu o kana hana @aii nei?

 @ hewa ka Luna o @ nui ia Hawaii i ka @ nana o Beritania, @lei ka hana a kona @ Hawaii nei, nolaila, @ mai la o Beritania i @ i hana ai, a hoihoi @ me ka hikiwawe loa @ o Hawaii ia Kau-@ Ua pau ia me ka po- @

 

  @ika kai kokua i ka @uli Aupuni Moi o @ 1893. A mai ia la @ i keia la, aole loa oia i @no iki i kana hana @ ua apono mai la i ka @ poe hookahuli aupu-@

 

 @ o keia manao hoo- @ Enelani, e hoea mai @ hopena e hoahewa @ hana a Amerika i @ ea hoi ana e koi @ Enelani, e hoopolo- @ hana ana no na lahui @ loa!

 @ ka makou e olelo nei, @ na kukuna o ke ala o @alama no Hawaii nei @a no ia mai ka aina @ai ana e hooko i ka @ ka pololei.

 

 

KE HELU MAI NEI ! ! !

 

 Eia na nupepa olelo Enelani o Honolulu nei, ke hoike mai nei i ka hua a me ka hopena o na hana lulu dala, no ke kokua ana i na poe popilikia o ka Lahui Hawaii, i komo malalo o ka hanai ana iho nei a ka Hui Manawalea o na Wahine.

 Ua maopopo, aole he hewa no ka Hui Kokua Aloha; aole no hoi he hewa no ka poe i haawi oluolu mai i ka lakou mau kokua ana; a aole no hoi he hewa no ka poe i kokua i ka haawi ana aku i na kokua. Aka, aia ka hewa a me ke ino, a me ka lapuwale loa, ma o ka poe la e helu nei i ka lakou mau dala kokua imua o ke akea, a maloko hoi o na nupepa.

 Ke kukala akea mai nei, o na poe kokua i ke Aupuni Repubalika, na lakou ka hapanui o na dala kokua iho nei i luluia ai no na poe pilikia o na Hawaii ! Ke hoomaka mai nei e helu!! Heluia mai hoi paha! Puna wale mai la no ka hoi ka ai a lakou nei! Ina paha i ka wa e haawi ana o ka ai. Auwe! helelei na waimaka i ka hilahila i ka heluia mai. Ua hoopukaia na olelo e kekahi poe no ka lilo o keia mau hana he mea hoopalaina wale iho no; aka, ano i keia wa, ua hoea amaka ae la ka hua i ke awakea loa! A ke helu nui mai nei i ka nui o na dala a lakou i kokua ai no na poe popilikia.

  Ua ike no ka he minamina, heaha la ka mea o ka haawi ana, a mahope helu mai?

 O keia iho la ke ano o ka poe parisaio a me na Luna Auhau o ke au kahiko; he hoikeike i ka nui o ka lakou mau hana, a me ka nui o ka lakou mau haawina kokua; aka, aia iloko ka minamina a me ka ohumu kahi i noho ai; a mahope no, hoea ae la e like me keia a kakou e ike nei.

 

 

Na Hana Kumakaia Lokoino a Hoona-

aikola, a ka Papa Kahu Waiwai o

ka Ekalesia o Kaumakapili, i

ka Waiwai i Hoolaaia no

ke Akua Hemolele.

 

 Ma ka’u mau hoakaka ana, ma ka aoao o ka ekalesia o Kaumakapili, ma na helu o keia nupepa i hala aku, ua ikeia kekahi mau mea ano nui, e pilikia a poino ai o ua ekalesia nei, ke hoomau ia aku keia Papa.

 O ka pau wale no o keia Papa ka mea e pau ai ka pilikia, a i ole ia, o ko lakou waiho mai paha i ka hana, oia nae, ka mea maikai loa, no ka mea, na lakou i hoo mau i ka uku o ke kahu, ka malama hale, ke alakai himeni, ka malama buke, ke kukuiuila, ke telepona, ka pauma ogana a me kekahi mau mea e ae, o keia mau lilo nui hewahewa ka mea i nui ai ka aie ma ka hoomau ana, a e hiki no ke hoopau a kekahi o keia mau hoolilo, a i ole ia, e hoemi paha i ka uku ke manao ka Papa no ka pono o ka ekalesia o Kaumakapili, aka aole nae pela, a malia ua pololei paha ka’u i hoike aku ai, ua imi ka Papa i mau pomaikai no kekahi mau hoaloha, a makamaka iloko o ka waihona waiwai o ke Akua, a e ike ana oukou ma na hoike hapaha ekolu a ka puuku, no na loaa mai a me na hoolilo aku, mai Ianuari 1 a hiki i Sepatemaba 30, 1895, no na mahina eiwa i hala aku, a oia malalo iho nei.

 Hoike hapaha, a ka puuku o ka papa kahu waiwai o ka ekalesia o Kaumakapili no ekolu malama, mai Ianuari a Maraki 31, 1895.

 Ianuari 2, koena mua o ka waihona o Dec. 31, 1894, a me na loaa e ae a hiki i Feb. 7, 1895:

 

Na loaa mai . . . . . . . . $ 126.28

Loaa Mahinahou . . . . 52.30

  “ Luakini . . . . . . . 3.50

 “ Kahunapule . . . . 60.00

 “ Lilo mau . . . . . . 125.13

 -----------

Huina . . . . . . . . .. . . . $ 367.21

 

 

NA HOOLILO

 

Ukuia mai ka waihona . . . . . . $ 126.28

Mahinahou i ka Papa Hawaii. 38.85

I ke Kahunapule . . . . . . . . . . . 60.00

Lilo mau . . . . . . . . . . . . . . . . . 108.90

 ------------

Huina . . . . . . . . . . . . . . . . . . . $ 334.03

 

Koena o na waihona i keia la

Mar. 31, 1895 . . . . . . . . . . . . . 33.18

 ------------

Huina . . . . . . . . . . . . . . . . . . . $ 367.21

 

 

NA AIE AOLE HIKI E UKU, MARAKI 31

1895

 

Koena uku Kahu, Rev. J.

Waiamau . . . . . . . . . . . . . . . $ 90.00

Koena Limahana Luakini, D.

K. Kahookano & Maraea 86.50

Koena Kukui Uila . . . . . . . . . 15.00

 “ Bila a E.O.Hall & Son 24.15

 “ Moraki o na Wawai 3000.00

 “ Ekalesia . . . . . . . . . . .

 “ Ukupanee 4 malama . . 17.50

 ---------

Huina . . . . . . . . . . . . . . . $ 3233.15

 

Hoike a ka puuku o ka ekalesia o Kaumakapili no elua hapaha mai Apr. 1 a hiki i Sept. 30, 1895.

 

 

NA LOAA WAIHONA.

 

Koena o na Waihona i Mar. 31, 1895 . . . . $ 33.18

Na loaa Iulu a me na kokua . . . 463.20

 ---------

Huina . . . . . . . . . . . . . . . . . . . . . . . . $ 496.38

 

 

 

 

 

 

 

NA HOOLILO WAIHONA.

 

No ke ola Kahu . . . . . . . . . . $ 41.00

Mahinahou . . . . . . . . . . . . . . 7.10

Oihana Kuwaho . . . . . . . . . . 14.55

 “ Kuloko . . . . . . . . . . 18.65

Na lilo mau . . . . . . . . . . . . . . 348.60

 ---------

Huina . . . . . . . . . . . . . . . . . . $ 429.90

Koena o na waihona i keia la. . 65.48

 ----------

Huina . . . . . . . . . . . . . . . . . . $ 495.38

 

 

NA AIE AOLE E HIKI E UKU.

 

Koena aie i ke ola Kahu, Rev.

J. Waiamau . . . . . . . . . . . . . . . . $ 349.00

Koena aie i na paahana D.K.

Kahookano & Maraea . . . . . . . . 215.00

Aie Moraki Laukini . . . . . . . . . . 3000.00

 -----------

Huina aie a pau . . . . . . . . . . . . . $ 3564.00

 

William Chung Hoon,

Puuku o ka Ekalesia o Kaumakapili.

Honolulu, Sept. 30, 1895.

 

 Ua ike oukou i na hoike a ka Puuku William Chung Hoon o ka papa kahu malama waiwai o ua ekalesia nei, no na loaa mai a me na hoolilo, me ka huina nui aie i hiki ole i ka puuku ke uku aku, a oia keia $3564, o kekahi hapa o keia aie, aia no oia i ke Kahu Rev. J. Waiamau, $349, a o ka elua hoi ia D. K. Kahookano a me Maraea (w) kona makuhonowai, penei:

Ia D. K. Kahookano no ka malama buke no hookahi mahina ... $ 15.00

Iaia no, no ke alakai Himeni ... 15.00

Ia Maraea (w) malama hale ... 15.00

 ---------

Huina . . . . . . . $ 35.00

 Nolaila, he $35 ka lilo ia laua i ka mahina hookahi, a ina iloko o eiwa mahina $315, aka, iloko o ka hoike a ka puuku, o ke koena aie i koe ia laua elua he $315, alaila, o ka mea i loaa ia laua iloko o keia mau hapaha he $100. Nolaila ma ka hoomau aku malaila ka mau o ka aie, a ma ka hoopau, a ma ka hoemi mai paha, malaila ka emi o ka aie.

 O keia ka manao maikai, ke kono ia aku nei na hoahanau a pau loa, e akoakoa ae lakou ma keia Sabati ae no ka noonoo ana i na hana e hoopau ia ai keia pilikia o ka ekalesia o Kaumakapili.

Me ka mahalo,

J. Alapai.

Kapalama, Oct, 23, 1895.

 

 

NU HOU KULOKO.

 

 Ua holo aku ka Beninetona no Hilo, ma ka Poaha nei.

 

 E lawe nui i KE ALOHA AINA i ike mea hou o keia mau la e nee nei.

 

 Ua hala aku ke Kuhina Wilisi me kana wahine no Hilo, maluna o ka mokukaua Beninetona.

 

 Ma ke kakahiaka Poakolu nei, ua kani hewa ae ka pu a kekahi koa e kiai ana ma ka uwapo o Haliliamanu, laki nae aohe ola i poino.

 

 Ke pii hikiwawe ae nei ka paa pono ana o ka hale pohaku hou o Harry Von Holt, ma ka aoao ma kai o ke alanui Moi, malalo o na lawelawe ana a E. B. Thomas ma.

 

 Puiwa a hikilele hou no lakou nei, i ka wa a ka mokuahi Kina i ku mai ai me kana mau lono palaualelo, e like me na lono mamua no ka hiki mai o na poe powa.

 

 Hanaio paha auanei ka Liona i kela ninau e hoopaapaa mai nei mawaena ona a me Venezuela. E alawa ae i ka moolelo piha no keia hoopaapaa ma ka aoao eono o keia helu e puka aku nei.

 

 Maloko o keia mau po iho nei, ua holo na puali makai kau lio, ma o aku o Waikiki, e nana ai i ka hoea mai o ka poe filibaster e hao i ke Aupuni Repubalika o Hawaii. A ua hoi nui mai me kaneoneo ma. Pau ole no hoi na haua imihana a ka haole, i wahi e loaa ai ke dala i hala ae keia mahina, noho no ohi ke dala.

 

 Ua hookohuia ko makou hoa’loha James N. K. Keola i Lunahooponopono kuikawa no ka nupepa ke Kuokoa, a Joseph U. Kawainui i waiho iho ai.

 

 Ua pau i ka loaa ka poe nana i hapala ia Godfrey i ke ta a me ka hulumanu, a pela pu no ka me ka poe nana i hookikina e hana ia mau hana ino lapuwale loa. He poe haole keokeo wale no. Na ke Akua i imi a loaa lakou! Weliweli ! !

 

 Ua manaoia e pau ana i keia la na olelo hoike, i lawe ia mai imua o Komisina Henry Smith, e pili ana i kela hoopii a Craunston a me Muller i ka Hui mokuahi Canada-Australia, no kela mau haole i kipaku ia ai e ke Aupuni Repubalika o Hawaii nei.

 

 He nui ua hana hoouluulu paonioni mawaena o na hoaloha a me na makamaka o ka poe heihei kaa hehihehiwawae o Honolulu nei. O na helu balota kiekie loa, oia hoi: H. E. Walker, 679; R. Dexter, 299; H. A. Giles, 264; (mai ka Bulletin mai, Oct 31.) Na ano kaa kiekie loa i komo nui ma ka balota ana. Ke Clevelaad he 916. Rambler he 392. Tribune he 208. Monarch he 149.

 

 Ma ka Poalima nei, Novemaba 1. Hora 3 p. m. i wehe ia ai ke Kula Nui hou ma kela Hale o ke Alii Ruta Keelikolani i hala aku. Aole i hoolaulahaia ae ka inoa o keia Hale Kula hou. Aka, ua oi loa aku ka pono, ina he wahi hoomanao ia ae e kapa inoaia ma kahi mai nona ke kulana i loaa mai ai ka waiwai e hookohukohuia nei, a e hea ia iho no hoi, Keelikolani College. He hewa anei ia? He pono loa ia.

 

 

Kuai Makepono Loa!!

 

He Kuai Makepono loa

 

- AIA MA KA HALEKUAI -

 

KALAHIKI.

- E HOOMAKA ANA MAI KA -

 

 POAONO NOVEMABA 2, 1895.

 

 E kuai aku ana i na Waiwai he nui wale o na ano a pau i hoikeia malalo iho nei, penei:

 Na lole Huluhulu, Na Makalena, Na Papale Kaleponi a me na Papale Laiki.

 Na Lole Keiki, Na Lihilihi kau lole. Na kihei Silika a me na @aa Lole Keiki.

 

 NA Lole Alapia, Na Eke Paalima, Na Kihei, Na Uhimoe, Na Kalakoa a me na Lipine o na ano a pau.

 

Na Kamaa Kane a me na Kamaa Wahine, a me na Kamaa no na Keiki.

 

 

HE KUAI HOEMI.

 

 Ma ke Dala kuike wale no e pono ai.

  Hele nui mai ! Hele mai a pau loa e kuai a e wae i ko oukou mau makemake!!

MOSES PALAU, Luna Nui.

Oct 31. 118-1mdly