Ke Aloha Aina, Volume I, Number 24, 2 Nowemapa 1895 — Page 2

KE ALOHA AINA

POAONO, NOV. 2, 1895

 

            He kakala aku la ko ka buke liilii, he ooi ka hoomaka ana ia Leialoha he ku alani ko keiki a Keiki, he ku kamaaka hookele i Puna, he oili wale ka hookela i Hilo.

            Oke kino nui loa o Manini o Manimani o ke Aupuni Repubalika Hawaii o ke kino keia o Ohualiko pau loa, aohe kino hou aku i koe, o ka hope o na mea a pau malalo iho o ka la o ka make no ia.

            A e nalo ana ke kino, a o ka inoa eo ana ia hananauna aku a ia hanauna aku.

            O ka inoa maninini oia o ke aupuni e ka nei i keia la, ka Republika Hawaii. I na la no hoi e ku ana oia, ua hoea niai ka haina pili pono i kona inoa.

            O manini, maninini, hanini, haninini, e like me ka maninini haninini i kahe ai ke koko o na aoao elua i ke kaua Leahi:

            A mai ia wa mau, ai ia no ka lepo o ka opu o ka manini, (e nana aku i ka helu eia i ko ka manini ano a me ka hana i hookoia.

            Ke noho kuikahi a noho aloha nei ainei ka noho’na o keia au malamalama o noho ia nei?

            Aole.

            A pehea ka leo pule o na haipule on ka Evanelio o ka poe nana i lawe ma i ka Lamaku o ke ola o Karisto a me na haipule o ka lahui.

            Ua noho kuikahi anei na leo haipule?

            Aole.

            No keaha hoi?

            I ka lilo no oi paha i ka nuu i ka lepo oka opu o ka manini, a he noho oa opu lepu keia noho ana o na haipule e uhuuhu mai nei,

            E nune nei hoi i keia wa na Evanelio o Hawaii nei (e nana aku i na vii,viii, ix)

            Eia no kela mau helu ae la ke ano maoli o ka noho na kekeue o ke kalai Evanelio ana, a oia poe no iloko o ka Evanelio ka poe nana e kalai ka aina nei.

            O ka eepa o eia wahi i’a, e like me ia i hoikeia ae la malama.

            I ka po oia e hiki mai ai, alaila, paa kona inoa iaia a me kona oiwi kino lahilahi, ui,aiai, likoliko, a pela wale aku.

            E lilo ai no ka manao e hoanu i ka ili ka wanaao a kakahiaka nui paha.

            O ke kumu o keia loli po ana iaia i loaa pono kona inoa a me kon kino.

            Ke ola oia i ke ao, ma kona iuoa a ma kona kino lepo i Paloaia.

            Aole he hanu oia iloko o keia wahi Pahe Ohualiko i ka wa awakea o ka la.

            I na hoi e loaa aku ana ia oe e papahi mai ana i kona inoa a me kona kino, na make ia oia, aohe hanu ole iloko ona.

                                    Ke koe ka hanu ola iloko o na wahi kino i’a la.

            Ua lilo kela aahu piha nani i aahu haekaeka, a ua lilo pu no ka inoa, o ohuahaekaeka ka inoa o ua wahi i’a kupanaha la.

            Kupanahe no na hana a ke Akua mana Loa, a ke koi ia mai nei no hoi kakou e ninau iho:

            No keaha i kii po ai oia i kona inoa a me kona kino?

            No ka mea, oia ka nui o kona hilahila, oiai hoi e alualu ana ke kee iaia oia hoi he kuku e oia.

            Ina oia e hele aha i ke ao, e okupe pinepine ana oia, a nui loa hoi ka hilahilahila a ina hoi i ka po e okupe ai aole e hooomaopopia ke ino o ka wawae.malama hoi , a ke hele ia hoi ka po e okupe ana aohe malamalma hoi pouli ia wa. Ioane 11:9,10.

            Nolaila, he wahi i’a okupekupe ka hoi keia!

            Nawai uo e ole maau no hoi o ka po!! A o ka helu xiii keia o Ohualiko hele po keia, he pio wale oia ke hele i ke ao, a pela no o Pueo he pio wale no hoi oia i ke ao a po loaa kana mea e alapo ai.

            Ua ike ae nei kakou maluna, o hookahi waa, o Apuni Moi no ia i lol koke i PI Gi, oia hoi, i manawa.

            O Ohuaaliko ka ukana oluna, oia na lawaia a me ka lahui opakahelu, oia hoi aohe hookupaia, o ka hoohiki wale no hele i ka hana.

            A pehea ka loaa ana o aupuni Pi Gi Repubalika ae nei?

            He kaee mai no hoi i ke kuniahi i ke awakea o ka la 17 o Inauare 1893 i hala aku me kana mau hana poina ole i ka Lahui Oiwi o Hawaii nei ka Paresaido o ka Pakipika nei.

            O ka pula no hoi e kuehu ai, na pualikoa elua o kai a o uka nei no hoi ku a moe ihe no hoi o ka po a me ke ao o na pualikoa. A hana ku i ka malamalama iho la no ia la?

            A pehea hoi e malamalama ae ai ka hana a ke kuku-e, he hele po hoi ua wahi ia nei.

            Ka i uo hoi o ka ka Haku hoi ia i hai ae la maluna he okupekupe no hoi ka naan o ka po.

            Auwe! o ka mea no ka ia e okupekupe nei.

            E oleloia ae ana la hoi, ua loaa aku la no ka mana hookuli ia Hawaii, Maui a me kauai.

            A’o akunei ka ke poo o ka Papa Ola, a he kalakalaka ka Hawaii o ka ohiu ana ae, a ke i aku nei ka poe makaikai;

            Eia ko makou pasi la, ua ae ia makou, a o ka hui ae la no ka ia, o ka poe o Hilo, a luai aku la i ka olelo hooholo.

 

NA HANAU

            Ma Alakahi, Hilo, Hawaii, ma ke hora 6 a.m. o Oct. 24, 1895, ua hanauia he kaikamahine na Mrs. me Mr. D.I. Wailani. O ka ekolu ia o na opuu liko o Hawaii! Ho hou iho i elima i koe i laukanaka o Hawaii.

            Ma Kunawai, Honolulu, Oahu, ma ka hora 9 p.m. Oct. 29, 1895, hanauia mai he keikikane na Isabela w) a me Puni Pake (k). E haawi hou mai na Lani i mau opuu hou no Hawaii.

            Ma Moanalua, Honolulu, Oahu, i ka hora 11:30 a.m. o Oct. 30, 1895, ua hanauia he kaikamahine na Makakoa (w) a me pane Pake (k).

            Ke pono la ia, hooulu hou ae i ka Lahui a nui, Ina he 10 hua hou, nui no kela! Hauoli wale kakou a pau.

 

KE ALOHA AINA

Hoopukaia no ka

Pomaikai o ka Lehulehu, a he Nupape

na ka Lahui Oiwi.

 

1. NAWAHI, Lunahooponopono a me Puuku.
2. L. LIKE, Hope Puuku

 

 

 

 

 

HONOLULU, NOV. 2, 1895

 

UA HUHEWA O PERESIDENA NAONE

 

            Ua ike iho makou ma ka nupepa P.C. Advertiser o keia kakahiaka, Oct. 30, i na olelo lalau huhewa a Mr. naone, ka Peresidena o ka Hui Repubalika Hawaii, e hoakaka ana no ke aloha o Mr. kawaini no kona mau enemi alaila kuhikuhi mai la oia no ka hihia o Bush a me Nawahi, oiai laua iloko o ka halepaahao.

            A wahi hou a Mr. Naone Ua hooikaika malu o Mr. Kawainui no ko laua (Bush a me Nawahi) pono, me ko laua ike ole mai i kekahi mea e pili ana ia mea.

 

            Na makou iho aole a makou mea e olelo ai no Mr. Kawainui, he hoaloha oia no makou ma keia ola ana, a he hoa kula hoi; a ma ka oihana hoolaha nupepa, ua hana oia e like me kana mea i hookauwa ia mai ai; a ua hala aku oia me ka waiho aa iho i ke au o ka manawa, na ka poe e ola ana e ike aku, a e nana aku i na mea a pau loa e hoea mai ana.

            Ke pane nei makou ia Naone, no kona lalau a me kona kuhihewa maoli, a ke hoike aku nei malalo o keia mau kumu oiaio loa.

1.       He wahahee a he hookamani na olelo a Naone e i ann; Ua hooikaika malu o Mr. Kawainui no ko (Bush a me nawahi) laua pono, me ko laua ike ole mai.

2.       Ina he oiaio keia olelo a Naone alaila he hookamani loa ka ko Mr. Kawainui hoohiki ana malalo o keia Aupuni Repubalika, no ka mea, ke hooikaika nei no ka oia, e hoopakele i na poe i ohumu e hookahuli i ke Aupuni Repubalika o Hawaii.

 

I mea e hiki ai ia Naone hookamani, ke ike ono i kawahahee, a me ka hoopunipuni o kana mau olelo, kekono aku ne, makou iaia e heluhelu oia i ka nupepa Kuokoa, e hoomaka ana mai ka la 15 mai o Dekemaba, 1894, a hiki iloko o Sept. 28, 1895. Heaha na mea i ike ia, malalo o na manao o Mr. Kawainui ma ka nupepa Kuokoa, e pili ana no bush a me Nawahi ma kela hihia (imihala) ohumu kipi?

            Eia na mea i ike ia, a ia ko Mr. Kawainui manao: E hoopaiia lakou ma ka hoopai ikaika loa, i mea e a’o ai ia lakou, aole e hana hou aku. Ua wika niho o na alakai o a lahui! Ua lolo ia iho la o ka hana, ana i ka ohumu kipi! Hoohana ia aku lakou ma na hana oolea!

            Pehea ko Naone manao no keia manao o Mr. Kawainui? He hoailona anei ia o ka manao aloha i kona mau enemi? He imi anei ia o Kawainui e kokua e hoopakele ia maua? Aole! He wahahee ke olelo hoonaaikola ia a Kawainui i hoopuka ai no maua!

            Pela e lolo ai kau olelo e Naone hookamani he mea oiaio ole.

            O ka mahele 2, ina he oiaio ia olelo au e Naone, alaila, aia no oukou a pau loa, he poe i hoohiki hookamani aku, i ka oukou Aupuni i kokua ai. E like me ka hookamani o ke Aupuni a oukou i kukulu ai, pela ko oukou hookamani ma na hana a pau loa.

            He hookahi no kumu o keia mau hana hookamani, oia ka ae ana e kokua i na hana hewa a pau. E ola ana ka poe hookamani, a e waiho iho ana ko lakou mau moolelo ekaeka, he mae hoopailua i ka lahui.

 

 

 

 

Na Hunahuna no na Keiki o ka

Bana Hawaii ma ka Mokuaina o Misouri

 

            Ua loaa mai nei na lono ia makou no na keiki Hawaii o ka Bana Hawaii i hoea aku ma ka mokuaina o Misouri, ma ke kulanakauhale o Independence e kokoke ana i Kansas City, kahi a ko kakou Bana Oiwi i hoike ai i ka hana a Hawaii Imi Loa. Maloko o ka nupepa “Ka Hae o Ziona” (Zion’s Ensign) o ka la 12, me 19 o Okatoba aku nei ike iho ai makou i keia mau itamu.

            Ua loaa iho la i ka Lala Ekalesia o Indenpendence nei, he haawaina hauoli maoli a luna ole hoi, i ikea kakaikahi ia. Ma ka la Pule aku nei i hoike mai ai keia haawina o ka hauoli. He ehiku mau lala o ka Bana Lahui Hawaii i hele mai i ka pule, a hooniua ae la lakou i ke anaina me ma leo melodia kani lua ole e pii mohaha ana me ka nani. Ua noho pu keia poe ma ka papa hemeni, a ua lilo ka lakou mau mele i himeni ai, i mea poina ole iloko o na puuwai o ka poe i lohe ia lakou. He kakaikahi maoli na wa i loaa ai keia haawina pomaikai ia kakou. O ka lakou himeni ana , ua kaa loaa aku ka nani a me ka hiwahiwa ma o loa aku o ka hiki i ka kakou mau mahalo nawaliwali ana ke hoike ae, a o ka makou eiini nei, ina paha e hiki ana ia kakou ke noho mau ma na pohai o kela mau leo maemae a hoouluhia i ka uhane. ua haioleho Lunakahiko I laina (o Eklesia o Mauna Pahaku@ o na keiki Puhiohe (Mahi), imua o na Poe H@ kekahi wa pokole a @

la kana olelo hoike m@ ko lakou mau pepae@ oluolu. Ua hauoli @ pau. Ua manaoia e @ mai ana no lakou i k@ Pule aku, me kekahi @. Pule aku, me kekahi @ hou o lakou o loko o @ Puali Puhiohe, a me k@ hele nei keia Bana e @ lahui Amerika, a i keia lakou no ka hoikeike @ Kansas City.

            Ma ke kakahiaka @ Pule i hala, ua bapetizma kahi o na lala aiakai o @ John Brackenbury a me laweia ka oihana kaulio@ na ona ma ke anaina @ kahiaka maloko o ka pohaku.

            (Ua loaa mai he pah@ Lunakahiko Wala o ka@ nakauhale mai a @ John Brackenbury mai@ mai ana o Samuel K. K@ ia ka mea i bapetizoinal.

            He ehiku ka nui o na@ ka Bana Hawaii Lahui mai, a i himeni ae ma K@ ina baipule ma ke kakahiahiahi o ka la Pale. Ka anaina pule o ke ahiahi @ kalua ka nui o na Hawaii mai, he ehiku wale no lakou i himeni. Ua p@oli no hoi lakou me na @ ke anaina halawi.

            Ma na anaina haipule a@ kahiaka a me ke ahiahi @ na Lunakahiko Joseph @ malama ka haiolelo. @ ahiahi, un nui launa ole @ i hiki mai , no ke aki e @ poe himeni kaulana o @. A o keia poe makaikami @ mai ma ia ahiahi ua uku @ ia ko lakou manawa @ lohe ia aku na olelo a @ poe o lakou no na leo h@ na poe mele kamahao Hawaii, “He leo ko lakou ka lani mai,” a o kekahi nani maoli.”

            Ma ka la Sabata, Oct@ bapetizoia o Samuel K. @ kaia iloko eka Ekalesia @ Karisto no na Poe Hoana La Hpe i Hoonohanohano ia ma Independence, ko@ Kansas City, ma ka @ o Misouri, e Lunakahiko@ Brackenbury.

            E haawi ana o Yama @ loko o ka Y.M.C.A. @ kane wale no, he hailole@ keia la Sabati ae i ka h@ ka auina la.

            Ma ka Poaha nei ua @ ka puka aniani o ka hale Ordway & Porrer mamua ka pa ana i kekahi apana @ ku mai kahi e hoopahu @ ma ka aoao ma ka o @ la.