Ke Aloha Aina, Volume I, Number 21, 12 October 1895 — Page 6

6          KE ALOHA AINA, POANO, OCT. 12, 1895

 

Na Palapala

            Aole e ili maluna o makou ke koikoi o na ahewa ana no keia mau manao i hoopukaia malalo o keia poo, aka, e ili no ia maluna o na poe na lakou i kakau mai.

 

NA HANA HOOPILIKIA WALE IA O KA LAHUI HAWAII ME NA ALII, E NA MANA AUPUNI KUWAHO MAI.

(Hoomauia).

 

            Ka manuwa Lakawana, He manuwa Amerika keia, a ua ike no kakou, a ua lohe no hoi no ia moku kaua o ke Aupuni Amerika, a o kona kapena o Lanai.  I kona ku mua ana mai Hi awaii, ua lohe ia ke ano o ka huakai i hiki mai ai he huakai kaili ia awaii, a lilo i Paaalaau no Amerika.  Aka, oia mau kuko ino ana, ua lilo i mea ole a ua hoi wale malalo o kekahi ulia laki a oia keia:

            Ua hui a launa aku la o Pilaauwana (W. P. Ragsdale), me ke kupakako Helu ekahi o ua manuwa Amerika nei, i kekahi ahiahi, a ua kono aku la o Pilaauwana iaia, e hoi ma kona wahi.  Ua ae mai la ua kapakako helu ekahi nei i keia kono a ka olali o ia mau la, a ka moe aku la na kaukoo ana i kauhale o kamaaina, me ka piha hauoli o laua kekahi me kekahi, ma na kukai olelo ana, a me na kani wai ana, e hoala ia mai ai na hooheno o ke ahiahi.

            I ka hiki ana i kauhale, ua ulu ae he manao iloko o ua ma kamaka la, a hoolauna hoi no Pilaauwana@ a oia kana i hoike aku ai me ka nonoi pu ana aku, e loaa iaia ka lokomaikai ia mai e kona kamaaina, ina he mea hiki.  Oia hoi, i wahine nana ia po.  Ua ae ia aku ia makemake o ua makamaka la, oiai, ua pae mai oia i ka aina paa o na kaikamahine, nana e hoomama aku i ke kaumaha o ke keiki aumoana.  A eia hoi ka pane a Pilaauwana i ua makamaka la: "E ko ana ko makemake, e noke ana oe a pau ko aho, ke ae hoi oe i ka'u noi."

            Ia wa, ua ninau mai la hoi kela: "Heaha hoi kou makemake au e noi mai ai ia'u?"  Ia wa i hoike aku ai o Pilaauwana i kona makemake a oia keia: "Heaha la ke kumu o keia manuwa i holo mai nei i Hawaii nei?"  Ina he mea hiki ia oe ke hai mai, alaila, ke noi nei au i kou oluolu, e hoike mai oe ia'u i ke kumu o kana huakai i hiki mai ai."

            Eia ka pane a ua Kupakako Helu Ekahi nei.  "E hai aku ana au ia oe i ke kumu i hiki mai ai keia manuwa i Hawaii nei, me kuu hoike pu aku no hoi ia oe i na buke moolelo o ia mea, a o ka'u nonoi hoi ia oe, "O oe a owau nalo keia."  Ua holo ia mea ia laua, a holu iho la i ka akaaka me na minoaka ana o ka hauoli.

            A eia ka pane a ke Kupakako: "He huakai kaili ka keia manuwa ia Hawaii nei, a i mea nou e hooiaio ai i keia hoike a'u ia oe, apopo a ahiahi; e ike pono ai oe i ka buke moolelo o ka mokukaua Lakawana, e pili ana no ia mea."

            Ia wa, hookuu ae la na kukai olelo ana a laua ma ia mea a hookuu ia aku la ke koena o ka manawa o ia po no ka hoomaha a hooluolu ana i ka luhi o ke kino.

            O ke kumu o keia noonoo ana aku o Pila Auwana i ke Kupakako, ua lohe mahuihui mua oia no keia huakai a ka manuwa, Lakawana; aka, aole nae he hiki iaia ke hooiaio no ia mea.  Nolaila ke kumu nui o kona hoolauna ana aku i ua Kupakako la, a kono aku ai hoi iaia, e hoi pu me ia ma kona wahi, i wahi e loaa pono ai ka oiaio o ia lono mua i loaa iaia, a ua loaa io no.

            I ke ao ana ae, ua hoi, ua Kupakako nei iluna o ka moku me ke kauoha iho ia Pilaauwana: "A ahiahi, e hiki ae oe ma ka uwapo."  Ua ae aku o Pilaauwana.  I ka hiki ana ia wa, ua hele aku o Pilaauwana i ka uapo, kahi e pae mai ai ka waapa o ka manuwa, a hui laua malaila.

            Mai laila aku, hele laua a hiki i ka puu o Daimana Hila, ilaila i hoike ia aku ai ka buke moolelo o ka moku ia Pilaauwana, a kopeia eia.  Malaila i ike pono ai o Pilaauwana, ua makemakeia o Hawaii nei, e kailiia, a lilo i Panalaau no Amerlka, malalo o na hana a me na a'akai maalea ana a Kauka ma.

            A no ko Pilaauwana ike pono ana i keia mea, ua hoolaha ae oia i keia mau hana malu ino a Kauka ma.  Nolaila, ua ukiuki loa ia o Pilaauwana, no ka hoolaha ana i kela mea, a ua imi ia e kipu a make.

            Ua ike o Pilaauwana e make ana oia, nolaila, ua hoopupule iho la oia i mea e pakele ai, mai kela upuia e make, no kela hoike ana i kela nahesa ino a Kauka ma i hana malu ai a nui, a kokoke e nahu mai ia Hawaii Lahui, a me Hawaii Aupuni Moi, e ole e ike e ia e Pilaauwana, mamuli o kela ulia laki mai kela Kupakako Helu Ekahi mai o ua manuwa Amerika nei, haule ai kela kuko ino lapuwale.

            A hala aku kela manuwa, ua mau mai no ka huhu o ka ohana a Kauka ia Pilaauwana a hiki wale i kona hoomaha ana aku la ma kela aoao o keia ola ana.

            E na makamaka heluhelu o ka Nupepa KE ALOHA AINA, malia paha, aole i pololei loa keia moolelo i loaa mai i ka mea kakau, ma na ano a mahele liilii o na hopuna olelo, aka, ma ke ano nui nae o kela kumu i hiki mai ai o kela manuwa Lakawana o ke Aupuni Amerika, he mea maopopo loa, ke wae iho, ua pololei a oiaio hoi kela mau hana a Kauka ma.

            A i mea e hiki ai ke hooiaio hou ia mai ia mea, e huli ae a nana aku i ka hana a kekahi o na keiki a Kauka, oia o A. F. Jud Lunakanawai.

            Heaha ka ka Lahui i ike ai nona, mai kela hana kipi a hookahuli aupuni o ka 1887 a hiki i keia wa?  He maopopo loa no me ka pohihihi ole, ke nana ia aku kekahi o kana mau olelo a oia no keia:  "O ke kipi i lanakila, aole ia he kipi."

            (1) Ua pio ka manaolana no ke kukulu hou ana i ke Aupuni Moi ma ko Hawaii nei Paeaina.

            (2) E hele ae kanaka ae kakau inoa, a hoohiki aku, no ke koho.  Elele hana Kumukanawai no ke Aupuni e kukuluia aku ana.

            (3) E hoopau ka i na manao aloha aina, lahui.  Alii a pela aku (i kapaia he mau manao kuhihewa) a e haalele i ka huhu ana i ka hana hewa a lakou, a huli aku e komo pu me na haole aea wale mai, a me na kupa kumakaia, e komo pu i kela hana ekaeka loa.

            E nana i na pepa liilii i hoolaha ia a kakau inoa ia a A. F. Judd.

            (4) O na poe i komo iloko o keia ohumu kipi e hoohiolo i ka Moi mai ka Nohoalii mai me na mea kaua, a i ole e pepehi maoli no i ka Moi a make, ua hoi ae nei no lakou a i ko lakou kulana iho, a o kekahi o ia poe ke noho poo nei ma kekahi oihana kiekie o ke Aupuni a he oiaio loa keia.

            (E nana i ka hoike a Konela V. V. Akepoka ia Kuhina Aina E. J. Austin i 1889).

            A owai ia mea e noho poo ana ma kekahi oihana kiekie o ke Aupuni, i komo pu iloko o ia ohumu kipi e pepehi i ka Moi o Hawaii nei i hoikeia e kela Konela o na Pualikoa?

            O kela Alapaki Kauka no hoi (A. F. Judd) oia ua mea la i oleloia, "aole e hiki ke hoole ia ka oiaio o keia hoike a'u e waiho aku nei," wahi a V. V. Akepoka.  A he nui aku no koe.

            A ke hui aku keia, mau mea hou, me kela mau mea i loaa ia Pilaauwana mai ke Kupakako Helu Ekahi mai o ka manuwa Lakawana, maopopo lea no, he oiaio, o kela Kauka Okole-kala a me kana mau keiki, aia lakou he poe ohuinu kahiko loa e kaili i keia aupuni, a hoohui aku me Amerika.

            A oia iho la ke kumu oia manuwa i hiki mai ai i Hawaii nei i ka M. H. 1870 paha, i ke au o ka Moi Kamehameha V.

            E hoomanao iho e ka lahui, i ka hookamani maoli o na makamaka haole o kakou, ikeia ma ke ano he mau paahana, no ke Ke'a o Karisto; eia ka, he pahi umiumi ko loko o lakou, e hana malu loa ana me ka lokoino.

            E ole e nonoi mai kela kupakako ia Pilaauwana, i wahine nana no ia po iho, hemo mai ana ke pani o na mea huna @ Kauka ma, ke kumu hoi o kela manuwa Amerika i hiki mai ai i Hawaii nei e kailiku limanui hilahila ole; a no ka holo like ana o ka ae mawaena o Pilaauwana me kela kupakako; oia hoi, i wahine aku ka Pilaauwana ma kona aoao e haawi aku ai na kela hoalauna, a o ka kela hoi e haawi mai ai ia Pilaauwana, o ke kumu o kela manuwa i hiki mai ai.

            I ka holopono ana oia aelike a kakau inoa iho ia laua, ikeia ae ai kela kupuino, pakele iho la ke Aupuni Hawaii, aole i kaili limanui ia iloko o ia wa.  A ke hoomanao nei au i ka haiolelo ana a kela haole Kapena Lanai, maloko o ka luakini o Kawaiahao, imua o na lala o ka Ahahui Euanelio Paeaina ma ke ano palaina; a o ua haiolelo la, ua hoolaha ia ma ka nupepa Kuokoa.

            E ka lahui Hawaii, mai lilo kohiko kakou i ke kaili limanui e ke Aupuni Amerika, ina aole aku ka wahine i kela haole mai ia Pilaauwana aku.  I ka loaa ana aku o ka iala, panai mai la hoi oia i ko ia nei makemake.  Oia no ka wa i hoolaha ia ae ai, a haule wale kela kumuhana ekaeka a ka manuaw@ Lakawana o ke aupuni Amerika i holo mai ai Hawaii nei.

            (No kahi wa aku).

 

Papa Hoike No Na Hanau.

            Augate 1.  Hanau he kaikamahine na S. K. Kuokoa (k) me Haleola Kuoka (w) no Kalapana, Puna, Hawaii.

            Augate 11.  Hanauia he keikikane na P. H. Poha (k) me Kahaulelio Poha (w) no Pulama, Puna, Hawaii.

            Sept. 8.  Hanauia he kaikamahine na G. H. K. Kaoiwikapu (k) me Laahiwa Kaoiwikapu (w) no Kalapana, Puna, Hawaii.

            Sept. 16..  Ua hanau he keikikane na Waiaha Waipa (k) me Kauwe Waipa (w) no Kapaahu, Puna, Hawaii.

            Augate ?  Ua hanau he kaikamahine na John Kaaiohelo (k) me Kanohoohu Kaaiohelo (w) no Kaimu, Puna, Hawaii.

            Eono mau opu hapai i koe a hanau mai iloko o keia mau la aku.

 

            Okatoba 2. - Ma Waiakea, Hilo, Hawaii, hanau he keikikane na D. W. K. Kaaiwelau (k) me Kue (w).

            Iulai 6. - Ua hanau he keikikane na Hulihee (k) me @honi (w) no Waiakea, Hilo, Hawaii.

            Iulai 21. - Ua hana@ keikikane na Paiai @ Kauahi (w) no Waiakea @ Hawaii.

            Augate 7. - Ua hana@ keikikane na Hookano @ Kauahi (w) no @uueo@ Hawaii.

            Augate 15. - Ua hanau@ kaikamahine na Keal@ me Waahia (w) no W@ Hilo, Hawaii.

            Sept. 3. - Ua hanau@ keikikane na Kauku @ Kealaiki (w) no P@ueo @ Hawaii.

            Sept. 7. - Ua hanau he kaikamahine na Kaiew@ Kekuewa (w) no W@ Hilo, Hawaii.

            Sept. 25. - Ua hana@ keikikane na Hao (k) @naloa (w) Waiakea@ Hawaii.

            Sept. 28. - Ua hanau @ kaikamahine na Noa N. K@ me Mrs. P. K. Kauha@ Waiohinu, Kau, Hawaii.

            Ke hoikeia mai nei @ na poe wahine Hawaii @ hapai ma na wahi i olelo@ luna ae.  He mea hauo@ keia no KE ALOHA AINA@ kona ake nui a me ko@ loa; e hoohua nui ae na @ a e hoopiha hoi i ka ai@ na kanaka Hawaii.

 

He Makana no na K@

            Ua ike iho makou @ kaawale mua ke Kama@ maikelani, he haawina @ na Kula ekolu, ina ka@ pala hooilina.  No ke @ Iolani he $1,500 @ Sana Anaru $1,000, a @ Kula Hanai o Hilo @ he $500.

            Ua hana ka lokom@ ke Kama'ili, e like me @ ana i ike ai oia ke k@ kona manao ana.  He @ kai no hoi ma ka hu@ haumana noloko mai o @ kula.

 

He Palapala Hoomaika@

            Ua loaa mai ia makou kel@ pala, mai kekahi mai @ na p@ laiaina hope i hookuuia mai @ e hoike mai ana i ko lakou @ ko lakou malama pono @a @ mea e pono ai ka @oho @ ma Hilo, mahope iho o ko @ kuuia ana mai ka noho @

            Ua haawi nui @ lakou i @ piha i na lede a me na k@ aina - ua kanilehua, a @ela @ ia Mrs. Malo o Aleama@, Hilo@ no kona hana aloha i kekahi @ na poe pio i pulamai @ kona @

            O keia no na hua @ ulo i hoike mai, ma k@ iole.  O ke aloha o ka @ hoomanawanui, a pela aku @

 

OLELO HOOLAHA @

            Ke kauoha ia aku nei @ mea kuleana a me na L@ Aina Hui o Ulumalu e @ oukou mau kuleana @ pala kuai a me na ha@ Luna Nui o ka H@ kanakolu mai keia @ hiki i Oct. 16, 1895.

            Ma ke Kauoha a ka H@

            J. H@

            Peresidena o ka Hui o @ Honolulu, Sept. 27, 1895.