Ke Aloha Aina, Volume I, Number 20, 5 ʻOkakopa 1895 — Page 7

KE ALOHA AINA

POAONO OCT. 5 1895

 

[Left column/left edge not readable; skipped column]

 

       Ua lalau aku la oia i kana pahikaua a kahei ae la i ke ili kuapo o kana pahi kaua ma kona puhaka a uhi iho la i ko na koloka hele po mawaho.

       Haawi ae la oia i na puili aloha ana i ka wahi kauwa, he manawa keia o ka ehaeha mawaena o Anadarea a me kana wahi kauwa.

       Mahope iho o keia puui aloha, ua he le aku la oia no kahi o ka hana.

       Ua komo aku la oia ma kahi e malama ia ana o na halawai liilii, a haawi aku la i na olelo hoolana i na poe i akoa ko ae mai ia mau halawai.

       E like hoi me na mea i maa mau i na alakai ka haawi ana aku i na olelo hoolana i na loa, mamua o ka hoili ka ua ana, pela no Anadarea i hana aku ai.

       O kahi i manao ia ai no kahi e hoomoana ai o na koa o Andarea, aia no ma ke kuea nui ma ka aoao komohana o ka pa alii.

       Aka, mamuli o kekahi mau kumu, ua hoololi hou ia ae la kahi e hoomoana ai, a hooemi ia aku la ihope ma kekahi wahi kuea uuku aole i mamao mai ke kuea nui mai.

       Ma ia wahi kahi iho ai o Anadarea o ka hiki mai o kona poe koa.

       O keia poe koa o Anadarea he poe lakou i hakaka ole mamua, a o ka uwa leo nui a me na hana haihai kanawai e ae oia wale no ka lakou hana ike.

       A he hemahema loa i ka lawelawe ana i na mea kaua, a ua hiki i na poe koa uuku ke lawe pio ia lakou.

       No ka mea, he poe kanaka hohewalewale no ka nui o keia poe, aka, malia mamuli o ka uhi ana mai o na eheu o ka po a huna ae i na hiohiona weliweli o ke kahua kaua, e hiki ai ia lakou he hakaka.

       Ua hoomaka mai la ke komo liilii ana o na kanaka maloko o ua kuea la, a i ka aneane ana ae e hiki i ka manawa o ka hoouka kaua ua piha pono mai la o loko o ua kuea nei.

       Walaau leo nui ae la kekahi poe koa me ka hoolohe ole mai i ka papa ia aku.

       No ka maopopo ole ia Anadarea; aia manea ia o Bensaria a me kona poe koa kahi i kiai ai, a no ia kumu ua ano hopohopo mai la oia.

       I ka manawa i makaukau ai o na mea a pau, ua hoomaka ae ia oia e kuni i ke ahi kao, he noanona hoi e hai aku ana i Rebino no ka lakou makaukau mawaho nei.

       Aka, mamua o ka a ana ae o kana ahi kao, ua hoopaiwa ia ae ia lakou i ka ike ana aku i kekahi ani kao, a hoomalamalama ae la i kahi a lakou e hoohulu ana.

       Ua hoomaopopo koke iho la no oia da ike ia keia hoala kipi, aka aole ia he mea nona e kuemi hope ai:

       Hoolei aku ia oia ke ahi kao, a ka nea a me ka leo nui:

       E o'u mau noahanau ano e hahaimai mahope o'u, mai hoohakaia hou aku i mau sekona, o ko kakou hiki koke aku i kahi o ka hana, oia wale no ko kakou lanakila, a e o'u mau hoa e lawe i ke kuiana o ke kanaka koa, a  mai hoike i ko oukou home wale a makau wale hou.

       No ka mea, o ka nana a kailiu e lawelawe aku ala no ia hoko o ka make, aka, a o ka hoomanawainui a me ka maku o e oia ka oukou e omou ai ma ko oukou mau pauwaha ke kanalua ole nei ai, na kakou e lei ana ka lanakila o kaie po.  E hahai mai mahope o'u ano.

       Haawi ae la kona poe hoa i na leo huro o ka hauoli a hanai aku la mahope o Anadarea.

       Nee aku la lakou me ka puahi nui no ke kuea nui ma ka aoao komohana o ka pa alii, me ka maopopo ole ia lakou aia o Belisaria me kona mau koa malaila kahi i ku kiai.

       I ko lakou koke ana ma ua kuea la ua hele nihi aku la lakou, aole no nae lakou i loihi ma ia hele ana aku aia hoi ua halawai maila ke ike a ko lakou mau maka me na koa e ku kiai ana ma ke kuea.

       Na ia mea i hookuemi mai ia lakou mai ko lakou mee ana aku imua.

       A ua lohe koke, iho la no o Anadarea, ua hoouka kaua mai la o loko o ka pa alii, a ua lohe pu mai la oia i ka hopu pio ia ana o Rebino. No ia mea kauoha aku la oia i kona mau koa penei:

       E hoopakele kakou i kekahi o ko kakou hoa i loohia i ka poino, aole i maopopo ia Belisaria ko kakou heluna nui a ma ko lakou moauhane mua ole e loaa ai ka lanakila ia kakou.

       A nolaila e kuu mau hohanau e nee aku kakou imua, a e paio aku me ka hopo ole a hiki i ke kanaka hope loa.

       Hamumu ae la ua poe koa nei, no ka lohe ana ua paa i ka hopu pio ia o Rebino a me kona poe koa, a me ko lakou nolaila, hooholo iho la lakou e haalele lakou ia Anadarea, a ahai aku no ko lakou ola me ka hoolohe ole i na kauoha a Anadarea.

       Mahope iho o keia hamumumu ana ua ike ia aku la lakou e pau ana i ka naholo me ka haalele ana iho i ka lakou mau mea kaua.

       Kahea aku la o Anadarea ia lakou e hoi mai, aka, aole o lakou la maliu mai.

       Huli ae la oia me na manaolana poho me ka piha inaina a pane aku la i na alakai malalo ona i koe iho aole i holoi.

       Ua poino o Rebino mamuli o ka ho he wale o keia poe kanaka, a owai iwa ena oukou e aa ana e hoopakele ia Rebino.

       Ua oi loa aku ka pono ina o kekahi o kakou ke make mamua o kona make ana, a ua hilinai au ma kana mau alakai ana e loaa ai ia kakou ka lanakila.

       Aole a kakou mea e hana hou ae ai, aka, o ka lele kaua wale aku no me ka enemi, wahi i a kekahi alakai me ka leo kanalua.

       Aole anei he mea hou e ae kekahi a oukou i manao ai e hana i mea e pakele ai ke ola o Rebino?

       Aole! Oiai he wahi heluna uuku wa le no kakou i koe, a heaha ka mea hiki ia kakou ke hana aku?  He mea maopopo ua ikeia keia mau hoala kipi.

       A ke hopohopo nei au no ko kakou mau oia.  He hookahi wale o kakou alakai i pio, nolaila, aole ia he me no kakou e kanalua ai.

       E kau kakou i ka lele kaua ana a hiki i ka manawa kupono, alaila, e hoao hou no kakou.

       Aka, i na he mea kekahi maanei i manao ua aa ia e hoopakele ia Rebino, alaila, owau pu no kekahi e kokua, wahi a kekahi o na alakai.

       Owau pu kakahi no e hana, wahi a Anadarea.

       A mawaho ae o laua aohe mea i pa ne hou mai, nolaila, ike iho la no o Anadarea he poe hohewale no keia.

       Haawi aku la o Anadarea i na hoomaikai no ko lakou hele ana mai ma ia po, a hookuu aku la hoi ia lakou e hoi no ko lakou mau home.

       Kali iho la oia malaila a hiki i ka pau loa ana o kona mau hoa i ka nalo wale.

       Ia manawa me na kapuai kaumaha haalele iho la oia i kona wahi e ku ana, a hele aku la no kahi pupupu hale o kana mea i aloha.

       No ka hai ana aku i kana mea i alo ha ai e haalele aku i kona home, a e holo mahuka aku hoi no kona ola.

 

KA NUPEPA

KE ALOHA AINA.

       E Hooopuka mau ia aku ana mai ka Poakahi a ka Poalima o na pule a pau o kela me keia mahina.

       Ka Uku Pepa, he 20 keneta o ka pule.  No ke kope hookahi, he 5 keneta.

       E loaa no ka pepa mai ke Keena aku o KE ALOHA AINA, a mai ka lima aku o na Luna Lawe Pepa.

       E pai ia no na Olelo Hoolaha, na Kanikau me na Mele Inoa, me ka Dala kuike.  Aole nupepa ma ka owili pakahi e hoounaia ke ole e hookaa mua ia ka uku pepa.

       E hoouna pololei mai i na Nuhou na Kumumanao, na Olelo Hoolaha, na Kenikau a me na Mele Inoa i ka Lunahooponopono o keia Pepa.

       Aole loa e hoopukaia a hoolahaia kekahi manao ma na kolamu o keia Pepa, malalo o kekahi ino kapakapa ke ole e hoike mai i ka Lunaho ponopono i kona inoa ponoi.

 

K Nupepa Puka Pule

KE ALOHA AINA.

       Hookahi Makahiki                $2.00

       Eono Mahina                           1.00

       Ekolu mahina                            .50

       Hookahi Mahina                        .20

 

JOSEPH NAWAHI

Lunahooponopono a Puuku o

KE ALOHA AINA

EDWARD L. LIKE

Hope Puuku.

       O na kauoha Nupepa me na hookaa Dala, e hoouna pololei mai i ka Lunahooponopono ma Honolulu.

       KEENA HANA:  Aia ma ke Keena Loio o Joseph Nawahi, maluna o ka Hale Uinihapa o Mr. Damon, na ke kihi o na Alanui Moi me Betela, ma Honolulu

 

KUAI Hoopau!  Kuai Emi LOA!!

- AIA MA KA HALEKUAI -

KE OLA O HAWAII.

Helu 322.  Alanui Nuuanu.

 

       E HOOMAKA ANA keia kuai hoenui ma ka POAKAHI Sepatemba 9, 1895 - A e hoomau ia peia a hiki i ke hoopau loa ia ana o na Waiwai o ko makou Halekuai.

       E HELE mai me ka makaukau, a e loaa no na mea a pau i makemake ia me ke kulike me ko oukou makemake iho.

       MAMULI o heia mau ouli o ka manawa, ua manao makou, he me aono no makou, ke hoike aku no kei kuai hoopa ana, i loaa ua mea make pono ia ooukou e hiki ai ke makahe@ nui no ka pomaikai uha laki e loaa ana ia oukou i keia wa.

M. E. SILVA

Luna Nui.

Honolulu, Sepatemaba 6, 1895.

 

Olelo Hoolaha.

       Ke kauoha ia aku nei oukou e na mea i Hui o Ulumalu e lawe mai i ko oukou mau kuleana io, mai na Palapala Kuai a me na Hao Kuni imua o na Luna Nui o ka Hui.  Iloko o na la he kanakolu mai keia Sept. 14, 1895, a hiki i Oct. 16, 1895.

Ma ke Kauoha a ka Hui,

                                  J. H. Nui.

Peresidena o ka Hui o Ulumalu.

Honolulu, Sept. 27, 1895.                         1 month weekly

 

He Kuai

Makepono Loa!

He Kuai Hoopau aku i na Waiwai o na ano a pau loa ma ka

HEIAU O NA PAIKINI.

Ka Halekuai Kaulana loa o

M. G. SILVA

HELU 519, ALANUI PAPU.

 

       O NA WAIWAI a pau loa e kuai ia aku ana ma ke kumukuai emi loa, kohu haawi wale ke ano.  E hoomaka ana ma ka Poakahi SEPATEMABA 2, 1865, i mea e kaawale ai ai ka hale no na waiwai hou loa e komo mai ana i ka mahina o Okatoba, 1895.  He 50 pa keneta hoemi e kuai ia ai ma no ano waiwai a pau.

       O NA LOLE huluhulu pii $1.00 o ka i-a, oa hoemiia no 90cts. 75cts. 65cts, a me 25cts o ka i-a.  Heaha ia ko oukou manao no keia ano kuai emi loa?

       O na Lole Huluhipa Kahakahana, mai ke 50 a 60 kenet o ka i-a.  O na Keokeo Maka lena kahakaha, a me na Lole Lilina Keokeo he 6 i-a no ke dala, e kuai ia aku ana no ka @ i-a i ke dala.

       He nui na kamaa o na Lede e kuaiia ana me ka emi loa.  O na Palemai o na Lede me na Keonimana, na tawele, na uhi pakaukau, na kihei moe me na paku makika, e kuaiiaana me ka emi loa.

       NA PAPALE o na Wahine na Keo imana me na Keiki, e hooliloia aku ana mea haa haa loa i ike ole ia mamua aku nei.

       He hooili Kaua Kuloko keia ano hana ma Makou Halekuai i ka la 2 o Sepatemaba ae nei.  He aumeune ke kuai ana o ia ia, aia no i ka aoao e lilo ai me ka eleu me ka miki ila.  E liuliu oukou a e malama i na darci no a la o ka makepono.

Owau no, M. G. SILVA,

       Aug. 22, 1895.

 

Huluhipa Maikai no ke Kapa Apana.

       UA MAKAUKAU ka mea nona ka inoa malao iho nei e hoolawa aku i na hulu hipa maikai loa no ka hana anai na kana apana no na home o na mea a pau loa ma Hawaii nei.

       He oluolu ke kumukuai, he 20 keneta o ka paona hulu hookahi.  E hoouna mai i ka oukou mai kauoha ia'u ma Waimea, Hawaii, a i @ ia e waiho ae paha i ke kauoha ma ke Keena o KE ALOHA AINA ma Honolulu, ae hookoia ho ka hikiwawae loa.

Owau no H. AKONA,

       Waimea, Hawaii, Augate 26, 1895.          3m

 

I KA LEHULEHU.

       Ua wehe ae nei au i ko'u keena ma ke alanui Betera, Helu 113, Honolulu, ne mau Waiwai Ano Hou e pili ina i na.

 

MIKINI HUMUHUMU LOLE.

       na ia Mikini e hana i na ao hana a pau i oi ae mamua o na Mekini e ae e hoohahala nei i keia manawa.

       Ke kono aku nei au i na makamaka @ kipe mai ma ko'u keena nei, a e ike kumaka no lakou iho i keia ano Mekini helu ekahi a SINA, nona ke kaulana i haawi ia na makan he 54, na ke hoikeike nui o Kikao, Ill., a i @palue ia noi na haawina holomua namua o na ano Mekini e ae.

       E kipa mai, a e loaa no na Mekini helu ek@ ko oukou mau home.

B. Bergersen.

 

Hui Hawaii o Na Mea Hoonani.

 - ole -

       E kuai ma ana au, a e hoolilo aku ana hoi na mea hoonani Hawaii o na ano a pau loa.  A peia no hoi, e hoopukaia ana na Kauoha no na peahi, na pipale, na moena a me na hina.

       Aia keia wa@ ma ke Alanui Moi, ma ka aoao hauka mai o ka Halekuai KA REPUBALIKA.

Harry Saylor

Lunahoohana.

       Honolulu, Aug. 5. 1895.